• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٨ی زایینی - ٢٧ی بەفرانباری ١٣٩٦ی هەتاوی  

پەیامی دەفتەری سیاسیی حیزبی دێموکرات، بە بۆنەی ٢٦ی خەرمانان، ساڵڕۆژی تیرۆری میكۆنۆس

زایینی: ١٧-٠٩-٢٠١٣ - هەتاوی: ١٣٩٢/٠٦/٣١ - ١٨:٢٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی دەفتەری سیاسیی حیزبی دێموکرات، بە بۆنەی ٢٦ی خەرمانان، ساڵڕۆژی تیرۆری میكۆنۆس
کوردستان میدیا: به بۆنەی ٢١ـەمین ساڵڤەگەڕی تیرۆری میکۆنۆس، دەفتەری سیاسیی حیزبی دێموکراتی کوردستانی ئێران پەیامێکی بڵاو کردەوە.

دەقی پەیامەکە بەم چەشنەیە:

میوانە بەڕێزەكان، هاوڕێیانی تێكۆشەر!

ڕۆژی 26ی خەرمانانی 1371 هەتاوی بەرامبەر بە 17ی سێپتامبری 1992ی زایینی هاوڕێیان د. سادق شەرەفكەندی سكرتێری گشتیی حیزبەكەمان، كاك فەتاح عەبدولی نوێنەری حیزب لە دەرەوەی وڵات، كاك هومایوون ئەردەڵان نوێنەری حیزب لە ئاڵمان و هەروەها كاك نوری دێهكوردی چالاكی سیاسی و دۆستی حیزبی دێموكرات، لە رێستوورانی میكۆنوس لە بێرلین لەلایەن تیمێكی مرۆڤكوژی كۆماری ئیسلاميی ئێرانەوە تيرۆر كران.


ئەوڕۆ جارێكی دیكە لێرە كۆ بووینەوە كە بە یەكەوە بیرەوەری ئەو رێبەرە هەڵكەوتووە و هاوڕێیانی بەرز ڕابگرین و ڕێز لە خەبات و فیداكارییان بگرین.

هاتووین ئەو جینایەتە سامناكە دژ بە نەتەوەی كورد و حیزبی دێموكرات مەحكووم بكەین، بێزاریی خۆمان لە تيرۆریزم دەرببڕین و ڕێگە نەدەین ئەو تاوان و غەدرە قورسەی كۆماری ئیسلامی دژ بە كورد لەبیر بچێتەوە.


لەلایەن دەفتەری سیاسيی ح.د.ك.ئـ. بەخێراهاتنی میوانە بەڕێزەكان دەكەم كە تەشریفیان هێناوە و سوپاس بۆ هەموو ئێوە هاوڕێیانی بەڕێز كە لەو ڕێوڕەسمەدا بەشداریتان كردوە.


د. سادق شەرەفكەندی، ناسراو بە د. سەعید، ئەو سەركردە بەوەج و لێهاتووە بوو كە پاش تێروری رێبەری مەزن د. عەبدولڕەحمان قاسملوو، رێبەرایەتيی حیزبی دێموكراتی گرتە دەستی بەتوانای خۆی و نەیهێشت ئاڵای خەباتی ڕزگاریخوازيی حیزبەكەمان بكەوێتە سەر زەوی. رێگەی نەدا پیلانی دژەگەليی رێژیم سەر بكەوێ و دوژمن بە حیزبی دێموكرات خۆش بێ.


هەر ئەو لێوەشاوەیی و خۆڕاگرییەی د. شەرەفكەندی، بوو بە چقڵی چاوی رێبەرانی كۆماری ئیسلامی و بڕیاری لەنێوبردنیان دا.
لە مێژووی خەباتی رزگاریخوازيی نەتەوەكەماندا زۆر جاران دیاردەیەكی تاڵ و پڕئاكام دووپات بۆتەوە. هەركاتێك دوژمن زەفەری بە رێبەری جووڵانەوە بردبێ و كوشتبێتی، بەدوای ئەودا جووڵانەوەكەش تووشی پاشەكشە و شكست هاتووە.
كۆماری ئیسلامی راست بەو هیوایە د. قاسملووی تێرور كرد.
بەڵام كاك سەعیدی نەمر نەیهێشت ئەزموونی تاڵی "مەرگی رێبەر، كۆتایی شۆڕش" دووپات ببێتەوە وئەو شانازییەی بە ناوی خۆی تۆمار كرد و لاپەڕەیەكی نوێی لە خەبات و خۆڕاگری هەڵدایەوە.


بە تيرۆری د. سادق شەرەفكەندی، دوژمن كەلێنێكی قووڵ و بەژانی خستە نێو حیزبی دێموكرات و زەبرێكی قورسی لە جووڵانەوەی ئازادیخوازیی كوردستانی ئێران دا. بەڵام ئامانجی سەرەكی رێژیم لە تيرۆرەكە كە بە چۆكداهێنان و لەنێوبردنی حیزبی دێموكرات و جووڵانەوە بوو، وەدی نەهات و وەدی نایە.


بە پێچەوانە، ئەو تيرۆرە خەڵكی كوردستان بەتایبەتی لاوانی وشیارتر كردەوە، هەستی نەتەوایەتی و بیری رزگاریخوازيی تێدا بەهێزتر كردن و متمانەی كورد بە كۆماری ئیسلاميی نەهێشت.


لەلایەكی دیكەوە، حوكمی دادگای بێرلین كە بە دادگای میكۆنوس ناوبانگی دەركرد و لە رێكەوتی‌ 10ی‌ ئاوریلی‌ 1997ی‌ زایینی‌ (21ی‌ خاكەلێوەی‌ 1376) راگەیەندرا، بەمانای تەواوی وشە بوو بە كارەسات بۆ كۆماری ئیسلامی ئێران:
• دادگای "میكۆنوس" لە بڕیارێكی بوێرانەدا و بە زۆر بە‌ڵگەی حاشاهەڵنەگرەوە، پیلانە تێروریستییەكانی كۆماری ئیسلاميی ئێرانی لەقاو دا و وەك رێژیمێكی تێروریستی بە بیروڕای گشتی جیهانی ناساند.


لە بڕیاری داداگای میكۆنوسدا هاتووە:

"لە كاتی لێكۆڵینەوەكاندا دەركەوت كە دەسەڵاتبەدەستانی ئێران نەك هەر كردەوەی تێروریستی پەسند دەكەن و بە شێوەیەكی باوەڕنەكرا قاتڵەكان خەڵات دەكەن، بەڵكوو بۆخۆیان پلانی ئەو جۆرە تێرورانە دژی ئەو مرۆڤانە دادەڕێژن كە تەنیا بەهۆی بیروباوەڕی سیاسییان كەوتوونەتە بەر ڕق و تۆڵەوە. ئەوان نەیارانی خۆیان تەنیا بۆ خاتری پاراستنی دەسەڵات لەنێو دەبەن".
دەبینین كە ئەگەر هەتا دەرچوونی بڕيارى دادگای میكۆنووس لایەنی وا هەبوون بە شێوەیەك گومانێكیان لە تێروریست بوونی رێژیمى ئێراندا هەبوو، دوای دەرچوونی بڕیاری دادگای بێرلین ئیدی ئەو شك و گومانە رەوییەوە و بۆ هەموو لایەك روون بووەوە كە ‌تيرۆریزمی دەوڵەتی بۆەتە بەشێكی ئەساسی لە سیاسەتی رەسمی كۆماری ئیسلامی.


با ئاماژە بكەم كە بڕیاری دادگای "میكۆنوس" بڕیاری دادگایەكی ئاسایی چەند حەوتووە و هی دادگایەكی فەرمایشی وەك دادگاكانی ئێران نەبوو. بڕیاری دادگای میكۆنوس بەحەق ناوی "بڕیاری مێژوویی" لێ نرا.


دادگای میكۆنوس لە وڵاتی حقوقی ئاڵمان، یەكێك لە وڵاتە هەرە دێموكراتیك و مودێڕنەكانی دنیا پێكهات. دادگایەكی سەربەخۆ و خاوەن ئیعتبار. یەكێ لە پڕهەزینەترین دادگاكانی مێژووی ئاڵمان كە 3 ساڵ و نيو درێژەی كێشا و لەو ماوەیەدا 170 كەس وەك شایەد بانگ كرانە دادگا و پرسیاریان لێكرا. ئەو شایەدانە تەنیا لەنێو ئۆپۆزسیۆندا دەستبژێر نەكرابوون. ژمارەیەكی بەرچاویان لایەنگری رێژیم یان بێ لایەن بوون و ژمارەیەكیان پسپۆڕ و شارەزای بوارەكانی سیاسی و تيرۆریزم بوون.

قاتڵەكان چەند كەس لە گرانترین وەكیلەكانی ئاڵمانیان بۆ گرتبوون.

• ئەوەندەی زانیاری من رێگە بدا، هەتا ئەوكاتە، ئەوە بۆ یەكەمین جار بوو كە‌ دادگای وڵاتێك رێبەرانی وڵاتێكی دیكە كە لە حاڵی دەسەڵاتداریدان، بە رێكخەر و بەڕێوەبەری جینایەتێك تاوانبار بكا.
دادگا بە روونی بەرپرسایەتی پلانداڕشتن و تيرۆریی رێبەرانی حیزبی دێموكرات دەخاتە ئەستۆی "كۆمیتەی تایبەت بە عەمەلیاتی دەرەوەی سنوور" (كمیتە ویژە عملیات برون مرزی) و بە ئاشكرا ئەو كەسانە نێودێر دەكا كە ئەندامانی ئەو كۆمیتەیەن و بڕیاری كوشتن و لەنێوبردنی رێبەران و چالاكانی ئۆپۆزیسیۆنییان بەدەستە:
علی خامنەای رێبەری ئەوكات و ئێستای رێژیم، اكبر هاشمی رەفسنجانی سەركۆماری ئەوكات و سەرۆكی ئێستای مەجلیسی دیاریكردنی بەرژەوەندییەكانی رێژیم، علی اكبر ولایتی وەزیری دەرەوەی ئەوكات و راوێژكاری ئێستای خامنەای لە كاروباری دەرەوەدا، علی فلاحیان وەزیری ئیتلاعاتی ئەوكات و ئەندامی ئێستای مجلس خبرگان، محسن رەزایی فەرماندەی ئەوكاتی سوپای پاسداران. یانی رێبەرانی رێژیم لە بەرزترین پلەی دەسەڵاتدا.

• بڕیاری دادگای میكۆنوس نەك هەر پێونديی نێوان ئێران و ئاڵمان، بەڵكوو پێوەنديی نێوان ئێران و یەكیەتيی ئورووپای تووشی قەیرانێكی قووڵی دیپلوماسی كرد كە ئاسەوارەكەی ئێستاش نەسڕاوەتەوە.
لە 17 ئاوریلی 1997 حەوتوویەك دوای دەرچوونی حوكمی دادگا، پارلمانی ئاڵمان كۆبوونەوەی هەبوو. ئەو رۆژە نوێنەرانی هەموو فراكسیۆنەكان سەبارەت بە بڕیاری دادگای میكۆنوس قسەیان كرد و تێكڕایان تيرۆریزمی كۆماری ئیسلاميیان تەقبیح كرد و پشتیوانیان لە سەربەخۆیی دادگای بێرلین دەربڕی.

ل پرۆتۆكۆلی كۆبوونەوەی ئەو رۆژەی پارلمانی ئالماندا هاتوە كە "هەموو ساڵۆنەكە چەپڵەی لێدا". چەپڵە بۆ بڕیاری ئازایانەی دادگای بێرلین.

لە ئالمان 14 دیپلۆماتی ئێرانی دەركران، لەوانە حسین مووسویان سەفیری ئێران و امانی فراهانی سەركونسولی رێژیم لە بێرلین.
لە 29ی‌ ئاوریلی‌ 1997ی‌ زایینی‌ لە لووگزامبوورگ كۆبوونەوەی ئەنجومەنی وەزیرانی وڵاتانی یەكیەتيی ئورووپا، یەكجێ ئەو تاوانەی‌ رێژیمی‌ كۆماری‌ ئیسلاميی‌ ئێرانی مەحكوم كرد، سەفیرەكانی‌ خۆیان لە ئێران بانگ كردەوە ‌و پێوەنديی‌ دیپلۆماتیكی خۆیان لەگەڵ كۆماری ئیسلامی بۆ ماوەیەك راگرت.

یەكیەتيی ئورووپا دوای ئەوەی هەموو مەرجەكانی خۆی بە سەر ئێراندا سەپاند، ئەوجار سەفیرەكانی ناردەوە تاران.
• بە قەولی "هانس یوئاخیم ئێریگ" وەكیلی بنەماڵەی قوربانیەكان، "هەتا پێكهاتنی دادگای میكۆنوس ئورووپا ببوە عەرزی بێ قانوون و بێ لێپرسینەوە بۆ تيرۆریستەكانی ئێرانی بە پاسپورتی دیپلۆماتیكیەوە. بەڵام بڕیاری دادگای میكۆنووس ئەو عەرزەی لەژێر پێی تيرۆریستان كرد بە پۆلوو و جێگایەكی پڕمەترسی".

ئورووپا بە هۆی ژمارەیەكی بەرچاو بەڵگە و ئەسنادی موعتەبەر، چۆكی بە كۆماری ئیسلامی داهێنا و ناچاری كرد كە تەعهۆد بدا چی دی لە سەر خاكی ئورووپا دەست بۆ كاری تيرۆریستی نەبا.

• روونكردنەوەی تيرۆری ڤییەن. هەرچەند هەر لە ئەوەڵین رۆژەكانەوە بۆ ئێمە و خەڵكێكی زۆر گۆمانێك لەوەدا نەبوو كە نەمر د. قاسملوو و هاوڕێیانی بەدەست تيرۆریستەكانی كۆماری ئیسلامی شەهید كراون، بەڵام دەوڵەتی ئەوكاتی ئوتریش رێگەی نەدا دادگایەك بۆ لێكۆڵینەوە لەو جینایەتە پێك بێ و تاوانی كۆماری ئیسلامی لەلایەن دادگاشەوە روون بكرێتەوە.

بەڵام بڕیاری دادگای بێرلین ئەو غەدرەی قەرەبوو كردەوە و تاوانی تيرۆری ڤییەنیشی بەدەست كۆماری ئیسلامی روون كردەوە.
لە بڕیاری دادگای میكۆنوسدا، دوای ئەوەی بەوردی ئاماژە بە دەوری كاریگەر و یەكلاكەرەوەی حدكا. لە جووڵانەوەی كوردستانی ئێران دەكرێ، دەڵێ:
"بۆ كپكردنی ئەو دەنگە، حدكا.، رێبەریی سیاسيی ئێران بڕیاری دا كە رێبەری حدكا، نەك هەر لە ‌باری سیاسییەوە سەركوت بكا بەڵكوو لە نێویشی بەرێ. كوشتنی د. عەبدولڕەحمانی قاسملوو سەرۆكی ئەو‌كاتی حدكا، لە 13ی جوولای 1989 لە ڤییەن و ئەو تاوانەی لێرە مەحكووم كراوە (تيرۆری د. سەعید) ئاكامی ئەو بڕیارن. ئەو هێڵە سوورەی (خوێناوی) كە رووداوەكانی ڤییەن و بێرلین وێك دەخاتەوە لەوە ئاشكراترە كە نەبیندرێ".

دەبێ بڵێین، بڕیاری دادگاش لەوە روونتر و راشكاوانەترە كە گومانێكی هێشبێتەوە.
• زاڵبوونی عەداڵەت، حەقیقەت و هیوا بەسەر دیكتاتوری و تەمابڕاویدا.
بە درێژایی میژوو دیكتاتور و ملهوڕەكان هەوڵیان داوە عەداڵەت بخنكێنن، حەقیقەتەكان بسڕنەوە و هیوا بە دواڕۆژ لە دڵی ئازادیخوازاندا بمرێنن.
بەڵام سەرنەكەوتوون و سەرناكەون. زۆرداران دەتوانن مرۆڤەكان بكوژن، بەڵام لە بەرامبەر عەداڵەت و حەقیقەت و هیوادا عاجز و داماون و رۆژێك بە دندووك پێوە دەبن.

هیوا و ئومێد هەمیشە خۆی بەسەر جەور و جەهل و جەهالەتدا دەسەلمێنێ.
هاوڕێیانی بەڕێز! لە قسەكاندا ئاماژەم بە بۆچوونی دادگای میكونوس سەبارەت بە رۆڵ و كاریگەریی حدكا لە جووڵانەوەی رۆژهەڵاتی كوردستان كرد.

ئەوە كە خەڵك ئاوا لەسەر حیزبەكەمان بیر دەكەنەوە و چاوەڕوانيی تایبەتییان لێی هەیە، پێی سەربەرزین، بەڵام كاری ئێمە ئاسان ناكاتەوە. بە پێچەوانە، ئەرك و بەرپرسایەتییەكی قورستریشمان دەخاتە سەرشان.

بەتایبەتی ئەوڕۆ كە ئاڵووگۆڕەكان لە ناوچەدا بەخێراییەكی سەرسووڕهێنەر پیك دێن و لە هەموو پارچەكانی كوردستان خەبات بەشێوەی جۆراوجۆر لە ئارادایە، هێزە سیاسییەكانی كورد كەوتوونەتە بەردەم تاقیكردنەوەیەكی گرینگی مێژووییەوە.
ئەوە رەسالەتی ئێمە ئەندامان، لایەنگران و خەمخۆرانی جووڵانەوەیە كە بەهەوڵ و تێكۆشانی بەردەوامی خۆمان كار بۆ ئەوە بكەین كە حیزبی دێموكراتی كوردستان هەروا شیاوی چاوەڕوانی و متمانەی خەڵك بمێنێتەوە و هەروا قەڵای لەگیراننەهاتووی خەبات و كوردایەتی بێ و لە رادەی نێونەتەوەییدا حیسابی بۆ بكرێ.

حیزبی دێموكرات دەبێ هەتا گەیشتن بە ئاواتە بەرزە نەتەوەییەكانمان دەوری مێژووی خۆی بگێڕێ و بە هاوكاریی و هاودەنگی لەگەڵ هێزە سیاسيیەكانی دیكە، جووڵانەوەی رزگاریخوازیی كوردستانی ئێران لە ئامانج نزیك بكاتەوە.
ئاسۆی خەباتی رزگاریخوازيی كورد روونە، بە دابینكردن و پاراستنی یەكڕێزی و تێكۆشانی بێوچان دەتوانین سەركەوتن دەسەبەر بكەین.

رێگا نەدەین تەمابڕاوی و نائومێدی وەك دوژمنی گەورەی ئازادی، ئەركەكانمان لەبیر بەرێتەوە.

حیزبی دێموكرات زۆرجاران تووشی نەهامەت و نسكۆ و هەوراز و نشێو هاتووە، بەڵام هەمووجارێ بە ئەزموونتر قەیرانەكانی تێپەڕاندوە و بەدوای هەموو تەنگانەیەكدا، سەری بەرزی هەڵداوەتەوە و دڵی دوژمنانی كوردی وەلەرزین خستوە.

رەمزی خۆڕاگری، پەرەسەندن و گەشەسەندنی حیزبی دێموكرات لەوەدایە كە حیزبێكی زیندوو و دێموكراتە و توانا و زەرفییەتی خۆگونجاندنی لەگەڵ زەمان و بارودۆخی سیاسيی نوێ و چالشی نوێ هەیە.

هەربۆیەش توانیویەتی وەك قەڵای بەرخۆدان و بەرنگاربوونە لەگەڵ زوڵم و زۆرداری هەروا راست راوەستێ و قامەتی نەچەمێتەوە.
لە 21مین ساڵوەگەڕی كارەساتی میكۆنوسدا جارێكی دیكە وەفاداریی خۆمان بە رێبازی دێموكرات دووپات دەكەینەوە. لێبڕاوین هەتا وەدیهاتنی مافە ئینسانی و سیاسی و نەتەوەییەكانمان درێژەدەری رێگای رێبەرە نەمرەكانمان بین.

ژیان و خەباتی قازی و قاسملوو و شەرەفكەندی چرای رێگای تێكۆشانمانە.
بەرز و پیرۆز بێ بیرەوەری رێبەری لێهاتوومان د. سادقی شەرەفكەندی.

سڵاو لە گیانی پاكی هاوڕێیان كاك فەتاح عەبدولی، كاك هومایوون ئەردەڵان و كاك نووری دێهكوردی.
بژی ئازادی، بەردەوام بێ خەبات بۆ ئازادی.

دەفتەری سیاسیی حیزبی دێموکراتی کوردستانی ئێران
٢٦ی خەرمانانی ساڵی ١٣٩٢ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.