• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٠ی فێڤریەی ٢٠١٨ی زایینی - ٠١ی رەشەمەی ١٣٩٦ی هەتاوی  

پەیامی بەڕێز مستەفا هیجری، بە بۆنەی دەستپێكردنی ساڵی نوێی خوێندن

زایینی: ٢٢-٠٩-٢٠١٣ - هەتاوی: ١٣٩٢/٠٦/٣١ - ٠٩:٥٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
پەیامی بەڕێز مستەفا هیجری، بە بۆنەی دەستپێكردنی ساڵی نوێی خوێندن
کوردستان میدیا: مستەفا هیجری سکرتێری گشتیی حیزبی دێموکراتی کوردستان ئێران بەبۆنەی هاتنی ساڵی نوێی خوێندن (١٣٩٢ ـــ ١٣٩٣)ی هەتاوی لە ئێران، پەیامێکی بڵاو کردەوە.


مامۆستا تێكۆشەرەكان !
قوتابی ‌و خوێندكارە بەڕێزەكان !
دایك‌ و بابە زەحمەتكێشەكان !


ئەوا ساڵێكی دیكەی خوێندن لە تەمەنی رێژیمی كۆماری ئیسلامی، رێژیمی قەیرانخولقین‌ و دژی ئازادی دەست پێ دەكاتەوە، بەو هۆیەوە قوتابخانەكان، دانشگاكان ‌و بنەماڵەكان جموجۆڵێكی تایبەتییان تێدا پێك دێ‌ و بە میلیۆنان لە قوتابی ‌و خوێندكار روو دەكەنە خوێندنگاكان بەو هیوایەی داهاتوویەكی باشتر بۆ خۆیان دەستەبەر بكەن. دایك ‌و بابەكانیش كە پشتگری بەوەفای بنیادنانی ئەو داهاتوویە بۆ رۆڵەكانیانن، بە تەحەموڵی رەنج ‌و كاری بەردەوام تێدەكۆشن هەزینەی پێداویستییەكانی خۆشەویستەكانیان دابین بكەن.


ئەو ساڵیش لە جیاتی خوێندن بە زمانی دایك، رۆڵە خۆشەویستەكانیان بە ناچاری خوێندن ‌و قسەكردن بە زمانی فارسییان بە سەردا دەسەپێنن، زمانێك كە لێی بیگانەن. تەنانەت رێژیم دوای تێپەڕ بوونی دەیان ساڵ لە پەسندكردنی مادەی ١٥ یاسای بنچینەیی خۆی كە لەوێدا مافی خوێندنی بە زمانی دایكی بە یاسایی داناوە، ساڵی خوێندنی ١٣٩٢ ــ ١٣٩٣ هەر بەشێوەی پێشوو درێژەی دەبێ.


ئێزنم بدەن لەلایەن رێبەرایەتیی حیزبەكەمان، حیزبی دێموكراتی كوردستانی ئێرانەوە بەو بۆنەوە گەرمترین پیرۆزبایی پێشكەش بە هەموو ئێوە قوتابییان ‌و خوێندكاران، تێكۆشەرانی رێگای زانست ‌و فێربوون، مامۆستا زەحمەتكێش‌ و نیشتمانپەروەرەكان‌ و دایك ‌و بابەكان بكەم. ئێمەش هیوادارین كە رەنجی دایك‌ و بابەكان ‌و مامۆستا تێكۆشەرەكان لە لایەك‌ و خۆماندووكردنی قوتابی ‌و خوێندكارەكان لەلایەكی دیكەوە ببێتە هۆی پەروەردەبوون ‌و پێگەیشتنێكی ئەوتۆ كە بتوانن داهاتوویەكی پڕ لە بەختەوەری بە بێ دەسەڵاتی رێژیمی كۆماری ئیسلامی، بنیات بنێن.


خۆشەویستان!

هەرچەند ئێوە ساڵانێكە لەژێر سێبەری رێژیمێكدا خوێندنتان تێپەڕ كردووە‌ و شارەزایی تەواوتان بە سیاسەتی دژی زانست‌ و پەروەردەی پێشكەوتووی كۆماری ئیسلامی هەیە، بەو حاڵەشەوە ئەم كاتەمان بە گونجاو زانی وەكوو مامۆستایەكی پێشووی ئاشنا بەدەرس‌ و قوتابخانە ئاوڕێك لە هەلومەرجی ئیستای خوێندن لە ئێران بدەینەوە.


لە ئێوە شاراوە نییە كە مەبەستی رێژیمی كۆماری ئیسلامی لە قوتابخانە ‌و دانشگا پێگەیاندن ‌و پەروەردەكردنی گەنجەكانی وڵات بە هزر‌ و بیری پێشكەوتنخوازی ‌و سەردەمیانە‌ و داهاتوویەكی گەشاوەتر نییە، بەڵكوو جەمسەری هەموو تێكۆشانی لەو پێوەندیەدا دەگەڕێتەوە سەر پەروەردەكردنی جیلێك لەسەر بنەمای عەقڵییەتی دواكەوتوو، بۆ ئەوەی بتوانێ دەسەڵاتداری خۆی لە داهاتووشدا بەسەر خەڵكدا درێژە بدا، بۆ ئەوەی جیلێكی ملكەچ تەحویلی كۆمەڵگا بدا كەلە جیاتی بیر كردنەوە لە ژیان بە ئازادی، ببنە پێچ‌ و مۆرەیەك بۆ ماشینی سەركوت ‌و دیكتاتۆری ئەو رێژیمە. ناوەڕۆكی كتێبەكان، چاوەدێری كردنی وردی هەڵسوكەوتی قوتابی، خوێندكار‌ و مامۆستا لە قوتابخانە ‌و دانشگاكانیان‌ و ناچاركردنیان بە بیر كردنەوە ‌و هەڵسوكەوتێك كە لای رێژیم پەسەندە، دەركردن‌ و سزادانی ئەوانەی كە كەمترین گومانیان لەسەر بێ، یان بێبەش كردنیان لە خوێندن دەیان ساڵە بەسەر فەزای خوێندنگاكاندا زاڵە. رێژیم بۆ بەڕێوەبردنی ئەم بەرنامە دژی مرۆڤایەتییە لە هەموو توانای خۆی كەڵك وەردەگرێ. دابین كردنی قەڵەم ‌و دەفتەر كە دروشمەكانی ئیسلامی حكوومەتی، یان وێنەی بە ناو شەهیدەكانیانی لەسەرە بە بێبەانبەر بە تایبەت لە گوندەكان بە ناوی یارمەتی وەڕ خستنی كاروانی راهیانی نوور كە لەودا منداڵان بە زۆری دەبەن بۆ چاوپێكەوتنی شەڕگەكانی رێژیم كە لەوێدا ژمارەیەكی زۆر لە لاوەكانی ئەو وڵاتەیان بە كوشت داوە، وەك نموونەگەلێك لەو سیاسەتانەن كە بەسەر لاوەكانیدا دەسەپێنن بەو هیوایەی میشكیان بشۆنەوە. لە ساڵی ١٣٦٨ هەتا ١٣٩٠، ١٠٠ كەس لەو قوتابییانە لە كاروانی راهیانی نوور لە رووداوەكانی هاتووچوودا بریندار ‌و ٧١ كەسیان كوژراون، تەنیا لە ساڵی خوێندنی رابردوو ٢٦ كەس لەو سەفەرانەدا گیانیان لەدەست دا.


سەرەڕای ئەوەی كە رێژیم لەو بەرنامانەیدا بە ئاكام نەگەیشتووە‌و رۆژبەرۆژ زیاتر دەكەوێتە بەر رق ‌و بێزاری لاوەكان، بەڵام بەو حاڵەشەوە ‌و بە بێ لەبەر چاو گرتنی خەسارە گیانییەكان ئەو بەرنامانە هەروا درێژەیان هەیە.


ئیمكانات‌ و پێداویستییەكانی قوتابخانەكانیش بۆ خۆی تراژیدییایەكە، بێجگە لەوەی كە لەبەر كەمیی بینا زۆربەی قوتابخانەكان بە شێوەی دوو شیفت ‌و سێ شیفت بەڕێوە دەچن كە شوێندانەریی نێگەتیڤی زۆری لەسەر خوێندن‌ و پێشكەوتنی قوتابییان پێك هێناوە، شێوەی گەرمكردنی قوتابخانەكانیش دەگەڕێتەوە بۆ سەردەمانێكی زوو، ئەوەش بۆەتە هۆی ئەوەی لە وەرزی زستاندا رۆژانە خەبەری ئاور گرتنی قوتابخانە ‌و قوتابییان لێرە ‌و لەوێ ببیستین. لە ساڵی ١٣٦٧ی هەتاوییەوە هەتا ١٣٩١ لە شوێنە جیاجیاكانی ئێران سەرجەم ٧٢ قوتابی‌ و مامۆستا بەهۆی ئاورگرتنی قوتابخانەوە بریندار ‌و چوار قوتابیش گیانیان لە دەست داوە، كە باسی ئەم رووداوە تاڵانە دەكەین، ئاورگرتنی قوتابخانەی شیناوێی پیرانشارمان بیر دێتەوە كەلە بەفرانباری ساڵی پار رووی دا‌ و ٢٨ قوتابیی كچ بریندار بوون دوو قوتابیش گیانیان لەدەست دا، ئەو رووداوە هەموو كوردستانی ماتەمبار كرد.


بەڵام دەردی سەرباری هەموو ئەو كەموكۆرییانە بارودۆخی ژیان ‌و گوزەرانی مامۆستایانە، لە وڵاتێك كە ئێستا هەر بە وتەی كاربەدەستانی رێژیم ئاستی ئاوسانی دراو گەیشتووەتە ٣٩% رادەی مووچەی مامۆستایان ئەوەندە كەمە كەلە زۆر شوێن تەنانەت بەشی كرێ ماڵەكانیان ناكا، مووچەی ئیزافەكاری لەگەڵ ئەوەی زۆر كەمە زۆر جار ٥ هەتا ٦ مانگ وەدوا دەكەوێ. هێندێك یارمەتیی ماڵی بۆ مامۆستایان بە شێوەی فەرمی لەبەرچاو گیراوە وەك، بیمە تەڵایی، حەقی نیشتەجێ بوون و هێندێكی دیكە، یان نایان دەنێ یان بە كەموكورتی ‌و چەند مانگ جارێك وەرێ دەگرن. ئەوە وەزعی ئابووریی ئەو مامۆستایانەیە كە بە شێوەی فەرمی دامەزراون، بەڵام لەوان خراپتر وەزعی ئەو بەشە لە مامۆستایانەیە كە بە شێوەی ''حق التدریس'' بە مووچەیەكی زۆر كەمتر ‌و بە بێ بیمە ‌و ئیمكاناتی دیكە كار دەكەن و زۆر جاریش بە بەهانەی سەیر ‌و سەمەرەوە كارەكانیان لێ وەردەگرنەوە.


وەزعی ناڵەباری ژیان، داهاتی كەم و خەرجی گرانی گوزەران كە رۆژبەرۆژیش دەچێتە سەرێ بۆەتە هۆی ئەوەی مامۆستایان بۆ دابین كردنی لانیكەمی ژیانیان لە رۆژدا ٢ ــ ٣ كار بكەن، ئەوەش بۆەتە هۆی ئەوەی كە كاری مامۆستایەتی وەك كارێكی لاوەكی چاو لێ بكرێ‌ و شوێندانەریی نەرێنی لەسەر رادەی فێركردن دابنێ.


خۆشەویستان ئەوەی باسمان كرد كورتەیەك لەو هەموو نەهامەتی ‌و كەند ‌و كۆسپانەیەكە كە قوتابی ‌و مامۆستا لە وڵاتی ئێمەدا رۆژانە لەگەڵی بەرەوڕوو دەبنەوە.


رەنگە پرسیارێكی سەرەتایی لێرەدا ئەوە بێ كە وڵاتی ئێران بەو هەموو داهاتە زۆرەی نەفتەوە بۆچی دەبێ خەڵكەكەی بەتایبەت قوتابی‌ و مامۆستاكان كە بنیات كردنی داهاتووی ئەو وڵاتە لە سەرشانی ئەوانە، لە هەڵومەرجێكی ئاوا دژواردا ژیان بەسەر بەرن؟


وڵامی ئەو پرسیارە بۆ خۆی باسێكی زۆر هەڵدەگرێ، بەڵام بە كورتی دەڵێین سەروەت ‌و سامانی ئەو وڵاتە كە دەبێ بۆ ئاوەدان كردنەوە، فەراهەمكردنی هەڵی كار ‌و ژیانێكی شیاوی ئەم سەردەمە بۆ هەموو تاكێكی كۆمەڵگا بە تایبەت پەروەردە سەرف بکرێ، سەرفی شەڕێكی ماڵوێرانكەر لە سووریە دەكرێ بۆ پشتیوانی لە بەشار ئەسەدێك كە بە وتەی ئەنجومەنی ئاسایشی نەتەوەیەكگرتووەكان هەتا ئێستا زیاتر لە سەد هەزار كەس لە هاووڵاتییانی خۆی تەنانەت بەچەكی شیمیایی كوشتوە، بە سەدان هەزار كەسی بریندار كردووە، وڵاتەكەی وێران كردوە‌و، ١ لە ٣ی خەڵكەكەی لە ترسان وڵاتیان بەجێ هێشتوە. سەرفی پڕچەك كردن ‌و بەهێز كردنی حیزبوڵڵای لوبنان دەكرێ ‌و دەچێتە كیسەی تاقمە تیرۆریستەكان لە ناوچە ‌و جیهاندا.


لە نێوخۆی وڵاتیش هەموو ئاگادارن كە چۆن دەسەڵات بەدەستەكان بەر بوونەتە بەتاڵان بردنی دارایی ئەو وڵاتە كە نانی ئەو خەڵكەیە.


بەڵی خۆشەویستان ئێستا هەموو دارایی ‌و داهاتی زۆر‌ و زەوەندی ئێران، سەرفی كوشتن‌ و وێرانی لە دەرەوەی وڵات ‌و دزی‌ و تاڵانی دەسەڵاتداران لە ناوخۆ دەبێ. رزگاری لەم رۆژڕەشییە پێویستیی بە وریایی ‌و یەكگرتوویی هەیە هەتا بتوانین ئەو سیستمە دەسەڵاتدارییە لە ئێران لابەرین ‌و حكوومەتێك بنیاد بنێین كە هێ خۆمان بێ‌ و لە خزمەتی خەڵكدا بێ.


لەو پێوەندییەدا هەموومان ئەركمان لەسەر شانە، بەڵام ئەركی مامۆستایان لە لایەك‌ و خۆێندكار ‌و قوتابییان وەك توێژی لاوی كۆمەڵگە قورسترە، با هەموومان ئەركی خۆمان بە باشی بەڕێوە بەرین ‌و بنواڕینە داهاتوویەكی گەش بە دوور لە زوڵم ‌و زۆرداری رێژیمی دیكتاتۆری كۆماری ئیسلامی، ئێمەیش دەتوانین بەو داهاتوویە بگەین هەروەك چۆن گەلانی دیكە پێی گەیشتن.


بە هیوای ئەو رۆژانە
هەر سەركەوتوو ‌و لە بەڵای رێژیم بە دوور

حیزبی دێموکراتی کوردستانی ئێران
سکرتێری گشتی
مستەفا هیجری
٣١ی خەرمانانی ١٣٩٢ی هەتاوی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.