كوردستان میدیا: باوكی خوشكە \'\'مەهتاب فەیزی\'\' پێشمەرگەی حیزبی دێمۆكرات كۆچی دوایی كرد.
بەپێی هەواڵی ماڵپەڕی كوردستان میدیا، رۆژی سێ‌‌شەممە رێكەوتی ٢٢‌ی گەلاوێژ، \'\'حاجی عەزیز فەیزی\'\' خەڵكی ئاوایی \'\'بی‌بی‌كەندی\'\' سەر بە شاری بۆكان، لە نەخۆشخانەیەكی شاری ئیسفەهان بەهۆی نەخۆشی، ماڵئاوایی لەژیان كرد.
حاجی عەزیز باوكی مەهتاب فەیزی پێشمەرگەی حیزبی دێمۆكرات بوو و لە ناوچەی بۆكاندا بەكەسێكی خۆشناو ناسرابوو.
حیزبی دێمۆكراتی كوردستانی ئێران وێڕای دەربڕینی هاوخەمی، سەرەخۆشی لە مەهتاب فەیزی و بنەماڵەی حاجی عەزیز دەكات و خۆی بە شەریکی خەمیان دەزانێت.

رۆحی شاد