• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

بانگهێشت، دەستبەسەرکران و مەحکووم‌کرانی ٣٧٩ هاووڵاتیی کورد لە ٣ مانگدا

زایینی: ٢٤-٠٦-٢٠١٥ - هەتاوی: ١٣٩٤/٠٤/٠٣ - ١١:٥٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بانگهێشت، دەستبەسەرکران و مەحکووم‌کرانی ٣٧٩ هاووڵاتیی کورد لە ٣ مانگدا
کوردستان میدیا: لە ماوەی ٣ مانگی یەکەمی ساڵی ١٣٩٤ی هەتاویدا، ناوەندە قەزایی، ئەمنییەتی و لیباس شەخسیەکانی رێژیمی ئیسلامیی ئێران لە کوردستان، ٣٧٩ هاووڵاتیی کوردیان بانگهێشت، دەستبەسەر و بە زیندان مەحکووم کردووە.

بەپێی راپۆرتی ماڵپەڕی کوردستان میدیا و بە پشت‌بەستن بە راپۆرتی ئاماری ــ شیکاریی وەرزانەی ئاژانسی هەواڵدەریی کوردپا، دەستبەسەرکران و بانگهێشتی هاووڵاتییانی کورد لەلایەن ناوەندە ئەمنییەتی و هێزە لیباس شەخسی و نیزامییەکانی رێژیمی ئیسلامیی ئێرانەوە لە ماوەی ٣ مانگی یەکەمی ئەمساڵدا، لەسەدا ٦٧ی حاڵەتەکانی پێشێلکاریی مافی مرۆڤ لە کوردستانی بۆخۆیان تەرخان کردووە.

راپۆرتە ئامارییەکەی ئەو هەواڵدەرییە باس لەوە دەکات کە هێزە ئەمنییەتییەکان و ئیدارەی ئیتلاعاتی رێژیم و هێزە نیزامییەکان و لیباس شەخسییەکان لە ٣ مانگی بەهاری ئەمساڵدا بە گشتی ٥١٩ حاڵەت مافی هاووڵاتییانی کوردیان پێشێل کردووە.

ئاماری ئاژانسی کوردپا دەری دەخات کە لە سێ مانگی یەکەمی ئەمساڵدا ٢٥٨ هاووڵاتیی کورد لەلایەن هێزەکانی رێژیمی ئێرانەوە دەستبەسەر کراون.

بەپێی ئامارەکان پاشهاتەکانی خوکوژیی فەریناز خوسرەوانی و خۆپیشاندانی هاووڵاتییانی کورد و هەروەها خۆپیشاندانی مامۆستایانی قوتابخانەکانی کوردستان هۆکاری بەشێکی زۆر لە دەستبەسەرکرانی هاووڵاتییانی کورد راگەیەندراوە.

خۆپیشاندانی هاووڵاتییانی کورد بە نیسبەت گیان‌لەدەستدانی فەریناز خوسرەوانی، دەستبەسەرکرانی ١٨٩ هاووڵاتی کردی لێ کەوتبووە.

دەستبەسەرکرانی ٢٥٨ هاووڵاتیی کورد لە ماوەی وەرزی بەهاری ئەمساڵدا لەحاڵێکدایە کە ناوەندە ئەمنییەتی و پێوەندییدارەکانی رێژیمی ئیسلامی لە ماوەی ٣ مانگی یەکەمی ساڵی رابردوودا ١١٠ هاووڵاتیی کوردیان دەستبەسەر کردبوو.

رێژەی دەستبەسەرکرانی هاووڵاتییانی کورد لە ماوەی ٣ مانگی ئەمساڵدا بە نیسبەت ٣ مانگی یەکەمی ساڵی رابردوو ١٣٤% بەرزبوونەوەی بەخۆوە بینیوە.

ئامارەکان هەروەها باس لە بانگهێشتی ٨٩ هاووڵاتیی کورد لە ماوەی ٣ مانگی یەکەمی ساڵی ١٣٩٤ لەلایەن ناوەندە ئەمنیەتییەکانی رێژیمی ئیسلامیی ئێرانەوە دەکەن.

مانگرتنی سەرتاسەریی مامۆستایانی قوتابخانەکانی کوردستان کە لە ماوەی چەند مانگی رابردوودا چەندین جار بەڕێوەچوو، لە بەهاری ئەمساڵدا بانگهێشتی ٦٨ مامۆستای کورد و دەستبەسەرکرانی ٨ مامۆستای لێ کەتبووە.

بانگهێشتی هاووڵاتیانی کورد لە وەرزی بەهاری ئەمساڵدا بە نیسبەت ماوەی وێکچووی ساڵی رابردوو کە ٥٦ حاڵەت بوو، ٥٩% بەرزبوونەوەی بە خۆوە بینیوە.

بەشێکی دیکە لە راپۆرتی ئاماری ــ شیکاریی ئاژانسی هەواڵدەریی کوردپا باس لە مەحکووم‌کرانی ٣٢ هاووڵاتیی کورد لە ماوەی ٣ مانگی یەکەمی ساڵی ١٣٩٤دا دەکات.

لە ماوەی ٣ مانگی یەکەمی ساڵی ١٣٩٤ی هەتاویدا، دەزگای قەزایی رێژیمی ئیسلامی ٣ هاووڵاتی کوردی بە تۆمەتی "ئەمنیەتی" بە لەسێدارەدان مەحکووم کرد.

سابیر شێخ عەبدوڵلا، دیاکۆ رەسول‌زادە و حوسێن عوسمانی ئەو ٣ لاوە کوردەن کە لەلایەن دەزگای وەزایی رێژیمەوە، حوکمی لەسێدارەدانیان بەسەردا سەپاوە.

بەپێی ئەم راپۆرتە، لەو ماوەیەدا حوکمی ٧ مانگە تا دوو ساڵە بۆ ١٦ هاووڵاتیی کورد بە تۆمەتی "ئەمنیەتی" لەلایەن دادگای ئینقلابی رێژیمی ئێرانەوە دەرچووە.

لەم پێوەندیەدا، ١٣ هاووڵاتیی کوردی دیکەش بە گشتی بە ٣٠ ساڵ و ٧ مانگ و ٩ رۆژ زیندانی تەعزیری و ٥ مانگ زیندانی هەڵپەسێراو مەحکووم کراون.

لە سێ مانگی یەکەمی ئەمساڵدا، حوکمی ٣٠ زەربە قامچی و ٤٥ ملیۆن ریاڵ سزای نەختیش لەلایەن دەزگای قەزایی رێژیمەوە بۆ هاووڵاتیانی کورد دەرچووە.

بەرزبوونەوەی بەرچاوی حاڵەتەکانی پێشێلکاریی مافی مرۆڤ لە کوردستان بە تایبەتی و ئێران بە گشتی لەحاڵێکدایە کە دوو ساڵ پێش حەسەن رۆحانی، بە بەڵێنی باشترکردنی دۆخی مافی مرۆڤ لە ئێران بوو بە سەرکۆمار، بەڵام پاش هاتنەسەرکاری رۆحانی دۆخی مافی مرۆڤ لە ئێران نەتەنیا بەرەو باشتربوون نەڕۆیشت بەڵکوو رۆژ لە دوای رۆژ پێشێلکاریی مافی مرۆڤ لەلایەن ناوەندە پێوەندیدارەکانی رێژیمەوە زۆرتر بوو و ئەمەش لەم ماوەیەدا نیگەرانیی بەرجاوی ناوەندە مافی مرۆڤییەکانی بە دواوە بووە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.