کوردستان میدیا: ئەندامان و لایەنگرانی حیزبی دێموکرات بەبۆنەی بەرز ڕاگرتنی ڕاسانی ڕۆژهەڵاتی کوردستانەوە چالاکیی بەرینی تەبلیغییان بەڕێوەبرد.

بەپێی هەواڵی گەیشتوو بە ماڵپەڕی کوردستان میدیا، قارەمانانی دێموکرات لە شاری بۆکان، بۆ بەرز نرخاندنی وەرزی نوێی خەباتی حیزبی دێموکراتی کوردستانی ئێران و گرێدانی خەباتی شاخ و شارەوە، بە شێوەیەکی بەرین چالاکیی تەبلیغیان لەو شارە بەڕێوە برد.

ڕوڵە چاونەترسەکانی دێموکرات سەرەڕای گوشار و چاوەدێرییەکانی ڕێژیمی پەت و سێدارە، لەو شوێنانە چالاکییان بەڕێوە بردووە: فەلەکەی ئازادگان، دەوروبەری قوتابخانەی کچانەی طلوعی ئازادی، شەقامی ٥٥ هەتا فەلەکەی عەلیاوا.

چالاکییەکان بریتی بوون لە؛ دروست کردنی مۆر و بەرچەسپ کە بەرچەسپەکان بە دروشمی ڕاسان.دێموکرات ڕازابوویەوە و لە دەرگای زۆرێک لە ماڵان درابوو.