• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

وەزیری دەرەوەی فەڕانسە: ناتوانین دەستێوەردانەکانی ئێران لە ناوچەکە قەبوول بکەین

زایینی: ٠١-١١-٢٠١٧ - هەتاوی: ١٣٩٦/٠٨/١٠ - ١١:٣٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
وەزیری دەرەوەی فەڕانسە: ناتوانین دەستێوەردانەکانی ئێران لە ناوچەکە قەبوول بکەین
کوردستان میدیا: ڕێژیمی ئێران سەرەڕای گوشارە جیهانی و ناوچەییەکان، لە ئاژاوەنانەوە و دستێوەردان لە وڵاتانی ڕۆژهەڵاتی ناوەڕاست و کردەوەی تێرۆریستی بەردەوامە.

ژان ئیو لودریان، وەزیری دەرەوەی فەڕانسە، لە دانیشتنی شۆرای پەیوەندییەکانی دەرەوەی ئامریکا، وتوویەتی: چالاکییەکانی ڕێژیمی ئێران، هەڕەشەیەکە بۆ سەر ڕۆژهەڵاتی ناوەڕاست و بە پێچەوانەی بەرژەوەندییەکانی واشینتۆن و پاریسە.

ڕێژیمی ئێران لە ڕۆژهەڵاتی ناوەڕاست، بە دوای پەرەپێدان بە دەسەڵاتی سیاسی و نیزامیی لە ناوچەکە بۆ بەرەو پێشبردنی بیرۆکەی دژە مرۆییەکانییە.

وەزیری دەرەوەی فەڕانسە، لەو دانیشتنەدا ئاماژەی بە چالاکییە خراپکارانەکانی ئێران لە ناوچەکە کردووە و ڕایگەیاندووە: ئێمە ناتوانین دەستێوەردانەکانی ڕێژیمی ئێران و پاوانخوازییەکانی قەبوول بکەین.

ڕێژیمی ئێران لە دوایین دەستێوەردانەکانی لە عێراق، بە پڕچەک کردنی حەشدی شەعبی و فەرماندەیی کردنی ئەم گرووپە، دەستی بە سەر عێراق گرتووە و لە ڕاستای سیاسەتە پاوانخوازنەکانی هێرشی بۆ سەر باشووری کوردستان کردووە.

ڕێژیمی داگیرکەری ئێران، لە ڕۆژهەڵاتی ناوەڕاست لە وڵاتانی وەکوو: یەمەن، سووریە، بەحرەین، عێراق و فەلەستین لە بواری سیاسی و نیزامیی بە پاڵپشتی کردن و سازکردنی گرووپە تێرۆریستییەکان، دەستێوەردان لە کاروباری ئەم وڵاتانە دەکات، تەنانەت خەریکە دەسەڵاتی خۆی لە وڵاتە ئافریقییەکانیش پەرە پێ دەدات.

هەروەها لوردیان، پەرەسەندنی بەرنامە ناوکییەکان لە ئێران، بە مەترسی بۆ سەر کۆمەڵگای جیهانی زانیوە.

ئەمە لە حاڵێک دایە کە ڕێژیمی ئێران سەرەڕای گوشار و گەمارۆ جیهانییەکان بۆ کۆتایی هێنان بە چالاکییە ناوکیی و مووشەکییەکانی، هەروا بەردەوامە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا