کوردستان میدیا: سەرۆکوەزیرانی ئیسرائیل، پاش وتووێژی محەممەدجەواد زەریف لەگەڵ کەناڵی سیبیئیســی ئامریکایی ڕایگەیاند، هەڵسوکەوتی ڕێژیمی ئێران و سپای پاسداران زۆر لەگەڵ قسەکانی زەریف جیاوازیان هەیە.
وەزیری دەرەوەی کۆماری ئیسلامی ئێران، ڕۆژی یەکشەممە ٢ی بانەمەڕی ١٣٩٧ی هەتاوی، کاتی وتووێژ لەگەڵ کەناڵی تەلەفزیۆنیی سیبیئیس لە نیۆیۆرک، ڕەتی کردۆتەوە، کە ئێران بەرەو هەڵگرسانی شەڕێکی ناوچەیی لەگەڵ ئیسرائیل هەنگاو هەڵدەگرێت.
ناوبراو ئیسرائیلی بەوە تاوانبار کردووە، کە سەروەریی وڵاتان ڕەچاو ناکات و سنووری ئاسمانی سووریەی بەزاندووە، هەروەها هەڕەشەی کردووە، کە لە ئەگەری بەردەوامی ئیسرائیل لەو جۆرە کارانەی داهاتوویەکی خراپ چاوەڕوانیان دەکات.
چەند کاتژمێرێک پاش قسەکانی زەریف، بنیامین نێتانیاهوو سەرۆکوەزیرانی ئیسرائیل ڕایگەیاندووە: زەریف وەزیری دەرەوەی وڵاتێکە، کە فڕۆکەی بێفڕۆکەوانی هەڵگری تەقەمەنی ڕەوانەی وڵاتی ئێمە دەکات و مووشەکی بالستیکی بە وڵاتی عەرەبستانی سعوودییەوە دەنێت.
نێتانیاهوو لە کۆبوونەوەی تایبەتی سەرانی ئەرتەشی وڵاتەکەی وتوویەتی: وەزیری دەرەوەی ئێران لە کاتی ئاخاوتن و وتووێژ لەگەڵ میدیاکان بە زمانێکی نەرمەوە چەواشەکاری دەکات، بەڵام نێوان ئەم زمانە نەرمی ناوبراو و هەڵسوکەوتەکانی سپای پاسدارانی وڵاتەکەی کە بەردەوام هەڕەشەی لەنێوبردنی ئێمە دەکەن زۆر جیاوازی هەیە.
ناوبراو هەروەها ڕایگەیاندووە: لە کاتێکدا ئێمە چاک دەزانین کە سپای پاسدارانی ڕێژیمی ئێران هێزێکی دژبەری ئێمەیە، کە بەردەوام هەڕەشەیە بۆ سەر وڵاتەکەمان، چی دیکە ئەم چەواشەکاری و زمانە نەرمییەی زەریف هیچ بایەخێکی لای ئێمە نییە.
لە وتووێژێکی ڕادیوییدا، ئاویگدۆر لیبرمەن، وەزیری بەرگریی ئیسرائیل، لە بەرانبەر هەڕەشەکانی حوسێن سەلامیدا ڕایگەیاندبوو: هەموو بنکە و دامەزراوەکانی سپای پاسداران لە سووریە دەکرێنە ئامانجی فڕۆکەکانی ئێمە.
وەزیری دەرەوەی کۆماری ئیسلامی ئێران، ڕۆژی یەکشەممە ٢ی بانەمەڕی ١٣٩٧ی هەتاوی، کاتی وتووێژ لەگەڵ کەناڵی تەلەفزیۆنیی سیبیئیس لە نیۆیۆرک، ڕەتی کردۆتەوە، کە ئێران بەرەو هەڵگرسانی شەڕێکی ناوچەیی لەگەڵ ئیسرائیل هەنگاو هەڵدەگرێت.
ناوبراو ئیسرائیلی بەوە تاوانبار کردووە، کە سەروەریی وڵاتان ڕەچاو ناکات و سنووری ئاسمانی سووریەی بەزاندووە، هەروەها هەڕەشەی کردووە، کە لە ئەگەری بەردەوامی ئیسرائیل لەو جۆرە کارانەی داهاتوویەکی خراپ چاوەڕوانیان دەکات.
چەند کاتژمێرێک پاش قسەکانی زەریف، بنیامین نێتانیاهوو سەرۆکوەزیرانی ئیسرائیل ڕایگەیاندووە: زەریف وەزیری دەرەوەی وڵاتێکە، کە فڕۆکەی بێفڕۆکەوانی هەڵگری تەقەمەنی ڕەوانەی وڵاتی ئێمە دەکات و مووشەکی بالستیکی بە وڵاتی عەرەبستانی سعوودییەوە دەنێت.
نێتانیاهوو لە کۆبوونەوەی تایبەتی سەرانی ئەرتەشی وڵاتەکەی وتوویەتی: وەزیری دەرەوەی ئێران لە کاتی ئاخاوتن و وتووێژ لەگەڵ میدیاکان بە زمانێکی نەرمەوە چەواشەکاری دەکات، بەڵام نێوان ئەم زمانە نەرمی ناوبراو و هەڵسوکەوتەکانی سپای پاسدارانی وڵاتەکەی کە بەردەوام هەڕەشەی لەنێوبردنی ئێمە دەکەن زۆر جیاوازی هەیە.
ناوبراو هەروەها ڕایگەیاندووە: لە کاتێکدا ئێمە چاک دەزانین کە سپای پاسدارانی ڕێژیمی ئێران هێزێکی دژبەری ئێمەیە، کە بەردەوام هەڕەشەیە بۆ سەر وڵاتەکەمان، چی دیکە ئەم چەواشەکاری و زمانە نەرمییەی زەریف هیچ بایەخێکی لای ئێمە نییە.
لە وتووێژێکی ڕادیوییدا، ئاویگدۆر لیبرمەن، وەزیری بەرگریی ئیسرائیل، لە بەرانبەر هەڕەشەکانی حوسێن سەلامیدا ڕایگەیاندبوو: هەموو بنکە و دامەزراوەکانی سپای پاسداران لە سووریە دەکرێنە ئامانجی فڕۆکەکانی ئێمە.
