• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

وەزارەتی زانست: بەرەوڕوو بوونەوە لەگەڵ خوێندکاران لە دەسەڵاتی زانکۆکان دایە

زایینی: ٠١-٠٥-٢٠١٢ - هەتاوی: ١٣٩١/٠٢/١٢ - ١٣:٢٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
وەزارەتی زانست: بەرەوڕوو بوونەوە لەگەڵ خوێندکاران لە دەسەڵاتی زانکۆکان دایە
کوردستان میدیا: بێ‌حورمەتی و لێدانی خوێندکاران لە یەکێک لە زانکۆکانی تاران، بە بیانووی بێ‌حیجابی پەرەی سەندووە.


وەزارەتی زانستی رێژیم، پاش لێدان و بێ‌حورمەتی کردن بە کۆمەڵێک لە خوێندکارانی زانستگای "روودی‌هێن" بە بیانووی پاراستنی حیجاب، رایگەیاندووە، بەرەوڕوو بوونەوە لەگەڵ خوێندکارانی لە ئەستۆی زانستگاکان داناوە.


لە درێژەی چەند رۆژی رابردوودا دوو خوێندکاری کچ و خوێندکارێکی دیکە کوڕ لە زانستگای روودی‌هێنی تاران لەلایەن حەراسەتی زانستگاوە بە بیانووی ئەوەی کە جلوبەرگی نالەباریان لەبەر کردووە، کەوتوونەتە بەر لێدان و بێ‌حورمەتی.


رێژیمی ئیسلامیی ئێران لە مانگی بەفرانباری ١٣٨٤ی هەتاوی بە پەسند کردنی گەڵاڵەی "پەرەپێدانی فەرهەنگی عیفاف و حیجاب" لەلایەن ئەنجومەنی بەرزی شۆڕشی فەرهەنگییەوە، خولێکی نوێی لە چوارچێوەدار بوون و سەرکوتی ئازادییە مەدەنییەکانی هاووڵاتییان، دەستی پێکردووە.


غوڵامڕەزا خاجە سەروی، جێگری فەرهەنگیی وەزارەتی زانست، دەڵێت: زانستگاکان بە پێی بڕیارەکانی پێشویی وەزارەتی زانست لە پێوەندیی بەرەوڕوو بوونەوە لەگەڵ عیفاف و خۆداپۆشین، دەجووڵێتەوە.


ئەم لێپرسراوەی وەزارەتی زانست، لە درێژەدا دەڵێت: بەرەوڕوو بوونەوە لەگەڵ خوێندکارە بێ‌حیجابەکان پێوەندیی بە یاساکانی نێو زانستگاوە هەیە و لە دەسەڵاتی زانستگاکان دایە.


شێوازی پۆشینی جلوبەرگ یەکێک لە مافە بنەڕەتی و جیا نەکراوەکانی هەر تاکێکی کۆمەڵگایە و هیچ کەس و گرووپێک مافی دەستێوەردانییان تێیدا نییە.


جاڕنامەی گەردوونی مافی مرۆڤ لە بەندی دوانزەدا لەسەر ئەوە پێداگری دەکاتەوە کە هیچ کەسێک مافی ئەوەی نییە لە ژیانی تاکەکەسیی خەڵک دەستێوەردان بکات و هەڕەشە لە شەرافەت و ناو و نەریتی کەسانی دیکەدا بکات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک