كوردستان میدیا: كۆمیتەی بڵاوكراوەكانی یەكیەتی خوێندكارانی دێمۆكراتی كوردستانی ئێران كتێبی بیرۆكەكانی قاسملوو لەبارەی دێمۆكراسی بۆ ئێرانی فرەنەتەوەی بەزمانی فارسی چاپ و بڵاو كردەوە.
بەپێی هەواڵی ماڵپەڕی كوردستان میدیا، كتێبی بیرۆكەكانی قاسملوو لەبارەی دێمۆكراسی بۆ ئێرانی فرەنەتەوە لەلایەن عەلی مونەزەمی بە زمانی ئینگلیزی لە ساڵی ٢٠١١دا نووسراوە و لەلایەن كەیهان یووسفیەوە كراوە بە زمانی فارسی.
ئەو كتێبە لە ١٦٨ لاپەڕە پێكهاتووە و ناوەڕۆكەكەی باس لەبیر و تێ‌‌هزرینەكانی د.قاسملوو لەپێوەندیی دێمۆكراسی دەكات.
كتێبی بیرۆكەكانی قاسملوو لەبارەی دێمۆكراسی بۆ ئێرانی فرەنەتەوە لەلایەن كۆمیتەی بڵاوكراوەكانی یەكیەتی خوێندكارانی دێمۆكراتی كوردستانی ئێرانەوە چاپ و بڵاو كراوەتەوە.