• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-18 / 1396-10-28   

Kengî rejîm vedigere Rojavayê Kurdistanê? Dr. Azad Ehmed Elî

2014-07-10 / 1393/04/19 - 13:10 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Kengî rejîm vedigere Rojavayê Kurdistanê?   Dr. Azad Ehmed Elî
Dr. Azad Ehmed Elî

Di van çend rojên dawîn de, di nav bablîsoka ku “DAÎŞ”ê bajarê Mûsilê dagîrkirî de, li Sûriye hêzên rejîmê çend destkeftên giring bicihanîn. Wek vegerandina bajarokê Keseb û derxistina wê ji bin destê çekdarên opozisyonê (bi taybet yên Cebhet el-Nusra). Bajarokê Keseb giringiya wê ji çi tê? Ew li bakurê parêzgeha Laziqiyê ye, li başûrî sînorê parêzgeha Hatayê ye, nêzîkî Deryaya Sipî ye û tena dergehê fermî ye ku di navbera Sûrî û Tirkiyê de di destê rejîmê de maye. Beriya bajarokê Keseb, herwiha tevahiya bajarê Humsê rejîmê kontrol kiribû. Diyar e ku hêzên rejîmê roj ligel rojê pêşdikevin, gellek deverên Sûriye vedigerînin bin desthilata xwe û kontrol dikin, bi taybetî bajarên serekî û derbendên stratejîk.

Pirsyara ku îro her Kurdek ji xwe dipirse eve: Gelo kengî rejîm wê vegere deverên Rojavayê Kurdistanê, da ku careke din bindest bike? Rastiya dûrketina rejîmê ji Rojavayê Kurdistanê çiqas bû û heta kengî wê bimîne? Çima xwînê li deverên Sûriye yên din ji bo vegerandina desthilata xwe dirijîne, çima wî karî li deverên kurdî dubare nake?!

Di destpêkê de, rejîmê xwe ji deverên Rojavayê Kurdistanê bi temamî venekişand, tenê nikaribû li deverên Efrîn û Kobanê bimîne, ev dever vala kirin û bi rengekî nîvfermî, û nîvdokûmentkirî spartin YPGê, lê bajarê Qamişlo û Hisiça ji destpêkê ve neberdaye, gellek leşker bi hemû çek û topan ve li başûrê Qamişloyê û rojhilatê Hisiçayê hiştine. Hêzên YPGê gellek dever û dezgehên fermî bindest kirin û ji xwe re bikaranîn û piştî şerê li dijî DAIŞê û tundrewên din, YPGê ne tenê deverên kurdî parastin, lê belê li hin aliyan deverên kurdî berfireh kirin, rengek ji rengên rêvebiriya cihkî hat damezrandin. Piştî ragihandina Rêveberiya Xweserî û damezrandina hersê kantonan (Efrîn, Kobanî,Cizîrê) rewşa deverên kurdî ket bin ronahiya lêkolînan û bû mijara nûçeyên medyaya cihanî, gellek raporên erênî û neyînî li derdora ezmûna Rêveberiya Xweserî hatin belavkirin. Di dawiyê de em Kurd bixwe jî neman yek deng û yek nerîn li hember van çalakiyan û nirxandina ezmûna rêvebiriyê gihişte asta nakokiyan û pevçûnan.


Piştî salekê ji jiyana li derveyî welêt, destpêka heyva şeşan ez vegeriyam, di dergehê Dirbêsiyê re derbasî Rojava bûm. Dirbêsî bajarekî vale, çilmisî, bi toz û gemar xuya dikir. Mixabin Qamişlo û Hisiça jê ne baştir bûn.

Gava mirov li ser rewşa Rojavayê Kurdistanê bipeyive, wê gellekî baş be ku tişt û bûyerên derbasbûyî ji bîr bike, tenê li rewşa siyasî û aborî- civakî ya îro binêre. Belkî mirov nikare geşbîn be, lê gellekî pêwîst e mirov çend têbîniyan binivîse, xwe amade bike ji siberojê re:

1-Di destpêkê de tevgera kurdî diyalog bi rejîmê re nekir, ti rengê dan û standinê jî nekir, herwiha ne amade bû ji bo çalakiyeke diplomasî ya dûvdirêj, da ku di rêza yekê de daxwaziya çareserkirina kêşeya kurdî li Sûriyê bike.
2-Tenê beşekî ji tevgera kurdî têkiliyên nehênî, li pişt perdeyê, bi rejîma sûrî re bikaranîn. Rejîmê jî gava Kurd belavbûyî dît, ew dizîn û îtiraf bi rêvebiriyê nekir, ti maf bi fermî û li ser bingeheke yasayî nedan Kurdan.
3-Piştî derbasbûna nêzîkî salekê ji ragihandina kantonan, roj bi roj karê wê tê çilmisandin û vedikişe, heta erkê kantonan bi giştî maye tenê parastin û kontrolkirina deverên Rojavayê Kurdistanê û qedexekirina çalakiyên siyasî yên Kurdan.
4-Ji ber ku rejîma sûrî hîn dezgehên fermî li Kurdistana Rojavayê ji navendên parêzgehên Hisiça û Helebê bi tena xwe rêvedibe û mûçeyên kaker û fermanberan ji cem xwe dide, sîstemên perwerde û dadgehan yên wê ne. Mirov li ber çavan dibîne ku karê Rêveberiya Xweserî tenê maye ewlekarî û parastin.

5-Min ji rêveberiya kantona Cizîrê xwest ku ew civata bajarvaniya Amûdê bikin ya rêveberiyê, ji ber ku Amûd paytext e, lê mixabin nikaribûn. Heta ku îro li bajarê Amûdê du civatên şarevaniyê hene, yek ya fermî ya rejîmê ye, ya din jî ya kantona Cizîrê ye!

Gava mirov vê rewşa li ser zeviyê dibîne, di demekê de ku hêzên rejîmê li gellek deveran bi çek û şer pêşdikevin, siberojeke tijî tirs li hember Rêveberiya Xweserî diyar dibe. Ev rewşa tirsnak ji çi tê? Eger hat û bi vî rengî rejîm biserket, wê bixwaze wî erkê parastina deverên kurdî ji destê hêzên YPG’ê bigire, yan na? Eger hat û rejîm vegeriya, ev sîstema ewlekariyê wê di destê kê de be? Wê kengî ev guhertin pêk bên?

Belkî ev pirs zû be, lê zû dereng ev bûyer li ber deriyê mala me Kurdan e, bersiva vê pirsê divê zû be, digel ku beriya bersivdanê rastiyek heye ku rewşa xelkên me li kantonan ber bi wêranî û bêkariyê diçe.

Naveroka vê nivîsê nerîn û raya nivîskar bi xwe ye û malpera Kurdistanmedia jê berpirsiyar nine.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.