• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٨ی زایینی - ٢٧ی بەفرانباری ١٣٩٦ی هەتاوی  

هەیئەتێکی کۆمیتەی حیزبی دێموکرات لە وڵاتی سوئێد سەردانی مامۆستا حەسەن شێوەسەلی‌یان کرد

زایینی: ٠٩-١٢-٢٠١٦ - هەتاوی: ١٣٩٥/٠٩/١٩ - ١٤:٢٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەیئەتێکی کۆمیتەی حیزبی دێموکرات لە وڵاتی سوئێد سەردانی مامۆستا حەسەن شێوەسەلی‌یان کرد
کوردستان میدیا: هەیئەتێکی کۆمیتەی حیزبی دێموکراتی کوردستانی ئێران ـ ڤێسترۆس بە مەبەستی دەربڕینی ڕێز و وەفاداری بۆ مامۆستا حەسەن شێوەسەڵی، سەردانی ئەو تێکۆشەرە دێرینەی حیزبی دێموکراتیان کرد.

لە ڕێکەوتی ١٦ی سەرماوەزی ١٣٩٥ی هەتاوی، کە ٢٩ـەمین ساڵڕۆژی تێرۆرکردنی مامۆستا مەلا حەسەن شێوەسەڵی بوو، هەیئەتێکی کۆمیتەی حیزبی دێموکرات لە شاری ڤێسترۆس بەمەبەستی دەربڕینی ڕێز و وەفاداری بۆ مامۆستا و شەرمەزار کردنی ئەو هەوڵە تێرۆریستیەی ڕێژیمی ئێران، سەردانی مامۆستا و بنەماڵە سەربەرزەکەیانیان کرد.

سەرەتا لە لایەن هەیئەتی کۆمیتەوە چەپکە گوڵی ڕێز و وەفا و بەردەوامیی ژیان درا بە مامۆستا و پاشان بەرپرسی کۆمیتەی ڤێسترۆس "عەزیز مورادپەرەست"، باسی ئەم ڕۆژە تاڵە و ئامانجی ڕێژیم لەو کارە تێرۆریسییە و هەروەها مەبەستی سەردانەکەیانی کرد.

مورادپەرەست گوتی؛ زۆرن ئەوانەی ئارەزوویان دەکرد کە لەم ڕۆژەدا بە خزمەتتان گەیشتبان، بەڵام بەهۆی مەودا و دووری لە نیشتمان ئەو ئەرکەیان بە ئێمە ئەسپاردووە و نوێنەرایەتی خۆیان بە ئێمە داوە، هەتاکوو لە ئاست گەورەیی و دڵسۆزیی ئێوە بۆ حیزب و نەتەوەکەمان و هەروەها لە ئاست ئێش و ئازارەکانتان سەری ڕێز و وەفاداریتان بۆ دابنەوێنین و دڵنیاتان بکەینەوە کە ئێمە ڕۆڵەکانی دێموکرات لە درێژەدانی خەبات بەردەوام دەبین و ئێوەش ڕێبەر و ڕێنوێنی‌ ڕێگای خەباتمان دەبن.

عەزیز مورادپەرەست لە بەشێکی دیکەی قسەکانیدا باسی ڕۆڵ و نەخشی کولسوم خانم هاوڕێ و هاوسەری بەوەفای مامۆستای کرد و گوتی؛ ئێمە ڕۆڵەکانی دێموکرات و نەتەوەکەمان لە ڕۆژهەڵاتی کوردستان بە چاوێکی پر بایەخەوە و وەک ژنێکی نموونەی کورد ڕێزت لێ دەگرین و هیوای بەختەوەری و شانازیی زیاترت بۆ دەخوازین.

لە بەشێکی دیکەی دیدارەکەدا مورادپەرەست پەیامی کۆمیتەی گشتیی حیزبی دێموکراتی کوردستانی ئێران ـ سوئێدی پێشکەش بە ناوبراو کرد، کە تایبەت بۆ ئەم رۆژە نێردرابوو، لە پەیامی کۆمیتەی گشتیی حیزبدا وێڕای شەرمەزارکردنی ئەو کارە تێرۆریستییەی کوماری ئیسلامی، خۆشحاڵی نیشاندرا بوو کە ئەو پیلانەی دۆژمن سەری نەگرت و مامۆستا وەک سەمبۆلی مرۆڤێکی شۆڕشگێر و وەفادار بە ڕێگا و ڕێبازی شەهیدانی کوردستان و ڕێبەرێکی بەتوانا، ئێستاش لە ڕیزی پێشەوەی ڕێبەری‌کردنی خەباتدایە و وەفاداری و ڕێزی تایبەتی کۆمیتەی گشتیی حیزب لە وڵاتی سوئێدیان ئاراستەی مامۆستای ڕێبەریان کرد.

پاشان مامۆستا شێوەسەڵی وێڕای سپاس و بەخێرهاتن کردنی تایبەتی خۆی بۆ ئەم سەردانەی کۆمیتەی حیزب لە شاری ڤێسترۆس و، پەیامی کۆمیتەی گشتی حیزب لە وڵاتی سوێد، گوتی؛ "لێتان ناشارمەوە کە لە ماوەی ئەو ٢٩ ساڵەدا ئەوە بۆ جاری دووهەمە کە لە لایەن کۆمیتە و ئۆرگانەکانی حیزب لەم ڕۆژەدا سەردانم دەکەن و هەر دوو جاریش کومیتەی حیزب لە شاری ڤێشترۆس بووە و، ئەو سەردانانەی کۆمیتەی بە ساڕێژ کردنی ئازارەکانی خۆی زانی.

مامۆستا بەو شێوەیە باسی ئازارەکانی خۆی کرد؛ "کارەساتەکە قورس و تال بوو. هەر چەندە زۆرێک لە هاوڕێ پێشمەرگەکانم لە پەنای دەستمدا شەهید بوون، من لە وان زیاتر نەبووم، حەزم دەکرد لە سەنگەری دەستە و یەخەدا تووشی ئەم کارەساتە بایام، زۆر کەس بۆ من نیگەران بوون، ئەوان لە دڵەوە دەگریان و کوڵەیان دەهات، بەڵام بێ‌هیوا نەبوون، هەر چەند کەوتبوونە ئازارێکی گەورەی ڕۆحییەوە، من بە ناچاری کوردستانم بەجێهێشت".

لە بەشێکی دیکەدا مامۆستا باسی سەرهەڵدانی ڕاسانی ڕۆژهەڵاتی کرد و گوتی؛ "ڕاسان فەلسەفەکەی دەرهاتن لەو هەلومەرجە و بوژانەوە و بەرینترکردنی ئەرکەکانمانە، ڕاسانی ڕۆژهەڵات ئێمەی ژیاندەوە، زۆر کەس لە پێناوی ئازادی گەلەکەمان بە سەربەرزییەوە شەهید بوون، وەکوو پێشەوا قازی محەممەد، دوکتور قاسملوو و دوکتور سادق و تا دەگەنە شەهیدانی ڕاسان. مامۆستا گوتی ژیانی خۆم لە جووڵانەوەی حیزبدا دەبێنم. مرۆڤی باش ئەوەیە کە خزمەت بە نەتەوەکەی خۆی بکات، هیوام ڕزگاری نەتەوەکەمانە و زۆر خۆشحاڵم کە ئێوە هاوڕێیانی حیزبی لە دەوری خۆم دەبێنم."

لە بەشێکی دیکەی قسەکانیدا مامۆستا ئەرک و وەفاداری و ئەرکەکانی کولسومی هاوڕێ و هاوسەری بەرز نرخاند و هەر لەو پێوەندییەدا سپاسی تایبەتی خۆی ئاراستەی هەیئەتی کۆمیتە ڤێسترۆس کرد.

پاشان هاوڕێ و هاوسەری مامۆستا، کولسوم خانم وێڕای بەخێرهاتن کردنی هەیئەتی کۆمیتە، سوپاس و دڵخۆشی خۆی بۆ ئەم سەردانە نیشاندا و دووبارە وەفاداریی و خۆشەویستیی خۆی بۆ بەردەوامیی ژیانیان دەربڕی و جەختی لە هەوڵدان بۆ هەرچی زیاتر ناساندنی ڕووڕەشیی ڕێژیمی کۆماری ئیسلامی ئێران کردەوە.

لە کوتایی دیدارەکەدا مامۆستا هەموو ئەندامانی هەیئەتەکەی دڵنیاکردەوە کە درێژەدان بە خەبات سەرئەنجام ئاواتی شەهیدانمان دێنێتە دی.

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.