• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی نوامبری ٢٠١٧ی زایینی - ٠٤ی سەرماوەزی ١٣٩٦ی هەتاوی  

٣٦هەمین خولی کۆبوونەوە شۆرای مافی مرۆڤ لە ژنێڤ، لە سەر پرسی کۆڵبەران بەڕێوە چوو

زایینی: ١٢-٠٩-٢٠١٧ - هەتاوی: ١٣٩٦/٠٦/٢١ - ١٢:٥٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
٣٦هەمین خولی کۆبوونەوە شۆرای مافی مرۆڤ لە ژنێڤ، لە سەر پرسی کۆڵبەران بەڕێوە چوو
کوردستان میدیا: له ٣٦هه‌مین خولی كۆبوونه‌وه‌كانی شۆرای مافی مرۆڤ ـ ژنێڤ، له‌ سه‌ر پرسی كۆڵبه‌ران و سه‌ركوتی خۆپیشانده‌ران، نوێنەری کۆمەڵەی مافی مرۆڤی کوردستانی ئێران ـ ژنێف وتارێکی پێشکەش کرد.

بە بەشداری نوێنەری كۆمه‌ڵه‌ی مافی مرۆڤی كوردستانی ئێران ـ ژنێڤ (تەیموور ئەلیاسی)، کۆبوونەوەیەک لە سەر پرسی کۆڵبەران و سەرکوت کردنی خۆپێشاندەران لە شارەکانی کوردستانی ڕۆژهەڵات، لە بارەگای نەتەوەیەکگرتووەکان ـ ژنێڤ بەڕێوە چوو و نوێنەری کۆمەڵەی مافی مڕۆڤ لەو کۆبوونەوەدا وتارێکی پێشکەش بە بەشداربووانی ئەو کۆبوونەوەیە کرد.

دەقی وتاری نوێنەری کۆمەڵەی مافی مڕۆڤی کوردستانی ئێران ـ ژنێڤ، لە بارەگای نەتەوەیەکگرتووەکان بەم چەشنەیە:

به‌ڕێز سه‌رۆك:


له‌ ڕۆژی دووشه‌ممه‌ ٤ی سپتامبری ٢٠١٧، دوو كۆڵبه‌ری كورد به‌ ناوه‌كانی حه‌یده‌ر فه‌ره‌جی (٢١ ساڵ) و قادر به‌هرامی (٤٥ ساڵ و باوكی ٤ مناڵ) به‌ گولـلە‌ی ڕاسته‌وخۆی هێزه‌ نیزامییه‌كانی سنووری ئێران له‌ بانه‌ كوژران.

كوشتنی ئه‌م ٢ هاووڵاتییه‌ كورده‌، كرده‌وه‌یه‌كی لاوه‌كی‌ نییه‌، له‌ سه‌ره‌تای ساڵی ٢٠١٧ تاكوو ئه‌وڕۆ ١٤٩ هاووڵاتی دیكه‌ی كورد بوونه‌ته‌ قوربانی گولله‌ی هێزه‌ نیزامییه‌كانی كۆماری ئیسلامیی. كوشتنی هاووڵاتیانی كورد به‌ هۆی كورد بوونیانه‌‌‌.

له‌ ڕۆژی سێشه‌ممه‌ ٥ی سپتامبر، دانیشتووانی خه‌ڵكی بانه‌، بۆ پرۆتستۆ كردنی كوشتنی ناڕه‌وای دوو كۆڵبه‌ری خه‌ڵكی بانه‌، خۆپێشاندانێكی هێمنانه‌یان ڕێخست. به‌ڵام به‌رپرسانی كۆماری ئیسلامیی ئێران، وڵامی داخوازییه‌ به‌هه‌قه‌كانی خه‌ڵكیان كه‌ بریتی بوو: له‌ دادگایی كردنی تاوانباران و ڕاگرتنی كوشتنی كۆڵبه‌ران، به‌ توندوتیژی دایه‌وه‌.

خۆپیشاندانه‌كان به‌ره‌و شاره‌كانی دیكه‌ی كوردستان كه‌ میلیتاریزه‌ كراون په‌ره‌یان سەند. به‌پێی ئه‌و ڕاپۆرتانه‌ی كه‌ به‌ ده‌ست كۆمه‌ڵه‌ی مافی مرۆڤی كوردستان گه‌یشتوون، هێزه‌كانی ڕێژیم، بۆ سه‌ركوت كردنی خۆپیشانده‌ران، كه‌ڵكیان له‌ گولـله‌ی پلاستیكی و گازی فرمیسکڕێژ وەرگرتووە و له‌ ئاكامدا زیاتر له‌ ١٠ هاووڵاتی بریندار بوون و به‌ ده‌یان كه‌سیش گیراون.

له‌ كۆتاییدا، ئێمه‌ له‌ شۆرای مافی مرۆڤ و ڕێپۆرتێری نه‌ته‌وه‌یه‌كگرتووه‌كان خوازیارین، بۆ عه‌داڵه‌ت و ڕاستی، كوشتنی ناڕه‌وا و كوێرانه‌ی هاووڵاتییانی كورد مه‌حكووم بكه‌ن و فشار‌ بخه‌نه‌ سه‌ر ئێران هەتا توندوتیژی و سیاسه‌تی جیاوازی و هه‌ڵاواردن دژی به‌لووچه‌كان، كوردەکانی یاره‌سان، عه‌ره‌بی ئه‌هوازی، مه‌سیحییه‌كان، یەهوودییەکان، توركمه‌ن و ئازه‌ربایجانی و گرووپه‌ هاوڕه‌گه‌زه‌كان ڕابگرن.

كۆمه‌ڵه‌ی مافی مرۆڤی كوردستانی ئێران_ ژنێڤ
ژنێڤ، نه‌ته‌وه‌یه‌كگرتووه‌كان، ١١ سپتامبری ٢٠١٧
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک