• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی فێڤریەی ٢٠١٨ی زایینی - ٠٢ی رەشەمەی ١٣٩٦ی هەتاوی  

٢٦ی سەرماوەز رۆژی پێشمەرگەی كوردستان (كاوە بەهرامی)

زایینی: ٠٩-١٢-٢٠١٤ - هەتاوی: ١٣٩٣/٠٩/١٨ - ١٦:٢١ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
٢٦ی سەرماوەز رۆژی پێشمەرگەی كوردستان (كاوە بەهرامی)
٢٦ی سەرماوەزی ١٣٢٤ رۆژێكی مێژوویی بە گشتی بۆ گەلی كورد و رۆژهەڵاتی كوردستان و بە تایبەتی خەڵكی مەهاباد بوو. لەم رۆژەدا ئاخرین پاشماوەی پۆلیسی رێژیمی پاشایەتی لە شاری مەهاباد تێكەوە پێچرا.

11600.jpg
كاوە بەهرامی

خەڵكی مەهاباد بە شێوەیەكی خۆبەخشانە چۆنیەتیی پارێزگاری كردن لە سەر و ماڵی خۆیانیان بە دەستەوە گرت، حیزبی دێموكراتی كوردستانی ئێران بە سەرۆكایەتی پێشەوا قازی محەممەد بە پێڕەو و پرۆگرامێكی سەردەمیانەی ئەو كات جێگای متمانەی خەڵكی كوردستان بە گشتی و مەهاباد بە تایبەتی بوو.

هەر بۆیە لەلایەن پێشەوا قازی محەممەد لەسەر پێشنیاری پێشمەرگەیەك، ناوی پڕ لە نێوەرۆك و هێزی رزگاریخواز و پارێزەری كورد و كوردستان، بە "پێشمەرگەی كوردستان" دیاری كرا و لەو كاتەوە تا هەنووكە پێشمەرگە وەك سەمبولی ئازادی، رەمزی رزگاریی گەلی كورد لە هەموو پارچەكانی كوردستان وەك ئاوێنەیەكی بێگەرد ماوەتەوە و ریشەیەكی وەهای داكوتاوە كە پاش ٦٩ ساڵ لە نێو كۆڕ و كۆبوونەوە نێونەتەوەییەكانی وەك پارێزەری كەرامەتی مرۆڤ و هێزی دژە تیرۆر دەناسرێت‌ و لە هەمان كاتدا رێژیمی سەدە ناوەڕاستی كۆماری دژی گەلی ئیسلامیی ئێرانیش بە ناو بۆتە پاڵپشتی پێشمەرگە و هاوشان لەگەڵ ئەوان بۆ مەبەستی تایبەتیی خۆی لەگەڵ تیرۆریستانی داعش دەجەنگێ‌، بەڵام گرینگ ئەوەیە ئەو ناوە پرشنگدارە هەنووكەش وەك ئاوڕێك بۆ جەستەی كۆماری ئیسلامی و دوژمنانی گەلی كورد جێگای مەترسییە و هێمای راستەقینەی پارێزەرانی كوردستانە.

پاش ٦٩ ساڵ بە داخەوە دۆخی پێشمەرگە لەو شوێنە كەلە دایك بووە لاوازە، هۆكاری ئەوش دەگەڕێتەوە بۆ نەبوونی یەكیەتی لە ناو ریزەكانی كورد لە رۆژهەڵات بە گشتی و بە تایبەت حیزبی دێموكرات و دوژمنانی دێموكرات هەموو كاتێك لە جیابوونەوەكان بە قازانجی ئامانجەكانی خۆیان كەڵكیان وەرگرتووە. حیزبی دێموكراتی كوردستانی ئێران بە لە بەر چاوگرتنی بارودۆخی ئێران و رۆژهەڵاتی كوردستان لە كۆنگرەی ١٥ی خۆیدا بڕیاری داوە هەوڵ بدرێ بۆ ئەوە هاوڕێیانی پێشوو كە لە كۆنگرەی ١٣دا جیابوونەوە جارێكی دیكە لە حیزبی دێموكراتی كوردستانی ئێران پێكەوە درێژە بە خەبات بدەن.

هەر بۆیە بۆ هەرچی پتەوتر كردنی ریزەكانی پێشمەرگە و گەڕانەوەی شوناسی راستەقینەی شوێنی لە دایكبوونی پێشمەرگە، یەكیەتی ریزەكانی ئوپۆزسیۆنی رۆژهەڵاتی كوردستان پێویستییەكی حاشا هەڵنەگرە.

حیزبی دێموكراتی كوردستانی ئێران وەك داهێنەری ناوی پێشمەرگە و دامەزرێنەری هێزی پێشمەرگە و دیاری‌كەری رۆژی پێشمەرگە، قەت ئامادە نەبووە بەرژەوەندی نەتەوەیی، فیدای بەرژەوەندیی حیزبی بكات.
بانگەوازی حیزبی دێموکرات لە سەرەتای شۆڕشی گەلانی ئێران بۆ پێكهێنانی بەرەیەكی ئێرانی و هەروەها كوردستانی بەردەوام بووە. تەنانەت لە زۆر بواردا سینگ فراوانی لە خۆی نیشان داوە. هەنووكەش ئاڵا هەڵگری یەكیەتی و پێكەوە بوونی هێزە كوردستانیەكانە.

دۆستایەتیی ئەم حیزبە لەگەڵ دەروجیران هیچ كاتێك لەسەر زەربە لێدان و كەم كردنەوەی بەهای پارچەكانی دیكەی كوردستان نەبووە. بە داخەوە هەندێك حیزب و لایەن لە سۆنگەی كۆماری ئیسلامییەوە چاو لە حیزبەكانی رۆژهەڵات دەكەن. ئەو بایەخەی كە لەلایەن حیزبەكانی رۆژهەڵاتەوە بۆ پارچەكانی دیكە و بە تایبەتی هەرێمی كوردستان دانراوە بە حیسابی لاوازیی و بێ‌ ئیرادەیی پێشمەرگەی رۆژهەڵاتی سەیری دەكەن. سیاسەتڤانانی كورد دەبێ‌ لە هەلومەرجی هەنووكەییدا بە چاوێكی ئاواڵا سەیری گۆڕانكارییەكان بكەن و نەكەونە ژێر كاریگەری و مودیریەتی كۆماری ئیسلامی كە بۆ پەرە پێدانی سیاسەتەكانی خۆی لە ناوچە لە هەموو تەرفەندەكان بۆ لاوازكردنی كورد كەڵك وەردەگرێ‌.

لە وەها هەلومەرجێكدا بەرچاو گرتنی هاوسۆزی و هەستی نەتەوایەتیی رۆژهەڵات بە حیسابی كۆماری ئیسلامی و دڵسۆزی ئەوان نیشاندەرە.

خەڵكی كوردستانی رۆژهەڵات لە بۆنە و موناسیبەتەكان، یان پشتگیری لە پارچەكانی دیكە لە كاتی بەرزكردنەوەی دروشمەكان پێویستە بە چاوێكی كراوە سەیری هەر چەشنە گۆڕانكاریەك بكەن زۆر جار دەست و پێوەندیەكانی كۆماری ئیسلامی بە ئامانجی تایبەتیی خۆیان لە نێو خۆپیشاندانەكان دروشمی دیاریكراو ئەدەن، بەرز دەكەنەوە رێگەدان بۆ وتنەوەی ئەو دروشمانە دژی هەر لایەنێك لەلایەن كۆماری ئیسلامیەوە مەبەستی تایبەتیی خۆی هەیە، كاتێك بۆ پشتگیری لە كۆبانێ‌ رێگا بە خۆپیشاندان دەدا و داوا دەكەن دژی توركیە دروشم بەرز بكرێتەوە، دەبێ‌ بیر لەوە بكەینەوە كە بەشار ئەسەد بە درێژایی چەندین ساڵ كوردی لە رۆژئاوا ژینۆساید كردووە و هەنووكەش دەست لە دەسەڵات هەڵناگرێ‌. دەبێ‌ لە خۆمان پرسیار بكەین بۆ لەو خۆپیشاندانە هیچ ئاماژەیەك بە بەشار ئەسەد نەكرا؟ پێویستە بیر لەوە بكەینەوە كە ئایا لەو هەل و دەرفەتانە كە دەستمان دەكەون، بێ‌ دەنگ بین، یان دەبێ‌ دروشمی ئێمە بە گشتی دژی داگیركەرانی كوردستان بێ‌.

با هەموومان پێكەوە ساڵڕۆژی لە دایك بوونی پێشمەرگە لە كوردستان بكەین بە دروشمی پراكتیكی بۆ یەكریزیی كورد لە رۆژهەڵاتی كوردستان، هەتا هاوسەنگی هێز لەم دەڤەرەی كورستان كاریگەریی لە سەر گۆڕانكارییەكان، كاریگەرتر بێ‌. رێژیمی كۆماری ئیسلامی چیدیكە ژێستی كاراكتەرێكی ئاشتیخواز، كورددۆست نەگرێ‌ و ئێرانیش وەك وڵاتێكی بێ‌ كێشە و ئارام و سەقامگیر لە بیروڕای گشتی پیشان نەدا.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.