• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

خۆپیشاندانێک دژی لەسێدارەدانی زیندانیانی سیاسی لە ئاڵمان بەڕێوەچوو

زایینی: ٢٣-٠٤-٢٠١٧ - هەتاوی: ١٣٩٦/٠٢/٠٣ - ١٨:٣٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
خۆپیشاندانێک دژی لەسێدارەدانی زیندانیانی سیاسی لە ئاڵمان بەڕێوەچوو
کوردستان میدیا: لە شاری بێرلین خۆپیشاندانێک دژی لە سێدارەدانی زیندانیانی سیاسی بەڕێووچوو و ئێعدامی هاووڵاتییانیان لە لایەن ڕێژیمی ئێرانەوە مەحکووم کرا.

ڕۆژی هەینی ٢ی بانەمەڕی ١٣٩٦ی هەتاوی، لە لایەن ڕەوتی عەرەبەکانی ئەحواز لە ئاڵمان خۆپیشاندانێک دژی ڕێژیمی کۆماری ئیسلامیی ئێران لە هەمبەر لە سێدارەدانی لاوانی عەرەب بەڕێوەچوو.

لەو خۆپیشاندانەدا و لە درێژەی هاوکاریی نەتەوە بندەستەکانی ئێرانیشدا کۆمیتەی حیزبی دێموکراتی کوردستانی ئێران لە ئاڵمان وێڕای پشتیوانی لەو خۆپیشاندانە، چالاکانە بەشداری کرد.

خۆپیشانداندەران سەرەتا لە بەردەم کۆشکی سەدارەتی باڵای ئاڵمان کۆبوونەوە و وتاری و پەیامی تایبەتی خۆیان خوێندەوە.

دواتر بەرەو دەروازەی بڕاندن بورگێڕ لە ناوەندی شار خۆپیشاندانیان کرد و لەو شوێنەش کە ناوەندی پڕ حەشیمەتی پێتەختی ئاڵمانە، کۆبوونەوە.

لە درێژەی خۆپیشاندانەکەدا، "ئارێزداراپوور" بەرپرسی بەشی تەشکیلاتی حیزبی دێموکراتی کوردستانی ئێران لە ئاڵمان وتارێکی بە زمانی ئاڵمانی پێشکەش کرد .

داراپوور لە وتارەکەی دا وێڕای دووپاتکردنەوەی پشتیوانی حیزبی دێموکراتی کوردستانی ئێران لە خەباتی ڕەوای نەتەوە بندەستەکانی ئێران، ئاماژەی بە سەرکوت و زەبر و زەنگی ڕێژیمی کۆماری ئیسلامیی ئێران لە سەر گەلانی ئێران و بەتایبەت گەلی کورد کرد.

لەو خۆپیشاندانەدا ژمارەیەکی زۆر لە ئەندامانی حیزبی دێموکراتی کوردستانی ئێران بە ئاڵای کوردستانەوە بەشداریان کرد.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا