• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

داواکاری گشتی دۆسیەی "ئامیا" کوژراوە

زایینی: ٠٧-١١-٢٠١٧ - هەتاوی: ١٣٩٦/٠٨/١٦ - ١٢:١٧ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
داواکاری گشتی دۆسیەی
کوردستان میدیا: پۆلیسی ئارژانتین ئاشکرای کرد داواکاری گشتیی دۆسیەی تەقاندنەوەی ناوەندی فەرهەنگی جولەکەکان کوژراوە.

ئاسۆشیتێدپرێس بەپێی ڕاپۆرتێکی نوێی پۆلیسی ئارژانتین بڵاوی کردەوە؛ "ئالبێرتۆ نێسمان" داواکاری گشتیی ئارژانتین کە ئەرکی لێکۆڵینەوەی دۆسیەی تەقاندنەوەی ناوەندی فەرهەنگی جولەکەکانی ئارژانتین ناسراو بە "ئامیا"ی لە ئەستۆ بوو کوژراوە.

بەپێی دوایین زانیارییە بڵاوکراوەکان داواکاری گشتیی ئالبێرتۆ نیسمان چوار ڕۆژ پاش ئەوەی باسی لە دەوری سەرکۆماری پێشووی ئارژانتین، "کرستینا فێرناندێز" کردبوو لە پەیوەندی لە گەڵ شاردنەوەی دەوری ئێران لەو هێرشە تیرۆریستییە، بە مردووی دیترایەوە.

تەرمی نیسمانی تەمەن ٥١ ساڵ لە رێکەوتی ١٨ ژانوییەی ٢٠١٥ دۆزرایەوە و دواتر ڕاگەیەندرا کە ناوبراو خۆی کوشتووە بەڵام لێکۆڵینەوەی نوێی پۆلیسی ئارژانتین دەریخستووە کە ناوبراو کوژراوە و هەموو زانیارییەکانی پێشووی پیوەندیدار بە خۆکوشتنی ڕەد کراوەتەوە.

لە ساڵی ١٩٩٤ ناوەندێکی جولەکەکان لە بۆینێس ئایرێس تەقێندرایەوە کە تێیدا ٨٥ کەس کوژران و ئێران بە تاوانباری ئەو هێرشە تیرۆریستییە دەستینشان کراوە.

لە ساڵی ٢٠١٣دا حکومەتی فێرناندێز لەگەڵ ڕێژیمی ئێران ڕێککەوتن بۆ ڕوونکردنەوەی ئەو مەسەلەیە. هەڵبەت داواکار نیسمان پێی وابوو فێرناندێز ئەو ڕێککەوتنەی بەکار بردووە بۆ ئەوەی بە نهێنی لەگەڵ ئێران دانووستاندن بکا و یارمەتیدەری ئێران بێ بۆ پاراستنی ئەو کاربەدەستە ئێرانییانەی کە تۆمەتبار کرابوون بەوەی دەستیان لەو هێرشە تیرۆریستییەدا هەبووبێ.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا