• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

ئۆختاپووسی تیرۆر جووڵایەوە

زایینی: ١٤-٠٣-٢٠١٢ - هەتاوی: ١٣٩٠/١٢/٢٤ - ٢٢:١٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئۆختاپووسی تیرۆر جووڵایەوە
سەلام ئیسماعیل‎پوور

ئاشکرابوونی پیلانەکانی تۆڕە تیرۆریستییەکانی کۆماری ئیسلامی لە وڵاتانی تایلەند، هێند، گورجستان و ئازەربایجان دژ بە ناوەندە دیپلۆماتیکەکان و بەرژەوەندییەکانی ئیسراییل لەو وڵاتانەدا، دەنگدانەوەیەکی بەربڵاوی لە ئاستی نێونەتەوەییدا لێ کەوتەوە.

لە نێوخۆی رێژیمیشدا سەرەڕای هەڵوێستی دەزگای سیاسەتی دەرەوە لەمەڕ رەتکردنەوەی پێوەندیی رێژیم لەگەڵ ئەم رووداوانەدا، بەڕێوەبەرانی دەزگای تیرۆر بە راشکاوی پشتیوانی و پێداگریی خۆیان لەسەر کردەوەگەلی لەو جۆرە راگەیاند و تەنانەت بە هەنگاوێک لە راستای گۆڕینی ئیستراتژیکی سیاسەت و هەڵوێستەکان و بەشێک لە باشقەی زاڵ بە سەر هەڵسوکەوتەکانی رێژیم لە بەرانبەر هەڕەشە و گوشارە بەربڵاوە نێونەتەوەییەکاندا لە قەڵەمیان دا.

خامنەیی، رێبەری رێژیم لە گوتاری نوێژی هەینیی 14ی رێبەنداندا بە راگەیاندنی ئەوەی کە هەڕەشە بە هەڕەشە وەڵام دەداتەوە و دەربڕینی ئەو وتەیەی کە «ئێمەش هەڕەشەی تایبەت بە خۆمان هەیە کە لە کاتی خۆیدا دەیخەینە روو» و هەروەها پێداگری لەسەر ئەو خاڵەی کە «ئێمە پشتیوانی لە هەموو ئەو وڵات و گرووپانە دەکەین کە لەگەڵ ئیسراییل بەربەرەکانێ دەکەن و لە دەربڕینی ئەو بابەتەش هیچ ترسێکمان نیە»، شانۆیەکی نوێی لە جەنجاڵە میدیاییەکانی رێژیم خستەڕێ کە مەهدی تائێب، فەرماندەی قەرارگای عەممار وەکوو گۆرینی ئیستراتژی لە بەرانبەر هەڕەشە دەرەکییەکان و دەستپێشخەری لە هەڵگیرساندنی شەڕدا ناوی لێ دەبات.

هەڵبەت تیرۆریزمی نێونەتەوەیی رێژیم، بە پێچەوانەی بانگەشەکانی ئەم کەسانە، نەک ئیستراتژییەکی نوێ، بەڵکوو تاکتیکێکی نوێ لە هەلومەرجی قەیراناویی ئێستادایە، چوونکە تیرۆریزم هەر لە سەرەتای دامەزرانی کۆماری ئیسلامییەوە بوو بە ئیستراتژیی نەگۆڕ لە سیاسەتی دەرەوەی رێژیمدا و لە قۆناغە جۆراوجۆرەکاندا و بەپێی هەلومەرج، ناوی ئەم ئیستراتژییە گۆڕانی بە سەردا هاتووە و لە دەستەواژەگەلی وەکوو هەناردەکردنی شۆڕش، پشتیوانی لە بزووتنەوە رزگاریخوازەکان، هێرشی پشتگیرانە و ئێستاش دەسپێشخەری لە شەڕدا بۆ ناودێرکردنی ئەم ئیستراتژییە کەڵکیان وەرگرتووە. سەرەڕای تیرۆرە نێوخۆییەکان و تیرۆری جیابیران و چالاکانی سیاسی لە دەرەوەی وڵات کە جینایەتە تیرۆریستییەکانی ڤیەن و برلین دژ بە رێبەرانی هەڵکەوتووی حیزبی دێموکراتی کوردستانی ئێرانیش بەشێک لەو پرۆژەیە بوو، کۆماری ئیسلامی لە ماوەی دەسەڵاتداریی خۆیدا راستەوخۆ یان بە هۆی داردەستەکانی خۆیەوە دەستی داوەتە خوڵقاندنی کارەساتگەلی تیرۆریستی دژ بە هاووڵاتیان و کاربەدەستانی وڵاتانی دیکەش.

تەقینەوە لە بنکەی هێزی مارێنزی ئامریکا لە لوبنان و عەرەبستان، تیرۆری «رەفیق حەریری»، سەرۆک وەزیرانی پێشووی لوبنان، هێرشە خوێناوییە تیرۆریستییەکان لە عێراق و ئەفغانستان، تەقینەوە لە بنکەی جوولەکەکانی ئارژانتین و پیلانی تیرۆری باڵیوزی عەرەبستان لە ئەمریکا، تەنیا گۆشەیەک لەو راستییە دەخاتە روو کە هەناردەکردنی هێزی تیرۆری رێژیم بۆ دەرەوەی سنوورەکان، نە گۆڕانێکی ئیستراتژیک، بەڵکوو هێمایەک بۆ پابەندبوونی رێژیم بەم ئیستراتژییە کۆن و دژە مرۆییەی خۆی بۆ بەرپەرچدانەوەی قەیرانە دەسکردەکانی خۆی لە دەرەوەی سنوورەکانە.

بەڵام ئەوەی کە سەرەتا دەبێ جەختی لەسەر بکرێتەوە، ئەو راستییەیە کە ئاشکراکردنی چالاکیی تۆڕی ئۆختاپووس ئاسای تیرۆریزمی نێونەتەوەیی رێژیم، نەک نیشاندەری دەسەڵات و شکۆی ئەو رێژیمە، بەڵکوو دژکردارێک لە رووی لاوازی و پاسیڤبوون و شکستهێنانی هەموو هەوڵە ئابووری، سیاسی، دیپلۆماتیک و «نرم افزاری»یەکانی رێژیم بە مەبەستی بەرەوپێشبردنی بەرژەوەندییەکانی خۆی لە ئاستی نێونەتەوەییدایە.

رێژیمێکی سیاسیی تووتالیتر تەنیا کاتێک سیمای راستەقینە و لایەنی «سخت افزاریی» دەسەڵاتی ناڕەوای خۆی لە نێوخۆ و دەرەوەدا دەخاتە روو کە ناتوانێ لە رێگەی ئاشتیخوازانە و یاساییەوە ئامانجەکانی خۆی دەستەبەر بکات و نانەوەی ئاژاوە و شەڕ و جەنجاڵ بە تەنیا رێگای تۆقاندنی لایەنەکانی بەرانبەری خۆی و پێکهێنانی بازنەیەک لە پێشگری (بازدارندگی) بە دەوری خۆیدا دەبینێ.

کۆماری ئیسلامی، ئێستا کە ناتوانێ وەڵامی داخوازە سیاسی، ئابووری و کۆمەڵایەتییەکانی خەڵکی ئێران بداتەوە و کەلێنی نێوان چاوەڕوانییەکان و رادەی وەڵامدانەوەی سیستم گەیشتۆتە ئەوپەڕی خۆی و داڕمانی بنەماکانی ئۆتۆریتە و رەوایی ساختەکارانەی خۆی بە ئاشکرا دەبینێ، بە سەرلێشێواوییەوە بە مەبەستی دەربازبوون لەم تەنگانەیە، دەست دەداتە خوڵقاندنی قەیرانگەلی جۆربەجۆر، ئاژاوەگێڕیی سەربازی و ئەتۆمی، پەرەپێدان بە کێبڕکێی چەکداری لە ناوچەدا، هەوڵدان بۆ تێکدانی بازاڕی نێونەتەوەیی وزە و تەناهی و سەقامگیریی وڵاتانی دیکە بە مەبەستی چەواشەکردنی بیروڕای گشتی و پەرەپێدانی پەتای قەیرانی نێوخۆی بۆ وڵاتانی دەوروبەر.

ئەم سیاسەتە تەنانەت ئەگەر ناوی «دەسپێشخەری لە شەڕ»ی لێ نرا بێت، لە راستیدا پەرچەکرداری نائاوەزمەندانەی رێژیم لە دۆخی پاسیڤبووندایە کە کۆماری ئیسلامی بە رێڕەوێکدا دەبات کە کۆتایی ئەو رێڕەوە بۆ خودی رێژیمیش روون نیە. لە راستیدا دەکرێ بڵێین، بە پێچەوانەی شەڕە ئاساییەکان، ئەگەرچی کۆماری ئیسلامی بە کردەوە و تیۆری ئەم شەڕەی دەست پێکردووە، بەڵام کۆتایی و ئاکامەکەی لە لایەن ئەم رێژیمەوە دیاری ناکرێت، هەر بۆیە رەنگە ئەمجارە شەڕەکە ئاکامێکی وەهای لێ بکەوێتەوە کە خواردنەوەی پیاڵەی ژەهریش چارەسەری دەردی رێژیم نەکات و کۆنترۆڵی دۆخەکە لە دەستی بەڕێوەبەران و ئیستراتژیستەکانی رێژیم دەربچێت.

باوەڕبەخۆبوونی رواڵەتیی فەرماندە سەربازییەکانی رێژیم و رێبەرانی دەزگای تیرۆر و سەرکوت لە ئاژاوەگێڕییە سەربازی و تیرۆریستییەکانی ئەم دواییانەدا، لە راستیدا پشتبەستوو بە هێزی سەربازیی جێگەی متمانە و توانای پشتگیریی رێژیم لە هاوکێشە ئیستراتژیکە جیهانییەکاندا نیە، بەڵکوو لە وەهمی لاوازبوونی رۆژئاوا و کۆمەڵگای نێونەتەوەیی لە بەرانبەر پشتیوانیی رەهای چین و رووسیە لە بەرەی سەرکوتکەران و تیرۆریستە نێونەتەوەییەکاندا سەرچاوە دەگرێت کە لە پرسی ڤێتۆی بڕیارنامەکاندا دژ بە رێژیمی بەشار ئەسەد گەیشتە ئەوپەڕی خۆی.

سەرەڕای ژێستەکانی رێبەرانی رێژیم لەمەڕ سەربەخۆیی و ئۆتۆریتەی پتەو و پۆڵایین لە بەرانبەر زلهێزەکاندا، لە راستیدا ئەوە وەهمی پشتیوانیی رەها و هەمیشەیی هێزە نادێموکراتیکەکانی رۆژهەڵاتی نوێیە کە رۆژ لە دوای رۆژ رێبەرانی سەرەڕۆی وەک بەشار ئەسەد و پشتیوانە ناوچەییەکانی لە تاراندا بەرەو ئاژاوەگێڕی و زێدەڕۆیی هەرچی زیاتر لە دەرەوە و سەرکوتی چەند قات لە نێوخۆی سنوورەکانیاندا هان دەدات. بێ‏ئاگا لەوەی کە دەکرێت ئەم دۆخە لە ئانوساتێکدا بە راپەڕینی یەکپارچەی کۆمەڵانی وەزاڵەهاتووی خەڵک لە نێوخۆ و رێککەوتنی کەڵانی ئێستراتژیک لە نێوان زلهێزەکاندا گۆڕانێکی قووڵی بە سەردا بێت و هەیمەنەی وەهماوی و خەیاڵیی دەسەڵاتی پۆتین و چەکمە فڕی بداتە نێو کەلاوە لە بیرکراوەکانی مێژوو. ‌



سه‌رچاوه‌: رۆژنامه‌ی‌"کوردستان"، ژماره‌:576
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.