" />

  • ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی نوامبری ٢٠١٧ی زایینی - ٢٧ی خەزەڵوەری ١٣٩٦ی هەتاوی  

هێزەکانی رێژیمی ئێران بە بیانووی جۆراوجۆر، ماڵی هاووڵاتیانی کورد دەپشكنن

زایینی: ٣٠-١٢-٢٠١٤ - هەتاوی: ١٣٩٣/١٠/٠٩ - ١١:٣٨ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هێزەکانی رێژیمی ئێران بە بیانووی جۆراوجۆر، ماڵی هاووڵاتیانی کورد دەپشكنن
کوردستان میدیا: هێزە ئینتزامییەكانی رێژیمی ئیسلامیی ئێران بە بیانووی بوونی چەکی نایاسایی وماهوارە، ماوەی مانگێکە لە گوندەکانی "راژان و دەرەبانی" سەر بە ناوچەی "ترگەوەڕ" و "دەشت"ی شاری ئورمیە ماڵی هاووڵاتیان دەپشکنن و ئەزیەت و ئازاری خەڵک دەدەن.

بەپێی راپۆرتی هەواڵنێری ماڵپەڕی کوردستان میدیا، لە گوندەکانی ناوچەی راژان و دەرەبانی هێزە ئینتزامییەکانی هەنگی سنووریی راژان و هێزەکانی سێ رێیانی راژانی رێژیمی ئێران ماوەی مانگێکە بە بیانووی بوونی چەکی نایاسایی و دەزگای ماهوارە بە رۆژ و شەو و بە بێ لەبەرچاوگرتنی کات هێرش دەکەنە سەر گوندەکانی "راژان و دەرەبانی" و ماڵی هاووڵاتیان دەپشکنن.

هاووڵاتییەکی ئاگادار، لەو بارەیەوە بە هەواڵنێری کوردستان میدیای راگەیاند: "ئەو هێزانەی رێژیم بە بیانووی دەستکرد و بە هاوکاریی خۆفرۆشان و بەسیجی گوندەکان دڕژێنە ناو ماڵی هاووڵاتیان".

ئەو سەرچاەیە لە درێژەدا وتی: "هێزەکانی رێژیمی هەڕەشە لە هاووڵاتیان دەکەن کە یا دەستبەسەریان دەکەن یا دەبێ بڵێن چە کەسێک چەکی راو یا کەرەستەی نایاسایی دیکەی هەیە؛ ئەو هاووڵاتییە لە درێژەدا قسەکانیدا وتی لە ماوەی چەند رۆژی رابردوودا هێزە ئینتزامییەکانی رێژیم گوندەکانی خوشاکۆ، زنگلان، سولک و چمانیان چەندین کاتژمێر پشکنیوە".

ناوەندە نیزامی و ئەمنییەتییەکانی رێژیمی ئێران بە بیانووی دەستکرد وەک کۆکردنەوەی ماهوارە و چەکی نایاسایی لە کوردستانی ئێران ماڵی هاووڵاتییان دەپشکنن و لە پەیوەندییەدا مانگی رابردوو هێزە ئەمنییەتییەکانی رێژیم لە سایین قەڵا بە بیانووی هەبوونی چەکی نایاسایی ماڵی هاووڵاتیانیان پشکنیوە.

پشکنینی ماڵی هاووڵاتیان لە کاتێکدایە کە بەپێی ماددەی ٩٦ی یاسای پێداچوونەی سزادان "پشکنینی ماڵ، شوێن و کەڵوپەل لە کاتێکدایە کە بەپێی یاسا و هۆکاری یاسایی بێت و گومانی ئەوە هەبێت کە تاوانبار یا کەرەستە و کەلوپەلی تاوان لەو شوێنەدا هەبێت".

هەروەها چوونەژوورەوەی نایاسایی و بێ مۆڵەتی یاسایی بۆ ماڵی هاووڵاتیانی کورد لە کوردستان لەلایەن هێزە ئەمنییەتییەکان بە تایبەت هێزە ئینتزامییەکانی رێژیمی ئێران لە کاتێکدا کە هاووڵاتیان لە خەو دانە لە کاتێکدایە کە ماددەی ١٠٠ی یاسای پێداچوونەوەی سزادان باس لەوە دەکات کە "پشکنینی ماڵی هاووڵاتیان بە رۆژ ئەنجام دەدرێت و لە کاتی شەودا ئەگەر پێویست بێت و بەپێی بڕیاری قاضی دادگا ئەنجام دەدرێت".
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا