هوشیار ئەحمەدی
برینی ئەو دەستڕێژە گوللەیەی لە قاسملوو و شەرەفكەندی كرا، وەك شوێنەواری ئەو پەتەی پێشەوا قازی موحەممەدی پێ خنكێنرا، هەروا لەسەر جەستەی حیزبی دێموكرات بە ناسۆری ماوەتەوە. لێ ئەمەش بەو مانایەیە كە حیزبی دێموكرات و رێبەرایەتی و كادر و پێشمەرگە و ئەندامان و دۆستانی، ئەو بیرەوەرییە تاڵانە لە بیر ناكەن و وەكوو خاڵی دەسپێكێكی تر چاویان لێ كردووە و زیاتر و روونتر لە جاران بۆیان دەركەوتووە و سەلماوە كە دوژمنەكەیان زمانی ئاشتی و دیالۆگ نازانێ.
راستییەكی حاشاهەڵنەگر لە تیرۆری \'\'د. قاسملوو و د. سادق\'\'دا زەقتر لە راستییەكانی تر خۆ دەنوێنێ، ئەویش كاریگەریی هێژمۆنیی سیاسی و فیكریی ئەوان بوو بەسەر تێکڕای ئوپۆزسیۆنی ئازادیخواز و دێموكراتی ئێرانەوە. لەو دەمەیدا كە ئەو دوو كەسایەتییە پلانیان بۆ یەكخستنی هێز و پۆتانسیەلی ئوپۆزسیۆن دادەڕشت، هێزەكانی تری ئوپۆزسیۆن سەرگەرمی پێكدادان و پێكداهەڵپڕژان بوون و پێكهاتەی وزەی ئوپۆزسیۆنی كۆماری ئیسلامی رۆژ لە دوای رۆژ زیاتر لێك هەڵدەوەشایەوە و وزەكان بەرەو وردبوون و هێزەكان بەرەو لێكپاشران دەچوون. تەنانەت لەم پرۆسە پلان بۆداڕێژراوەدا حیزبەكەی خودی قاسملوو و د. شەرەفكەندیش پارێزراو نەبوو و خەساری بەركەوت.
سەرئەنجام پاش موتاڵاو شەن و كەوێكی زۆر و ورد، بەو ئەنجامە گەیشتن كە دەبێ وەكوو تێزێك چاو لەو پلانەی كۆماری ئیسلامی بكرێ و ئەنتی تێزی خۆیشی بۆ دابڕێژرێ. ئەوە بوو كە هەر دوو دوكتوری رێبەری حیزبی دێموكراتی كوردستانی ئێران، دۆكتورینێكی سیاسیان لەسەر بنەمای یەكخستنی هێزی لێك بڵاو بووی ئوپۆزسیۆنی دێموكرات و ئازادیخوازی ئێران بونیات نا و راپەڕاندنی ئەو ئەركەیش كەوتە ئەستۆی خودی دوكتور سادق شەرەفكەندی.
دوكتور شەرەفكەندیش وەك تەواوی ئەوانەی كە دەیناسن، دەزانن رێبەرێك بوو كە دەنگی كردەوەكانی زۆر لە دەنگی قسە و وتەكانی بەرزتر بوون. ئەو بڕوای بەوە هەبوو كە هەست و بیر و ئەندێشە و قسە و وتە، تاكوو بەرگی كردار نەپۆشێ، ناتوانێ ببێتە هێز و وزە ببەخشێ. بۆیە ئەو بیرۆكەیە لای ئەو ببووە باوەڕ و رێبازێكی سیاسیی روون. ئەو دوكتورای لە كیمیای ئانالیزدا هەبوو، كاری ئەو ئانالیز و ورد كردنەوە و تاوتوێی هاوكێشە و لێكدانەوەی كیمیایی بوو، بۆیە لە كاروباری سیاسیشیدا ئەو رێچكەیەی كردبووە رێبازی كاریی. واتە كاتێك ئەیهەویست كارێك بكات، یان ئەركێك راپەڕێنێ یان كۆبوونەوەیەك بكات و یان لێدوانێك بدات، راست لەسەر رێبازی كیمیای ئانالیز، بەوردی و كیمیاگەرانە، ئانالیزی بابەتەكەی ئەكرد و وردبینانەش پلانی بۆ دادەنا و بە بەرچاو ڕوونییەكی پێویستەوە هەنگاوی كردەوەی بۆ هەڵدەگرت.
ئەو تایبەتمەندییانە و كۆمەڵە تایبەتمەندییەكی دیكە، د. شەرەفكەندیشی وەكوو د. قاسملووی مامۆستای، خستە ژێر زەڕەبینی بەشی لێكۆڵینەوە و پلانڕێژی ماشینی تیرۆری دوژمنەوە و تەواوی جموجووڵەكانی خرایە ژێر كۆنترۆڵەوە. ئەوان لەو باوەڕەدا بوون كە بە تیرۆر كرانی د. قاسملوو، حیزبی دێموكرات تا رادەیەكی زۆر شڵەژابوو و سڕ ببوو و بە تیرۆری دوكتور سادقیش بە تەواوی بە ئامانجی خۆیان دەگەن. ئەساسەن ئامانجی ئەوان لە تیرۆری ئەو دوو رێبەرەی بزوتنەوەی دێموكراتیكی گەلی كورد و حیزبی دێموكراتی كوردستانی ئێران، فەلەج كردنی بزووتنەوەی رزگاریخوازیی كوردستانی ئێران لە لایەك و پرۆسە و پرۆژەی یەكخستنی ئوپۆزسیۆنی ئازادیخواز و دێموكراتی ئێران لە لایەكیتر بوو. دیارە ئەوان رەنگە لە شڵەژاندنی حیزبی دیمۆكراتدا سەركەوتوو بووبن، بەڵام نەیانتوانیوە پەك بە پرۆژەكانی بخەن و پاش ساڵانێك لەو تیرۆرە، حیزبی دێموكرات توانیی بەشێك لە ئامانجەكانی رێبەرە شەهیدەكانی بگەیەنێتە مەنزڵگەی سەرەئەنجام كە بەرهەمەكەی پێكهێنانی كۆنگرەی نەتەوەكانی ئێرانی فیدراڵە. ئەم كۆنگرەیە لەسەر دەستی حیزبی دێموكرات و لەسەر بنەما فیكری و تێكۆشانەكانی رێبەرانی شەهیدی ئەو حیزبە بونیات نرا كە ئامانجەكەی یەكخستنی وزەی هێزە دێموكراتخوازەكانی نەتەوەكانی سەرانسەری ئێرانە و بەشدار كردنی بزووتنەوەی نەتەوەكانی تری ئێرانە لە خەباتی رزگاریخوازانە و دێموكراتیكی ئێراندا.
بوون و مانەوەی باوەڕ بە ئامانج و رێباز، گرینگترین و سەرەكیترین توخمی پێكهێنەری كاكڵی فیكری و كەسایەتی رێبەریی د. سادق شەرەفكەندی بوو. ئەو بڕوای وابوو كە مرۆڤی شوڕشگێڕ پێویستیی بە باوڕێكی قووڵ و قایم بە ئامانج و ئەنجامەكانی هەیە، پێویستیی بە ئیرادەیەكە كە بە تەواوی مانا، شیاوی پێناسەی پێشمەرگە بێ. واتە لێرەدا دەبێتە پرسیار ئەی پێناسەی ئەو بۆ پێشمەرگە چییە؟
لە باوەڕی ئەودا پێشمەرگە هەموو ئەو كەسانە دەگرێتەوە كە پێشەنگایەتی شۆڕشیان لە ئەستۆیە. بە باوەڕی زۆر كەس، ئەم پێناسەیەش پانتایی مانایی‌یەكەی بەرینترە لە هێزێكی چەك لەشانی ئامادەی رووبەڕوو بوونەوەی سەربازی، بۆیە دەكرێ پێشمەرگە كەسێك بێ لە جلوبەرگی وەرزێرێك، گوندنشینێك، خوێندكار و قوتابییەك، مامۆستایەكی ئایینی، نەجار و كرێكارێك، بازاڕی و كاسبێك، ژنێكی ماڵەوە و ... هەتاكوو دەگاتە سەر ترۆپێكی مانا كە ئەو پێشمەرگەیەیە كە بەرگی پیرۆزی پێشمەرگانەی لەبەرە و چەكی شەرەفی لەشانە و هەردەم لە مەتەرێزی بەرگرییە لە كەرامەت و مان و مەوجوودییەتی گەل و نیشتمانەكەی. ئەو كەسەی كە گیانی خۆی پێشاپێش بە نیشتمان و گەل و حیزب و ئامانجەكانی بەخشیوە.
ئامانجی سەرەكیی د. سادقی شەهید پێناسە و ئانالیزی باوەڕی شوڕشگێڕانە و پێشمەرگانەیە، باوەڕێك كە نە بە چەك پێك دێت و نە بە چەكیش دەڕووخێ. باوەڕێك كە بە هێزترە لە بارووت و تەقەمەنی، قایمتر و خۆڕاگرترە لە سەنگەری پۆڵایین و قەڵای ئەلەمووتی، باوڕێك كە بەسەر رۆح و جەستەدا زاڵ ئەبێت. دیارە هەم دۆست و هەمیش دوژمن بڕوایان بەوە هێناوە كە ئەوەی پێشمەرگەی كردووەتە هێزێكی پۆڵایین، هەر هەمان باوەڕە كە ئەتوانێ لە كوڕە جووتیارێكی گوندنشین، یان لە شوانێك و كورە وەرزێرێك و یان لە كوڕە شارییەكی بەناز پەروەردە، پاڵەوانێك بخوڵقێنێ.
بەڵێ هەم پێشەوای نەمر و هەم قاسملووی مامۆستا و هەمیش د. سادقی رێبەر ئاماژەیان بەوە كردووە كە خەباتی ئێمە رەنگە بەری دوور بێت، هەر بۆیە پێویستیی بە پشووی درێژ دەبێ. هەر سێكیان ئاماژەیان پێ كردووە كە دوژمنی ئێمە و گەلی ئێمە لە ریزی پێشەوەی دڕندەترین دوژمنانی ئازادی دایە و لە هیچ چەشنە پیلانێك ناسڵەمێتەوە، بۆیە هەر سێكیشیان بەو بڕوایە گەیشتوون كە ئێمە یەكەم قوربانی نابین و دوایین قوربانیش نین. كەوابوو دەبێ هەموان بۆ نوێكردنەوەی پەیمان و بەڵێنی لەگەڵ رێبەرانی شەهید، سەرجەم شەهیدانی حیزب و گەل و رێبازەكەیان، لە بیر و باوەڕەكانیان تێبگەین و وانە و ئامۆژگارییەكانیان بكەینە هەوێنی باوەڕی شۆڕشگێڕانەمان.
ناوەرۆکی ئەم بابەتە را و تێبینی نووسەرە و ماڵپەڕی کوردستان میدیا لێی بەرپرسیار نیە
برینی ئەو دەستڕێژە گوللەیەی لە قاسملوو و شەرەفكەندی كرا، وەك شوێنەواری ئەو پەتەی پێشەوا قازی موحەممەدی پێ خنكێنرا، هەروا لەسەر جەستەی حیزبی دێموكرات بە ناسۆری ماوەتەوە. لێ ئەمەش بەو مانایەیە كە حیزبی دێموكرات و رێبەرایەتی و كادر و پێشمەرگە و ئەندامان و دۆستانی، ئەو بیرەوەرییە تاڵانە لە بیر ناكەن و وەكوو خاڵی دەسپێكێكی تر چاویان لێ كردووە و زیاتر و روونتر لە جاران بۆیان دەركەوتووە و سەلماوە كە دوژمنەكەیان زمانی ئاشتی و دیالۆگ نازانێ.
راستییەكی حاشاهەڵنەگر لە تیرۆری \'\'د. قاسملوو و د. سادق\'\'دا زەقتر لە راستییەكانی تر خۆ دەنوێنێ، ئەویش كاریگەریی هێژمۆنیی سیاسی و فیكریی ئەوان بوو بەسەر تێکڕای ئوپۆزسیۆنی ئازادیخواز و دێموكراتی ئێرانەوە. لەو دەمەیدا كە ئەو دوو كەسایەتییە پلانیان بۆ یەكخستنی هێز و پۆتانسیەلی ئوپۆزسیۆن دادەڕشت، هێزەكانی تری ئوپۆزسیۆن سەرگەرمی پێكدادان و پێكداهەڵپڕژان بوون و پێكهاتەی وزەی ئوپۆزسیۆنی كۆماری ئیسلامی رۆژ لە دوای رۆژ زیاتر لێك هەڵدەوەشایەوە و وزەكان بەرەو وردبوون و هێزەكان بەرەو لێكپاشران دەچوون. تەنانەت لەم پرۆسە پلان بۆداڕێژراوەدا حیزبەكەی خودی قاسملوو و د. شەرەفكەندیش پارێزراو نەبوو و خەساری بەركەوت.
سەرئەنجام پاش موتاڵاو شەن و كەوێكی زۆر و ورد، بەو ئەنجامە گەیشتن كە دەبێ وەكوو تێزێك چاو لەو پلانەی كۆماری ئیسلامی بكرێ و ئەنتی تێزی خۆیشی بۆ دابڕێژرێ. ئەوە بوو كە هەر دوو دوكتوری رێبەری حیزبی دێموكراتی كوردستانی ئێران، دۆكتورینێكی سیاسیان لەسەر بنەمای یەكخستنی هێزی لێك بڵاو بووی ئوپۆزسیۆنی دێموكرات و ئازادیخوازی ئێران بونیات نا و راپەڕاندنی ئەو ئەركەیش كەوتە ئەستۆی خودی دوكتور سادق شەرەفكەندی.
دوكتور شەرەفكەندیش وەك تەواوی ئەوانەی كە دەیناسن، دەزانن رێبەرێك بوو كە دەنگی كردەوەكانی زۆر لە دەنگی قسە و وتەكانی بەرزتر بوون. ئەو بڕوای بەوە هەبوو كە هەست و بیر و ئەندێشە و قسە و وتە، تاكوو بەرگی كردار نەپۆشێ، ناتوانێ ببێتە هێز و وزە ببەخشێ. بۆیە ئەو بیرۆكەیە لای ئەو ببووە باوەڕ و رێبازێكی سیاسیی روون. ئەو دوكتورای لە كیمیای ئانالیزدا هەبوو، كاری ئەو ئانالیز و ورد كردنەوە و تاوتوێی هاوكێشە و لێكدانەوەی كیمیایی بوو، بۆیە لە كاروباری سیاسیشیدا ئەو رێچكەیەی كردبووە رێبازی كاریی. واتە كاتێك ئەیهەویست كارێك بكات، یان ئەركێك راپەڕێنێ یان كۆبوونەوەیەك بكات و یان لێدوانێك بدات، راست لەسەر رێبازی كیمیای ئانالیز، بەوردی و كیمیاگەرانە، ئانالیزی بابەتەكەی ئەكرد و وردبینانەش پلانی بۆ دادەنا و بە بەرچاو ڕوونییەكی پێویستەوە هەنگاوی كردەوەی بۆ هەڵدەگرت.
ئەو تایبەتمەندییانە و كۆمەڵە تایبەتمەندییەكی دیكە، د. شەرەفكەندیشی وەكوو د. قاسملووی مامۆستای، خستە ژێر زەڕەبینی بەشی لێكۆڵینەوە و پلانڕێژی ماشینی تیرۆری دوژمنەوە و تەواوی جموجووڵەكانی خرایە ژێر كۆنترۆڵەوە. ئەوان لەو باوەڕەدا بوون كە بە تیرۆر كرانی د. قاسملوو، حیزبی دێموكرات تا رادەیەكی زۆر شڵەژابوو و سڕ ببوو و بە تیرۆری دوكتور سادقیش بە تەواوی بە ئامانجی خۆیان دەگەن. ئەساسەن ئامانجی ئەوان لە تیرۆری ئەو دوو رێبەرەی بزوتنەوەی دێموكراتیكی گەلی كورد و حیزبی دێموكراتی كوردستانی ئێران، فەلەج كردنی بزووتنەوەی رزگاریخوازیی كوردستانی ئێران لە لایەك و پرۆسە و پرۆژەی یەكخستنی ئوپۆزسیۆنی ئازادیخواز و دێموكراتی ئێران لە لایەكیتر بوو. دیارە ئەوان رەنگە لە شڵەژاندنی حیزبی دیمۆكراتدا سەركەوتوو بووبن، بەڵام نەیانتوانیوە پەك بە پرۆژەكانی بخەن و پاش ساڵانێك لەو تیرۆرە، حیزبی دێموكرات توانیی بەشێك لە ئامانجەكانی رێبەرە شەهیدەكانی بگەیەنێتە مەنزڵگەی سەرەئەنجام كە بەرهەمەكەی پێكهێنانی كۆنگرەی نەتەوەكانی ئێرانی فیدراڵە. ئەم كۆنگرەیە لەسەر دەستی حیزبی دێموكرات و لەسەر بنەما فیكری و تێكۆشانەكانی رێبەرانی شەهیدی ئەو حیزبە بونیات نرا كە ئامانجەكەی یەكخستنی وزەی هێزە دێموكراتخوازەكانی نەتەوەكانی سەرانسەری ئێرانە و بەشدار كردنی بزووتنەوەی نەتەوەكانی تری ئێرانە لە خەباتی رزگاریخوازانە و دێموكراتیكی ئێراندا.
بوون و مانەوەی باوەڕ بە ئامانج و رێباز، گرینگترین و سەرەكیترین توخمی پێكهێنەری كاكڵی فیكری و كەسایەتی رێبەریی د. سادق شەرەفكەندی بوو. ئەو بڕوای وابوو كە مرۆڤی شوڕشگێڕ پێویستیی بە باوڕێكی قووڵ و قایم بە ئامانج و ئەنجامەكانی هەیە، پێویستیی بە ئیرادەیەكە كە بە تەواوی مانا، شیاوی پێناسەی پێشمەرگە بێ. واتە لێرەدا دەبێتە پرسیار ئەی پێناسەی ئەو بۆ پێشمەرگە چییە؟
لە باوەڕی ئەودا پێشمەرگە هەموو ئەو كەسانە دەگرێتەوە كە پێشەنگایەتی شۆڕشیان لە ئەستۆیە. بە باوەڕی زۆر كەس، ئەم پێناسەیەش پانتایی مانایی‌یەكەی بەرینترە لە هێزێكی چەك لەشانی ئامادەی رووبەڕوو بوونەوەی سەربازی، بۆیە دەكرێ پێشمەرگە كەسێك بێ لە جلوبەرگی وەرزێرێك، گوندنشینێك، خوێندكار و قوتابییەك، مامۆستایەكی ئایینی، نەجار و كرێكارێك، بازاڕی و كاسبێك، ژنێكی ماڵەوە و ... هەتاكوو دەگاتە سەر ترۆپێكی مانا كە ئەو پێشمەرگەیەیە كە بەرگی پیرۆزی پێشمەرگانەی لەبەرە و چەكی شەرەفی لەشانە و هەردەم لە مەتەرێزی بەرگرییە لە كەرامەت و مان و مەوجوودییەتی گەل و نیشتمانەكەی. ئەو كەسەی كە گیانی خۆی پێشاپێش بە نیشتمان و گەل و حیزب و ئامانجەكانی بەخشیوە.
ئامانجی سەرەكیی د. سادقی شەهید پێناسە و ئانالیزی باوەڕی شوڕشگێڕانە و پێشمەرگانەیە، باوەڕێك كە نە بە چەك پێك دێت و نە بە چەكیش دەڕووخێ. باوەڕێك كە بە هێزترە لە بارووت و تەقەمەنی، قایمتر و خۆڕاگرترە لە سەنگەری پۆڵایین و قەڵای ئەلەمووتی، باوڕێك كە بەسەر رۆح و جەستەدا زاڵ ئەبێت. دیارە هەم دۆست و هەمیش دوژمن بڕوایان بەوە هێناوە كە ئەوەی پێشمەرگەی كردووەتە هێزێكی پۆڵایین، هەر هەمان باوەڕە كە ئەتوانێ لە كوڕە جووتیارێكی گوندنشین، یان لە شوانێك و كورە وەرزێرێك و یان لە كوڕە شارییەكی بەناز پەروەردە، پاڵەوانێك بخوڵقێنێ.
بەڵێ هەم پێشەوای نەمر و هەم قاسملووی مامۆستا و هەمیش د. سادقی رێبەر ئاماژەیان بەوە كردووە كە خەباتی ئێمە رەنگە بەری دوور بێت، هەر بۆیە پێویستیی بە پشووی درێژ دەبێ. هەر سێكیان ئاماژەیان پێ كردووە كە دوژمنی ئێمە و گەلی ئێمە لە ریزی پێشەوەی دڕندەترین دوژمنانی ئازادی دایە و لە هیچ چەشنە پیلانێك ناسڵەمێتەوە، بۆیە هەر سێكیشیان بەو بڕوایە گەیشتوون كە ئێمە یەكەم قوربانی نابین و دوایین قوربانیش نین. كەوابوو دەبێ هەموان بۆ نوێكردنەوەی پەیمان و بەڵێنی لەگەڵ رێبەرانی شەهید، سەرجەم شەهیدانی حیزب و گەل و رێبازەكەیان، لە بیر و باوەڕەكانیان تێبگەین و وانە و ئامۆژگارییەكانیان بكەینە هەوێنی باوەڕی شۆڕشگێڕانەمان.
ناوەرۆکی ئەم بابەتە را و تێبینی نووسەرە و ماڵپەڕی کوردستان میدیا لێی بەرپرسیار نیە
