• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی فێڤریەی ٢٠١٨ی زایینی - ٠٤ی رەشەمەی ١٣٩٦ی هەتاوی  

بەیاننامەی دەفتەری سیاسیی حیزبی دێموکرات، سەبارەت به پەرەگرتنی زیاتری ئیعدامی زیندانییانی سیاسی

زایینی: ٢٧-١٠-٢٠١٣ - هەتاوی: ١٣٩٢/٠٨/٠٥ - ١٦:٠٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بەیاننامەی دەفتەری سیاسیی حیزبی دێموکرات، سەبارەت به پەرەگرتنی زیاتری ئیعدامی زیندانییانی سیاسی
کوردستان میدیا: دەفتەری سیاسیی حیزبی دێموکراتی کوردستانی ئێران لە پێوەندی لەگەڵ پەرەگرتنی زیاتری ئیعدامی زیندانییانی سیاسی، بەیاننامەیەکی بڵاو کردەوە.


دەقی بەیاننامەیەکە بەم چەشنەیە:


گەلانی ئازادیخوازی ئێران!
کۆمەڵانی خەڵکی مافخوازی کوردستان!
کۆڕ‌ و کۆمەڵە بەشەردۆستەکانی داکۆکیکاری مافی مرۆڤ!


بەپێی ئەو راگەیاندن و بڵاوکراوانەی دەزگا سەرکوتکەرەکانی کۆماری ئیسلامیی ئێران لە دوو رۆژی رابردوودا ژمارەیەک زیندانیی سیاسی لە رۆڵەکانی نەتەوەکانی ئێران لەلایەن ئەو رێژیمەوە ئیعدام کراون، ''رەزا ئیسماعیلی'' و ''حەبیبوڵڵا گوڵپەری‌پوور'' زیندانییانی سیاسیی کورد لە شارەکانی سەلماس ورمێ‌ و هەروەها ١٦ چالاکی سیاسی و فەرهەنگیی بلوچ لە شاری ''زاهیدان''ی پارێزگای سیستان و بلووچستان لە ریزی ئەو ئیعدام کراوانە دان.


ئیعدام کردنی ئەو زیندانییە سیاسییانە لە کاتێک دایە کەلە رەوتێکی عادڵانە ‌و لە پرۆسەیەکی قەزایی واقعی و لە چوارچێوەی یاساکانی مافی مرۆڤدا لێپرسێنەوەیان لێی نەکراوە.


رەوتی ئیعدام لە کۆماری ئیسلامیی ئێراندا لە هەڵومەرجێکدا پەرەگرتنی زیاتر بە خۆوە دەبینێ‌کە بە هاتنەسەرکاری حەسەن رووحانی وەک سەرکۆمار هێندی کەس و لایەن ئەوەیش لەسەر بەڵێنییە تەبلیغاتییەکانی ناوبراو خەونی دوورکەوتنەوی رێژیمیان لە پێشیلکردنی مافی مرۆڤ، سرنجدان بە مافی نەتەوە ستەم لێکراوەکانی ئێرانی و باش بوونی وەزعی ژیان و گوزەرانیان دەدیت و بانگەشەیان بۆ بەلاڕێیدا بردنی بیروڕای گشتی و هاتنەسەرکاری رووحانی دەکرد.


هەرچەند شەپۆلی ئیعدام و پەرەگرتنی زیاتری لە جێ‌دا ناڕەوا ‌و مەحکوومە، بەو حاڵەش جێگای سرنجە کە دەزگای قەزایی وڵاتێک کە دەبێ بەرێوەبەری یاسا بێ بە رووهەڵماڵاوی ‌و راشکاوی بگەیەنێ‌کە بە تۆڵەی کوژرانی چەند چەکداری سەربە هێزە سەرکوتکەرەکانی رێژیم لە تێکهڵچونێکی چەکدارانەدا، شازدە زیندانی کە چەند ساڵە لە بەردەستی خۆی و لە زیندانی خۆی دان ئیعدام دەکا. کردەوەیەک کە بێجگە لە کۆماری ئیسلامی و دەزگای قەزایەکەی لە هیچ وڵات و دەسەڵاتێک ناوەشێتەوە و ئەوەش دیاریی سەرکۆمارێکە کە بانگەشەی ئەوەی دەکرد کە ئەو نیزامی نییە و یاساناس و یاسازانە.


بەراستی ئەوانەی بانگەشەی چەواشەکارانەیان بۆ ئاڵوگۆڕ بە دەستی رووحانی دەکرد دەبێ چ قسەیان بۆ بنەماڵەی ئەو شەهیدانە و بۆ بیروڕای گشتی هەبێ و ئەو کردەوە دژی مرۆڤانەیە چۆن پاسا‌و بدەن.


دیارە شەپۆلی ئیعدام و رەوتی پەرەگرتنی، خەڵکی ئێرانی بەگشتی گرتەوە و لەو بارەوە لە راپورتی ئەحمەد شەهید دیاری کراوی تایبەتیی مافی مرۆڤی رێکخراوی نەتەوەیەکگرتووەکان بۆ ئێران نیگەرانیی دەربڕاوە، بەپێی ئامارەکانی بەردەست لە ماوەی یەک ساڵی رابردوودا ٥٣٧ کەس لە ئێران ئیعدام کراون کەلە چاو ساڵی رابردوو بە شێوەیەکی بەرچا‌و زیادی کردووە.


سیاسەت ‌و کرداری دژەمرۆیی کۆماری ئێسلامی هەر بە ئیعدامی زیندانییانی سیاسی لە کوردستان بەرتەسک نابێتەوە و لە شێوەی دیکەشدا رۆڵەکانی کورد قوربانی دەکا هەروەک چەند رۆژ لەوە پێش بوو کە چەند مێرمنداڵی کورد لە مەریوان بوونە قوربانیی مینی چاندراوی رێژیم ‌و گرنگی نەدان بە هەڵگرتنەوەیان کە رۆژانە لە رۆڵەکانی کورد قوربانی دەکا.


حیزبی دێموکراتی کوردستانی ئێران وێڕای مەحکووم کردنی ئیعدامی زیندانیاینی سیاسی، نیگەرانی لە پەرەگرتنی دەردەبڕێ ‌و هاودەردیی خۆی لەگەڵ بنەماڵەکانیان رادەگەیەنێ، هەروەها داوا لە بیروڕای گشتی و کۆمەڵگای جیهانی و کۆڕ و کۆمەڵە بەشەردۆستەکان دەکا کە بە دەربڕینی ناڕەزایەتیی لەو هەمووە ئیعدامە و بە مەبەستی گوشارهێنان بۆ کۆماری ئیسلامی لەپێناو راگرتنی ئەو رەوتە، هەوڵی خۆیان وەگەڕ بخەن و لەپێناوی پاراستنی مافی مرۆڤ و دژ بە جینایەت و کوشتار هەنگاو هەڵبگرن بەتایبەت کە هەر ئێستا مەترسی لەسەر گیانی کۆمەڵێک زیندانی سیاسی لە رۆڵەکانی نەتەوەکانی ئێرانی بەتایبەت مافخوازانی کورد لەئارا دایە.


حیزبی دێموکراتی کوردستانی ئێران
دەفتەری سیاسی
٥ی خەزەڵوەری ١٣٩٢ی هەتاوی
٢٧ی ئۆکتۆبری ٢٠١٣ی زایینی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.