• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٤ی دێسامبری ٢٠١٧ی زایینی - ٢٣ی سەرماوەزی ١٣٩٦ی هەتاوی  

شامی غەریبان و هەڵپڕووكان و وەرینی گەڵاكان ( مامۆستا حەسەن شیوەسەڵی، بەشی سێهەم و كۆتایی)

زایینی: ١٢-٠٥-٢٠١٣ - هەتاوی: ١٣٩٢/٠٢/٢٢ - ١١:٥٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
شامی غەریبان و هەڵپڕووكان و وەرینی گەڵاكان ( مامۆستا حەسەن شیوەسەڵی، بەشی سێهەم و كۆتایی)
دەقی نووسراوەی فایلی دەنگی مامۆستا مەلا حەسەن شیوەسەڵی (بەشی سێهەم و كۆتایی)

مام هێمن و هاوڕێیان شێویان نەخواردبوو چاوەڕوانی بێهرووز و جەلالی بوون كە بەداخەوە جەلال هەرگیز نەگەڕایەوە، ئاوێكی ساردییان داینێ‌ئاو نەبوو گەوهەر بوو، شەراب بوو فێنكایی رووحی بوو، حەریف قادری ویستی نانی دانێ‌مەنجەڵێكی فافۆنی لەو راوە هێناو لەسەر ئاوەرەكەی دانا، لەو كاتەدا دوو جێتی جەنگی بەسەر ئێمەدا خوشان گرشە و چرقچژنی جێتەكان لەدۆڵ و شێوەكاندا دەنگی دایەوە، ناگێرمەوە زۆر وەحشەتناك بوو، هاوڕێیان فەورەن ئاوەرەكەیان كووژاندەوە، مامە هێمن وتی: ئێمە رێبوارین زوو پاروەك نان بخۆن هەر بێهرووز بگەڕێتەوە بەرەو مەقسەد وەرێ‌دەكەوین، جێتەكان تەقەیان نەكرد زۆر زوو ون بوون، بەڵام رۆژێ‌دواتر واوانیان بەخستی بۆمباران كرد، ئاور نەمابوو چێشتی لەسەر گەرم كەنەوە، ناچار مەنجەڵەكەیان لەگەڵ هێندێ‌نانی رەق لەپێش جەماعەتەكەیدا دانا لەنێو مەنجەڵەكەیدا هێندێ‌برینجی سارد بووە هەبوو، ئێمە كە ئێگجار زۆر برسی بوون دەستمان كرد بە قرتاندنی نانە رەقەكەی و خواردنی برنجە ساردەكەی، مام هێمن و وان هێشتا دەستیان بەنان خواردن نەكردبوو حەریف قادری كە چاوی بە برینجی نێو مەنجەڵەكەی كەوتەوە وەك ئەوەی كە تازە بە برینی خۆی زانیبێ‌بەهەر دوو دەستان بەسەری خۆی دادا و بەهەموو توانایەوە لەبانگی دا و وتی: ئەوە ئەو برینجەیە كە نیوەرۆ جەلال لێنابوو، گریانی خەریف قادر هەمووی ئێمەی گریاند، ئەمن كە لەپێشدا لە دوورەوە شامی غەریبانم دیتبوو، ئێستا بەكردەوە بۆ خۆم لەنێوكۆڕی شامی غەریباندا بووم بەڵی ئەوە كۆڕی شامی غەریبانی بەراستی بوو...

دۆست و دوژمن لەسەر پێكهەڵپڕژانی ئەو رۆژەی داوەریان كرد بەشاهیدی دۆستان و دوژمنان ئەو رۆژە رۆژی سەركەوتنێكی گەورە بوو، بەڵام لەبەر چاوی من نەك تەنیا سەركەوتن نەبوو، بەڵكوو نەوعێك تێكشكان بوو چونكە ئەمن بەدڵ خۆم بەتاوانبار دەزانی ئەو ئاورە ئەمن هەڵم هایساندبوو و ئێستاش كە سی و چەند ساڵ بەسەر رووداوەكەیدا تێدەپەڕێ‌خۆم وەك تاوانبارێك دێتە بەر چاو و شانۆی ئەو چنگەپرچەی ویژدانم ئازار دەدا، هەر وەك كە كاك سەلاح قەڵادزەیی كە ئەو رۆژەی لەزیندانی پادگانی سەردەشتێ زیندانی ببوو پێش ئیعداتم بۆچەند ساعەتێك جەلالیان بردبووە لای ئەوان و دوای بۆمنی گێڕایەوە هەر ئەو شەوەی زۆر بەربەڕیانە زۆر وەحشیانە و زۆر دڕندانە، بێ‌دادگایی و بێ‌محاكمە كردن جەلالیان شەهید كردوو تەرمەكەشی نەبیندرایەوە و گڵكۆكەشی هەتا ئێستا دیار نیە.

ئەوە ئەوەڵین و دوایین شاكاری كۆماری ئیسلامیی نەبووسەدان و هەزاران دەستە گوڵی دیكەی لە كوردستانێ دا بەئاو دادا، بسم اللە تازە سەرەتای كارەسات و جینایەتەكان بووئێستا وەرزێكی دیكە لەخنكاندنی بێ موحاكمەی ئەسیران و كوشتاری تێكڕایی زیندانیان و كۆمەڵانی بێ تاوانی كوردستان دەستی پێدەكرد بەدوای بێ سەرو شوێن كردنی جەلالی دا دەیان و سەدان زنجیرەی كوشتاری تێكڕایی و رەشەكوژی جینایەت و كاولكاری بێپسانەوە بەدوای یەكترداهاتن ، زۆر شاروگوند بەخوێن سووركران زۆرباغ و رەز سووتێنران زۆرلە جەنگەڵ ودارستانەكان گڕیان تێبەربوو، سروشتی كوردستان هەڵدڕ هەڵدڕ كرا، تەنانەت سەری كێوە بەرزەكانیش داڵان داڵان وكون كون كران وكرانە بەمەتەرێزی زیندەوەركوژی و كورد كوژی، بەڵام بە دانی باجی یەكجار زۆر ئێستا بەكردەوە شەڕی سێ مانگە لەهەموو نوقتەكانی كوردستان دەستی پێكردبوو بەڵام بە ئیعترافی پەیتا پەیتای رۆژنامە رەسمی دەوڵەتیەكانی ئەو كاتەی ( سەردەشت مەیدانی گەرمی جەنگ ) نێو دەبرا.لە سەر شەڕی سێ مانگە كەسانێك شتیان نووسیوە ، بەڵام زۆربەیان لەگۆترە نووسراون و لەگەڵ راستی یەكتر ناگرنەوە .

لەشەڕی سێ مانگە دا لەسەرتاسەری نوقتەكانی كوردستان دائێمە كێشراینە نێو شەڕێكی نەخوازراوەوە رۆڵەكانی گەلی كوردبەتێكڕایی دەستیان لەسەر دەست دانەنا، لە هەموو نوقتەكانی كوردستان دا بەگژ زۆرداران دا هاتنەوە ئەو فیداكارییە و لەخۆبردووییە بووە بەهۆی ئەوەی كەدوژمن مل بۆ وتووێژ رابكێشی ،سیمای ئاشتیخوازانەی كوردەكان زۆربە روونی دەركەوت ، ئەوان بەتەواوی سابتیان كرد شەڕخوازنین دوای پشوویەك كە بەباوەڕی زۆركەس بەقازانجی هەردووك لاو زۆرتر بەقازانجی دوژمن بوو جارێكی دیكە جمهوری ئیسلامی بەهێزی تەیارترو پشتیوانی زۆرتر، بێڕەحمانە تر، ملی بەكوشتار وەنایەوە. بەداخەوە ئەوجار شەپۆلی نیوەسوور و كاڵ بووەوەو رەنگ پەڕیوی بەشێك لە پەیڕەوانی بیرۆكەی ئینترناسیونالیستی بەناو چەپی ئێرانێی لەگەڵ بوو، ئەگەرچی ئەو شەپۆلە بەهێز نەبوو ، بەڵام لە كوردستان دا بەشێ خۆی پچڕی .لێرەدا وەك پێ لە جەرگی خۆم بنێم پێموایە ، بەڵام بەداخم كە نیوەی ئەو گرووپە كەمن هاومەتەرێزی ساڵەهای ساڵ و شان بەشان و دۆستی نزیكی خۆم بوون ، وە لە زۆر بواردا وەك مامۆستا و جگەرسۆزی خۆم حیسابم بۆدەكردن و ئێستاش پاش نەمانیان رێزم بۆیان هەیە .

تا كۆتایی شەڕی سێ مانگەو دەسپێكرانەوەی بەرەنگاریی تازە تەنیا ژینۆسایدی قاڕنێ و قەڵاتان رووی دابوو،لە قۆناغەكانی شەڕ فرۆشیی كۆماری ئیسلامی دا دەیان ژینۆسایدی گەورە رووی دا عێراق وئێران بەشەڕهاتن، جەلادانی نێوسوپای ئەو دوو وڵاتەی گۆرانی مەرگ و كۆمەڵكوژییان لەبەریەكتر دەگێڕایەوە، ئەو جارنۆبەی سەدام و دارو دەستەكەی بوو ئەوان رووهەڵماڵاوانەتر دەستیان پێكرد.داستانی وەحشیانەو پڕلە شەرم و شوورەیی ئەنفالیان لەمێژووی خۆیاندا تۆماركرد. زۆركەسیان دەرمانداو كرد. گازی خەردەل و بارانی زەردیان بەسەرهەڵەبجەو سەردەشت ودەیان جێگای دیكەی كوردستان دا باراند.گوڵ وگیاو دارو دارستان وجەنگەڵەكانیان بە كیمیاباران هەڵپرووكاندن ، بەڵام بە خۆشی یەوە كورد هەرماوەو لەسەر خەباتی خۆی هەروا بەردەوامەو تاگەیشتن بەئامانجەكانی هەروا بەردەوام دەمێنێتەوە. لە پاراگرافەكانی دوایی باسەكەیدا ئەمن درێژدادڕیم كرد.

ئێستا سەرنجی ئازیزانم بۆ لای كۆڕەكەی رادەكێشمەوە.پێمخۆشە وێڕای خۆشەویستانم یادێك لەكۆچ كردووەكان بكەینەوە.ئەو هاورێیانەی كە لەسەر سفرەی هەژارانەی نێو ماتەم و تاریكی دا لەدەوری یەكتر هەڵكورمابوون وە لە ئێوارە شامی غەریبان دا بە كردەوە بەشداریم كردو پارووی تفت و تاڵی خەم و پەژارەم قووت داو شەربەتی داخ و كەسەرم نۆشی .

جەلال بێ سەرو شوێن كرا، تەنیا یادە پیرۆزەكەی بوو كەتاریكی سەركۆڕەكەی تاریكتركردبوو. بەتەرتیب شەهیدان مەلا خدرو برایم وحاجی لە گۆڕەپانی شەڕی تاریكی و رووناكی دا گیانیان فیدای نیشتمانیان كرد. دڵسۆزو نیازپاك كاك عەلی حەسەنیانی لە تاراوگەو غەریبایەتی و بێكەسی دا ماڵئاوایی خواست .مام هێمن بیست و حەوت ساڵ و چەند رۆژێك لەمەوبەر لەزێدی خۆیدا سەری نایەوە، ئەگەرچی مام هێمن لەسەر شانی لاوانی نیشتمانپەروەرو لەنێوكۆڕی تازییەبارانی راستەقینەی خۆیدا بە ئەو پەڕی رێزەو بە خاك سپێردرا، بەڵام بە راشكاوی دەتوانم بڵێم ئەویش لە نەوعێك غەریبایەتی دا سەری نایەوە . مام هێمن نابەدڵ مرد. ئەو بەهەموو توانایەوە بێزی لە ریش و پەشم و چەكمەی ئاخوندانی حاكم هەڵدەستا .ئەو هەرگیز نەیدەویست لە نێو جەوی قەدەر قودرەتی ژێردەسەڵاتی پانئیسلامیزمی كۆماری ئیسلامی دا ماڵئاوایی لەژیان بكا.

دواتر بۆ خۆم مردم، باشترە بڵێم مندار بووم، مام هێمن گوتەنی : مردووەكانیش دیسان مردن. بە تیرۆری رێبەرانی سەركردە ئەمنی زۆر جار مردوو چەندین جاری دیكەش مردم ، ئێستا مردووم و بەشی زیندووان دەخۆم . حەریف قادریش پاش یەك تەمەن پێشمەرگایەتی لەو دنیایەی دەرچوو و مرد.ئاخرین كەسی ئەو كۆڕە ماتەمینە كاك سولەیمانی چیڕە بوو كە پاش بەربەرەكانیەكی زۆر لە گەڵ نەخۆشیەكی ئاستەم ،بەداخەوە ئەویش لە غەریبایەتی دا كۆچی دوایی كرد. ئاوبراو ئاخرین گەڵای هەڵوەریوی شاخەی كۆڕی ئەو شەوەیە . رۆحی هەمووانیان شادبێ .
لەسەرەخۆشی كاك سولەیمانی چیڕە دا زۆر حیزب و سازمان و لایەنی جۆراوجۆر و كەسایەتی كوردو غەیرە كورد بەشدارییان كرد زۆر شێعرو پەیام خوێندرانەوە كەسانێكیش هەبوون لەگەڵ خوێندنەوەی پەیامەكانیان دا گریان . سەرەخۆشی كاك سولەیمانی چیڕە بەو بەرینی و هەراوییەی كە نەوەدو هەشت تا نەوەدو نۆ لەسەدی كورد بوون ، دەرسێكی گەورەی تێدابوو .ئەزموونێكی هێژای وەبیر ئێمە هێنایەوە . ئەو دەرسە ئەوەبوو كە بێجگە لەدەستی خۆت هیچ دەستێكی غەیرە پشتی تۆ ناخورێنێ .

سولەیمان بە كردەوە بەو ئەزموونەی دا تێپەڕببوو ئاگاهانە باوەڕی بەو ئەزموونەو چەند ئەزموونی دیكەش هێنابوو.تەركیبی ئەو كۆڕە ماتەمینەی وە لێكهاڵانی كوردەكان لە دەوری یەكتر بەم هەراوییەی جارێكی دیكەش ئەو راستیەی سەلماند كە كوردەكان یا هەرمیلەتێكی چەوساوە و ناكامی دیكە دەبێ تەنیاوتەنیا پشت بە دەست و بازوو و ئینێژی و توانای زاتی خۆیی و یارمەتی بێ قەیدو مەرج و هیمەت و جوامێریی دڵسۆزانەو بێڕیای نیازپاكانی راستەقینەی سەر ئەو عەرزەی ببەستی و بەس . خۆزگە ئەو هیپۆكراتانەی بە فریوكاری و فرت و فێڵی جۆراوجۆر منداڵی میلەتانی ژێر چەپۆك بە گژ یەكتردا دەكەن رۆژێك لە ڕۆژان ویژدانی خرپ خەوتوویان لە خەو راچڵەكی بایە و بەیەكجاری وازیان لەو بازرگانیە نالەبارەی هێنابایە .دیسان دووپاتی دەكەمەوە یا خوا ئەوانەی بازرگانی فرمێسك و خوێنن شەرمەندەی هاوار و ناڵەی میلەتانی بێ پەنا بن .

رێكەوتی ٢٣ی ئاوریلی ٢٠١٣ی زایینی

دابەزاندن لەفایلی دەنگییەوە بۆ تێكست : هێرش كەریمی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٤ لەم ژمارەیەدا:

ــ قاسملوو، پرسی ژن و ڕاسان
ــ ڕاسان و پێشمەرگە
ــ ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
ــ بورجی بابل
  • مەرگی نووسەر مەرگی نووسەر
    ئه‌وه‌ ده‌زانین ده‌ق، بە تەنیا بە دێڕێک ناڵێن کە لە لێزگەیەک وشە پێکهاتبێ که‌ واتایه‌کی ئاسمانی ("په‌یام"ی نووسەر-خودا)ی لێوه‌ده‌رچێ؛ به‌ڵکوو که‌شایه‌کی فره‌رەهەندە،‌ له‌ کۆمه‌ڵه‌ نووسینێکی جۆراوجۆردا، که‌ هیچ کامیان خاوەن رەسەنایەتی نین، له‌وێدا تێکه‌ڵ به‌ یه‌ک ده‌بن و له‌یه‌ک ده‌نگوێن.
  • سامانی وڵات بۆ تیرۆریستان، وێرانی و دواکەوتوویی بۆ کوردستان سامانی وڵات بۆ تیرۆریستان، وێرانی و دواکەوتوویی بۆ کوردستان
    ئێستا دوای تێپەڕبوونی ماوەیەکی زۆر لە ڕووداوەکە، خەڵکی ناوچەکە لە زۆر ڕووەوە لە ژێر گوشاردان و سەرمای زستان و باران لەلایەک، نەبوونی خانوو یان تەنانەت لە هەندێک شوێن خێوەتیش لەلایەکی‌تر خەڵکی نیگەران کردووە.
  • راسان و پێشمەرگە راسان و پێشمەرگە
    لە راساندا گۆڕەپانی خەبات ئەوەندە بەرفراوان بووە كە دەرفەتی بۆ یەك بە یەكی ئەندامانی كۆمەڵگا رەخساندووە تاکوو بەپێی شوێن و رێگەی خۆی هەنگاو بنێت و هیچ جیاوازییەك لە بواری ئەرك و جێبەجێ كردنەوە بوونی نییە، تەنیا ئەوە پێویستە ئەو كردارە لە خزمەتی رزگاركردنی نەتەوەدا بێت.
  • بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا بوومەلەرزەی ڕۆژهەڵات و پێکدادان لە نێوان ناسیۆنالیزمی ئێرانی و کوردیدا
    هەموو لایەک دەبێ باش بزانن کە شارستانیەت و کولتوور شتی دینامیکن و لە رەوتی مێژوودا دەتوانن تووشی ئاڵوگۆڕ بن، بەرز بن یان لەنێوبچن.
  • زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن زەمەن تێدەپەڕێ و لێقەوماوانی کرماشان هێشتا بێ‌ماڵ و حاڵن
    دوایین ڕاپۆرتە پێوەندیدارکان بە بارودۆخی ژیان پاش بوومەلەرزەی ٢١ی خەزەڵوەر لە پارێزگای کرماشان کە زۆرتر له ١٠هزار کوژرا و بریندا لێکەوتەوە، دەری دەخات کە سەرباری تێپەڕینی زۆرتر له سێ هەفته بەسەر ئەم تراژێدیا، هێشتا هیچ هەنگاوێکی شوێندانەر بۆ ساڕێژکردنەوەی برینی زامداران هەڵنەگیراوە.
  • کارەساتی بومەلەرزه لە کرماشان و بێخەمیی ڕێژیم کارەساتی بومەلەرزه لە کرماشان و بێخەمیی ڕێژیم
    ئەمە لە حاڵێکدایە کە بەشێکی کەم لە ماڵە ڕووخاوەکان پشکێندراون و ئاماری بی سەروشوێنەکان هێشتا دیار نییە و مەزەندە دەکرێ کە ئاماری کوژراو و بریندارەکان زۆرتر بێت.
  • قاسملوو، پرسی ژن و ڕاسان قاسملوو، پرسی ژن و ڕاسان
    لە ئاخاوتنێکدا لە ٨ی مارسی ١٩٨٩ی زایینیدا، دوکتور قاسملوو پێداگری لەسەر ئەوە دەکا کە "خەبات بۆ ئەوەی ژن مافی خۆی وەربگرێ، بە هیچ شێوەیەک جودا نییە لە خەباتی میلەتەکەمان بۆ دێموکراسی و خودموختاری."
  • یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن یاسا هەڵاواردەکان ساڵانە میلیاردها دۆلار زیان بە رۆژهەڵاتی ناوەراست دەگەیەنن
    چونکە تا کاتێک ژنانی عەرەبستان بتوانن بە بێ مۆڵەتی پیاوی بنەماڵە – باوک، هاوسەر، جاری وایە تەنانەت کوڕەکەی خۆی – کار بکەن، بڕۆنە سەفەر، کاروباری یاسایی ئەنجام بدەن و بەشێوەیەکی دیکە بەشداری لە ژیانی کۆمەڵایەتی بکەن، وڵات ناتوانێ هەست بە هێزی ئابووری نیوەی دیکەی کۆمەڵگا بکات.
  • ئێرە ڕۆژهەڵاتە بە کاتی کرماشان ئێرە ڕۆژهەڵاتە بە کاتی کرماشان
    لە چەند ڕۆژی ڕابردوودا بەردەوام باس له نەبوونی خزمەتگوزاری و گوێنەدانی بەرپرسانی ڕێژیم لەو بارەیەوە کراوە بەچەشنێک کە نەتەنیا یارمەتی بە خەڵک نادەن بەڵکوو تەنیا بۆ سەیر و سیاحەت دەچنە شوێنی بوومەلەرزەکە؛ ئەو باسەش لە ڕاگەیەندنەکانی ڕێژیم لەوانەش "ایرنا" و "ایسنا" بڵاو بووەتەوە هەروەها هەندێک لە ڕۆژنامەکانی ڕێژیم وەک "ابتکار" بە تیتری گەورە نووسیان "تور زلزلە گردی!" .
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    واتای دووهەم: ئەو ڕێژە ئاوە، بۆ وەدیهێنانی خواست و ویستی کۆماری ئیسلامی زۆر کەمە، واتە ژینگە گەورەترین بەربەستی سەر ڕێی کۆماری ئیسلامییە بۆ وەدیهێنانی خەونەکانی.
  • ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن ڕێبەڕیی لێبڕاو و هێزی پێشمەرگەی کاریگەر زامنی سەرکەوتنن
    شەڕی داگیرکەرانی کوردستان بەرامبەر بە نەتەوەی کورد بە گشتی و هێزی پێشمەرگەی کوردستان بەتایبەتی، تەنیا بە ڕوبەڕووبوونەوەی نیزامی نەبەستراوەتەوە بەڵکوو دوژمن لە ڕێگای جیاجیا و یەک لەوان پڕوپاگەندەی بێبنەما بەردەوام هەوڵ دەدات پرش و بڵاوی لە نێو ماڵی کوردان دروست بکات تاکوو بەمشێوەیە زیاتر بتوانێت بە ئامانجە گڵاوەکانی بگات.
  • بورجی بابل بورجی بابل
    رووداوە کۆنە مێژووییەکان و تەنانەت ئوستوورەکانیش دەڵێن بۆ ئەوەیکە کۆمەڵگایەک لاواز بکەی تاکوو خۆی بەرەو پووکانەوە بڕوا، باشتر وایە کە ئاژاوەی تێ بخەی و خۆیان بە خۆیانەوە سەرقاڵ بکەی تاکوو هەم گرفتە سەرەکییەکە لەیاد بکەن و هەم تەنیا بە نێوخۆیانەوە خەریک بن و خۆیان ببنە هۆکاری داڕزاندنی خۆیان.
  • عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ عەلی ئەشرەف مورادی: ئەو ڕێژیمە، کارەساتەکانیش بە دەرفەتێک بۆ سەرکوت، چەوساندنەوە و تۆڵەئەستاندنەوە لەو گەلە مافخوازە دەزانێ
    لە پێوەندی لەگەڵ زەویلەرزەی پارێزگای کرماشاندا، بەرێزعەلی ئەشرەف مەجیدی، ئەندامی جێگری کۆمیتەی ناوەندیی حیزبی دێموکراتی کوردستانی ئێران وڵامی چەند پرسیارێکی ڕۆژنامەی کوردستانی داوەتەوە کە سەرنجتانی بۆ ڕادەکێشین:
  • دانیشتن لەگەڵ ئۆپۆزیسیۆنی ئێرانی و چەند سەرنجێک دانیشتن لەگەڵ ئۆپۆزیسیۆنی ئێرانی و چەند سەرنجێک
    بەڵام وتووێژ و کارکردن لەگەڵ ئۆپۆزیسیۆنی ئێرانی لە هەندێک بابەت دا زۆر جیاوازییەکی لەگەڵ قسەکردن لەگەڵ ڕێژیمی کۆماری ئیسلامی دا نییە بەڵکوو لەوانەشە خەساری زۆرتر بێت؛ بۆیە لە پێوەندی لەگەڵ ئەو نزیک‌بوونەوە پێویستە چەند خاڵ بەم شێوەی خوارەوە لە بیر نەکرێن.