• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٤ی نوامبری ٢٠١٧ی زایینی - ٠٣ی سەرماوەزی ١٣٩٦ی هەتاوی  

هونەرمەندێکی بۆكانی سەرقاڵی دروست كردنی پەیكەری هونەرمەند حەسەن زیرەكە

زایینی: ٢٧-٠٨-٢٠١٣ - هەتاوی: ١٣٩٢/٠٦/٠٥ - ١١:١٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هونەرمەندێکی بۆكانی سەرقاڵی دروست كردنی پەیكەری هونەرمەند حەسەن زیرەكە
كوردستان میدیا: رێبین حەیدەری سەرقاڵی دروست كردنی پەیكەری هونەرمەندی ناوداری كورد مامۆستا حەسەن زیرەكە.


رێبین حەیدەری پەیكەرتاشی كوردی خەڵكی شاری بۆكان لەحاڵی دروست كردنی پەیكەرێكی گەورەی حەسەن زیرەك دایە و لەو پێوەندییەدا ماڵپەڕی زریان لەزاری حەیدەرییەوە بڵاوی كردۆتەوە، ئەو پەیكەرە لەسەر گڵكۆی حەسەن زیرەك دادەنرێت.


ئەو پەیكەر تاشە كوردە لەو باوەڕەدابووە، حەسەن زیرەك موڵكی هەموو كوردێكە و پێویستە رێزی لێبگیردرێ‌و ئەو كارەی ئەو لە راستای رێز لێنان لەو هونەرمەندە كوردەیە.


لەلایەكی دیكەوە ماوەیەك لەمەوبەریش بەرهەمێكی رێبین حەیدەری كە بە موجەسەمەی "استقلال" ناوی دەركردبوو، لەهەرێمی كوردستان و لەشاری قەلادزێ‌دانرا.


رێكەوتی ٣٠ بەفرانباری ساڵی ١٣٩١‌ی هەتاوی یەكەمین پیشانگای پەیكەرسازیی رێبین حەیدەری، هونەرمەندی كورد لە كۆمەڵەی فەرهەنگی _ هونەریی سیمۆرغ لە شاری بۆكان كرایەوە و تێیدا زیاتر لە ٣٠ی بەرهەمی بەناوبانگترین پەیكەر سازانی كورد و ئەندامی ئەنجومەنی پەیكەرسازانی سوید پیشان درا.


پەیكەری كەسانی وەكوو مامۆستایان هەژار، قانع، پیرە مێرد، عەلی مەردان، حەسەن زیرەك، قادر عەبدوڵڵازادە ( قالە مەڕە) و زۆر كەسایەتی دیكە لەو پیشانگایەدا بوون.


ئەو پەیكەرسازە خەڵكی شاری بۆكانە و خوێندنی لە زانكۆكانی "پافا و فیلادلفیا"ی ئەمریكا و هەروەها وڵاتی سوید لە بواری هونەری پەیكەر سازیدا تەواو كردووە و ماوەی نزیك بە پێنج ساڵە گەڕاوەتە شاری بۆكان.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٣ لەم ژمارەیەدا:

ــ بوومەلەرزەی سیاسی
ــ لە خەبات دژ بە ئەپارتایدەوە بۆ ڕاسان
ــ ئەمن چی بكەم، خۆتان دروستی بكەنەوە
ــ دانیشتن لەگەڵ ئۆپۆزیسیۆنی ئێرانی و چەند سەرنجێک