• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی ئاوریلی ٢٠١٨ی زایینی - ٠٥ی بانەمەڕی ١٣٩٧ی هەتاوی  

تاجه‌گوڵینه‌یه‌ک بۆ یادی شه‌ره‌فکه‌ندی

زایینی: ١٧-٠٩-٢٠١٣ - هەتاوی: ١٣٩٢/٠٦/٢٦ - ١١:٢٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
تاجه‌گوڵینه‌یه‌ک بۆ یادی شه‌ره‌فکه‌ندی
ئاکۆ ئەلیاسی


من نه‌مزانی که‌(ته‌ره‌غه‌)
خوێنی قسملوو ده‌ی گرێ و
وه‌ک تریقه‌ی هه‌ور،
هه‌ڵده‌ستێته‌سه‌ر چۆک
من نه‌مزانی
شا ئه‌ستێره‌بڵینده‌کان،
شا ئه‌ستێره‌گه‌رده‌ن که‌ش و هه‌ڵچووه‌کان
دووجار دوای یه‌ک
به‌سه‌ر زامی تازه‌ی مێژوو داده‌چۆڕێن
من نه‌مزانی ئه‌مجاره‌شیان
مێژووی سووری ئه‌م کاروانه‌
هه‌ر له‌قه‌ندیل ... له‌و بنار و
سه‌ر لووتکانه‌... به‌دوای کۆستی
قاسملوودا،
جه‌سته‌و بزه‌ی خوێناوڵینی
شه‌ره‌فکه‌ندی
بۆ ئامێزی گه‌رمی نیشتمان
به‌ڕێ ده‌کا

ئه‌ی هیوای پاش دڵ داخورپان!
ئه‌ی کڵاو ڕۆژنه‌ی ڕۆژی ڕه‌شی ناهومێدی!
ئه‌ی عاشقی ڕێی ئازادی،
کوڕی دیرۆک!
من سیمای قاسملووم
له‌باوه‌ڕی به‌رزی تۆ دی
باوه‌ڕت به‌رز، وه‌کوو لووتکه‌
وته‌ت قاییم، وه‌کوو باوه‌ڕ
چنگنه‌دۆڵپا ئاساکانی
قوم و تاران
زاره‌تره‌ک بوون
له‌ئاست ده‌نگت،
له‌ئاست ناوت،
له‌ئاست ڕه‌نگت

ئه‌ی سواره‌که‌ی ته‌وقه‌له‌گه‌ڵ
چۆک دا داندا، نه‌کردوو!
تۆ تابه‌ن و سه‌نگچنی پاش
دیواری مێژووی ڕووخاو بووی
تۆ خوڕێنی بنار بووی و
به‌لێزمه‌ی بارانی خوێن
سڵوێ نه‌بووی
له‌شه‌وه‌زه‌نگ،
له‌بێ سیمای قاسملوویی،
تفه‌نگ و ئه‌سپی بێ سوارت
زین کرده‌وه‌،
جارێکی که‌ش ... دیسانه‌وه‌
به‌زاخانی لووتکه‌ی خه‌م له‌باوه‌ش گرتووی
شۆڕشی سوور
هه‌ڵچوویته‌وه‌
کاره‌ساتی پووشپه‌ڕه‌ت،
به‌فرمێسکی چاوه‌کانت، بۆ کاروانی
ماندووی ڕێگا نووسیووه‌
وه‌کوو هه‌ڵۆی پێشه‌نگی گه‌ل
جوامێرانه‌هه‌ڵفڕیت و
وه‌ک گوفتارت، وه‌ک کردارت،
"سادقانه‌" ، سه‌ربه‌رزانه‌، له‌نێو دڵی
میلیۆنان کورد،
هه‌ڵنیشتیه‌وه‌

تۆ ده‌ته‌ویست
هه‌موو هه‌وره‌تریشقه‌کان،
له‌ژێر سێبه‌ری چه‌تری
یه‌ک ئامانجا
کۆکه‌یته‌وه‌و
وه‌کوو په‌ڵه‌ی ده‌می زامی وه‌رزی پاییز
پێش له‌باران،
گڕ به‌ر بده‌ی
له‌ئاخوندی پرچ و ڕیش پان

تۆ خوێن بوویت ... خوێن،
(پاش دووسه‌د و چل و حه‌وت جار)
تف کوتانه‌چاوی ئاخوند
له‌دواییش دا وه‌کوو به‌هار
به‌رت کرد و
ڕییای ژێر مه‌ندیل و عه‌بای
تاپاڵی مه‌لات هه‌ڵته‌کاند!

ئه‌مڕۆ گڤه‌ی شه‌ماڵێکی هه‌ناسه‌سوار
ماندوو ... شه‌که‌ت،
گوڵێکی ئالئال و تڵژێن
له‌باخچه‌که‌ی ماڵی "گۆته‌"
له‌به‌ر پژوێنه‌که‌ی ده‌دا و
ژێیه‌ک له‌کلاڤێره‌که‌ی "باخ" و
تاڵێک له‌پرچی خه‌ناوی
"خۆری کوژراوی بێرلین"
له‌به‌ر باخه‌ڵانی ده‌نێ
له‌تافاوی به‌خوڕی "ڕاین"
گومگومه‌که‌ی لێو ڕێژ ده‌کا و
له‌گه‌ڵ خوێنی داوه‌ستاوه‌ی
"پێرلاشێز"
پێش ئه‌وه‌ی که‌
ده‌ستی به‌دامێنی
هه‌وری سووری سه‌فه‌ر بگرێ،
نێو ته‌وێڵی "قاسملووی" که‌ڵ"
ماچ ده‌کات و
ته‌وقه‌ی په‌یمان، به‌جێ دێنێ
ئینجا ئیدی به‌ئه‌وینی
"شمشاڵه‌که‌ی قاله‌مه‌ڕه‌"
که‌له‌گه‌رووی:
"ئێره‌ده‌نگی کوردستانه‌"
به‌ر له‌وه‌ی به‌نه‌عره‌ی ده‌نگی "شێر به‌گی"
سامی بێده‌نگی بشکێندرێ
هه‌ڵ ده‌قوڵێ
هێدی ... هێدی
نه‌رم ... نه‌رم
وه‌کوو پرزه‌ی بارانێکی لای ئێواره‌ی
ده‌مه‌و پاییزی زه‌رده‌ڵپه‌ڕ
به‌ره‌و قه‌بدیل
به‌ره‌و وڵاتی به‌فر و گوڵ و خۆشه‌ویستی
ده‌که‌وێته‌سه‌ر ته‌ختی ڕێ
تاسه‌ی قومێک به‌فر ئه‌کا و
ده‌ستی مانگه‌شه‌و ئه‌گرێ و
وه‌کوو پرزه‌
به‌ئسپایی ...
له‌نێو کۆڕی پێشمه‌رگه‌دا
به‌سه‌ر ژووره‌پێشمه‌رگانه‌که‌ی خۆیدا
ئارام ... ئارام
نمه‌... نمه‌... داببارێ

سه‌فه‌ر ... سه‌فه‌ر
دیسان سه‌فه‌ر
سه‌فه‌رێکی سووری ته‌ته‌ر
سه‌فه‌رێکی چکڵه‌چزێ،
زامی سووری ڕۆژهه‌ڵاتم
قووڵتر ده‌کا

ته‌ته‌ر ... ته‌ته‌ر
ئه‌م ته‌ته‌ره‌
باڵی برینداری کۆره‌شینکه‌یه‌کی
هه‌ڵفڕیوه‌
ئایه‌ی ڕاستی
"مێژووی کورته‌جووڵانه‌وه‌ی"
کوردی گوردی
له‌کۆڵه‌پشتی باوه‌ڕی پێشمه‌رگانه‌ی
ئاخنیووه‌
سمێڵ قیت و ده‌م به‌خه‌نده‌،
ڕوومه‌ت سوور و سه‌ری به‌فرین، وه‌کوو قه‌ندیل
نیگای تیژی چاوه‌کانی پڕ له‌هیوا
پرز و ئازا،
برووسکه‌ئاسا
قۆڵ له‌قۆڵی
(عه‌بدولی و ئه‌رده‌ڵان)
ده‌ستی ڕاستیان له‌سه‌ر دڵه‌و
گوڵه‌ستێره‌ی
تازه‌هه‌ڵتۆقیوی زامیان
وه‌کوو قوبه‌،
وه‌کوو میداڵ،
ده‌ده‌ن له‌به‌رۆکی کوردستان

به‌تڵانه‌... به‌تڵانه‌
هه‌ر هه‌مان ڕۆژ
هه‌ینی یه‌کی دووکه‌ڵین و
بزیسکه‌... بزیسکی
هه‌ورێکی خه‌م له‌سه‌ر ڕوواو
لێوی تاسه‌ده‌کرۆژێت و
ڕووباری فرمێسکی هێشتا
ویشک نه‌بوومان بۆ قاسملوو،
ده‌کاته‌وه‌میوانی چاو

به‌تڵانه‌... به‌تڵان
هێشتا چاومان له‌پووشپه‌ڕی قژ سووتاوه‌
که‌چی دیسان
هه‌ڵپڕووزانی گوڵه‌گه‌نمی تازه‌له‌بۆقه‌ده‌ر هاتووی
خه‌مانانمان لا میوانه‌

ئه‌ی بزه‌ی کوژراوی سه‌ر لێو!
کاره‌ساتی پاشکۆی جمان!
ئه‌ی مه‌شخه‌ڵی شه‌وی تۆفان!
من لێره‌وه‌چاوم لێته‌
تۆ ...
هه‌ر هه‌مان گڤه‌ی شه‌ماڵیت و
هه‌ر هه‌مان لاوژه‌و حه‌یران
من لێره‌وه‌چاوم لێته‌
له‌"قامیشلی" نووچێک ده‌ده‌ی
قه‌ڵه‌مێکی سوورت پێ یه‌،
ده‌یده‌یه‌ده‌ست "به‌درخانی" زا ناڤان و
هه‌ر له‌وێوه‌
به‌پرتافی پڵینگ ئاسا، به‌ڵام زامدار
وه‌ک خوڕێنی
عاشق به‌شه‌پۆلی ڕووبار
ده‌چیته‌ناو چاوی مێژووی دیاربه‌کر
من لێره‌وه‌چاوم لێته‌
"شێخ" له‌خانه‌قاوه‌، "شه‌ره‌فنامه‌ی" له‌ده‌ست دایه‌و
له‌قامیشلی تاکوو ئه‌وێ، چاو له‌ڕێگا و
گوێی له‌ترپه‌ی ڕه‌وتی ڕێته‌
من لێره‌وه‌،
تاسه‌ی مڵۆی خه‌رمانم و
ده‌بینم وا "شێخی نه‌هری"
بۆنی هه‌ناسه‌ی گوڵاویت هه‌ڵده‌مژێ و ،
ماچت گوڵه‌په‌پووله‌یه‌و
له‌ده‌وری شه‌می ڕوخساری
"شێخی شه‌مزین"
هه‌ڵده‌نیشێ

من ده‌ت بینم،
تۆ هه‌ر له‌وێی
"خانی" ده‌ستێک به‌کاکۆڵی وه‌کوو به‌فری تێکچڕژاوی
له‌خوێن مه‌یووت داده‌هێنێ
ملوانکه‌یه‌ک گوڵی ڕه‌نگین،
له‌کوێستانی ڕه‌نگا و ڕه‌نگ و
ئه‌فسووناوی
"کاکه‌مه‌م و خاتوونه‌زین"
له‌گه‌رده‌نت ده‌ئاڵێنێ

تۆ هه‌ر له‌وێی
گوڵی خوێناوی سه‌ر سینگی
زار و زێچی ئه‌و ده‌ڤه‌ره‌ی
پاش چۆرتمێک
هه‌وری مه‌راق ده‌ستت ده‌گرێ و
وه‌ک خوناوکه‌
ده‌ت بارێنێته‌ناو
چاوه‌کزه‌کانی "ده‌رسیم"

من ده‌ت بینم
ئه‌تۆ تاجه‌گوڵینه‌یه‌ک
له‌هه‌سینه‌و زه‌ڕینه‌یت و
"سه‌ید ڕه‌زا" باوه‌شت بۆ ده‌گرێته‌وه‌
وه‌ک ته‌مه‌نی ئه‌ستێره‌یه‌ک
ده‌ستێکت وه‌کوو قولاو
ئاڵاوه‌ته‌قژی مانگ و
ئه‌وی دیشت
ئارام ... ئارام
بۆ ئامێزی تاسه‌ی "سه‌ید"
شۆڕ ده‌بێته‌وه‌

تۆ ئێستاکه‌
کۆترێکی هه‌ڵکورماوی
په‌ڕ و باڵ خوێناویت و
" به‌شاڵی سه‌وز" هه‌ڵبه‌ستراوی
هێنده‌نابا
ئاره‌قه‌ی نێو چاوانت
ده‌تکێنێته‌ناخی دیجله‌" و
"فورات" ده‌یکا به‌شه‌پۆلی تووڕه‌و هه‌ڵچوون
بۆ به‌ر په‌ڵه‌
دیسانه‌وه‌
وێنه‌ی هه‌ورێکی سووکه‌ڵه‌
ئه‌سپی باڵداری شۆڕش ئه‌جووڵینی و
چاوی تاریکی ناتبینێ و
به‌ره‌و په‌ڕ په‌ڕۆچکه‌ی ئاسمان
ده‌کشێیته‌وه‌

ئه‌ی ژوواری دانه‌بڕاوی
زامه‌کانی نێو دیرۆکم!
ئه‌ی سواره‌ده‌ست و پل خوێناویه‌که‌ی
له‌تافیته‌هه‌ڵدێڕاوی ... دووپات بووه‌ی
نێو ڕۆمان و نێو چیرۆکم
من لێره‌وه‌
نیگای وێڵی دوای سه‌فه‌رتم
من ده‌تبینم
تۆ هه‌نووکه‌
ته‌وقه‌ی ماندووی سه‌فه‌ریت و
ماشه‌ی چرکێندراوی "به‌رده‌قاره‌مانی"
ده‌ستت له‌مل "شێخی حه‌فید" ئاڵاندووه‌و
زڵه‌وینه‌وه‌ی پرچی خۆری سه‌ر سه‌یوانی
من ده‌تبینم
تۆ له‌"بارزان"
مێژووی سووری
ڕاسانه‌وه‌
ئه‌خوێنیه‌وه‌

ئه‌ی خوێنگری خۆری زامدار
من لێره‌وه‌چاوم لێته‌،
تۆ، سواری باڵی ڕۆژپه‌ڕی،
پێش هه‌ناسه‌ی ماڵ ئاوایی
وه‌کوو ڕۆحی ماندووی مه‌لێک هه‌ڵده‌فڕی و
له‌قه‌راخی گولی ورمێ،
شانی "سمکۆ" ماچ ده‌که‌یت و
له‌خه‌نه‌ی خوێنی "قازی"
ده‌ست نوێژ ده‌گری
تۆ ئێستاکه‌
بارانی خۆشه‌ویستیت و
ڕوومه‌تت
وه‌کوو ئاڵماسه‌
ده‌بباره‌... ده‌بباره‌
ئه‌ی ته‌ته‌ر
دڵمان مه‌کۆی عه‌شقی تۆیه‌
وه‌ک تاڤه‌به‌ر
ڕات ده‌مووسین .... وه‌کوو تاسه‌
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: