• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی نوامبری ٢٠١٧ی زایینی - ٢٩ی خەزەڵوەری ١٣٩٦ی هەتاوی  

چیرۆكە شیعری دڵداریی ''عەزیز و كوبرا'' چاپ و بڵاو كرایەوە

زایینی: ٢٧-٠٨-٢٠١٣ - هەتاوی: ١٣٩٢/٠٦/٠٥ - ٢٠:٠٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
چیرۆكە شیعری دڵداریی ''عەزیز و كوبرا'' چاپ و بڵاو كرایەوە
کوردستان میدیا: چیرۆكە شیعری دڵداریی ''عەزیز و كوبرا'' کە بەرهەمێکی ئەدەبی میللیی کوردە، چاپ و بڵاو کرایەوە.

بەپێێ هەواڵی ماڵپەڕی کوردستان میدیا، چیرۆكە شیعری دڵداریی ''عەزیز و كوبرا'' كە بەرهەمێكی بەنرخی ئەدەبی میللیی ناوچەی ''هەوشار''ی كوردستان رۆژهەڵاتە، لە دووتوێی ١١٤ لاپەڕەدا لەلایەن ''شەریف فەلاح و حەسەن سلیمی''یەوە كۆ كراوەتەوە و ''ئەنستیتۆی كەلەپووری كورد'' لە سلێمانی چاپ و بڵاوی كردووەتەوە.

چیرۆكە شیعری دڵداریی ''عەزیز و كوبرا'' بەسەرهاتی تراژیدیی دوو ئەڤینداری ناكامی كوردە، كە كاتەكەی بۆ زیاتر لە چل ساڵ لەمەوبەر دەگەڕێتەوە و دواتر لەلایەن دوو هونەرمەند و شاعیری میللیی كورد، بەناوەكانی ''سەید شوكروڵڵا حوسێنی و سەید محەممەد چەشمەمەنتش'' بە زمانی بەستە هۆنراونەتەوە.

ئەم بەرهەمە كە ئەڕواتە خانەی ئەدەبی میللییەوە، چیرۆكی راستەقینە، ژاناوی و تراژیدیی ''عەزیز و كوبرا''یە كە ئاكامەكەی هاوشێوەی چارنووسی قارەمانی چیرۆك و بەیتە دڵدارییەكانی دیكە و ئەدەبی زارەكیی كوردەوارییە.

چیرۆکە شیعری دڵداریی ''عەزیز و کوبرا'' بە هیمەتی ''شەریف فەلاح و حەسەن سەلیمی'' ئامادە و كۆكراوتەوە و مانگی خەرمانانی ساڵی ١٣٩٢ی هەتاوی لەلایەن ''ئەنستیتۆی كەلەپووری كورد'' و لەسەر ئەركی ''بەڕێوەبەرایەتیی چاپ و بڵاوكردنەوەی سلێمانی'' بە ئەژماری ٥٠٠ دانە كەوتۆتە بەردیدی خوێنەرانی.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا