• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی فێڤریەی ٢٠١٨ی زایینی - ٢٩ی رێبەندانی ١٣٩٦ی هەتاوی  

ئەگەری هێرشی نیزامی ئەمریكا و ئیسرائیل بۆ سەر ئێران

زایینی: ٠٨-٠٣-٢٠١٢ - هەتاوی: ١٣٩٠/١٢/١٨ - ١٢:٠٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئەگەری هێرشی نیزامی ئەمریكا و ئیسرائیل بۆ سەر ئێران
ئەگەری هێرشی نیزامی ئەمریكا و ئیسرائیل بۆ سەر ئێران
ن : كاوە بەهرامی

حكوومەتی ئیسلامی ئێران لە سەرەتای گەیشتن بە دەسەڵاتی نگریسی خۆی و ناردنە دەرەوەی شۆڕشی ئیسلامی كردە سیاسەتی بنچینەیی حكومەتەكەی، بێگومان بیریان لەوە كردۆتەوە كە هەڵبژاردن، دروشمێكی وا گەورە، ئیمكاناتێكی زۆری مادی و مەعنەوی و بەتایبەت لۆژیستیكی و نیزامی بەهێزی دەوێت.
هۆكاری ئەوەی كە دەسەڵاتدارانی رێژیم هەر لە سەرەتای هاتنە سەركاریانەوە بەردەوام تێدەكۆشن دەستیان بە چەكی ناوكیی رابگات، دەگەرێتەوە بۆ ئیستراتیژی دیاریكراوی كۆماری ئیسلامی بۆ پەرەپێدانی ئیدئۆلۆژی ئیسلامی شیعە ( ولایەتی فەقیهی ) و بەربەرەكانی لەگەڵا ئیسرائیل وەك وڵاتێكی غەیرە ئیسلامی، بە قەوڵی ئەوان " سەهیۆنیزم" كافرە.

ئەو تیئۆرییە لە مەزهەبی شێعەدا وەك فاكتەرێكی سەرەكییە بۆ لە ناوبردنی ئایینەكانی غەیرە ئیسلامی و بە تایبەت بەربەرەكانێ‌لە گەڵا مەسیحییەت لە سەرەوەی هەمووان و ئیسرائیل وەك ناوەندی سەرەكیی ئایینی جوولەكە و حەساسیەتی ئێران لە پەیوەندی لەگەڵ "بەیت‌المقدس" كە هەم بۆ ئیسلامییەكان و هەم بۆ ئیسرائیلییەكان بایەخ و پیرۆزی خۆی هەیە.

كۆماری ئیسلامی لە پێوەندی لەگەڵا كەمینە مەزهەبییەكانی دیكەی وڵاتی خۆی لە دەركردن، زیندان، ئەشكەنجە و تەنانەت ئیعدامیش خۆی نەپاراستووە و ئەم جۆرە هەڵسوكەوتە دژی مرۆییانەی رێژیم لە ناو بیروڕای گشتی جیهاندا بە ئاشكرا سەلمێنراون و بە دەیان جار كۆماری ئیسلامی وەك پێشێلكەری مافی مرۆڤ لە لایەن رێكخراوەكانی مافی مرۆڤەوە ناسێنراوە.

لە دەرەوەی ئێرانیش بە داڵدەدان و دامەزراندنی گرووپە تێروریستیەكان و ئەنجامدانی دەیان كردەوە گەلی تێروریستی، سەلماندوویەتی كە بۆ گەیشتن بە ئیستراتیژی خۆی واتە دروست كردنی ئێمپراتوری ئیسلامی لە هەموو مێتۆدێكی دژە مرۆیی و ناڕەوا كەڵك وەردەگرێ‌و وەرگرتووە.

هەر لە سەرەتای هاتنە سەركاری كۆماری ئیسلامی ئێران، ئامانجی سەرەكیی ئەم رێژێمە لە ناوبردنی ئیسرائیل بووە و چەندین جار لە لایەن دەسەڵاتدارانی كۆماری ئیسلامی ئێرانەوە (لە رێبەری وەلی فەقیهەوە بگرە هەتا سەركۆمار) بە ئاشكرا درۆشمی لە ناوبردنی ئیسرائیلیان بەرز كردۆتەوەو بۆ گەیشتن بەو ئامانجە هەموو هەوڵێكیان داوە.

كەوابوو، دەست پێڕاگەیشتنی ئێران بە چەكی ناوكیی گەورەترین مەترسییە بۆ سەر ئەمنییەت و ئاسایشی ئیسرائیل، چوونكە لە بواری جۆغرافیاییەوە نیسبەت بە وڵاتانی ئۆرووپایی لە ئێران نزیكترە و لە لایەكی دیكەوە یەكەمین گوزینەی ئێرانە بۆ هێرش كردن و لە نێوبردنی دەوڵەتێكی بە وتەی ئەوان "كافرو دژی ئیسلام".

ئیسرائیل ناوەندێكی گەورەی مەزهەبی جوولەكەیە و لە لایەن وڵاتانی ئەوروپایی و بە تایبەت وڵاتی ئەمریكاوە پشتگیری لێ دەكرێ، لەگەڵ ئەوەی وڵاتێكی ساوایە، بەڵام لە بواری سیاسی، ئەمنییەتی، نیزامی و تۆڕی پێوەندی و سیخۆڕییەوە زۆر بەهێزە و دەزگای زانیاری موساد وەك یەكێك لە بەهێزترین ناوەندەكانی سیخۆڕی لە هەموو وڵاتانی جیهاندا كۆڵەكەی هەیە.

كەوابوو ئیسرائیل هەر لە سەرەتای هاتنە سەركاری كۆماری سێدارەوە لە پڕۆژە و بەرنامەكانی كۆماری ئیسلامی بە نیسبەت خۆیەوە ئاگادار بووە. پێداگری ئامریكا و ئیسرائیل بۆ بەرگریكردن لە دەست پێراگەیشتنی ئێران بە چەكی ناوەكی لە راستای ئاگادار بوون لە پەلاماردانی رێژیم بۆسەر وڵاتانی دیكە بە تایبەت ئیسرائیلە.

بە پێی لێدوانەكان و راپۆرتەكانی ئاژانسی نێودەوڵەتی وزەی ئەتۆم، ئێران لە قۆناغی گەیشتن بە چەكی ناوكیی‌دایە، تا ئێستا لە لایەن وڵاتانی ئۆروپایی و ئامریكاییەوە كۆمەڵێك گەمارۆی ئابووری و نیزامی بۆ سەر ئێران پەسەند كراون، بەڵام كۆماری ئیسلامی ئێران سەرەڕای گوشارەكانی نێونەتەوەیی و تەنگتر بوونی تەوقی تەحریمەكان لە پڕۆسەی گەیشتن بە مەبەستی خۆی واتە چەكی ناوكیی دەست هەڵناگرێت و بە باوەڕی من لەو پێوەندییەدا بە دوو هۆكار پاشەكشە لەو پرۆژەیەی خۆی ناكات:
یەكەم: وەك باس كرا چەكی ناوكیی یەكێك لە فاكتەرە گرینگ و بەهێزەكانی كۆماری ئیسلامییە بۆ شەڕ و بەربەرەكانی لە گەڵا بە قسەی خۆیان دوژمنانی ئیسلام بە تایبەت "ئیسرائیل".
دووهەم: سەروەت و سامانی گەلانی ئێرانی لەو پێناوەدا سەرف كردووە و كۆمەڵێك قەوڵا و بەڵێنی بەبنەمایان بە دەست و پێوەندییەكانی خۆیان داوە كە گەیشتن بەو ئیستراتیژییە پێویستی بە تێچوویەكی زۆر هەیە. ئەوە ئەركێكی شەرعییە، كۆماری ئیسلامی لە بواری تیكنۆلۆژی نیزامییەوە وڵاتێكی لاواز و پاشڤەڕۆیە، هەر بۆیە بۆ قەرەبوو كردنەوەی ئەم بۆشاییە، لەگەڵ وڵاتانی چین و بەتایبەتی رووسیە گرێ‌بەست و دانوستانی نیزامی هەیە و كۆمەڵێك چەكی جۆراوجۆرو موشەك گەلێكی دوورهاوێژی كڕیوە. لەوانەیە هەندێك لە چەكە كۆنەكانی رێژیمی پێشوشی چاك كردبێتەوە.

سەرەڕای ئەوەش كۆماری ئیسلامی ئێران لە بواری هێزی هەواییەوە ئەوەندە بەهێز نیە تا بتوانێ‌لەگەڵا وڵاتێكی پێشكەوتوو و خاوەن تەكنۆلۆژی مودێڕن وەك ئیسرائیل بەربەرەكانی بكات، لە بەر ئەوەی كە فڕۆكە شەڕكەرەكانی ئەوانەن كە لە سەردەمی رێژیمی پاشایەتی لە 33 ساڵی رابردوودا تا ئێستا بۆی بەجێ‌ماون و تێكنۆلۆژییە نیزامییەكەشی بە تەواوی پاسیڤ و لە كار كەوتووە.

بەڵام با بزانین بارودۆخی ئیسرائیل چۆنە؟
ئیسرائیل وڵاتێكە لە بواری پانتایی جۆغرافیایی و رێژەی حەشیمەتەوە بە نیسبەت ئێران وڵاتێكی چووكەیە، بەڵام لە بواری تێكنۆڵۆژی و پێشكەوتنی نیزامی بە تایبەت لە بواری كەرەستەی هەوایی لە ئێران بەهێزترە، لەو پێوەندییەدا دەتوانین ئاماژە بە راپۆرتی هەواڵنێری بی‌بی‌سی لە پێوەندی لە گەڵا پرسی دیپلۆماسی رۆژ، لە رێكەوتی 28 فورییەی 2012 واتە رەشەمەی 1390 ئاماژە كراوە، بكەین، كە دەڵێ‌: (( ئیسرائیل لە مێژە خەریكی خۆ تەیار كردنە بۆ بەرپرچدانەوە یان زەربە لێدان لە بنكەكانی ئەتۆمی ئێران و بۆ ئەو مەبەستەش كۆمەلێك رێوشوێن و تاكتیكی ئەمنییەتی و نیزامی دیاری كردوون )) لەو پێوەندییەدا ئاماژەی بە 125 فڕۆكەی اف 15 و اف 16 كە ئەنباری زیادەیان بۆ بەنزینی زیادی هەیە و یان باس لەوە دەكات كە كۆمەڵێك چەكی تایبەت بۆ لێدانی بنكە ئەتۆمییەكان كە لە ژێر زەویدا دروست كراون، ئامادە كردووە.

هەروەها ئاماژە بەوە دەكات كە هەر كامە لەو رێگەیانە بۆ گەیشتن بەو مەبەستە لە ژێر لێكۆڵینەوەی پسپۆڕانی ئیسرائیلی‌دایە، جێی ئاماژەیە كە ئیسرائیل 8 تا 10 فرۆكەی بۆ گەیاندنی بەنزین لە ئاسمان بۆ هاوكاری فرۆكە شەڕكەرەكانی خۆی كڕیوە، لە بەر ئەوەی كە مەودای نێوان ئێران و ئیسرائیل 1500 تا 1800 كیلومترە.

بە بێ‌شك هەمووان ئاگادارن كە ئیسرائیل لە ساڵی 1981دا رەئاكتۆرەكانی سەدامی لە نزیك بەغدا سەركەوتووانە بۆمباران كرد، هەروەها لە دیسامبری 2007ی میلادی بنكە نیزامییەكانی سورییەی بۆردومان كرد.

كەوابوو ئیسرائیل بۆ خۆی لە بواری تێكنۆلۆژی لە ئێران بەهێزترە و ئەمە سەرەڕای ئەوەیە كە وڵاتانی ئەوروپایی و بە تایبەت ئەمریكا پشتگیری لە ئیسرائیل دەكەن و لابییەكانی ئەمریكایی رێگە نادەن دەوڵەتی ئەو وڵاتە لە هەمبەر هەڕەشەی ئێران بۆ سەر ئیسرائیل بێ‌دەنگ بێت. هەر بۆیە فەرماندەی هێزە ئاسمانیەكانی ویلایەتە یەكگرتوەكانی ئامریكا داوا لە ئۆباما دەكات رێگایان پێ بدات كە هێرشی ئاسمانی بكەنە سەر بنكە ناوكیی و نیزامییەكانی سوپای پاسدارانی كۆماری ئیسلامی ئێران. ئەم گوزینەیە بۆ هێرش بۆ سەر ئێران ئەگەری زۆرە و بێ‌گومان لێدانی نیزامی ئەمریكا و ئیسرائیل یان هەر وڵاتێكی بیانی لە ئێران خەسارێكی گەورەی ماڵی و گیانی بەدواوە دەبێ‌، بەڵام ئاخۆ گەلانی ئێران دەبێ‌دەست لە سەر دەست چاوەڕوانی ئەوە بن كە هێزێكی دەرەكیی پەلاماری وڵاتەكەیان بدا و سەروەت و سامانی ئەو وڵاتە لە گەڵا گیانی هاوڵاتییان بكەوێتە بەر مەترسی؟

بۆیە پێویستە خەڵكی ئێران وەخۆ كەون و بەر لەوەی پەلاماری دەرەكیی و چەكی ماڵوێرانكەر ببێتە میكانیزمی هێرش بۆ سەر رێژیمی دژی مرۆیی كۆماری ئیسلامی، بە لەبەرچاوگرتنی مێژووی گەلانی ئێران و راپەڕینەكانیان دژی دەسەڵاتە دیكتاتۆرەكان، ئەمجارەش چاوەڕوانی هێزی ماڵوێرانكەری دەرەكی نەبن و بە خۆرێكخستنێكی هەمەلایەنە و كەڵك وەرگرتن لە ئامراز و مێتۆدەكانی خەباتی سەردەمیانە بە دژی ئەم رێژیمە دیكتاتۆر و سەدە نێوەڕاستییە بێ‌دەنگ نەبن و ئیرادەی مافخوازانەی خۆیان بەسەر ئەم رێژیمە مرۆڤ كوژەدا بسەپێنن.

هەر ئەو گەلە زۆڵم لێكراوانە بوون كە تاج و تەختی پاشایەتییان تێكەوە پێچا، هەر چەند دەبێ‌ئەو راستییەش لە بیر نەچێ‌كە كۆماری ئیسلامی ئێران وەك حكوومەتەكانی لیبی و سوورییەو یەمەن و .... لەوان سەركوتكەرتر و دڕەندەتر و دیكتاتۆر نەبێ كەمتر نییە و بە ئاسانی لە رێگای خەباتی مەدەنییەوە رێگە نادا خەڵك ئیرادەی ئازادیخوازانەی خۆی بۆ پێكهێنانی گۆڕانكاری لە سیستەمی ئێراندا بكار بێنێ‌و لە ئاكامدا ئەوە كۆمەڵانی خەڵكی ئێرانن كە دەبێ بڕیارێك بە نیسبەت وەزعی هەنووكەیی و داهاتووی خۆیان و وڵاتەكەیان بدەن.

گۆرانكارییەكی دێموكراتیك و جیهان پەسەند لە سیستەمی سیاسی ئێراندا دەبێتە هۆی رەوینەوەی هەموو چەشنە دەمارگرژییەك، ئەگەری پەلاماری دەرەكی و ئاسایی بوونەوەی پەیوەندییەكانی ئێران لەگەڵ كۆڕ و كۆمەڵە نێونەتەوەییەكان و رزگاربونی گەلانی ئێران لە زیندان و ئەشكەنجە و ئیعدام و بێ سەروشوێن بوونی هاوڵاتیان و لە كۆتایی دا رووخان و لەنێوچوونی دام و دەزگای سەركوتكەری حكومەتێكی دیكەی دیكتاتۆر و تیرۆریست و تیرۆریست پەروەر لە رۆژهەڵاتی نێوەراست قۆناغێكی گرنگ دەبێ بۆ بووژانەوەی ئازادی و دێموكراسی و دابین بوونی مافی نەتەوایەتی گەلانی ئێران و سەقامگیر بوونی ئاسایش و تەناهی جیهان و ناوچەكە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.