• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2017-07-25 / 1396-05-03   

Agehdariyek ji Komîteya Amadekar ya Kongireya Şazdehem a Hizba Demokrat a Kurdistana Îranê ve

2016-09-16 / 1395/06/26 - 15:24 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Agehdariyek ji Komîteya Amadekar ya Kongireya Şazdehem a Hizba Demokrat a Kurdistana Îranê ve
Kurdistan Media: Komîteya Amadekar ya Kongireya şazdehem a Hizba Demokrat a Kurdistana Îranê, agehdariyek rû ji hevwelatiyên Kurdistanê û xemxorên xebata netewî- demokratîk a Kurdistanê belaw kir.

Deqa agehdariyê bi vî awayî ye:

Hevwelatiyên hêja!

Dilsoz û xemxorên xebata berheq a netewî demokratîk a Kurdistanê


Hizba Demokrat a Kurdistana Îranê mijûlê vê yekê ye ku li çend mehên bê de, kongireya 16’mîn a xwe di pêvajoya pirensîpên demokratîk ên cihgirtî li nav metodên xebatê de li dar bixe.

Herwek hemû aliyek dizane, devera Rojhilata Navîn li rewşek pir hestiyar a awisê guhertinan de ye û hewce dike ku Kurdistana Rojhilatê jî li nav van hevkêşe û guhertinan de cî û pêgeha xwe diyar bike. Herwek haydar in Hizba Demokrat a Kurdistana Îranê li van salên dawîn de, biryarek din ji bo qonaxek cuda ji xebat û tekoşînê daye û biryar girtiye ku amadebûna pêşmergeyan li nav Kurdistana Rojhilat de bidomîne û berdewam be li ser girêdana xebata çiya û bajar.

Li rewş û zurûfek weha siyasî û li gor pêvajoyên demokratîk û liberçavgirtina hewcehiyên xebat û tekoşînê, Hizba Demokrat a Kurdistana Îranê kongireya 16’mîn a xwe lidar dixe û komîteya Amadekar a kongireya 16’mîn daxwaz ji hemû dilsoj û xemxorên xebata berheq ya kurd, hemû dost û alîgirên Hizba Demokrat, û kadr û pêşmerge û endam û alîgirên Hizba Demokrat dike ku: li dor siyaset û bernameyên Hizba Demokrat û karên pêwendîdar bi kongireya vê hizbê ve, dîtin û nerînên xwe ji bo Komîteya Amadekar a Kongireyê bişînin.

Li vê derheqê de hewce ye em îşare bi çend hewcehiyan bikin:

Yekem: Hemû babet û nerîn û pêşniyazên we bi Komîteya Amadekar tên sipartin û mifaha hewce ji wan tê standin, û ger tiştek nejêhatî, yan sivikatiyek bi kes û aliyekê yan zaniyariyek ewlehî têde nebe, wekî xwe bi bê destkarî li malpera Kurdistan Media de tê belav kirin.

Duyem: Daxwaza me ew e ku babetên xwe bi kurtî binivîsin, bi awayekê ku ji 8 rûpelan derbaz nebe.

Sêyem: Hewil bihê dayîn ku nivîs, tevî amajeyên belgemend û lojîkî ji çavkaniya babetan re, pêşniyazên rohn û konkerêtî ji bo çareserê têde bin.

Çarem: Midehê şandina babetan heya dawiya meha Xezelwera 1395’an e.

Tevî daxwaza dubare ji we hêjayan, bi dîtin, raman û rexne û pêşniyazên xwe ve, him alîkarê me li dor pêşdeçûna baştir ya kar û bernameyan bin, him jî bi bîr û hizrên tevaliyane ve daku em bikarin Kongireya 16’mîn a Hizba Demokart bikin bi Kongireyekî dîrokî ji bo derbaskirina qonaxên dijwar û nizîkkirina hêviya serkewtina gelê xwe.

Hûn dikarin babetên xwe ji bo malpera ‘’Kurdistan Media’’ bişînin,
yan bi vê navnîşana îmaylê ve bo Komîteya Amadekar ya Kongireya 16’mîn a Partiya Demokrat a Kurdistana Îranê bişînin:

[email protected]

Serkewtin ji xebata berheq ya gelê me re

Komîteya Amadekar ya Kongireya 16’mîn a Hizba Demokrat a Kurdistana Îranê

16’ê Îlona 2016’an
26’ê Xermanana 1395’an
بالاترین چاپکردنی ئەم بابەتە

Duheftînameya Agirî
hejmara rojnameya Agirî 306 Dî wê hejmarê de:

-Kak Mistefa Hicrî: Dr. Qasimlo di hemberî kêmasiyan de bê helwêst nebû, û fikir dikir û rêçare ditîn bo çareseriya kirîzan
-Ez sê rojên bi Qasimlo ra li buhuştê bûm…
-Çala lawaz ya Komara Îslamî
  • Çala lawaz ya Komara Îslamî Çala lawaz ya Komara Îslamî
    Rejîma Îslamiya Tehranê, piştî zêdetir ji 38 salan serberedayîtî û tawankariyan, heyamekê îdia dikir ku çavkanî û xala girîng ya ewlekariya navçeya Rojhilata Navîn e.
  • Deqa axavtina kak Mistefa Hicrî sekreterê giştî ê PDKÎ di rêûresma 22`ê Pûşperê, 28.mîn salvegera terorkirina Dr. Qasimlo û hevalên wî de Deqa axavtina kak Mistefa Hicrî sekreterê giştî ê PDKÎ di rêûresma 22`ê Pûşperê, 28.mîn salvegera terorkirina Dr. Qasimlo û hevalên wî de
    Em li vir kom bûne da ku cardin emegdariya xwe nîşanî hemû fedakarî û qehremanetiya wan nîştimanperweran bikin, ku di riya azadiya gel û hizba xwe de jiyana xwe gorî kirin. Silav li canê pak ê wan û malbatên wan.
  • Ez sê rojên bi Qasimlo ra li buhuştê bûm… Ez sê rojên bi Qasimlo ra li buhuştê bûm…
    Berî 28 salan lehengê gelê Kurdistanê Dr. Qasimlo û hevalên wî bi destê rêjîma hov a Îranê şehîd bûn. Ev nivîsa min derheqa hevdîtina min bi Qasimlo û xanima wî ra ne, ku sala 1974`an li Pragê bû.
  • Rojavaya Kurdistanê Rojavaya Kurdistanê
    Serhildana vê carê ya Sûriyan li dijî deshilata dijî mirovî ya Beşar Esed û malbata wî, derfeta vê bi rûyê Kurdên Rojava vekiriye, ku hem hebûna xwe biselimînin, û hem jî rizgar bin ji dest çewsandin û haşakirinê, hekî bixwe deriyan bi rûyê xwe de danexin.
  • Kawe Serkevt! Kawe Serkevt!
    Komara Îslamî wisa belav dikir, ku hêza pêşmergên PDKÎ bi tenê maye, û xelk amade nine pariyeke nan jî bide wan. Wan wisa xewnên qirêj û gemar diditînin, ku pêşmerge bê moral e, û baweriya wan nemaye, û wisa hizir dikirin ku bi danîna pilanekê û boseyekê wê hemiyan neçar bi serîtewandin di hemberî tarîtiyê de bikin.
  • Leyîza bi teqteqokan, hêceta hikûmeta wehşetê Leyîza bi teqteqokan, hêceta hikûmeta wehşetê
    Lê di dema vê bûyerê de derket ku ew terorîzma xwedîkirî ji aliyê rejîma Îranê ve rojekê ji rojan, wê pêsîra wan bi xwe jî bigre û yek ji heman hevalbendan di nava dilê paytext û di nava hewşa meclisê de û li nêzî gora avakerê wê de, serî radike û pê vedide.
  • Pêşmerge û stratejiya rasana Rojhilat Pêşmerge û stratejiya rasana Rojhilat
    Di rewşeke bi vî rengî de, dewleta dagîrkar bona vê ku bikare siyasetên xwe şorr bike nava civakê de, kultura serdest dike bingeha herî baş da ku ji vê riyê ve îdeolojiya xwe ya fermî berhem bîne, û bi riya vê îdeolojiya xwe jî palpiştiya hemû siyasetên nerewa ên xwe bike.
  • Tirsa ji teqteqokan Tirsa ji teqteqokan
    Bi van hûrbîniyan em digihîjin vê encamê, ku tirsa Xamineyî ji leyîza bi teqteqokan (tereqebaziyê), renge di pêşerojê de, bibe sedema vê ku, teqteqokên zêdetir li ber piyên wî biteqin, û bibe kabûsa jiyan wî.
  • Çima baykota hilbijartinê ya şêvrên gund û bajaran biryareke rast û di cihê xwe de bû? Çima baykota hilbijartinê ya şêvrên gund û bajaran biryareke rast û di cihê xwe de bû?
    Mezintirîn deshilata şêvra bajar, hilbijartina şaredar e, lê li gora yasaya gund û bajaran, piştî vê ku şaredar piştî şert û mercê diyarîkirî, ji aliyê şêvrê ve tê hilbijartin, dibe ku Wezîrê Navxwe yan jî parêzgar pesend bike, piştre bibe şaredar.
  • Pêngav ber bi lûtkeya mafê diyarîkirina çarenûsê Pêngav ber bi lûtkeya mafê diyarîkirina çarenûsê
    Bi salan e ku gelê Kurd di tekoşîneke bê rawestiyan de ye, bona bidestxistina mafê xwe, ê serweriya jiyanê, di bin sîbera xwestek û îradeya xwe de, li ser vê erdê ku ê dê û bav û bapîrên wî ye.
  • Terorîzma du serî Terorîzma du serî
    Tenê birîndarkirina marê terorîzmê bersivder nine, û hewce ye her du serên mar hem di Tehranê de, û hemjî di nava rewta selefî ya cîhadî de, bê pankirin, hekî ne, ew du cemikên aşqe û maşqe, wê zawzê bikin, û tu kunceke cîhanê aramî tê de namîne.
  • Di dîktatoriyê  de perwerde alavek e bo bindestiyê Di dîktatoriyê de perwerde alavek e bo bindestiyê
    Di Komara Îslamî de, bi nav perwerdeya Îslamî bilind kirine, û hemû tişek girê dane bi vê tewerê, li ber vê ku tenê bi xelkê biselimînin ku Weliyê Feqîh nûnerê Xwedê ye li ser erdê. Lewra heya ku deshilateke xelkî û Demokrat nehê cihgirkirin, em nikarin çaveriyê perwerdeyeke baş ji rejîma Îranê bin.
  • Tehrîm di pêxema siyasetkirinê de Tehrîm di pêxema siyasetkirinê de
    Lewra bi tehrîma hilbijartinê, em tenê li pey vê nînin ku em bêjin Komara Îslamî rewayiya wê nine, belkû em li pey vê ne, ku yekem pêşiya piroseya rewayîdaneke din bi sîstemê bigrin, û ya duyem jî em bikarin rewşê xweş bikin, bo alternative, bo rexnekirina rewşa niha, û di peyvekê de, em bîr ji siyasetkirinê bikin.
  • Jêsteke siyasî û xebatkarane Jêsteke siyasî û xebatkarane
    Ew şêwaza deshilatdariyê, û sîstema serberedayiyê, hewl dide ku tak û girûpên xebatkar tûşî bêhêvîtiyê bike, û di baweriya xwe de, wisa teslîmî rejîmê bin, ku ser vê baweriyê bin, ku ji bilî leyîstina di çarçoveya pîvanên rejîma Wilayeta Feqîhî de, tu derfeteke din bo karê siyasî û xebatê tune ye.