• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی نوامبری ٢٠١٧ی زایینی - ٠٤ی سەرماوەزی ١٣٩٦ی هەتاوی  

پەیامی مستەفا هیجری بە بۆنەی کۆچی دوایی کریس کوچرا

زایینی: ٠٥-٠٨-٢٠١٧ - هەتاوی: ١٣٩٦/٠٥/١٤ - ١٨:٠٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی مستەفا هیجری بە بۆنەی کۆچی دوایی کریس کوچرا
کوردستان میدیا: مستەفا هیجری سکرتێری گشتیی حیزبی دێموکراتی کوردستانی ئیران بە بۆنەی کۆچی دوایی کریس کۆچرا پەیامێکی هاوخەمی بڵاو کردەوە.

دەقی پەیامەکە:

یادی کریس کوچرا لە دڵماندا زیندوو دەمێنێتەوە

نووسەر و ڕۆژنامەنووسی بەناوبانگ کریس کوچرا کۆچی دوایی کرد.


کوچرا تەمەنێکی زۆری لە ڕێگای سەفەر بۆ کوردستان و مانەوە لە ناو خەڵکی کوردستاندا تێپەڕ کرد ولەو سەفەرانەدا لەگەڵ ڕێبەری ناوداری کورد د. عبدوالرحمن قاسملوو سکرتێری گشتیی حیزبی دێموکراتی کوردستانی ئێران ئاشنا دەبێ، و ئەو ئاشنایەتییە شوێندانەری قووڵ لە سەر کوچرا دادەنێ بۆ ناسینی کورد، نووسین لەسەر کورد و ئەوجارە ناساندنی کورد و خەباتەکەی بە خۆرئاواییەکان لەو سەردەمانەدا کە کورد لە جیهاندا وەک نەتەوەیەکی نەناسراو و پەراوێز خراو بوو.

ئاشنا بوونی کوچرا لەگەڵ د. قاسملوو بوو بەهۆی ئەوەی کە ئۆگرێکی تایبەتی بە خۆرهەڵاتی کوردستان و حیزبی دێموکراتی کوردستانی ئێران پەیدا بکا. ناوبراو بێجگە لە وتار و بابەتەکانی لە رۆژنامە بەناوبانگەکانی ئورووپا بەتایبەت فەرانسە و، ئامادە بوونی لەدەیان کۆڕ و سیمینار لەسەر کورد، چەندین کتێبی لەو پێوەندییەدا نووسیوە و بەم شێوەیە خزمەتێکی گەورەی بە دۆزی کورد کردووە.

بە کۆچی دوایی کوچرا کورد بە گشتی و حیزبی دێموکرات دۆستێکی خۆرئاوایی وەفاداری لەدەستدا، بەڵام یادی ئەم پیاوە کورد دۆستە و خزمەتەکانی بە کورد لەبیر هیچ کوردێکی نیشتمانپەروەر ناچێتەوە.

بەم بۆنەوە سەرەخۆشی لە بنەماڵەکەی بەتایبەت " ئیدیت" ی هاوسەری دەکەم کە لە کارەکانیدا یارمەتیدەرێکی بە توانای کوچرا بوو.

حیزبی دێموکراتی کوردستانی ئێران
سکرتێری گشتی
مستەفا هیجری


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک