کوردستان میدیا: بە مەبەستی پشتیوانی لە مانگرتوانی کوردی زیندانی ئورمیە، خۆپیشاندانێک له‌شاری ستۆکهۆڵمی وڵاتی سوید لەلایەن دانیشتوانی کوردی ئەم وڵاتەوە به‌ڕێوه‌چوو.

بە پێی راپۆرتی ماڵپەڕی کوردستان میدیا، ئه‌م خۆپیشاندانه‌کە له‌لایه‌ن حیزبی دێموکراتی کوردستانی ئێران و کۆمه‌ڵه‌ی زه‌حمه‌تکێشانی کوردستانی ئێران رێکخرابوو، رۆژی شەممە رێکەوتی ٢٩ی بەڕێوەچوو.

رێوڕه‌سمه‌که‌به‌خوێندنی سروودی بەرزی ئه‌ی ره‌قیب له‌لایه‌ن هونه‌رمه‌ند فه‌ریبورز فه‌خاری و دواتر راگرتنی خوله‌کێک بێ ده‌نگی بۆ ڕێزگرتن له‌گیانی پاکی شه‌هیدان ده‌ستی پێکرد.

پاشان چه‌ندین په‌یام بۆ مه‌حکووم کردنی رێژیمی کۆماری ئیسلامیی ئێران و پشتیوانی له‌داواکاریی مانگرتوانی گرتووخانه‌ی ئورمیە
خوێندرانه‌وه‌که‌بریتین بوون له‌:

- پەیامی هاوبەشی حیزبی دێمۆکرات و کۆمه‌ڵه‌، کۆمیته‌ی ستۆکهۆڵم لە لایەن تەوار مودەریسی.

- پەیامی کۆمیتەی هاوکاریی هێزە سیاسیەکانی کوردستان لە لایەن ئازاد جگەرخوێن

- پەیامی کۆنگرەی نەتەوەکانی ئێرانی فیدراڵ لە لایەن ناسر بۆلەیدەئی
- پەیامی رێکخراوەیی یارسان پردیوەر لە لایەن عەلی ئەسغەر خوسرەوی
- لە نێوئاخنی پەیامەکاندا، کوردۆ باکسی وتارێکیان بە زمانی سویدی پێشکەش دەکرد.