• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

وتووێژی ماڵپەڕی کوردستان میدیا لەگەڵ ئازاد موسلم، چالاکی سیاسیی کورد

زایینی: ١٤-٠١-٢٠١٣ - هەتاوی: ١٣٩١/١٠/٢٥ - ١٠:٢٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
وتووێژی ماڵپەڕی کوردستان میدیا لەگەڵ ئازاد موسلم، چالاکی سیاسیی کورد
کوردستان میدیا: ئازاد موسلم چالاکی سیاسیی شاری سەقز لەو باوەڕە دایە، سەرەڕای زەخت و گوشاری هێزەکانی رێژیم بۆسەر چالاکانی کورد، هەستی نیشتمانپەروەری و کورد بوون بەسەر هەموو ئەو گوشارانەدا زاڵە و لە چالاکی کردن بەردەوامن.


ماڵپەڕی کوردستان میدیا بۆ زیاتر خستنە بەرباسی دۆخی چالاکانی سیاسیی کورد لە کوردستانی ئێران، وتووێژێکی لەگەڵ ئازاد موسلم چالاکی سیاسی و خوێندکاری کورد پێکهێنا.


کوردستان میدیا:
بارودۆخی چالاکانی سیاسی لە کوردستانی ئێران بە چ شێوازێکە؟


ئازاد موسلم: سەبارەت بە بارودۆخی چالاکانی سیاسی لە کوردستان، باس و لێکدانەوەی هەمەلایەنەی ئابووری، کۆمەڵایەتی، فەرهەنگی، مێژوویی و ... هتد دەخوازێ و لەمەڕ کەمیی کات بە کورتی دەتوانم بلێم لەگەڵ هەموو زەخت و زۆر و زەبری حکوومەتی سێدارە، هەستی نیشتمانپەروەری و نەتەوایەتی زاڵ و بەرچاوە و تەنیا لە بۆشایی یەکڕیزیی ماڵی کوردە کە راپەڕینی جەماوەری نەهاتۆتە ئارا و ئەوەش دەگەڕێتەوە سەر لێکدانەوە و ناسینی ئەمری واقیع لەلایەن لێهاتوان و سەرجەم لایەنە سیاسییەکان و لە دەست دانی ئەم هەلە هەستیارە کەلە جیهان و ناوچەکەدا هاتووەتە ئاراوە، رزگاریی گەلی کوردی وە پاش دەکەوێت.


کوردستان میدیا:
بۆ چی رێژیمی ئێران ئەو زەخت و گوشارانەی خستۆتە سەر چالاکانی سیاسیی کورد؟


ئازاد موسلم:
لەوەی کە دەفەرموون بۆچی حکوومەت گوشاری خستووەتە سەر چالاکوانانی سیاسی، وەک ئەوە وایە بفەرمووی بۆچی کوردن؟! بەڕێزان چالاکیی سیاسی لەهەر نەتەوەیەک بە مانای چینی رووناکبیر و وریای ئەو نەتەوەیەیە و بەپێی رادەی زانست و هەلومەرجی تایبەت، هەوڵی گۆڕان و گەشەی کۆمەڵگاکەیەتی و بە درێژایی مێژوو بۆ ئەم ئامانجە قوربانیی داوە، هەتا لە دەست زاڵمان و داگیرکەران رزگاری بێت و ئێوەی بەڕێزیش باشتر لە من ئاگاداری مێژوویی خوێناوی گەلی کورد هەن و ئەو گوشارانەش بەردەوام لە ئارا دایە و دەبێ بە هوشیاری و زانست و هەست بە واقیعەکانی کۆمەڵگا لە هەوڵی پووچەڵ کردنەوەی پلانی شوومی داگیرکەران بین.


کوردستان میدیا:
ئەو چالاکە سیاسییە کوردانە، هەتا چەندە توانیویانە دەنگی نەتەوەکەیان بە بیروڕای گشتیی رابگەینن؟


ئازاد موسلم: لە بابەتی گەیاندنی دەنگ بە بیروڕای گشتی، دەبێ سەری کڕنۆش بۆ نەمران و شەهیدانی کوردستان دابنەوێنین کە بە فیدا کردنی گیانیان درێژەدەری شۆڕش و رێخوشکەری چالاکوانیی سیاسی بوون و بە خۆشحاڵییەوە رای گشتی بە هەست و پێستەوە لە دەنگی کورد، لە تاکە نەتەوەیەکی پتر لە ٥٠ میلیۆنی بێ وڵات تێگەیشتووە و دانیان پێدا ناوین. بە کوردی، داری ئازادی بە خوێن ئاو دراوە و چرۆی کردووە و هاتۆتە ئەوەی چۆن و بە چ شێوازێک خاوەنداریەتی بکرێ و دەبێ‌ کورد بۆ خۆی پێداگری بێت و ئەو ئەرکە بە جێ بێنێت.


کوردستان میدیا: ئایا ئاماری ئەوەتان هەیە کە چەند زیندانی سیاسیی کورد لە بەندیخانەکانی رێژیمی ئیسلامیدا هەن؟


ئازاد موسلم: سەبارەت بە ئاماری بەندکراونی کورد، دەتوانم بە راشکاوییەوە بڵێم سەرجەم کوردانی کوردستانی ئێران بەند کراون، کاتی مافی مرۆڤ مانای نەبێ، کاتێک هیچ یاسا و رێسایەکی گەشەی کۆمەڵایەتی لە هەموو بوارێکەوە لە ئارادا نەبێ، مانای بەند کرانی بێ دەرگایە و بە داخەوە بە هۆکاری درندەیی حکوومەتی سێدارە و پابەند نەبوون بە هیچ یاسایەک و بەردەوام بوونی هێرشی دڕندانە و گرتن و حەبس کردن رێژەی بەند کراوان زۆر سانا نییە و لە لایەکی دیکەشەوە بە داخەوە کورد بەهوی فکرگەلی جیاوازی سیاسی و لێک دابران هەتا ئێستا نەیانتوانیوە لیژنەیەکی سەربەخۆ، داکۆکی لە بەند کراوانی کورد پێک بێنن و هەمو چین و توێژی کۆمەڵگا و لایەنە سیاسییەکان بەشدار و پاڵپشت بن.


کوردستان میدیا:
ئەو زەخت و گوشارانەی کە بووە هۆی ئەوەی کە ئێوە وڵات بەجێ‌ بهێڵێن چی بوو؟


ئازاد موسلم: سەبارەت بە زەخت و گوشاری سەرخۆم، وەک ئاماژەم پێ کرد کۆمەلگا لە دەست دڕندەیی حکوومەت دەناڵێنێ و منیش بە دوور لەوە نەبووم و بۆ پاراستنی بەڕێزانی ناخۆی وڵات ناتوانم زۆری شی بکەمەوە، بەڵام دەبێ بە ویژدانەوە دان بەوەدا بنێم کە رێژەی گوشارەکان لەسەر چالاکوانان ئەوەندە زۆرە کە ئەژمار کردنی کارێکی ئاسان نییە.


کوردستان میدیا:
ئەو چالاکانەی کە وڵات بەجێ‌ دەهێڵێن و پەڕیوەی وڵاتانی دیکە دەبەن هەتا چەندە دەتوانن وەکوو پێشوو کاریگەرییان لەسەر خەڵکی کوردستاندا هەبێت؟


ئازاد موسلم:
ئەو چالاکوانانەی کە پەڕیوەی هەندەران دەبن و ئەوەی من بینیومە و هەستم پێی کردووە و مێژووی ئەم بەڕێزانە دەیخاتە بەرچاو، ئەگەر راستگوایانە و بە ویژدانەوە بدوێن. لێکدانەوەی باسێکی ئاکادیمی و دوور و درێژی دەوێت. بەڵام بە کورتی لە چەند بڕگەدا خۆ دەبینێتەوە.


ـ ئەو بەڕێزانە سەرجەم بە بارێک لە مەینەتی، چەوسانەوە، بێ رێزی و بێ مافی و شەڕ و کوشتار و ئاڵۆزی هاتوونەتە دەرەوە و ئەوە هەتا هێور بوونەوەیان پێویستی بە کاتە.


ـ رادەی زانست و پلان و بەرنامەی بۆ داهاتوو و هەڵ بۆ دەرخستنی خۆی، دەتوانێ‌ رۆڵی هەبێ.


ـ نەبوونی بنەمایەکی دیاری کراوی یەک فیکری لە کوردستان بۆتە هۆی لێکدابڕانی کەسانی سیاسی، بەڵام ئەو جیاوازییە لە هەندەران بۆتە هۆکارێک بۆ یەکڕیزی و یەک دەنگی کورد، بەڵام بەگشتی بوونی دونیای مەجازی و پێوەندی بەردەوام لەگەڵ ناوخۆی وڵات ئەو هەلەی بۆ چالاکانی سیاسی رەخساندووە کە بە وردی لە خەم و ئازاری یەکتر ئاگادار بن.


ئازاد موسلم: سپاسی بەڕێوەبەرانی ماڵپەڕی کوردستان میدیا دەکەم بۆ ئاوڕدانەوە و وتووێژ کردنتان.


کوردستان میدیا: سپاس بۆ قبووڵ کردنی جەنابتان بۆ ئەم وتووێژه.


*ئازاد موسلم لە دایک بووی ساڵی ١٣٦٣ و خەڵکی شاری سەقزە.
ــ بۆ ماوەی چەندین ساڵ چالاکی سیاسیی هەبووە
ــ خوێندنی کارناسیی لە بواری مێعماری لە ئێران تەواو کردووە و دواتریش بۆ درێژەدان بە خوێندن چۆتە وڵاتی هێندوستان و کارناسی باڵای خوێندووە
ــ ئازاد لەلایەن دادگای "ئیتقلابی" رێژیمەوە لە شاری سەقز بە ٨ ساڵ زیندانیی تەعزیری بێ‌ ئامادە بوونی خۆی حوکم دراوە و هەنووکە لە وڵاتی نوروێژ نیشتەجێ‌یە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.