• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

ئامریکا: واشنتۆن پشت له‌ كورد ناكات

زایینی: ٢٨-١٠-٢٠١٧ - هەتاوی: ١٣٩٦/٠٨/٠٦ - ١١:٠٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئامریکا: واشنتۆن پشت له‌ كورد ناكات
کوردستان میدیا: وتەبێژی وەزارەتی دەرەوەی ئامریکا ڕایگەیاندووە ئه‌گه‌ر پێشمه‌رگه‌ و ئه‌و هێزه‌ له‌ ڕاده‌به‌ده‌ره‌ی كورد نه‌بوایه‌، گه‌لی عێراق نه‌ده‌گه‌یشته‌ ئه‌و رۆژه‌, بۆیه‌ به‌رده‌وام ده‌بین و شانبه‌شانییان ده‌وه‌ستین.

هێزه‌ر نوێرت، له‌ گفتوگۆیه‌كدا له‌گه‌ڵ كه‌ناڵی "الحره‌"ی ئامریکادا ڕایگەیاند، سه‌ربازه‌كانمان له‌ سپای ئامریکا، به‌ ژن و پیاوه‌وه‌ شانبه‌شانی هێزه‌ كوردییه‌كان جه‌نگاون و كوژراون و ئه‌گه‌ر پێشمه‌رگه‌ و ئه‌و هێزه‌ له‌ ڕاده‌به‌ده‌ره‌ی كورد نه‌بوایه‌، گه‌لی عێراق نه‌ده‌گه‌یشته‌ ئه‌و ڕۆژه‌، بۆیه‌ به‌رده‌وام ده‌بین و شانبه‌شانییان ده‌وه‌ستین.

گوته‌بێژی وه‌زاره‌تی ده‌ره‌وه‌ی ئامریکا، هێژموونی ڕێژیمی ئێرانی له‌ ناوچه‌كه‌ به‌ مه‌ترسی وه‌سف كرد و گوتی: "هاوپه‌یمان و هاوبه‌شه‌كانمان هه‌مان بۆچوونی ئامریکایان هه‌یه‌ و له‌سه‌ر ئه‌وه‌ كۆكن كه ڕێژیمی‌ ئێران له‌ هه‌ر وڵاتێك بێت، خێری بۆ ئه‌و وڵاته‌ ناوێت، بۆیه‌ ده‌مانهه‌وێت هێژموونی ئه‌و وڵاته‌ و كاره‌ تێكده‌رانه‌كانی ڕابگرین".

نوێرت باسی لەوەش کرد، ئامریکا به‌ توندی له‌ دژی ئه‌و ڕێڕه‌وه‌ زه‌وینییه‌ ده‌وه‌ستێته‌وه‌ كه‌ ڕێژیمی تاران به‌ به‌یرووته‌وه‌ ده‌به‌ستێت‌ و پێی ده‌گوترێت "هیلالی شیعی".

گوته‌بێژی وه‌زاره‌تی ده‌ره‌وه‌ی ئامریکا هەروەها ڕایگەیاند، پێشتر ئامریکا، ناڕه‌زایه‌تی خۆی له‌ ئه‌نجامدانی ڕێفراندۆمی سه‌ربه‌خۆیی كوردستان ده‌ربڕیبوو و ئێستاش جه‌خت له‌ سه‌ر عێراقێكی یه‌كگرتوو، فێدراڵی و دێموكراتی ده‌كه‌ینه‌وه‌.

لەو پێوەندییەدا وه‌زيرى ده‌ره‌وه‌ى ئا‌مريكا ڕێكس تيله‌رسن نیسبەت به هێژموونی ڕێژیمی كۆمارى ئيسلامیى ئێران هۆشداری به سه‌رۆک وه‌زيرانى عێراق، حه‌يده‌ر عه‌بادى دا کە دژی ئەو ڕێژیمە بوه‌ستێته‌وه‌ و پێی گووتبوو: ئێوه‌ عه‌ره‌بن نه‌ک فارس.

لەهەمبەر گرژييه‌كانى نێوان عێراق و هه‌رێمى كوردستانیش، تيله‌رسن باسی لەوە کردووە: ئامريكا دۆستى عێراق و هه‌رێمى كوردستانه‌.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک