• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٢ی فێڤریەی ٢٠١٨ی زایینی - ٠٣ی رەشەمەی ١٣٩٦ی هەتاوی  

راگەیەندراوی کۆتایی هاتنی ١٠یەمین پلینۆمی کۆمیتەی ناوەندی

زایینی: ٢٧-٠٧-٢٠١٥ - هەتاوی: ١٣٩٤/٠٥/٠٥ - ١٩:١٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
راگەیەندراوی کۆتایی هاتنی ١٠یەمین پلینۆمی کۆمیتەی ناوەندی
کوردستان میدیا: دەفتەری سیاسیی حیزبی دێموکراتی کوردستانی ئێران سەبارەت بە بەڕێوەچوون و کۆتایی هاتنی دەیەمین پلینۆمی کۆمیتەی ناوەندییەوە، راگەیەندراوێکی بڵاو کردەوە.

دەقی راگەیەندراوەکە بەم چەشنەیە:

كۆمیتەی ناوەندی حیزبی دێموكراتی كوردستانی ئێران دەیەمین پلینۆمی خۆی لە کاتژمێر ٩ی سەر لەبەیانی رۆژی شەممە ٣ی گەلاوێژی ١٣٩٤ی هەتاوی بەرامبەر بە ٢٥ی جولای ٢٠١٥ی زایینی بە بەشداری زۆربەی هەرە زۆری ئەندامانی ئەسڵی ‌و جێگرانی كۆمیتەی ناوەندی ‌و نوێنەرانی ئەندامانی رێبەری لەدەرەوەی وڵات پێكهێنا.

پلینۆم بە خۆلەكێك بێدەنگی ‌و بە پێوەراوەستان بۆ رێزگرتن لەگیانی پاكی شەهیدان بە تایبەت دوایین شەهیدی حیزب قادر كەریمی دەستی پێكرد.

دواتر دەستووری كاری پلینۆم كە پێشتر بە ئاگاداری ئەندامانی رێبەری گەیشتبوو باسی لێوەكرا‌و پاش پەسندكرانی دەستووری كار هاوڕێی بەڕێز كاك مستەفا هیجری سكرتێری گشتی حیزبی دێموكراتی كوردستانی ئێران باسێكی گشتی سیاسی‌ و راپۆرتی سەفەر ‌و سەردانەكانی خۆی بۆ دەرەوەی وڵات پێشكەش كرد. لەو راپۆرتەدا ئاماژەی بەو باس ‌و بابەتانە كردبوو كە لەدیدار لەگەڵ كاربەدەستانی بەشێك لەوڵاتانی رۆژئاوایی ‌و بە تایبەت ئەمریكا ‌و ئاڵمان هەیبوو‌ و ئەندامانی پلینۆمی دەیەمی لە راوبۆچوونی ئەوان بەرانبەر بە مەسەلەكانی پێوەندیدار بە ناوچەی رۆژهەڵاتی نێوەڕاست ئاگادار كرد.

لەبەشێكی دیكەی راپۆرتەكەی سكرتێری گشتی‎دا رێككەوتنەكەی ١+٥ لەگەڵ كۆماری ئیسلامی ئێران هاتبوو كە پێشتر حیزبی دێموكراتی كوردستانی ئێران پێشبینی كردبوو ‌و باسی لەوە كردبوو كە كۆماری ئیسلامی بە دوای ئەو رێككەوتنەدا هەتا رادەیەك بە ئازادكردنی داراییەكانی ‌و ئەگەری سووك‎كردنی گەمارۆكان ‌و بردنە سەری هەناردەكردنی نەوت وێ‌ دەچێ‌ بتوانێ داهاتی خۆی بەرەوژوور بەرێ‌، بەڵام بەشی خەڵكی ئێران لەم داهاتە زۆر كەم ‌و زیاتری بۆ دام ‌و دەزگا سەركوتكەرەكانی رێژیم وەك سوپای پاسداران، دەزگا ئەمنییەتی ‌و ئیتلاعاتی ‌و بەسیجییەكان تەرخان دەكرێ‌ ‌و لە دەرەوەی وڵاتیش سەرفی دابینكردنی هەزینەكانی هاوپەیمانانی لەناوچە وەك حیزبوڵڵای لوبنان، حوسییەكانی یەمەن، حكوومەتی بەشار ئەسەد لەسووریە ‌و باقی دەستە ‌و گرووپە ورد ‌و درشتەكانی دیكەی هاوپەیمانی تەرخان دەكا. ئاشكرایە كە بەهێزكردنی ئەم گرووپە توندڕەو ‌و ئاژاوەگێڕانەش بە كردەوە كێشە‌ و ئاژاوەی پتری لەوڵاتانی ناوچەدا بە دوای خۆیدا دێنێ‌. بەشدارانی پلینۆم پاش بیستنی راپۆرتەكانی سكرتێری گشتی پرسیار ‌و بۆچوونەكانی خۆیان هێنایە گۆڕ ‌و سەفەری سكرتێری حیزبیان بە بەرهەم زانی.

لەبڕگەیەكی دیكەی كاری پلینۆم‎دا بەڕێز حەسەن شەرەفی جێگری سكرتێری گشتی حیزب لێكدانەوەیەكی سیاسی لەسەر دۆزی كورد لە هەموو پارچەكانی كوردستان هەركام بە تایبەتمەندی ‌و هەل‌ومەرجی خۆیانەوە پێشكەش بە بەشدارانی پلینۆم كرد. ئەندامانی بەڕێوەبەری حیزب لەم بەشە لە باسەكانی پلینۆمیش‎دا سرنج ‌و تێ‌‎بینییەكانی خۆیان لە پێوەندی لەگەڵ وەزعی كورد لە هەر پارچەیەكی كوردستان دەربڕی ‌و لێكدانەوەی جێگری سكرتێری گشتی حیزبیان بە واقعبینانە هەڵسەنگاند كە ئاماژەی بە خاڵە بەهێز ‌و ئەرێنی ‌و خاڵە لاوازەكانی دۆزی كورد لەهەر پارچەیەكی كوردستان كرابوو.

بڕگەیەكی دیكەی كاری پلینۆم تەرخان كرا بوو بۆ بیستنی راپۆڕتێكی "كۆمیسیۆنی سیاسی ـ نیزامی" حیزب كە تایبەت بوو بە ئاكامی حەرەكەتی ئەم دوایانەی هێزی پێشمەرگەی حیزب لە نێوخۆ ‌و دەرەوەی وڵات ‌و لەباشووری كوردستان‌ و جێگیربوونیان لەناوچە سنوورییەكان.

بەشدارانی پلینۆم بە ئاماژە بە لایەنە ئەرێنییەكان ‌و ئاكامە بەنرخەكانی ئەو حەرەكەتە وێڕای سوپاس لەكادر‌و پێشمەرگە ‌و ئەندامانی حیزب لە نێوخۆ ‌و دەرەوەی وڵات ‌و لەباشووری كوردستان ‌و ئەندامانی یەكیەتییەكانی لاوان، ژنان، خوێندكاران ‌و دۆستان ‌و دڵسۆزانی حیزبی دێموكراتی كوردستانی ئێران كە لەرەوتی ئەم حەرەكەتەدا ئەو پەڕی فیداكاریان لەخۆیان نیشان دا ‌و هەركام بە جۆرێك ‌و بە پێی ئەركی دیاریكراویان بە دڵسۆزیەوە هاوكار‌و پشتیوانی هێزی پێشمەرگەی حیزب بوون، ئاماژەیان بە هێندێ‌ كەم ‌و كووڕی لەو بارەوە كرد ‌و رێبەری حیزبیان راسپارد ئەو دەسكەوتە بپارێزی ‌و بە لەبەرچاوگرتنی هەل ‌و مەرجی ناوچە‌ و ئێران، بە پێی توانا بۆ بەرەوپێشبردن‌ و شوێندانەرتر كردنی ئەو حەرەكەتە هەنگاو هەڵبگرێ‌ ‌و بۆ ئەو مەبەستە بەرنامەی گونجاوی هەبێ‌ كە یارمەتیدەری گەشەكردنی زیاتری بزووتنەوەی كوردستانی رۆژهەڵات بێ‌، هەروەها پلینۆم پێزانینی خۆی بۆ هەڵوێستی هەموو ئەو حیزب، رێكخراو، NGO، كەسایەتی‌ و لایەنانە دەربڕی كە لە رەوتی ئەو حەرەكەتەدا بە شێوەی جۆراوجۆر پشتگیری حیزبی دێموكراتیان كرد ‌و حەرەكەتەكەیان بەجێی‌ و بەرحەق‌ و بە هەنگاوێكی شوێندانەر زانی.

دوایین بڕگەی كاری دەهەمین پلینۆمی كۆمیتەی ناوەندی حیزبی دێموكراتی كوردستانی ئێران باسێكی گشتی لەسەر وەزعی كار‌وباری حیزب لە چەند بوارەوە بوو. لەو بارەوە بەشدارنی پلینۆم بە دەربڕینی را‌وبۆچوونی خۆیان لە پێوەندی لەگەڵ هەركام لە باس ‌و بابەتەكان بڕیاری پێویستیان بۆ دان.

دەهەمین پلینۆمی كۆمیتەی ناوەندی پاش ٣ رۆژ كاری بەردەوام، دوانیوەڕۆی رۆژی دووشەممە ٥ی گەلاوێژی ١٣٩٤ی هەتاوی بەرانبەر بە ٢٧ی جولای ٢٠١٥ی زایینی كۆتایی بە كارەكانی هێنا.

حیزبی دێموكراتی كوردستانی ئێران
دەفتەری سیاسی
٥/٥/١٣٩٤ی هەتاوی
٢٧/٠٧/٢٠١٥ی زایینی


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.