کوردستان میدیا

ماڵپەڕی ناوەندیی حیزبی دێموکراتی کوردستانی ئێران

چاوپێکه‌وتنی نوێنه‌ری حیزبی دێمۆکرات له گه‌ڵ کاربه‌ده‌ستانی وه‌زاره‌تی ده‌ره‌وەی‌ ئوتریش

16:59 - 2 خەرمانان 2713

کوردستان میدیا: هیوا به‌هرامی نوێنه‌ری حیزبی دێمۆکراتی کوردستانی ئێران له ئوتریش، سه‌ردانی وه‌زاره‌تی ده‌ره‌وه‌ی ئەو وڵاتەی کرد.

بە پێی هەواڵی ماڵپەڕی کوردستان میدیا، بەهرامی لەو چاوپێکەوتنەدا لەگه‌ڵ چه‌ندین کاربه‌ده‌ستی به‌شی رۆژهه‌ڵاتی ناوه‌ڕاست و مێزی کاری ئێران کۆبۆوە.

له‌م دانیشتنه‌دا نوێنه‌ری حیزبی دێمۆکرات باسێکی گشتی سه‌باره‌ت به هه‌لوومه‌رجی سیاسی و ئابووری ئێستای ئێران و کوردستان خسته‌روو و ئه‌م باسه‌ی لەگه‌ڵ به‌رپرسانی ئه‌و وه‌زاره‌تخانه‌یه تاوتوێ کرد.

هه‌ر له‌و پێوه‌ندییه‌دا چه‌ندین پرسیاری تایبه‌ت به کوردستان و پرسی کورد لەئێراندا لەلایه‌ن بەهرامییەوه شی کرانه‌وه.

بارودۆخی ناوچه‌که‌ و پارچه‌کانی دیکه‌ی کوردستان و هه‌روه‌ها به‌سترانی کۆنگره‌ی نه‌ته‌وه‌یی کورد له داهاتووی نزیکدا، چه‌ندین بابه‌تی دیکه‌ بوون که له‌م دانیشتنه‌دا باسیان لێوه ‌کرا.