• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی نوامبری ٢٠١٧ی زایینی - ٣٠ی خەزەڵوەری ١٣٩٦ی هەتاوی  

كۆماری ئیسلامیی ئێران له‌سووریه‌ش دوژمنی مافی مرۆڤه‌

زایینی: ٢١-١١-٢٠١٥ - هەتاوی: ١٣٩٤/٠٨/٣٠ - ١١:٢٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
كۆماری ئیسلامیی ئێران له‌سووریه‌ش دوژمنی مافی مرۆڤه‌
کوردستان میدیا: كومیته‌ی سێهه‌می كۆڕی گشتیی ڕێكخراوی نه‌ته‌وه‌یه‌كگرتووه‌كان به‌ناوی "كومیته‌ی مافی مرۆڤ" به‌په‌سه‌ندكردنی بڕیارنامه‌یه‌ك نیگه‌رانیی خۆی له‌هه‌مبه‌ر پێشێلكردنی مافی مرۆڤ له‌ئێران ده‌ربڕی. بڕیارنامه‌ی ناوبراو ئێواره‌ی ڕۆژی پێنج شه‌ممه‌به‌76 ده‌نگی ئه‌رێنێ، ٥٥ ده‌نگی نه‌رێنی و ٦٨ ده‌نگی بێ لایه‌ن به‌په‌سه‌ند گه‌یشت.

به‌پێی ڕاپۆرتی هه‌واڵنێریی ئاسۆشه‌یتێدپرێس، ئه‌م بڕیارنامه‌یه‌له‌لایه‌ن وڵاتی كاناداوه‌پێشنیار كرابوو و ئه‌مریكا و وڵاتانی ئۆرووپایی له‌و وڵاتانه‌بوو كه‌ده‌نگی ئه‌رێنیان به‌م بڕیارنامه‌یه‌داوه‌.
ئه‌م بڕیارنامه‌یه‌هه‌رچه‌ند ناچاره‌كیهێنه‌ر نییه‌، به‌ڵام به‌مه‌به‌ستی سه‌ره‌نجی زیاتر له‌كۆڕی گشتیی ڕێكخراوی نه‌ته‌وه‌یه‌كگرتووه‌كاندا ده‌خرێته‌به‌ر باس.

جگه‌له‌م بڕیارنامه‌یه‌، كومیته‌ی سێهه‌می كۆڕی گشتیی ڕێكخراوی نه‌ته‌وه‌یه‌كگرتووه‌كان بڕیارنامه‌یه‌كی دیكه‌شی له‌مه‌ڕ پێشێلكردنی مافی مرۆڤ له‌سووریه‌په‌سه‌ند كرد كه‌له‌وێدا به‌رپرسایه‌تی گیان له‌ده‌ستدانی خه‌ڵكی مه‌ده‌نی و سڤیل ده‌گه‌ڕێته‌وه‌بۆ ڕێژیمی ئه‌سه‌د و به‌ڕوونی داوا له‌سوپای پاسداران و میلیشیاكانی حیزبوڵڵا ده‌كات له‌سووریه‌بڕۆنه‌ده‌ره‌وه‌.

به‌پێی هه‌واڵی هه‌واڵنێریی ڕۆیته‌رز، ئه‌م بڕیارنامه‌ناچاركیهێنه‌ره‌كه‌له‌لایه‌ن عه‌ره‌بستانی سعوودی به‌به‌شداری قه‌ته‌ر، ژماره‌یه‌ك له‌وڵاتانی عه‌ره‌بی، ئه‌مریكا و وڵاتانی ڕۆژئاوایی ئاماده‌یان كرابوو، به‌١١٥ ده‌نگی ئه‌رێنی به‌په‌سه‌ند گه‌یشت.

ده‌قی بڕیارنامه‌كه‌به‌شێوه‌یه‌كی تایبه‌تی ڕووسیه‌ده‌كاته‌ئامانج كه‌فڕۆكه‌شه‌ڕكه‌ره‌كانی له‌دوو مانگ پێش ئێستاوه‌، بنكه‌و باره‌گاكانی دژبه‌رانی ئه‌سه‌دیان بوردمان كردووه‌.

ئه‌م بڕیارنامه‌یه‌هه‌روه‌ها هه‌موو ئه‌و گرووپه‌تیرۆریستییه‌بیانییانه‌... و هێزه‌ده‌ركییه‌كان كه‌له‌پاڵ ڕێژیمی ئه‌سددا شه‌ڕ ده‌كه‌ن، بۆ وێنه‌سوپای قودس، سوپای پاسدارانی ئێران و گرووپه‌توندئاژۆكانی وه‌ك حیزبوڵڵای لوبنان مه‌حكووم ده‌كات.

له‌دانیشتنی كومیته‌ی ناوبراودا، عه‌بدوڵڵا ئه‌لموعه‌لمی، نوێنه‌ری عه‌ره‌بستانی سعوودی له‌ڕێكخراوی نه‌ته‌وه‌یه‌كگرتووه‌كاندا، وێڕا هێما كردن بۆ چاره‌نووسی ئالان كوردی، منداڵی ته‌مه‌ن سێ ساڵانی خه‌ڵكی كوردستانی سووریه‌كه‌له‌ئاوه‌كانی توركیه‌دا له‌حاڵی په‌نابردن بۆ ئۆرووپا نوقم بوو، به‌رامبه‌ر به‌وڵاتانی ئه‌ندام ڕایگه‌یاند: "داواتان لێ ده‌كه‌م پشتی ئالان به‌ر مه‌ده‌ن، دیسان ئالان به‌كوشت مه‌ده‌ن‌."
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا