Kurdistanmedia: Bi sedema hiloşîna avahiyekê, çar kes ji dost û alîgirên PDKÎ canê xwe ji dest dan.

Li gora nûçeya ku gihîştiye malpera Kurdistanmedia, li gundê “Hêrmî” ya ser bi bajarê Gewerê a parêzgeha Hekariyê li Bakura Kurdistanê, bi sedema hiloşîna xaniyekî, çar kes ji heval û endamên PDKÎ canê xwe ji dest dane.

Di vê bûyera tal de “Emîrxan” yek ji dostên nêzîk ên PDKÎ û ser bi malbateke şoreşger, Se’îd Mehmûdnijad kurê Mistefa endamê PDKÎ, û xelkê gundê “Gêçê” a ser bi herêma Somaya Urmiyê, canê xwe ji dest dan, ku Se’îd Mehmûdnijad her di destpêka şoreşa Kurd li Rojhilat tevlî refên pêşmergeyên PDKÎ bibû.

Navbirî kesekî dilsoj bû, û pileyên nizamî û pêşmergatiyê yel li pey yekê derbaz kirin, û di hemû erkên xwe yên serpelî, serdesteyî û serlikiyê de serkevtî bû.

Se’îd Mehmûdnijad di sala 1367 (1988)’an de, li gundê “Hêrmî” digel keçeke malbata Emîrxan jiyana hevpar pêk anî, û her li wir jî bi cih bû, û heya dema koça dawiyê jî, yar û hevalê pêşmerge û PDKÎ bû, û bi vê riyê emegdar ma.

Hêjayî basê ye ku di kuştara bikom ya “Gêçê” de ku 13 kes şehîd bûn, her hemû jî xizm û kes û karên Se’îd bûn, ku birayekî wî jî di vê kuştara bikom de ji aliyê hêzên rejîma Îranê ve hate kuştin.

Sîdar Mehmûdnijad kurê Se’îd temen 13 sal, û Es’d Bawî ji malbata Emîrxan di vê bûyerê de canê xwe ji dest dan.

Gundê Hêrmî cihê bêhnvedan û stargeha pêşmergeyên demokrat di demên dijwar de bûye.

PDKÎ sersaxiyê dibêje malbat û xizm û kes û karên wan çend dost û endamên PDKÎ, û xwe şirîk û hevparê xem û kesera wan dizane.