• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

رێگایەک بەرەو هەتاو

زایینی: ١٤-٠٣-٢٠١٢ - هەتاوی: ١٣٩٠/١٢/٢٤ - ٢١:٤١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
رێگایەک بەرەو هەتاو
ناسر ساڵحی ئەسڵ

نەتەوەی کورد لە کوردستانی ئێران وەک نەتەوەیەکی ژێردەستە و زوڵملێکراو، بەردەوام و بێ‌ پسانەوە بۆ دابینکردنی مافی نەتەوایەتی، بە کردەوە لە هەوڵی خەبات و تێکۆشاندا بووە. رۆڵە بە ئەمەگەکانی نەتەوەی کورد بە دژی دوژمنانی ئازادی، دێموکراسی و مافی نەتەوایەتی خەباتیان کردووە و لەم رێگایەشدا بەنرخترین قوربانییان پێشکەش بەم رێگا پیرۆزە کردووە. هەر بۆیە لە کۆمەڵگای کوردستاندا ئەو کەسانەی کە ئامادە بوون گیانی خۆیان لە پێناو ئەو ئامانج و رێگا پیرۆزەدا بەخت بکەن بە شەهید ناودێر کراون.

پاش سەرکەوتنی شۆڕشی گەلانی ئێران لە ساڵی 1357ی هەتاویدا، خەڵکی کوردستانی ئێران لە نەورۆزی خوێناویی 1358ی هەتاویدا بە نرخێکی زۆر گران توانیان لە بەرامبەر هێرشی دڕندانە و دژە مرۆییانەی رێژیمی کۆماری ئیسلامیدا راوەستن، تا لە خواستەکانی شۆڕشی گەلانی ئێران کە ئازادی و دێموکراسی بوو پارێزگاری بکەن. لە لایەکی دیکەوە کوردستان ببوو بە گۆڕەپانێک بۆ پەنادانی شۆڕشگێڕەکانی گەلانی ئێران کە لە دەستی جەللادانی رێژیمی خومەینی خۆیان دەرباز کردبوو.

نەتەوەی کورد لە کوردستانی ئێران لە پێناو ئازادی و دێموکراسی و مافی نەتەوایەتیدا زیاتر لە 50 هەزار شەهیدی داوە و زەرەر و زیانی ماڵیی بەرچاوی وێکەوتووە و بە هەزاران کەسی ئاوارە و دەربەدەر کراون، بەڵام هەرگیز سەری بۆ دیکتاتۆریی رێژیمی کۆماری ئیسلامیی ئێران دانەنواندووە و لە دێموکراسی و ئازادی و مافی نەتەوایەتیی گەلانی ئێران دیفاعی کردووە. لە مانگی رەشەمەی 1361دا هێزەکانی رێژیم پەلامارێکی پان و بەرینیان بۆ سەر کوردستان دەست پێکرد، کە ئامانجیان تەنیا هێزی پێشمەرگە نەبوو بەڵکوو بەچۆکداهێنانی خەڵکی کوردستان بوو. هێزە چەکدارە بەکرێگیراوەکانی رێژیمی کۆماری ئیسلامی لە رێکەوتی 9ی رەشەمەی 1361ی هەتاویدا، هێرشیان کردە سەر پێنج گوندی دەوروبەری نەغەدە و شاروێرانی مەهاباد و نزیک بە 40 کەسی بێدیفاعیان لە ژن و منداڵ و پیرەپیاو لە گوندەکانی دێلال چەرخ، سۆفیان، سەروکانی، کەرێزە، قەڵاتان شەهید کرد.

هەروەها هەر لە رێکەوتی 9ی رەشەمەدا، 12 کەس لە رۆڵە شۆڕشگێڕەکانی شاری سەقزیان بە تاوانی کوردبوون ئێعدام کرد.

ناوەکانی 9 کەس لە شەهیدەکانی شاری سەقز بریتین لە:
1ـ سەعید مورادخانی 2ـ سمایل فەیزی 3ـ عەلی مەولانی 4ـ حەمە چاخلونی 5ـ تەها فەرجیپوور 6ـ سەعید حوسێنزادە 7ـ ساڵح بەهرامی 8ـ فاتمە محەممەدی 9ـ شەهرام حەسەنی.

تەنیا تاوانی ئەو کەسانە ئەوە بوو کە ئامادە نەبوون دەسەڵاتی رەشی ئیستبدادی رێژیمی کۆماری ئیسلامی قبووڵ بکەن، هەر بۆیە وەبەر رق و قینی خومەینی و دارو دەستەکەی کەوتن و رێژیمیش بۆ بەرزراگرتنی ئەم تاوانە گەورانە، بکەرانی ئەم کارەساتەی‌ بە باشترین و بەرزترین پلە و پایە حکوومەتییەکان گەیاند.
رێژیمی کۆماری ئیسلامی بەم کردەوەیە دەیەویست نەک هەر جووڵانەوەی خەباتی پڕ لە شانازیی چەکداری لە کوردستاندا سەرکوت بکات، بەڵکوو گەلی راپەڕیوی کورد لە ئامانجە پیرۆزەکانی پاشگەز بکاتەوە و بە چۆکیدا بهێنێت. خومەینی بە ئاشکرا و بە کردەوە، دژی گەلی کورد فتوای جیهادی دابوو، چوونکە دەیزانی ئەوە کوردستانە کە لە بەرامبەر رێژیمی سەرەڕۆی ئاخووندەکاندا قارەمانانە راپەڕیوە و بەربەرەکانێ‌ دەکات و ئاڵای دیفاع لە ئازادی و دێموکراسی و مافی نەتەوایەتیی شەکاوە راگرتووە.

راستە نەتەوەی کورد لە کوردستانی ئێراندا بە درێژایی مێژوو لە پێناو وەدەستهێنانی مافە رەواکانیدا خەباتی کردووە و لەم رێگایەشدا قوربانی زۆر بە نرخی داوە. هەر بۆیە نەتەوەی کورد وەک گەلێکی زیندوو و شۆڕشگێڕ سەرەڕای تەواوی ئەو گوشار و جینایەتانە تەسلیم نەبووە، چوونکە رێنوێنییەکانی حیزبە پێشڕەو و شۆڕشگێڕەکەی «حیزبی دێموکراتی کوردستانی ئێران»ی بە گیان و بە دڵ وەرگرتووە و قارەمانانە لە مافی نەتەوایەتی و مافەکانی مرۆڤ دیفاع دەکات و تا دەستەبەرکردنی ئەو مافانە لە خەبات و تێکۆشان دەست هەڵناگرێت.




سه‌رچاوه‌: رۆژنامه‌ی‌ "کوردستان"، ژماره‌:576
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.