• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

مستەفا هیجری: "ئێمه پۆتانسیێلی به‌هاری كوردی له ئێران ده‌بینین"

زایینی: ١٨-٠٨-٢٠١٦ - هەتاوی: ١٣٩٥/٠٥/٢٨ - ١٨:٣٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری:
کوردستان میدیا: مستەفا هیجری سکرتێری گشتیی حیزبی دێموکراتی کوردستانی ئێران لە وتووێژێکدا لەگەڵ ماڵپەڕی "ئورشەلیم ئانلاین" باسی لەوە کردووە کە ئێمە ‌پۆتانسیێلی ڕاپەڕین لە ‌دژی ڕێژیم، لە ‌هەموو ئێراندا و بە‌تایبەتی لە‌ کوردستاندا دەبینین، بەڵام ئەو پۆتانسیێلە ‌پێویستی بە‌ بەهێزکردن و یارمەتیدان هەیە. کوردەکان ئەگەر پشتیوانی بکرێن، دەتوانن ببنە ‌ناوەندی بە‌توانای ئەو راپەڕینە یان ئەو بەهارە ‌بۆ هەموو ئێران".

دەقی وتووێژەکە:

له وتووێژێكی تایبه‌تی ئورشەلیم ئانلاین، لەگەڵ بەڕێز مستەفا هیجری، سکرتێری گشتیی حیزبی دێموکراتی کوردستانی ئێران، ناوبراو باسی ئه‌و زوڵم و زۆره‌ دەکات كه كورده‌كانی ئێران چێشتوویانه و ئاماژە ‌به‌و هه‌موو سته‌مه که‌ڵه‌که بووه ده‌کات، که وای له کورده‌کانی کوردستانی ئێران کردووه، له دژی کۆماری ئیسلامیی ئێران شۆڕشێکی ئازادیخوازانه ده‌ست پێ‌بکه‌ن. شۆڕشێک بۆ ڕووخاندنی و دامه‌زراندنی سیستمێکی دێموکراتی فێدڕاڵی، که ڕێز له مافی گشت نه‌ته‌وه‌کان و مافی مرۆڤ بگرێ.

له وتووێژێكی تایبه‌تی‌دا، له‌گه‌ڵ ئورشەلیم ئانلاین، بەڕێز مستەفا هیجری، سکرتێری گشتیی حیزبی دێموکراتی کوردستانی ئێران، دەڵێت: "لە ‌سەرەتای هاتنە‌سەرکاری دەسەڵاتی کۆماری ئیسلامی لە ‌ئێراندا، کوردەکانی ئەو وڵاتە ‌لەو باوەڕەدا بوون کە؛ ئەو ڕێژیمە‌ مافە ‌سیاسییەکانی خەڵکی ئێران دابین ناکات، بۆیه لە ‌ڕێفراندۆمی دیاریکردنی چەشنی ڕێژیم‌دا به‌شدارییان نه‌کرد. دواتر کورده‌کان داوای وتووێژ لەگەڵ دەوڵەتیان کرد، بۆ ئەوەی به شێوه‌ی ئاشتیخوازانه چاره‌سه‌ریی کێشه‌ی کورد بکرێت، و ڕێژیم ئۆتۆنۆمی بۆ میلله‌تی کورد قبووڵ بکات. بەڵام به پێچه‌وانه‌وه، ڕێژیم نه‌ته‌نیا داواکارییه‌کانی گه‌لی کوردی په‌سه‌ند نه‌کرد، به‌ڵکوو شه‌ڕێکی نه‌خوازراوی به‌سه‌ر گه‌لی کورددا سه‌پاند. ئۆپۆزیسیونی کورد، به‌تایبه‌تی حیزبی دێموکراتی کوردستانی ئێران، ده‌ستیان دایه شۆڕش بۆ به‌ده‌ست هێنانی مافه نه‌ته‌وایه‌تییه‌کانی گەلی کورد. سه‌ره‌ڕای نه‌بوونی باڵانسی هێز له نێوان هێزه ئازادیخوازه‌کانی گەلی کورد و ڕێژیمی ئێران، و ئه‌و هه‌موو پاڵه‌په‌ستۆیه که له‌سه‌ریان بووه و هه‌یه، گەلی کورد و ڕێکخراوه سیاسییه‌کانی ئه‌و گه‌له له خه‌بات له‌دژی ئه‌و ڕێژیمه به‌رده‌وامن و کۆڵیان نه‌داوه و کۆڵ ناده‌ن".

"ڕێژیمی ئێران شۆڕشی مێژوو خوڵقێنی گەلی کورد و ڕێکخراوه سیاسییه‌کانی بۆ سه‌ر ده‌سه‌ڵاته شوومه‌که‌ی، به مه‌ترسی ده‌زانێ، و میلله‌تی کورد و ئازادیخوازانی ئه‌و گه‌له به دوژمنی سه‌ره‌کیی خۆی ده‌زانێت، و منداڵانی میلله‌تی کوردی له نێعمه‌تی خوێندن به زمانی دایکیی خۆیان بێبه‌ش کردووه. به‌م جۆره، سیاسه‌تی ئاپارتایدی به‌سه‌ر گەلی کورددا سه‌پاندووه. هه‌روه‌ها سته‌مێکی مه‌زهه‌بیی زاڵمانه‌شی به‌سه‌ر باوه‌ڕمه‌ندانی مه‌زهه‌بیی کورددا سه‌پاندووه. بۆ نموونه سوننی مه‌زهه‌به‌کان که ڕێژه‌یان له تاران ده‌گاته چه‌ند میلیون کەس، مافی ئه‌وه‌یان نیه که مزگەوتی خۆیان هه‌بێ و له‌هه‌ر چوار پارێزگاکه‌ی کوردستان، یارمه‌تیی مادی نادرێت به مزگەوته‌کان".

"ڕێژه‌ی بێکاری له کوردستان، به به‌راورد لەگەڵ شوێنه‌کانی دیکه‌ی ئێران، زیاتره. چالاکیی سیاسی و نه‌ته‌وه‌یی و داخوازه‌کانیان، به نایاسایی ده‌ژمێردرێ و چالاکوانانی سیاسیی کورد، ده‌به‌ستنه‌وه به ئیسراییل و ئه‌مریکا، و به‌م دوایانه‌ش عه‌ره‌بستانی سعوودییه‌وە. چالاکوانی سیاسیی کورد زیندانی هه‌تاهه‌تای بۆ دەبڕدرێتەوە و به‌شێکیشیان له‌سێداره ده‌درێن، ئه‌و هه‌موو سته‌مه‌ی که له‌سه‌ر گەلی کورد هه‌یه، وای له کورده‌کان کردووه که له به‌رانبه‌ر ڕێژیمدا ڕاو‌ستن و ده‌ست بده‌نه شۆڕش".

سکرتێری گشتیی حیزبی دێموکراتی کوردستانی ئێران دەڵێت: "ئه‌و هێز و توانایه له گەلی کورد و شۆڕشگێڕانی‌دا ده‌بینێ، که به‌هاری کوردی مسۆگه‌ر بکه‌ن". هه‌روه‌ها ده‌ڵێت؛ "ئێمه له‌و باوه‌ڕەداین که پرسی کورد به‌گشتی له ئێستادا، پرسێکی گرینگی سیاسییه له ناوچه‌که‌دا. ئه‌وان مافه‌کانی خۆیان ده‌ناسن و خه‌باتی بۆ ده‌که‌ن، کورد هێزێکی شوێندانەرە ‌لە ‌خۆرهەڵاتی نێوەڕاست، کوردی ئێرانیش وەکوو بەشێک لەو نەتەوەیە، ‌داهاتووی باشتری لە‌پێشە، بە‌تایبەت کە ‌کۆماری ئیسلامی، وەکوو سیستمێکی نامۆ لە‌ دەسەڵاتداری لە ‌ئێران، بە‌هۆی ناتەباییە نێوخۆییەکانی، گەندەڵ بوونی سەرتاپای ڕێژیمەکە، پەرەگرتنی ڕۆژبەڕۆژی زیاتری بێزاریی خەڵک و، قەیران خولقاندن و ئاژاوەگێڕی لە‌ناوچە، ناتوانێ بۆ ماوەیەکی زۆر درێژە ‌بە ‌دەسەڵاتی خۆی بدات. ئێمە ‌پێمان وایە ‌کە ‌هەموو وڵاتانی دێموکرات و ئازادیخواز، پێویستە ‌یارمەتیی کوردەکانی ئێران بدەن لە‌خەبات دژی ڕێژیم، چوونکە ‌ئەو خەباتە ‌لە‌ ڕاستای بەهێز کردنی بەرەی دێموکرات لە ‌ناوچە‌ و بە‌دژی کۆنەپەرەستترین ڕێژیمی سەردەمە‌ کە ‌دژایەتی دێموکراسی و مافی مرۆڤ لە‌هەموو جیهاندا دەکات، یارمەتیی زۆربەی گرووپە ‌تیرۆریستییەکان دەدا، دەستێوەردان لە ‌کاروباری نێوخۆیی وڵاتان دەکا. لاواز بوون یان نەمانی ئەو ڕێژیمە‌، ئاشتی و سەقامگیری لە‌ خۆرهەڵاتی نێوەڕاست بەهێز دەکا."

هجری هه‌روه‌ها ده‌ڵێت: "ئێمە ‌وەکوو کورد، بەگشتی هیچ کێشەیەکمان لەگەڵ هیچ دەوڵەتێک نییە ‌بە‌ ئیسرائیلیشەوە، بێجگە ‌لە ‌حکوومەتی ئەو وڵاتانەی مافی کورد پێشێل دەکەن، لەو باوەڕەدام کە‌زۆربەی خەڵکی ئێرانیش هەر وا بیر دەکەنەوە. ئێمەی کورد بەرنامەی جیابوونەوە لە ئێرانمان نیە، بەڵکوو خەباتی ئێمە ‌بۆ دامەزراندنی ئێرانێکی دێموکراتیکی فیدڕاڵە، ‌کە ‌لەودا، کورد و باقی نەتەوەکان، بە‌شێوەی ئۆتۆنۆمی حکوومەتی خۆجێیان هەبێ، و لە ‌بەڕێوەبردنی ئێرانیشدا، بە‌گوێرەی یاسایەکی دێموکراتیک بەشدار بن". هیجری هه‌روه‌ها ده‌‌ڵێ كه؛ "كورده‌كانی ئێران، بێزان "له ئیداره کردنی سیاسەتی ئامریکا لە‌سەردەمی سەرۆکایەتیی ئوبامادا، و زۆرتر بە هەوڵدان بۆ سازان لەگەڵ ڕێژیمی کۆماری ئیسلامی بووە، بە‌تایبەت واژۆی گرووپی ١+٥، سەبارەت بە ‌لابردنی گەمارۆکانی سەر ئێران، بە‌سەرۆکایەتی ئامریکا، دەستی ئەو ڕێژیمەی ئاواڵەتر کرد بۆ سەرکوتی ئازادیخوازانی ئێرانی، بە‌کورد و باقی نەتەوەکانەوە. هەروەها لە‌ یارمەتیدانی زیاتری ڕێژیم بە ‌گرووپە ‌تیرۆریستییەکانی ناوچە ‌و لە‌ئاکامدا وێرانیی و کۆشتاری زیاتر لە ‌خۆرهەڵاتی نێوەڕاست و زۆر شوێنی دیکەی دنیا."

"مستەفا هیجری دەڵێت: "ئێمە ‌پۆتانسیێلی ڕاپەڕین لە‌دژی ڕێژیم، لە ‌هەموو ئێراندا و بە‌تایبەتی لە‌ کوردستاندا دەبینین، بەڵام ئەو پۆتانسیێلە ‌پێویستی بە‌ بەهێزکردن و یارمەتیدان هەیە. کوردەکان ئەگەر پشتیوانی بکرێن، دەتوانن ببنە ‌ناوەندی بە‌توانای ئەو راپەڕینە یان ئەو بەهارە ‌بۆ هەموو ئێران". حیزبی دێموکرات زیاتر له ٧٠ کیلۆمیتر له نێوان باشوور و ڕۆژهه‌ڵاتی کوردستانی کۆنتڕۆل کردووه، و دامه‌زرێنه‌ری کۆنگره‌ی نه‌ته‌وه‌کانی ئێرانی فیدراڵه، و لە لایەن زیاتر له ٥٠ له سه‌دی نه‌ته‌وه‌کانی ئێرانه‌وه، پشتیوانی لێ ده‌کرێت. حەشیمەتی گەلی کورد له ئێران ١٠ میلیۆنه. "حیزبی دێموکرات بۆ ماوه‌ی زیاتر لە ٧٠ ساڵ، ڕێبه‌رایه‌تی شۆڕشی گەلی کوردی کردووه و ده‌یکات. جووڵانه‌وه‌ی کورد گه‌یشتۆته قۆناغێکی تازه و ئێمه له گشت بواره‌کانی، کولتووری، مه‌ده‌نی و نیزامی‌دا، بۆ وه‌دست هێنانی سیستمێکی دێموکراتیی فیدڕاڵی له کوردستانی ئێران چالاکین."
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.