• Rojnameya Kurdistan
  • Agiri
  • Biri Xwendkar
  • Lawan
  • Jinan
  • Tishl
  • Nergiz
2018-01-19 / 1396-10-29   

PDK Îranê: Rejîma Îranê heyfa şikestên siyasî ên xwe ji xelkê sivîl distîne

2017-09-29 / 1396/07/07 - 12:14 Taran Qewareya Fontê: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
PDK Îranê: Rejîma Îranê heyfa şikestên siyasî ên xwe ji xelkê sivîl distîne
Kurdistanmedia: Partiya Demokrat a Kurdistana Îranê di daxuyaniyekê de destbiserkirina bi kom ya xelkê Rojhilatê û mîlîtarîzekirina Kurdistanê mehkûm û şermezar kir û daxwazê ji kom û civatên siyasî û nawendên cîhanî ên têkildar dike ku givaşan bixin ser rejîma Îranê daku çiqas zû ye, girtiyan serbest berde û bajarên Kurdistana Rojhilatê jî, ji hêzên leşkirî ên xwe vala bike.

Deqa daxuyaniyê bi vî awayî ye:

“Rejîm bersiva şahî û keyfxweşiya xelkê bi mîlîtarîzekirina bajaran dide”.

Hevwelatiyên birêz!

Kom û civatên cîhanî ên mirovdost


Roja 25’ê Îlona 2017’an (3’ê Rezbera 1396’an), piştî birêveçûna refrandoma diyarkirina çarenivîsa neteweya Kurd li Kurdistana Başûr de, xelkê Kurdistana Rojhilatê jî bi nîşaneya hevpeywendiya neteweyî û nîşandana hevsoziya xwe, bi awayek aştiyane û medenî, derketin ser qadan û li civîn û civatên dehan hezar kesî de, şadî û keyfxweşiya xwe derheq vê roja dîrokî nîşan dan. Rojek dîrokî ku têde hevziman û hevneteweya wan li beşek din ya Kurdistanê de ji riyek demokratîk û aştiyane bi mekanîzma rapirsiyek aram, dengê xwe li ser çarenivîsa xwe dan û pêka encamê jî, bi piraniyek berbiçav, anku %92.73 dengê xwe ji serxwebûnê re avêtin.

Komara Îslamî ku midehekî zaf e hêz û cebilxaneyek zaf bo bajarên sînorî ên Rojhilatê aniye û bi gef û gurran ve dijberiya xwe bi birêveçûna refrandomê li başûr de nîşan dide û vê yekê jî bi alîkar bo xurtkirina alozî û dubendiyên zêdetir li deverê de dizane, li hember xweşî û şahiya aram û medenî ya xelkê Rojhilatê de ecêbgirtî ma, lewma dest bi fitne û afirandina dubendî û kiryarên hovanetir ji terorîstî kir.

Take guneh û tawana xelkê Rojhilatê, eva bû ku bi nîşaneya xweşî û hevsoziya bi hevziman û hevneteweya xwe di aliyê din ên sînorê sepandî de, şahiyek medenî kirin û berevajî Komara Îslamî ku gef ji birêveçûna wê refrandomê dixwar, xelkê Rojhilatê bi pêşwaziya wê çûn û hemû gef û kompiloyên rejîma Îslamî ya Îranê bulqa ser avê kirin, lewre Sipaha Pastaran û dezgehên sîxorî ên rejîmê ketne heyfstandin û tolhildana ji xelkê.

Li çend rojên derbasbûyî, li gelek bajarên Kurdistana Îranê de bi sedan kes ji xelkê asayî ji aliyê dem û dezgehên îtilaatî û tepeserkar ên rejîmê ve hatine destbiserkirin û tu agahî ji çarenivîsa wan nine. Di van rojên dawiyê de, hêzek zaf ya pastaran bi çek û teqemeniyên giran ve bo nav bajarên Kurdistana Rojhilatê hatine veguhastin ku tenê li şerê du arteşên bihêz de ew çek û teqemenî tên bikar birin, nek ji bo tepeserkirina xelkê sivîl.

Komara Îslamî carek din selimand ku hemû gef û gurrên derekî ên wê, vala û bêbingeh in, û tenê şiyan û karîna serkut û tepeserkirina xelkê sivîl û medenî heye, û heyf û tola şikestên siyasî ên xwe, ji xelkê asayî û sivîl vedike.

Ew şahî û keyfxweşiya xelkê bajarên Kurdistana Îranê, da selimandin ku berevajî siyasetên qirêj û nemirovane ên rejîmê, neteweya Kurd agah û hişyar e û li hember çewaşekariyên Komara Îslamî de bi çok de nahê.

Em tevî mehkûm û şermezarkirina van kiriyarên hovane ên Komara Îslamî, daxwaz dikin ku çiqas zû ye, girtî û destbiseran azad û serbest bike û hemû ew hêzên leşkirî ên xwe bo derweyî bajarên Kurdistanê û cihên ku jê anîne, veguhêze.

Em daxwaz ji kom û civatên siyasî û nawendên cîhanî dikin ku givaşê ji Komara Îslamî re bînin daku çiqas zû ye girtî û destbiseran, serbest berde û bajarên Kurdistana Rojhilatê jî ji hêzên leşkirî vala bike.

Partiya Demokrat a Kurdistana Îranê
Deftera Siyasî

28’ê Îlona 2017’an
6’ê Rezbera 1396’an


بالاترین چاپکردنی ئەم بابەتە

Duheftînameya Agirî
hejmara rojnameya Agirî 317 Dî wê hejmarê de:

-Dengê Rasana gelan nabihîzin
-Dengê pêngavên rojên pakane hesabê tê
-PDKÎ û Komelê daxuyaniyeke hevbeş belav kirin
  • Dengê Rasana gelan nabihîzin Dengê Rasana gelan nabihîzin
    Di roja 7`ê Befranbara 1396`an, di dawî rojên sala 2017`an Zayînî de, bizava mafxwaziya neteweyan û xelkên Îranê piştî çend civînên nerazîbûnê, wekî rûbareke boş, bendava astengiyên hemûreng ên rejîmê herifand, û lehiyeke sertaserî li Îranê de rê xist.
  • Pêşmerge sembola azadiyê Pêşmerge sembola azadiyê
    Şer û xebata Pêşmerge li hember dagîrkarî û terorîzm û tundajoyiya herêmî, nasname û giraniyek cîhanî daye heybet û felsefeya azadîxwaziya Pêşmerge, û di navendên xwedîbiryar ên dunyayê de, weke peyamnêr û xebatkarên aştî û azadî û wekheviyê tên binavkirin, û xelat bi wan têne bexşîn.
  • Yelda û Rasan Yelda û Rasan
    Sirûda nû ya Rasanê, reh û rîşe di kultur û lênihêrîna Kurd, û ji watabexşînên rêberê şoreşê Qasimloyê rêber û nemir wergirtiye, û demarên efsaneyên civakê dilivlivîne, lewra dilê xelkê digel dilê Rasanê lê dide.
  • Felsefeta “Heq” û “yekparçeyiya Herêmî” (Beşa 2) Felsefeta “Heq” û “yekparçeyiya Herêmî” (Beşa 2)
    Hekî mirov di nava hemû belge û peymannameyên navneteweyî ên taybet bi mafê mirovan û mafê girûp û neteweyan de bigere, tiştekî bi navê parastina yekparçeyiya welat yan xakê nabîne.
  • 26`ê Sermawezê dîroka hêzekê, ku bûye rûmeta neteweyekê 26`ê Sermawezê dîroka hêzekê, ku bûye rûmeta neteweyekê
    Gelê me bi rênîşandan û pêşengtiya pêşmerge ji bo bidestxistina mafên xwe û bidestvegirtina çarenivîsa xwe, mil bi milê pêşmerge şoreşek nû meşandiye. Êdî bi derketina îradeya pêşmerge guman nemaye ku ne çiyayên Kurdistanê bêxwedî ne, ne jî bajar bê stargeh in.
  • Samana welat bo terorîstan, wêranî û paremayîn jî bo Kurdistanê Samana welat bo terorîstan, wêranî û paremayîn jî bo Kurdistanê
    Niha piştî borîna midehek zaf bi ser wê bûyera dilêş û trajîk re, xelkê deverê li gelek biyavan di jêr givaşan de ne û sir û seqema Zivistanê, barîna baranê û nebûna êvirgeh û nemaze xîwetan, lêqewmayên deverê xembar û nîgeran kirine.
  • Birca  Babil Birca Babil
    Bûyerên kevn ên dîrokî û heya ustûre jî dibêjin, bona vê ku tu civakekê lawaz bikî, da ku bixwe ber bi rizîn û herifînê ve here, ya baş ew e ku tu şer û nexweşiyê bixî nava wan de, û wan mijûlî kêşeyên navxweyî ên wan bixwe bikî, da ku hem kêşeya serekî ji bîra wan here, û hem jî bixwe di nav xwe de koka hev biqelînin.
  • Felsefeta “Heq” û yekparçeyiya Herêmî (Beşa 1) Felsefeta “Heq” û yekparçeyiya Herêmî (Beşa 1)
    Tu veşartî nine ku ew mijara di demekê de ji dayîk dibe ku di dawiya meha Xezelwera sala 1396`an di Almanyayê de hejmarek ji hêzên ser bi neteweyên belengaz û herwisa ser bi neteweya serdest pêkve şorayek bi navê “Şêvra Demokrasîxwazên Îranê” pêk anîn.
  • Erdheja Kirmaşanê û liberhevkevtina du kultoran Erdheja Kirmaşanê û liberhevkevtina du kultoran
    Rayedarên rejîmê her bi vê hindê jî nerawestiyan û hevkariyên xelkê xwebexş jî tevî astengiyan berbirû kirin, û dest bi ser alîkariyên wan de girtin yan jî wek cerdewanan dizîn û talankirin û izin nedan ku bi şêwazeke durust, ew hevkarî bigihîjin xelkê.
  • Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê Bandora hêriş û pîlanên Heşdî Şeibî- Îraq,Îran,Turkiye li dijî Kurdistanê
    Bûyera dagîrkirina Kerkûk û Navçeyên Nakokî Li Ser yên Başûrê Kurdistanê ji aliyê leşkerê Îraq û Heşdî Şeibî ve, bi fermandariya Qasim Silêmanî pasdarê Îranê, çawa û bi çi mebestekê û ji kengê ve pîlana wê hatibû diyarîkirin, jiber ku bingeh û bîrokeya vê dagîrkariyê gelekî ji zû de hebû.
  • Pêşmercê serkevtinê, yekrêzî û pêkvebûn e Pêşmercê serkevtinê, yekrêzî û pêkvebûn e
    Bi xweşî ve ragehandina azad û bi taybetî torên civakî rejîm riswa kirin, ji aliyekî ve, diziyên wan li wan eşkere kirin, û ji aliyekî din ve bêpirensîpî û dijîkurdbûna Komara Îslamî bo bîrûraya giştî zêdetir eşkere kir.
  • Şikesta Kerkûkê dawiya rê nine! Şikesta Kerkûkê dawiya rê nine!
    Berî êrîşên DAÎŞ`ê bû ku Malikî hêza Îraqê bi fermandehiya Ebû El-emîr Zeydî şand da ku Kerkûk û Xaneqînê bigrin. Ji çend salan berî niha ve jî, bûdceya Hikûmeta Herêma Kurdistanê birîne, da ku bi zext û givaşa aborî ji navxwe ve biherife.
  • Erdheja siyasî Erdheja siyasî
    Gava erdhejê li Kirmaşanê da, rejîm li benda wê bû ku erdhej pitir kurdan wêran, belengaz û çav li dest bike, lewma bi hawara xelkê lêqewmayî ve neçû, û wusa dihesiband ku pîlana wê ser girtiye, û bajarên din dê bibêjin: îca bi me çi? Bila Kelhor û Yarsan û Şî`e tê de biçin!
  • Şikesta Kerkûkê destpêka rabûneke din Şikesta Kerkûkê destpêka rabûneke din
    Dîrok hertim bi awayek ji awayan dubare dibe. Bûyera 25`ê Rezbera 1396`an (16.10.2017)`an rast bibîrhîner û dubarebûna dîrokê di cîhanê de, û bi taybetîtir ji bo neteweya Kurd bû.