• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٨ی زایینی - ٢٧ی بەفرانباری ١٣٩٦ی هەتاوی  

مستەفا هیجری پەیامێکی روو لە خەڵکی کوردستان بڵاو کردەوە + ڤیدیۆ

زایینی: ٢٦-٠٥-٢٠١٥ - هەتاوی: ١٣٩٤/٠٣/٠٥ - ١٠:٣٦ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری پەیامێکی روو لە خەڵکی کوردستان بڵاو کردەوە + ڤیدیۆ
کوردستان میدیا: مستەفا هیجری سکرتێری گشتیی حیزبی دێموکرات لە پەیامێکدا روو لە خەڵکی کوردستان و پێشمەرگەکانی حیزبی دێموکرات و پارت و رێکخراوەکانی هەرچوار پارچەی کوردستان پەیامێکی بڵاو کردەوە.

دەقی تەواوی قسەکانی مستەفا هیجری بەم چەشنەیە کەلە رۆژهەڵات تی‌ڤی‌دا بڵاو بووەتەوە:

لە تەلەفزیۆنی ''رۆژهەڵات''ەوە سڵاو دەنێرم بۆ هەموو پێشمەرگەکانی حیزبی دێموکراتی کوردستانی ئێران.

دەمەوێ لە پێوەندی لەگەڵ مەسەلەی ئەو رووداوەی کەلە کوردستان هاتۆتە پێشێ و شەڕ و تێکهەڵچوون لە نێوان پێشمەرگەکانی حیزبی دێموکراتی کوردستانی ئێران و گەریلاکانی پێ‌کاکا رووی داوە، چەند خاڵێکتان بخەمە بەر نەزەر.

هەموو لایەک دەزانن کە حیزبی دێموکراتی کوردستانی ئێران حیزبێکی شەڕخواز نەبووە و ئێستاش حیزبێکی شەڕخواز نییە. ئێمە هیچ لایەنێک بە دوژمنی خۆمان نازانین بێجگە لە کۆماری ئیسلامیی ئێران و هەموو کار و تێکۆشانی ئێمە لە پێوەندی لەگەڵ زەربە لێدان لە کۆماری ئیسلامیی ئێران و کار کردن بە دژی رێژیمی جمهووری ئیسلامیی ئێرانە بە مەبەستی دیفاع لە مافە پێشێل کراوەکانی خەڵکی کورد لە کوردستانی رۆژهەڵات. لەو رووداوەشدا ئەو خەبەرانەی بە من گەیشتووە، هاوڕێیانی ئێمە لە مەنتەقەدا هەموو حەولی خۆیان داوە کەلە خاکی خۆیاندا، لە منتەقەی خۆیاندا هاتوچۆ بکەن، بیانهەوێ لەگەڵ خەڵکی خۆمان پێوەندی بگرن، بەڵام بەداخەوە پەکەکە پێشیان پێ گرتوون و لە راستیدا مانع بوونە لەوەی کە پێشمەرگەکانی حیزبی دێموکراتی کوردستانی ئێران لە مەنتەقەدا هاتوچۆ بکەن.

ئێمە هیوادارین کە ئەو بەرنامەیە، بەرنامەی گشتیی رێبەرایەتیی پەکەکە نەبێ و هەڵەیەک بێ کە لەلایەن بەرپرسانی ئەو مەنتەقەوە رووی دابێ، چونکە ئەگەر ئەوە نەبێ، ئەو ئیقدامە و ئەو بەرنامەی پەکەکە دەچێتە خانەی یارمەتیدان بە دوژمنان، بە بەهێزترین و بە زاڵمترین دوژمنی کورد لە مەنتەقەدا کە کۆماری ئیسلامیی ئێرانە.

ئەمن پێم وایە کە ئێمەی کورد دەبێ لە مێژوو فێر بین کە ئەگەر لەگەڵ یەکتری کێشەیەکمان بۆ هاتە پێشێ، بتوانین لە رێگای دۆزینەوەی رێگەچارەی ئاشتی و دۆستانەوە بتوانین حەلی بکەین، چونکە ئێمە بەرژەوەندیمان، قازانجمان هەمووی پێکەوە بەستراوەتەوە. کۆماری ئیسلامیی ئێران، یان دوژمنانی دیکە رەنگە بۆ ماوەیەک لە یەکێکمان ئیستفادەی کردبێ بە دژی ئەوی دیکە، بەڵام لە واقیعدا ئەوەی کە دۆست و پشتیوانی یەکترین دەبێ گەلی کورد بین بە تایبەت لەو دۆخە ئاستەمە سیاسییەدا کەلە مەنتەقەدا هاتۆتە پێشێ.

من داوا لە هەموو چین و توێژەکانی کوردستان دەکەم بەتایبەتی لە خۆرهەڵاتی کوردستان کە بە نسیبەت ئەو شێوە سیاسەتەی کە پەکەکە گرتوویەتە پێشێ، بێ دەنگ نەبن و هێزی خۆیان و توانای خۆیان لە هەر رێگایەکەوە بۆیان دەکرێ، بخەنە سەر پەکەکە کە لەو شێوە سیاسەت و رەفتارانەی کە لەگەڵ حیزبە سیاسییەکانی کورد لە بەشەکانی کوردستاندا بەکاری دێنێ، پاشگەز بێتەوە و لە باتی دوژمنایەتی و حەولدان بۆ تەزعیف و لاوازکردنی لایەنەکانی دیکەی کوردی، حەول بدات لەو هێز و توانایەی کە هەیەتی بە قازانجی نەتەوەیی گەلی کورد و باقی حیزبە سیاسییەکان کەلە خزمەتی ئامانجی خەڵک دان، کەڵک وەر بگرێ.

ئێمە هیوادارین کە ئەو کێشەیە پەرە نەگرێ و ئێمە لەلایەن خۆمانەوە نە دڵخۆشین بەو مەسەلەیە و نە لە حەولی ئەوە داین کە ئەو مەسەلەیە پەرە پێ بدەین و هیوادارم کە پەکەکە، دۆستانی پەکەکە هەر لەو رێگایەوە و هەر بەو شکڵە کەڵک وەرگرن لە مەوقەعییەتەکە و ئەو پێوەندییە کە نێوانی حیزبی دێموکراتی کوردستانی ئێران و پەکەکە لە ساڵانی رابردوودا بووە، هەر لە جێگای خۆیدا بمێنێتەوە و ئەو مەسەلەیە و ئەو رووداوە خەوشەداری نەکات.

داوام ئەوەیە کە خەڵک لەسەرخۆ بن، ئارام بن و لە واقیعدا کارێک نەکەن کە دوژمنانمان لەوە زیاتر پێمان دڵخۆش بن لەو مەوقعیەتە حەساسەدا. ئەرکی ئێمە لە هەلومەرجی ئێستادا به یەکگرتوویی و پشتی یەکتر گرتن و روو لە دوژمن کردنە کە ئێستا بەهێزترین و گەورەترین دوژمنی گەلی کورد لە هەموو بەشەکاندا کۆماری ئیسلامیی ئێرانە.

داوای سەرکەوتنتان بۆ دەکەم و داوای یەکگرتوویی و هاوپشتیوانیتان لێ دەکەم بۆ حیزبی دێموکراتی کوردستانی ئێران و باقی هێزە سیاسییەکانی کورد کەلە راستای قازانج و بەرژەوەندیی نەتەوەیی هەنگاو هەڵدەگرن و فیداکاری دەکەن.

زۆر سپاستان دەکەم

بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.