کوردستان میدیا: بوومەلەرزەیەک به پلەی ٧/٣ ڕیشتر، شارەکانی کوردستانی هەژاند، ناوەندی ئەم ڕووداوە شاری ئێزگلە سەر بە پارێزگای کرماشان بووە.
بوومەلەرزەکە لە کاتژمێری ٨:١٨ شەوی ڕابردوو، ڕێکەوتی ٢١ی خەزەڵوەری ١٣٩٦ی هەتاوی، ڕووی داوە و هەتا ئێستە بەپێی ئامارە نێوخۆییەکان ٢٢١ کەس لە کرماشان گیانیان لە دەست داوە و زۆرتر لە ٢٥٠٠ کەس بریندارن.
ئەم بوومەلەرزەیە لە پارێزگاکانی لوڕستان، ئیلام، کرماشان، سنە و ئورمیەی ڕۆژهەڵاتی کوردستان ڕووی داوە و لە زۆربەی شارەکان بەتایبەت کرماشان زیانی ماڵی و گیانی لێ کەوتووەتەوە.
به هۆی ئەم ڕووداوە زۆربەی خەڵکی ڕۆژهەڵات لە شەوی ڕابردوو هەتا ئێستە ماڵەکانیان بەجێ هێشتووە و بۆ خوپاراستن لە بومەلەرزه لە شەقامەکان دان، هەروه‌ها قوتابخانەکانی ئیلام و کرماشان و سنه ئەمڕۆ دووشەممە داخراون.
لەم بوومەلەرزەیەدا زۆرترین خەسار وە بەر شارەکانی سەلاسی باوەجانی، سەرپێڵ و زەهاو، قەسرشیرین، شائاباد و جوانڕۆ کەوتووە، هەروەها بەشێک لە ڕێگەوبانی ئەو شارانە بە هۆی هەرەسی شاخەکان داخراون و خەڵکی ئەم شارانە تووشی کێشە و دڵەڕاوکێ بوون.
به وتەی مورتزا سەلیمی بەرپرسی هیلال ئەحمەری کرماشان، لە زۆربەی شارەکان لەگەڵ کێشەی کەم بوونی پێداویستی وەکوو ئامبوولانس و هێز بەرەوڕوون و به هۆی ڕووخانی بەشێک لە نەخۆشخانەکان، بۆ ناردنی کەرەستە و پێداویستی داوایان لە شارەکانی دیکە کردووە، زۆربەی بریندارەکان لە نەخۆشخانەی سەحرایی چارەسەر دەکرێن.
هەروەها جێگری ئاوەدانی پارێزگاری کرماشان ڕایگەیاندووە: هەندێک لە شار و گوندەکان لەگەڵ کێشەی ئاو بەروەڕوون و بەشێکی زۆر لە ماڵەکان کارەبایان نییە و ٢٠٠ هێڵی تەلەفۆن داخراون.
ئەم ئامارانە هەتا ئێستە وەبەر دەست کەوتوون و مەزەندە دەکرێ کە ژماری کوژراو و بریندارەکان زۆرتر بێ.
لە شەوی ڕابردوو هەتا ئێستە چەندین جار پارێزگای کرماشان لەرزاوە و دامەزراوەی ژئۆفیزیکی ئێران ڕایگەیاندووە، کە لەرزینەکان درێژەیان دەبێت.
لەم بومەلەرزەیەدا جیا لە پارێزگاکانی ڕۆژهەڵات لە شارەکانی باشووری کوردستان و هەروەها لە بەشێکی زۆر لە عیراق و شارە فارس‌نشینەکانی ئێرانیش هەست کراوە.
بوومەلەرزەکە لە کاتژمێری ٨:١٨ شەوی ڕابردوو، ڕێکەوتی ٢١ی خەزەڵوەری ١٣٩٦ی هەتاوی، ڕووی داوە و هەتا ئێستە بەپێی ئامارە نێوخۆییەکان ٢٢١ کەس لە کرماشان گیانیان لە دەست داوە و زۆرتر لە ٢٥٠٠ کەس بریندارن.
ئەم بوومەلەرزەیە لە پارێزگاکانی لوڕستان، ئیلام، کرماشان، سنە و ئورمیەی ڕۆژهەڵاتی کوردستان ڕووی داوە و لە زۆربەی شارەکان بەتایبەت کرماشان زیانی ماڵی و گیانی لێ کەوتووەتەوە.
به هۆی ئەم ڕووداوە زۆربەی خەڵکی ڕۆژهەڵات لە شەوی ڕابردوو هەتا ئێستە ماڵەکانیان بەجێ هێشتووە و بۆ خوپاراستن لە بومەلەرزه لە شەقامەکان دان، هەروه‌ها قوتابخانەکانی ئیلام و کرماشان و سنه ئەمڕۆ دووشەممە داخراون.
لەم بوومەلەرزەیەدا زۆرترین خەسار وە بەر شارەکانی سەلاسی باوەجانی، سەرپێڵ و زەهاو، قەسرشیرین، شائاباد و جوانڕۆ کەوتووە، هەروەها بەشێک لە ڕێگەوبانی ئەو شارانە بە هۆی هەرەسی شاخەکان داخراون و خەڵکی ئەم شارانە تووشی کێشە و دڵەڕاوکێ بوون.
به وتەی مورتزا سەلیمی بەرپرسی هیلال ئەحمەری کرماشان، لە زۆربەی شارەکان لەگەڵ کێشەی کەم بوونی پێداویستی وەکوو ئامبوولانس و هێز بەرەوڕوون و به هۆی ڕووخانی بەشێک لە نەخۆشخانەکان، بۆ ناردنی کەرەستە و پێداویستی داوایان لە شارەکانی دیکە کردووە، زۆربەی بریندارەکان لە نەخۆشخانەی سەحرایی چارەسەر دەکرێن.
هەروەها جێگری ئاوەدانی پارێزگاری کرماشان ڕایگەیاندووە: هەندێک لە شار و گوندەکان لەگەڵ کێشەی ئاو بەروەڕوون و بەشێکی زۆر لە ماڵەکان کارەبایان نییە و ٢٠٠ هێڵی تەلەفۆن داخراون.
ئەم ئامارانە هەتا ئێستە وەبەر دەست کەوتوون و مەزەندە دەکرێ کە ژماری کوژراو و بریندارەکان زۆرتر بێ.
لە شەوی ڕابردوو هەتا ئێستە چەندین جار پارێزگای کرماشان لەرزاوە و دامەزراوەی ژئۆفیزیکی ئێران ڕایگەیاندووە، کە لەرزینەکان درێژەیان دەبێت.
لەم بومەلەرزەیەدا جیا لە پارێزگاکانی ڕۆژهەڵات لە شارەکانی باشووری کوردستان و هەروەها لە بەشێکی زۆر لە عیراق و شارە فارس‌نشینەکانی ئێرانیش هەست کراوە.
