• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی نوامبری ٢٠١٧ی زایینی - ٠٤ی سەرماوەزی ١٣٩٦ی هەتاوی  

عەلی عابدی: ئەگەر لە بەر کەمایەسی ئابووری و فەرهەنگی و کۆمەڵایەتی نەبێت کێ کۆڵبەری پێ خۆشە

زایینی: ٠٥-٠٩-٢٠١٧ - هەتاوی: ١٣٩٦/٠٦/١٤ - ١٨:١٣ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
عەلی عابدی: ئەگەر لە بەر کەمایەسی  ئابووری و فەرهەنگی و کۆمەڵایەتی نەبێت کێ کۆڵبەری پێ خۆشە
کوردستان میدیا: ژەنیارو هونەرمەندی کورد بە ناوبانگی خەڵکی شاری سەقز وێڕای مەحکووم کردنی کوژرانی کۆڵبەران بە گشتی و دوو کۆڵبەری خەڵکی شاری بانە بە تایبەتی ناڕەزایەتی دەربڕی.

عەلی عابدی ژەنیار و هونەرمەندی نەتەوەی کورد خەڵکی شاری سەقز وێڕای هاوخەمی خۆی بۆ گیان لە دەستدانی ئەو دوو کۆڵبەرەی کورد ڕایگەیاند: "کۆڵبەری نیشانەی نابەرابەری و هەڵاواردنی کۆمەڵگای کوردستانە".

ئەو ژەنیارە کوردە دەڵێت: "جا ئێستا کە هاونیشتمانیانمان بە کۆڵبەری ڕازی بوون و بە کۆڵی خۆیان و ئارەقی نێو چاوان و شەرەف و غیرەتیان لەو شاخە نان پەیدا دەکەن، دەیان کوژن".

ئەو هونەرمەندە کوردە هەروەها دەڵێت: "ئەمە کارەساتە و بە هیچ شێوەیەک قەبووڵ ناکرێت و ئەگەر لە بەرنان و ژیان نەبێت بۆ ڕوو لە پیشەی کۆڵبەری دەکەن".

عەلی عابدی ئەوەشی خستەڕوو کە من ٣٠ ساڵ لەمەوبەر بووم بە دەنگی هەڵەبجە و سەردەشت و شەنگال و کوبانێ و چەندین کارەساتی‌تر و لە هەمبەریان بێدەنگ نەبووم، ئێستاش ئەم کارەساتە لە هەڵەبجە و سەردەشت و هتد بە کەمتر نازانم.

ناوبراوە هەروەها دەڵێت: "من پێم وایە ئێستا کۆڵبەران بە ئارامی جینۆساید دەکرێن.سەرەحۆشی خۆم له بنەماڵەی کۆڵبەرانی ئەم کارەساتە دەکەم و کوشتنی کۆڵبەران بە هەر شێوەیەک و بە هەر بیانوویەک ئیدانە دەکەم" .

عەلی عابدی بە ئاماژە کردن بە کردەوەکانی موحسێن بیگلەری مۆرەی ڕێژیم لە مەجلیس دەڵێت: "موحسین بیگلەری " بەرپرسی گیانی ئەو کۆڵبەرانە و کۆڵبەرانی داهاتوو و سەرجەم کەمایەسی ئابووری و کۆمەڵایەتی و فەرهەنگی سەقز و بانەیە".

ئەو هونەرمەندە کوردە لە کۆتاییدا دەڵێت: "موحسێن بیگلەری هەموو هەوڵی خۆی لەسەر تایەفەگەری و ناوچەگەرایی و باندبازی و ئاشنابازی داناوە و لە هەمبەر ئەو هەموو کێشە و گرفتانە نابەرپرسە" .
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک