• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

مستەفا هیجری: دژایەتیی رێژیمی ئێران لەهەمبەر سەربەخۆیی کوردستان بۆ ئێمە شتێکی تازە و سەیر نییە

زایینی: ٠٥-٠٨-٢٠١٤ - هەتاوی: ١٣٩٣/٠٥/١٤ - ١٢:٥١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری: دژایەتیی رێژیمی ئێران لەهەمبەر سەربەخۆیی کوردستان بۆ ئێمە شتێکی تازە  و سەیر نییە
کوردستان میدیا: رۆژنامەی دەستوور لە ژمارەی ٨٤ی خۆیدا وتووێژێکی لەگەڵ مستەفا هیجری سکرتێری گشتیی حیزبی دێموکراتی کوردستانی ئێران پێکهێناوە.


دەقی وتووێژەکە بەم چەشنەیە:

دەستوور: بەڕێزتان بەگشتی‌ گۆڕانکارییەکانی‌ عێراق و هەرێمی‌ کوردستان لەدوای دەستبەسەرداگرتنی‌ هەندێک ناوچە لەلایەن داعشەوە چۆن هەڵدەسەنگێنن؟

مستەفا هیجری: گۆڕانگارییەکانی عێراق دوای دەسبەسەرداگرتنی موسڵ و چەند شوێنێکی دیکە لە عێراق بە بۆچوونی من بەشێکی زۆری دەگەڕێتەوە بۆ شێوەی بەڕێوەبردنی حکوومەتی عێراق کە بەڕێوەبەرییەکی سەقەتە، ناسیاسی و نا قانوونی بووە. ئەو حکوومەتە لە سەرەتای بەدەستەوەگرتنی دەسەڵاتەوە تا ئێستا نەیتوانیوە متمانەی دانیشتوانی ئەم وڵاتە کەلە چەند نەتەوەی جیاوازی ئایینی و تایفی پێکهاتووە بەدەست بهێنێت، بە شێوەیەک کە هەمووی ئەو نەتەوانە عێراق بە وڵاتی خۆیان بزانن و لەژێر چەتری یاسایەکی دێموکراتیکدا هەموو لایەک بە مافی یەکسانەوە پێکەوە بژین و وڵاتەکەیان بەرە‌و پێش بەرن ناڕەزایی‌ بوونی پێکهاتە جیاوازەکان لەو حکوومەتە بە درێژایی ساڵانی رابردوو ‌و دەستەوەستانی حکوومەت لە دۆزینەوەی رێگاچارەی‌ ئەم کێشانە فەزایەکی سیاسی گونجاوی پێکهێنا بۆ ئەوەی داعش، پاشماوەکانی ئەفسەر‌و ئەمنەکانی بەعس، عەشیرەتە سوننییەکان لە پەنای خەڵکی ناڕازیدا ریزەکانی خۆیان یەکگرتوو بکەن و بتوانن بەشێک لە ناوچەکانی عێراق کە لە باری سیاسی و جوغرافییەوە گرنگن داگیر بکەن و بیبەستنەوە بەو ناوچانە لە سووریە کە لەژێر کونترۆڵی داعش دایە.

خاڵێکی گرنگی دیکە کە لێرەدا پێویستە هیمای بۆ بکەین ئەوەیە کە ژمارەیەکی بەرچاو لە وڵاتانی بەهێزی ناوچەش لەم فەزایە کەڵکیان وەرگرت و بە مەبەستی مسۆگەرکردنی بەرژەوەندییەکانی خۆیان دەستیان خستە ناو عێراق و هەرکام لە پێکهاتەکانیش وەک سوننە و شیعە بۆ بەهێزبوونی خۆیان ‌و شکست پێهینانی لایەنی دژ بەخۆیان پاڵی وەیەکێک لەو هێزانە دا و دەتوانین بڵێن تا ئاستێک بوونەتە کارتی کایەی دەستی ئەو هێزانە و لە ئاکامدا شەڕە ناوخۆیی‌یەکەی عێراق بوو شەڕی پراکسی proxy ( شەڕی نیابەتی) کۆماری ئیسلامیی ئێران لەلایەک و بەرەی بەشێک لەو وڵاتانی‌ دەوڵەمەندی عەرەبی بە سەرۆکایەتیی سعوودی لەلایەکی دیکە.

ئەم هۆیانە ‌و زۆر هۆی دیکە پێمان دەڵێن کە پێدەچێ‌ ئەم ئاڵۆزی و ئاژاوەیە درێژخایەن ‌و خوێناوی بێ، گۆڕینی سەرۆک وەزیرانیش لەوپەڕی خۆیدا دەتوانێ تەنیا بۆ ماوەیەکی کورت ئارامییەکی رێژەیی پێک بێنێ، بە کورتی دوورە دیمەنی پێکەوە هەڵکردنی ئەم پێکهاتە فرە جیاوازییانە کە هێندێکیان دوژمنایەتیی مێژوویی‌یان لەگەڵ یەکتر هەیە جێگای هیواداری نییە.

ئەو گۆڕانکارییانە دەتوانێ بۆ کورد ببێتە دەرفەتێکی مێژوویی بۆ ئەوەی بە قازانجی خۆی کەڵکی لێ‌ وەربگری و مسیری چارەنووسی خۆی دیاری بکا بەشێوەیەک کەلە بەرژەوەندی خۆیدا بێ، بە مەرجێک هێزە سیاسییەکانی کورد یەکڕیز بن و دوژمنانی گەلی کورد و لەسەرووی هەموویان کۆماری ئیسلامیی ئێران نەتوانێ جیایی لە نێوانیاندا ساز بکا ‌و ئەو دەرفەتەیان لە کیس بدا.

دەستوور: پێتان وایە گۆڕانکارییەکی‌ بەرفراوانی ناوچەیی بەڕێوەیە؟

مستەفا هیجری: ئەگەر ئەم لێکدانەوەی لەسەرەوە باس کرا لێکدانەوەیەکی دروست بێ ئاکامەکەی دەبێتە گۆڕانکاری لە ناوچە بەتایبەت لە پانتایی عێراقدا. بەرفراوان بوون یان بەرتەسک بوونی ئەو گۆڕانکارییانەش بەشێکی بەستراوەتەوە بە وەزعی داهاتووی سووریە و دەوڵەتەکانی ناوچە کە رەوتی کایەکەیان بەدەستەوەیە.

دەستوور: پێتان وایە دوایین گۆڕانکارییەکانی‌ عێراق لە درێژماوەدا لە قازانجی‌ کورد کۆتایی پێ بێت بەتایبەتی‌ داوی ئەوەی‌ کورد کەرکوکی‌ گرتەوە؟

مستەفا هیجری: من لەو بڕوایە دام کە ئەگەر کورد بە یەکگرتوویی و هەڵسەنگاندن و لێکدانەوەی ورد بچێتە نێو کایەکەوە دەتوانێ زۆرترین قازانج لەو وەزعە بکا، تەنانەت بە مانەوە لە چوارچێوەی عێراقیشدا. بەڕاستی هەلێکی نایابە کە بۆ کوردی باشوور هەڵکەوتوە ‌و ئەگەر لە کایەکەدا هەڵە بکا‌ و لە کیسی بدا لە بەرانبەر مێژوودا بەرپرسیار دەبێ.

دەستوور: ئێوە چۆن دەڕواننە پرسی سەربەخۆیی هەرێمی‌ کوردستان؟ پێتان وایە کاتی‌ ئەوە هاتووە هەرێمی‌ کوردستان دوای راپرسی سەربەخۆیی راگەیەنێت؟

مستەفا هیجری: بۆ سەربەخۆبوونی هەرێمی کوردستان فاکتەری سەرەکی ئابوورییەکی بەهێزە کە کوردستان بە بوونی یەدەکێکی بەرفراوانی نەوت ئەو فاکتەرەی لە بەردەست دایە کە ئەو فاکتەرە دەتوانێ فاکتەرە سیاسییەکەشی بۆ دەستەبەر بکا، ئەگەر بێت و خەڵک بۆ ماوەیەک قەناعەت بکەن و بەرگەی زەخت و زۆرەکانی دوژمنانی سەربەخۆیی کوردستان بگرن و پشتی حکوومەتەکەیان بگرن.

فاکتەری گرنگی دیکەش بێجگە لە قسە و باسەکانی ئاشکرا کە لەسەر راگەیانە گشتییەکان دەکرێن، چۆنیەتیی سات و سەودای حکوومەتی هەرێم لەگەڵ وڵاتەکانی ناوچە و رۆژئاوا بە تایبەت ئەمریکایە کە تا چەند لەو راستایەدا یارمەتیدەری دەبن، رێگای بەڕووی دنیادا بۆ دەکەنەوە لە کۆتاییدا ئەو سەربەخۆیی‌یە بەڕەسمی دەناسن. ئەو بەشەش بۆ من ئاشکرا نییە، بۆیە ناتوانم پێشنینی بکەم کە سەربەخۆیی رادەگەیەنن، یان نا.

دەستوور: ئێران بە ئاشکرا و راستەوخۆ دژایەتیی‌ خۆی بۆ سەربەخۆیی‌ هەرێمی کوردستان راگەیاندووە، هەڵویستی‌ حیزبی دێموکرات لەبارەی‌ کاردانەوەکانی‌ ئێران چییە؟ پێتان وایە ئێران بۆ ئاوا خێرا و بە توندی‌ هەڵویستی‌ گرت؟

مستەفا هیجری: ئەوەی کە ئێران لە پێش هەمواندا‌ و بە ئاشکرا دژایەتی خۆی بۆ هەرێم راگەیاندووە بۆ ئێمە شتێکی تازە نییە ‌و لامان سەیر نییە. کۆماری ئیسلامی دژی مافە نەتەوایەتییەکانی کوردە لە هەموو بەشەکاندا. کۆماری ئیسلامی بە دیدێکی ئەمنیەتی سەیری ئەم پرسە دەکا و دەزانێ بە شێوەیەکی گشتی وەزعی ئێران و عێراق لەو خاڵەدا وەک یەک وایە چونکە لە ئێرانیشدا هەموو نەتەوەکان و بە تایبەت کورد لەو رێژیمە بێزارن، بۆیە سەربەخۆبوونی باشووری کوردستان، یان هەرکام لە بەشەکانی دیکە دەتوانێ هاندەرێک بێ بۆ نەتەوەی کورد لە ئێرانیش بۆ ئەوەی ئەوانیش بچنە ناو ئەو پرۆسەیە و بەم شێوەیە ئێران دابەش بێت.

حیزبی دێموکراتی کوردستانی ئێران مافی دیاریکردنی چارەنووس بە مافی کورد دەزانێ و خەباتی دەیان ساڵەشی لەو پێناوەدا بووە. بۆیە ئێمە پشتی حکوومەتی هەرێم و خوشک و براکانمان لە باشوور دەگرین لە حاڵەتێکدا کە سەربەخۆیی‌ خۆیان راگەیەنن و لەو پێناوەدا چیمان بۆ بکرێ دەیکەین.

دەستوور: بە بڕوای ئێوە کاردانەوەکانی‌ ئێران بە شێوەی‌ کردەیی (عملی) لەبارەی‌ راگەیاندنی‌ دەوڵەتی‌ کوردی چی دەبێت؟

مستەفا هیجری: ئێران دەتوانێ سنوورەکانی بەڕووی هەرێمدا دابخا، هەروەک ساڵانی رابردوو بەهانەیەک ساز بکا بۆ تۆپبارانکردنی ناوچە سنوورییەکان، لە نێوخۆی کوردستاندا بەهۆی هێندێک بە کرێگیراوی خۆی تەقینەوە بکا، کاری تیرۆریستی بکا، کێشە‌ و دووبەرەکی لە نێوان هێزە سیاسییەکاندا پێک بێنێ و هتد ...

دەستوور: پێتان وایە ئێران بۆ پاراستنی‌ بەرژەوەندییەکانی‌ لە ئەگەری‌ دابەشبوونی‌ عێراق، دەستێوەردانی‌ بەرفراوانی‌ سەربازی بکات؟

مستەفا هیجری: ئێران نەک بەشێوەی ئاشکرا، بەڵکوو لەژێر فەرماندەهی سپای عێراقدا و بە ناوی سپای عێراق بە مەبستی دەست بەسەردا گرتنەوەی ئەو بەشەی کە بە ناوچە ناکۆکەکان ناسراوە بە تایبەت کەرکووک کە ئێستا لەژێر دەسەڵاتی پێشمەرگە دایە، هێزەکانی خۆی بنێرێ بۆ شەڕی پێشمەرگە بنێرێتە ئەو بەشانە.

دەستوور: کاریگەری‌ سەربەخۆیی هەرێمی‌ کوردستان لە سەر پارچەکانی‌ تر و بە تایبەتی‌ رۆژهەڵاتی‌ کوردستان چی دەبێت؟

مستەفا هیجری: کاریگەری ئەرێنیی سەربەخۆیی هەرێمی کوردستان لەسەر هەموو پارچەکانی دیکەی کوردستان بە تایبەت خۆرهەڵاتی کوردستان زۆر بەهێز دەبێ. هەر بۆیەش کۆماری ئیسلامی لەوە تۆقیوە ‌و لە ئێستاوە کەوتووەتە هەڕەشەکردن.

دەستوور: لەدوای سەربەخۆیی کوردستان، چارەنووسی پارتەکانی‌ رۆژهەڵات و بەتایبەتی (حدکا)، چۆن دەبێت، پێتان وایە دەوڵەتی‌ کوردی لێرە چۆن مامەڵەتان لەگەڵدا بکات؟

مستەفا هیجری: من هیچ هۆیەک نابینم کە مامەڵەی کوردستانی سەربەخۆ لەگەڵ حیزبەکانی خۆرهەڵات کە لەو بەشە نیشتەجێن لەگەڵ ئێستا فەرق بکا، بەڵکوو دەتوانێ باشتر بێ.

دەستوور: ئایا لەداوی سەربەخۆی‌ هەرێمی‌ کوردستان، حیزبی دێموکرات بە هەمان شێوازی پێش سەربەخۆی‌ درێژە بە خەبات و چالاکی سیاسی و راگەیاندن دەدەن، یان چاوەڕوانی دیکەتان لە دەوڵەتی‌ سەربەخۆی‌ باشوری‌ کوردستان دەبێ؟

مستەفا هیجری: ئێمە خەبات‌ و چالاکیی خۆمان بەگوێرەی توانا درێژە دەدەین ‌و تا ئەو کاتەی بەشی ئاشکرای حیزبەکەمان لە باشوور نیشتەجێیە تێدەکۆشین نەبینە کۆسپ، بەڵکوو یارمەتیدەری ئەو حکوومەتە دەبین ‌و بە دەرکی هەلومەرجی سیاسیی ئەو حکوومەتەش چاوەڕوانیمان لێی دەبێ.

دەستوور: بۆچی‌ حیزبی دێموکرات هەڵوێستێکی‌ ئاشکرای نەبووە لەبارەی‌ هێرشەکانی‌ داعش بەتایبەتی‌ هێرشەکانی‌ ئەو رێکخراوە بۆ سەر هەرێمی‌ کۆبانی لە رۆژئاوای کوردستان؟

مستەفا هیجری: داعش وەکوو ئەلقاعیدە‌ و باقی گرووپە رادیکاڵە ئیسلامییەکان ساڵانێکە خەریکی کوشتار و وێران کردنن و رۆژانە لە ناوچە ‌و شوێنە جیاجیاکانی دنیا جینایەت دەخولقێنن، لە خۆرئاواش یەکەم جار نییە کە هێرش دەکەنە سەر ناوچەیەکی کوردنشینی وەکوو کوبانی، بۆیە بە پێویستمان نەزانیوە کە هەڵویست دەرببڕین.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.