• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

حوکمی ٥ ساڵ زیندان بۆ هاووڵاتییەکی سەقزی بـڕایەوە

زایینی: ٠٥-٠٥-٢٠١٢ - هەتاوی: ١٣٩١/٠٢/١٦ - ١٩:٠٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
حوکمی ٥ ساڵ زیندان بۆ هاووڵاتییەکی سەقزی بـڕایەوە
کوردستان میدیا: هاووڵاتییەکی خەڵکی سەقز، لەلایەن دادگای شۆڕشی ئەو شارەوە بە ٥ ساڵ زیندانیی تەعزیری مەحکووم کرا.


بەگوێرەی راپۆرتی هەواڵدەریی کوردپا، "محەممەد عەزیزی" تەمەن ٣٠ ساڵ و خەڵکی گوندی "کاوملە"ی سەربە ناوچەی سەرشێوی سەقز لە زستانی ساڵی ١٣٨٧ی هەتاوی، لەلایەن هێزە ئەمنیەتییەکانی رێژیمی ئیسلامیی ئێرانەوە لە گوندی "مەرخوز"ی سەر بە ناوچەی "گەورکایەتی"‌ی سەقز دەسبەسەر کرا.


محەممەد عەزیزی لەلایەن دادگای سەرەتاییەوە حوکمی ٦ ساڵ زیندانی تەعزیریی بۆ بـڕاوەتەوە و دواتر لە دادگای پێداچوونەوە ئەو حوکمەی پەسند کردووە.


یەکێک لە کەسانی نزیکی بنەماڵەی محەممەد عەزیزی بە سەرچاوەکەی گوتووە، ئەو حوکمە لە ئەنجامی ناڕەزایەتیی ئەو هاووڵاتییە کوردە و پارێزەرەکەی، رەوانەی دادگای بەرزی وڵات کراوە و دواتر لەلایەن ئەو ناوەندەوە، حوکمەکەی بۆ ٥ ساڵ زیندانیی تەعزیری کەم کراوەتەوە.


کەسێکی نزیکی ئەو هاووڵاتییە کە نەویستووه ناوی ئاشکرا بکرێت، گوتوویەتی: محەممەد عەزیزی لەگەڵ برایەکی دیکەی بە تاوانی ئەندامەتیی لە حێزبێکی کوردیی دژبەری رێژیمی ئیسلامیی ئێران دەسبەسەر کراوە.


هەر لەو پێوەندییەدا جەماڵ عەزیزی برای محەممەد عەزیزی زستانی ١٣٨٧ی هەتاوی دەسبەسەر کرابوو کە پاش تێپەڕاندنی ١ ساڵ زیندانی ئازاد کراوە.


محەممەد عەزیزی پێشتریش بە تاوانی ئەندامەتیی لە حیزبێکی کوردی دژبەری رێژیمی تاران نزیک بە ١٢ ساڵ لەمەوبەر حوکمی ئیعدامی بۆ بڕابۆوە، بەڵام دواتر لەلایەن دەزگای قەزاییەوە حوکمەکەی دەکرێ‌ بە ١٥ ساڵ زیندانی و پاش تێپەڕاندنی ٨ ساڵ لەو پازدە ساڵە، ئازاد دەکرێت.


ئەو هاووڵاتییە کوردە ئێستا لە زیندانی ناوەندیی شاری سەقز ماوەی حوکمەکەی تێپەڕ دەکات.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا