• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-02-23 / 1396-12-04   

Rasan û Bajar

2017-01-20 / 1395/11/01 - 13:11 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
Rasan û Bajar
Kerîm Perwîzî

Bajar bi wateya xwe ya giştî û di rastî de cihê jiyana asayî û rojane ya xelkê Kurdistanê, pêgeh û çavkaniya bingehîn ya raperî û serhildan û rabûnê ye, û ji çiya ve şoreş bigurr dibe, û li bajaran de hêz digre û berfireh dibe.

Gelê Kurd di Kurdistana Rojhilat de, di ezmûnên curbicur û hemûrengiya siyasî û xebatkarî de beşdarî kirine, û her tex û girûp û beşekê li gora rewş û hêz û şiyana xwe di xebatê de dewr û rola xwe hebûne.

Di serdemekê de di Komara Kurdistanê de, PDKÎ di nav bajaran û di nava kom û civînên xemxwar û têgihîştiyên gel de serî hilda, û bajarên Kurdistanê, bi awayên nû anî nava dîroka xebat û serhildanê de, û wekî pêgeheke girîng ya xebata serdemiyane rola xwe lîst ku mixabin gellek dom nekir.

Di serdema şoreşa gelên Îranê li dijî deshilata Pehlewî de jî, Kurdistanê di nava dilê bajaran de, û li ser kolanan hêza cemawerî ya xwe nîşan da, û piştre jî di encama serberedayîbûn û êrîşên pasdarên Xomêynî de, xelkê gund û bajarên Kurdistanê bûn, ku rêza xebatê qahîmtir dikirin, û kolan dikirin çepera bergiriyê, û xweragirî û piştevanê hêza pêşmerge bûn.

Her heman xelkê gund û bajarên Kurdistanê bûn, ku di qonaxên din de, û li şerê çiya û partîzanî de, piştevan û rênîşander û alîkarê hêza pêşmerge û tîmên pêşmerge bûn.

Piştî ragirtina xebata çekdarî jî, bajarên Kurdistanê roleke berçav di ragirtina vîn û morala xebatê de hebûne, û di şêwazên curbicur de, îradeya neteweyî ya xwe di refên encumena cudahiya çandî û medenî û rêpîvan û nerizayetî eşkerekirin û meş û serhildanan de selimandine, û dijmin be’ecandine.

Di qonaxa nû ya xebatê de, û li Rasana Rojghilat de, xebata hêza Pêşmerge û rola Kurdê koçber li derveyî welat, û xelkê gund û bajarên Kurdistanê, ku bi mînaka

bajar nav dibin, rola hevseng û pêkve wê hebin, û di vê qonaxê de jî, pêşmerge hêma û remza berxwedan û moralbexşînê ye, û bajar çavkaniya serhildan û raperîn, û berbirûbûna di hemberî dijmin de ye, û Kurdên derve jî, palpiştê hêza pêşmerge, û dengê rasana gel dibe, di cîhana derve de. Bajar di vê qonaxa xebatê de, ku pêngavên nû û ezmûna nû jê dikeve, êdî tenê rola wê ya alîkariyê namîne, belkû qonax bi qonax rola sereke ya xebatê, dibe pê bihê spartin, û bajar bibe wargehê serhildan û berxwedanê. Bajar cihê pêkvejiyana hemû rengên ncivakê ye, û xebata neteweyî demokratîk ya Kurd jî pêwîstî bi amadebûna hemû rengan e. Her di vê demê de, dijminê dagîrkar dixwaze ku bajar û çiya ji hevdu veqetîne, û çiya bike giraveke dûrxistî ji rastiya civakê û dest bi ser bajar de bigre.

Rasana Rojhilat pûçkirina pîlanên rejîma dagîrker e, ku dixwaze bajar bêxe qedeman, û çiya zincîr bike. Kiryara xebatkarane û armancdar ya hemû tex û qatên kurdistanê li gund û bajaran, ku bixwazin sêhr û tilismên dijminan pûç bikin, û wekî neteweyeke xwedî îradeya xweselimandin û kolneder jiyaneke serfirazane bikin, pêwîstiyeke girîng ya vê demsala nû ye, û hêza pêşmerge ya nîşana xebatkarî û canfîdayî û moralbexşînê, dikare palpiştê bajar be.
بالاترین چاپکردنی ئەم بابەتە

Duheftînameya Agirî
hejmara rojnameya Agirî 319 Dî wê hejmarê de:

-Rasan û Pêşmerge
-Deqa axavtina Dr. Mîro Eliyar peyamek bi boneya 2`ê Rêbendanê 72.mîn salvegera avakirina Komara Kurdistanê
-Şêlûtiyên “Social media”yê
  • Şêlûtiyên “Social media”yê Şêlûtiyên “Social media”yê
    Em di civakekê de dijîn ku tê de her sal ji bîr û hizr ve bigre heya xwast û pêwîstî û hezkirin û hêvî, heya nerazîbûn û şoreş, hemû tiştek di çarçoveya xwesteke takekesekî û veşartî de maye, û bi sedema tirsa ji dezgeha serkutê ya rejîman, civak û texên di nav de, şêwe û şêwaza giştî bi xwe ve negirtiye.
  • Rasan û Pêşmerge Rasan û Pêşmerge
    Di vê rewş û qonaxa nû de, çi pêwîst nake, ku tenê çiya hêlûna pilingên nava rewta xebatê be, belkû bajar dibe fêrgeha siyas-nizamî û pêşmerge bar tîne, û bi şêwaza nû û hewce wan perwerde dike. Di vê berg û erka nû de, êdî jin û mêr çav li asoya rohn, keç û kurên dil pirr ji hêvî di nava bajar de, li hewşa malên xwe de, çekên veşartî ên bav û bapîrên xwe de, radikin, û paqij dikin. Ew bi paqijkirina van çekan û xweperwerdekirinê, erk û wezîfeya pêşmergê parêzerê xelkê digrin stûyê xwe, da ku bi vî zimanî dgel rejîmê baxive, ku jê tê digihîje.
  • Dr. Mîro Eliyar: Dîrokê ew şanazî bexşî PDKÎ ku Komara Kurdistanê wekî yekem deshilata neteweyî ya modern ya Kurd ava bike. Dr. Mîro Eliyar: Dîrokê ew şanazî bexşî PDKÎ ku Komara Kurdistanê wekî yekem deshilata neteweyî ya modern ya Kurd ava bike.
    Kurdistanmedia: Dr. Mîro Eliyar endamê Deftera Siyasî ya PDKÎ peyamek bi boneya 2`ê Rêbendanê 72.mîn salvegera avakirina Komara Kurdistanê pêşkêş kir.
  • Rasan û guhertin Rasan û guhertin
    Qanaxa Rasanê, qonaxek e ku pêwîst bi nûbûnê û cardin jêponijînê heye di hemû biyavan de, û kar û tekoşîn, û xewn û şêwaza pêngavhilgirtina ber bi hêviyan ve diyarî dike.
  • Komara kurdistanê nahê jibîrkirin Komara kurdistanê nahê jibîrkirin
    Zimanê kurdî bibû zimanê fermî yê îdare û qutabxanan li Rojhelatê Kurdistanê, û rojname û kovar bi zimanê Kurdî dihatin weşandin.
  • Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye
    Sekreterê giştî yê PDKÎ Mistefa Hicrî anî ziman ku serhildan û xwepêşandanên xelkê Îranê, encama bêzarî û nerazîbûna li hember siyaset û baweriyên jiparemayî yên rejîma Îranê ye û ev yek 40 sal berê dest pê kiriye. Hicrî destnîşan kir ku di çerçoveya demokrasiye de piştgiriya xwepêşandanan kirine û Îran ti wext ji bo diyalogê bi wan re rast tevnegeriya ye.
  • Komara Kurdistanê, Netewe û welatperwerî Komara Kurdistanê, Netewe û welatperwerî
    Wek erkek nîştimanî em dibe têkoşîna xwe bo nasandina baştir û zêdetir ya nirxên welatperwerî û nîştimanperwerî ku li Komara Kurdistanê ve bo me bi mîrat mane zêdetir bikin, û ew yeka jî, wê yekîtiya di navbera hemû Kurdistaniyan de zêdetir û riya gihîştin bi armancên Komarê jî ronahîtir bike.
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.