• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٣ی مارسی ٢٠١٧ی زایینی - ٠٣ی خاکەلێوەی ١٣٩٦ی هەتاوی  

بەیانیەی دەفتەری سیاسیی حیزبی دێموكرات لە پێوەندی لەگەڵ پێكهاتنی لایەنەكانی كوردی خۆرئاوا

زایینی: ٢٤-١٠-٢٠١٤ - هەتاوی: ١٣٩٣/٠٨/٠٢ - ١١:٤٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بەیانیەی دەفتەری سیاسیی حیزبی دێموكرات لە پێوەندی لەگەڵ پێكهاتنی لایەنەكانی كوردی خۆرئاوا
کوردستان میدیا: دەفتەری سیاسیی حیزبی دێموکراتی کوردستانی ئێران، سەبارەت بە پێکهاتنی لایەنە سیاسییەکانی کوردستانی خۆرئاوا، بەیانیەیەکی بڵاو کردەوە.

دەقی بەیانیەکە بەم چەشنەیە:

پێكهاتنی لایەنە سیاسییەكانی كوردی خۆرئاوای كوردستان لەم هەل‌ومەرجە هەستیارەدا كە كۆبانی پێدا تێپەڕ دەبێ‌‌ و كەوتووەتە بەر یەكلابوونەوەی چارەنووسی ئەو شارە قارەمانە لە نێوان شەڕوانانی كوردی حیماسەخولقێنی ئەو شارە كە بە خوێنی خۆیان بەرگری لە زێدی باب‌و باپیرانیان دەكەن‌ و هێرشی داگیركارانەی لەشكری جەهل‌ و نەزانی داعش، بێجگە لە ورەبەخشین بە جەنگاوەرانی ئەو مەیدانە، رووحێكی تازەی بە بەر هەزاران ئاوارەی ئەو شارەدا دەكاتەوە كە ئێستا لە دەربەدەریدا بە حەسرەتی رزگار كردنی شارەكەیان‌ و گەڕانەوەیان بۆ ماڵە وێرانكرا‌و تاڵانكراوەكانیدا رۆژ دەژمێرن.

بێ‌گومان پەیوەست بوونی هێزی نوێی ئەو كوردە ئاوارانەی كە ماوەیەكی زۆرە لە باشووری كوردستان لە باری سەربازییەوە پەروەردە كراون دەتوانێ‌ كارتێكەری بەرچاو لە بەرەكانی شەڕدا، لە بەرژەوندیی شەڕوانانی كورد دابنێ‌، بەڵام ئێمە لەو باوەڕەداین كە شوێندانەریی گرینگتری ئەم پێكهاتنە لە باری سیاسییەوە لە هەموو بوارەكانی دیكە گرینگتر‌ و شوێندانەرترە، ئەو پێكهاتنە نێو و نێو بانگی كورد زیاتر لەوەش كە لە ئێستادا هەیە بەرز دەكاتەوە‌و دەبێتە هۆی ئەوەی دۆستانی كورد لە ناوچە‌ و جیهاندا بە متمانە‌ و باوەڕپێ‌بوونێكی زیاترەوە یارمەتییەكانی خۆیان پێشكەش بە كورد بكەن‌ و دوژمنانی گەلەكەشمان كە بە درێژایی مێژوو گرەویان لەسەر دووبەرەكی نێوان لایەنەكانی كورد كردوە، لەوە بەدواوە حیسابێكی دیكە بۆ كورد بكەن. بۆیە بەردەوامی ئەو رێكەوتنە دەتوانی ببێتە خاڵێكی وەرچەرخان لە مێژووی چەندین ساڵەی پڕ لە دوژمنایەتی‌ و بەربەرەكانی نێوخۆی كورد كە هەمیشە دوژمنانی كوردی پێ خۆش بووە‌و كەڵكیان لێ وەرگرتووە.

ئێمە بەو رێكەوتنە خۆشحالین‌ و ئەو دەسكەوتە بەرز دەنرخێنین‌ و بە دەسكەوتی هەموو گەلی كوردی دەزانین.

بەم بۆنەوە پیرۆزبایی گەرمی خۆمان پێشكەش بە هەمووی ئەو حیزب‌ و لایەنانەی كوردی خۆرئاوا دەكەین كە بە گیانێكی لێبووردەییەوە ئەم دەسكەوتە بەنرخەیان دەستەبەر كرد، هەر بەم بۆنەوە پیرۆزبایی‌ و دەسخۆشی لە سەرۆكی هەرێمی كوردستان بەڕێز كاك مەسعوود بارزانی‌ و هەموو ئەو لایەنانە دەكەین كە بۆ ماوەیەكی زۆر‌ و بە بێ‌ماندوو بوون، شێلگیرانە بۆ لێكنزیكردنەوەی ئەو لایەنانە تێكۆشاون‌ و ئەو سەركەوتنیان بە سەرئەنجامی دڵخواز راگەیاند.

لەگەڵ هەمووی ئەمانەشدا، دەمانەوێ‌ ئەو راستییە وەبیر هەموو لایەك بێنینەوە كە دوژمنانی گەلەكەمان بەو سەركەوتنە زۆر دڵگران‌ و نیگەران دەبن‌ و وەك هەمیشە دەكەونە پیلانگێڕان بە مەبەستی بە لەبار بردنی ئەم سەركەوتنە، ئێمە هیوادارین كە براكانمان لە خۆرئاوای كوردستان، بە وریایی‌ و یەكگرتوویی زیاترەوە بەرە‌وپێش بچن، هەموو پیلانەكانی دوژمنانمان پووچەڵ بكەنەوە‌ و بێ‌هیوایان بكەن.

سەركەوێ‌ خەباتی كورد لە خۆرئاوا
پەرەگرتوو‌ و بەردەوام بێ‌ یەكگرتوویی كورد


حیزبی دێموكراتی كوردستانی ئێران
دەفتەری سیاسی
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٦٩٧ لەم ژمارەیەدا:

ــ پەیامی نەورۆزیی سکرتێری گشتیی حیزب
ــ بۆ ناتوانین خۆمان به خۆمان بناسێنین
ــ نەورۆز، ڕسکانەوە و ڕاسان
ــ پانۆرامای ڕاسان
  • داهاتووى کورد لە پەنجەرەى نەورۆزەوە داهاتووى کورد لە پەنجەرەى نەورۆزەوە
    مێتولۆژیش وەک میژوو لە هەگبەى بیرەورىی هەر نەتەوەیەکدا جێگەى تایبەتی خۆى هەیە، تەنانەت بەشێک لەوانە بوونەتە بەشێکى دانەبڕاو لە پێناسەى نەتەوەکان. وەک هەر دابێکى دیکە کە لە ژیانى ڕۆژانەدا دووبارە دەبنەوە و فەرامۆش ناکرێن و پەرەیان پێ دەدرێن.
  • شان به شانی یەک بەرەو داهاتوویەکی ڕوون شان به شانی یەک بەرەو داهاتوویەکی ڕوون
    باشووری زاگرۆس له درێژەی یەک ساڵی ڕابردوودا، بیست و چوارەمین ژمارەی خۆی خستووەتە بەر ڕاو بووچۆنی خوێنەرانی بەڕێز و بیست و پێنجەمین ژمارە‌ی خۆیشی پێشکەشی هەموو ئەو کەسانە دەکات کە تەنانەت بە یەک ڕستەش له جێبەجێ کردنی ئەرکی ئەم لاپەڕەیەدا هاوبەش و هاوکار بوونه. بێ‌شک به بێ یارمەتیی ئەو بەڕێزانه لاپەڕەی باشووری زاگرۆس قەت نەیدەتوانی پێ بنێتە دووهەمین ساڵی چالاکیی خۆی و درێژه به ئەرکه نەتەوەییه‌کەی خۆی بدات.
  • بۆ ناتوانین خۆمان به خۆمان بناسێنین بۆ ناتوانین خۆمان به خۆمان بناسێنین
    هەڵبەت دەبێ ئاماژه بکرێت که؛ ئەمه تەنیا کێشەی چالاکی کرماشانی نیه، بەڵکوو به‌داخەوه به هۆی نەبوونی مێژوویەکی نووسراو، خەڵکانی ئەو ناوچانەش لەو فکره‌دان که له کرماشان و ئیلام بزاڤی کوردیمان نەبووه و شۆڕش لەوێ ڕنگ و بۆنی نەبووه، ڕاستییەک که نیشاندەری نامۆیی کورد له کورد و مێژووی خۆیەتی، پرسێک که تاڵیەکەی ئەوەندەیه که بووەته هۆی گەشه‌نەسەندنی بزاڤی ڕزگاریخوازانەی کوردستان له بست به بستی وڵاتەکەمان.
  • پانۆرامای ڕاسان (٢) پانۆرامای ڕاسان (٢)
    ٣ی ڕەزبەر: یەكیەتیی خوێندكارانی دێموكراتی كوردستانی ئێران داوای لە خوێندكاران كرد پشتگیریی لە ڕاسان بكەن.
  • پانۆرامای ڕاسان (١) پانۆرامای ڕاسان (١)
    ٢٨ی ڕەشەمەی ١٣٩٤: لە ڕێوڕەسمێكی پڕشكۆی نەورۆزیدا لە سنوورەكانی كوردستانی ڕوژهەڵات، بە ئامادەبوونی ئەندامانی ڕێبەری، كادر، پێشمەرگە و ئەندامانی ئاشكرا و ژمارەیەك لە ئەندامانی نهێنیی حیزبی دێموكراتی كوردستانی ئێران و هەواڵنێرانی چەندین دەزگای میدیایی و تەلەڤیزیۆنی كوردی، بەڕێز مستەفا هیجری، سكرتێری گشتیی حیزبی دێموكرات دەستپێكی قۆناغێكی نوێی لە خەباتی خەڵكی كورد لە كوردستانی ڕوژهەڵات ڕاگەیاند كە دواتر بە "ڕاسان" ناوی دەركرد.
  • نەورۆز، ڕسکانەوە و ڕاسان نەورۆز، ڕسکانەوە و ڕاسان
    سروشت لە دیاردە دژبەر و پێکناکۆکەکاندا دەناسرێتەوە، ئەو کاتەی تاریکی و ڕووناکی، شین بوونەوە و وشکاندن، تینی هەتاو و سەهۆڵبەندان و سەرما، ڕەشەبا و شاخ، جووڵە و ڕاوەستان و .... لەبەرانبەر یەکدا ڕادەوەستن و پێکەوە و لە پێکهاتەیەکی پڕ لە داهێنان و نوێبوونەوەدا بە هەزاران سیماوە دەردەکەونەوە و ژیان دەنەخشێنن.
  • زانکۆ، یەکلاکەرەوی رەوتی سیاسی له کرماشان زانکۆ، یەکلاکەرەوی رەوتی سیاسی له کرماشان
    به بێ ناسینی سایکۆلۆژیای سیاسی‌-کۆمەڵایەتیی هەر کۆمەڵگایەک نه دەتوانین پلان و بەرنامەمان بۆی هەبێ، نه هیچ پلانێکی داڕێژراویش لەوێ سەردەکەوێ، ئەمه ئەسلێکی موتلەقه. ئێمەیش دەبێ ئەو ئەسله بۆ بەڕێوە بردنی چالاکییەکانمان و گەیشتن به ئامانجی دیاریکراومان لەبەرچاو بگرین و ڕەچاوی بکەین.
  • نیزامی پیاوسالار و پرسی ژن نیزامی پیاوسالار و پرسی ژن
    ئەوەی لە نووسراوە مێژووییەكاندا لەهەمبەر بابەتی فیمینیستیەوە بەرچاو دەكەوێ ‌‌و هەروەهاش لە قسە ‌و باسە فیمینیزمییەكاندا هەموو كاتێك بە شێوەیەكی جیدی ئاوڕی لێدەدرێتەوە، پێویستیی فێركردن ‌و بارهێنانی بوارە جۆراوجۆرەكان بۆ ژنان ‌و كچانە. مافی خوێندنیش گرینگترین مژار بووە ‌و ئیستاكەش هەر بەردەوامە.
  • مستەفا هیجری: با بیر بكه‌ینه‌وه‌ بۆ داهاتوومان مستەفا هیجری: با بیر بكه‌ینه‌وه‌ بۆ داهاتوومان
    دیاره‌ ئه‌وانه‌ باسێكی دوور و درێژن و ده‌كرێ كتێبیان له‌سه‌ر بنووسرێ، به‌ڵام ئه‌گه‌ر به‌ كورتی باسی بكه‌ین، ڕێكخستنی نوێ، به‌و واتایه‌ی كه‌ ئه‌و خه‌ڵكه‌ وه‌كوو هێزی تاك، تاكی ڕۆژهه‌ڵات، بتوانین كۆیان بكه‌ینه‌وه‌ و بیانكه‌ین به‌ هێزی شوێندانه‌ر. ئه‌وه‌ به‌ ڕێكخستن، ئه‌رك پێ ئه‌سپاردن، لێپرسینه‌وه‌ و زانیاری پێدانی ڕۆژ به‌ ڕۆژ ده‌چێته‌ پێشێ. ئه‌وه‌ ئه‌ركی بنه‌ڕه‌تیی حیزبی ئێمه‌ ده‌بێ.
  • ڕاسان، مۆتەكەی كۆماری ئیسلامیی ئێران! ڕاسان، مۆتەكەی كۆماری ئیسلامیی ئێران!
    واتە ئەگەر ئاژاوەنانەوەی ڕێژیم لە دەرەوە بۆ پاراستن و مانەوە و ئەمنییەتی ڕێژیم "تێز" بێت، ئەوە ڕاسان "ئانتی تێز"ە! لە پێكدادانی نێوان ئەم دوانەدا "سەنتێز" دێتە ئاراوە كە هەمان ڕزگاریی نەتەوەییە!
  • نیشانەناسیی ڕاسان وەک شەڕی نوێ نیشانەناسیی ڕاسان وەک شەڕی نوێ
    زمان وەک شتێکی دۆزراوە هەمان ئەمری بابەتێکی کۆمەڵایەتییە و زمانناسیی ڕاسان لە شەڕ "ساختارزدایی" (Deconstruit) لە خۆی دەکات و ئەو "ساختارزدایی"ە زمان ناسییە کە ئێمە بە نۆبەی خۆمان ئەوە وەک نیشانەشناسیی هەستانەوە دەزانین.
  • خورافە، ڕێگاخۆشکەرێک بۆ دواکەوتوویی کۆمەڵگا خورافە، ڕێگاخۆشکەرێک بۆ دواکەوتوویی کۆمەڵگا
    منداڵە ساواکەت لەسەر تاق دامەنێ شوومە و باش نییە! شەوان چاو لە ئاوێنە مەکە، تەمەنت لە غەریبی دەبەیتە سەر! شەوان بنێشت مەجاوە، شوومە و باش نییە! و....هتد.
  • ئەرکی تاکی کورد لە دژی خیانەت و جاشایەتی ئەرکی تاکی کورد لە دژی خیانەت و جاشایەتی
    خیانەت بە وڵات یانی خیانەت لە سەبەخۆیی و پاراستنی وڵات. خیانەت لە کاتی شەڕدا، یانی هاوکاری و بەشداری کردن لە گەڵ دوژمن لە کاتی شەڕدا.
  • مەرگی براکوژی مەرگی براکوژی
    بەڵام لەم سەردەمە نوێیەدا دۆخ و هەلومەرجی سیاسی و تێگەیشتنی کۆمەڵگا گەیشتۆتە ئاستێک کە چیدیکە ئەو جۆرە کردەوانە قبووڵ ناکا و هەرجۆرە پەنابردنە بەر شەڕێکی خۆکوژی مەحکووم دەکا.