• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی نوامبری ٢٠١٧ی زایینی - ٢٨ی خەزەڵوەری ١٣٩٦ی هەتاوی  

ئێران و چین لە ساڵی ٢٠١٤دا زۆرترین حاڵەتی ئێعدامیان هەبووە

زایینی: ٠٢-٠٨-٢٠١٥ - هەتاوی: ١٣٩٤/٠٥/١١ - ١٢:٤٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئێران و چین لە ساڵی ٢٠١٤دا زۆرترین حاڵەتی ئێعدامیان هەبووە
کوردستان میدیا: بەپێی راپۆرتی رێکخراوی مافی مرۆڤی ئیتالیایی لە ساڵی رابردووی زاینیدا زیاتر لە ٣٥٠٠ کەس لە ٢٢ وڵاتی جیهان ئیعدام کراون کە لە نێوان ئەم وڵاتانەدا تەنیا لە ئێران ٨٠٠ کەس لەسێدارە دراوە.

بەپێی راپۆرتی ماڵپەڕی کوردستان میدیا، لە راپۆرتی رێکخراوی "نسونو توچینی کاینو"ی ئیتالیا، هاتووە لە ساڵی ٢٠١٤ی زایینی لە وڵاتانی چین، ئێران و عەرەبستان زۆرترین رێژەی سێدارەدانەکان بەڕێوە چووە.

بەپێی راپۆرتی ئەو رێکخراوەیە کە لە پێناو لابردنی حوکمی سێدارەدان لە سەرتاسەری جیهان چالاکی دەکات، لەسەدا ٦٧ ی ئێعدامەکانی ساڵی ٢٠١٤ کە دەکاتە دوو هەزار و ٤٠٠ کەس لەچین و لەئێرانیش کە ٨٠٠ کەس بووە بەڕێوە چووە.

لەوڵاتی عەرەبستانی سعوودیش لە ٢٠١٤دا ، ٨٨ کەس لە سێدارە دراون.

ئاماری ئەم ناوەندە مافی مرۆڤییە دەرخەی ئەوەیە کە لە شەش مانگی یەکەمی ساڵی ٢٠١٥دا، لە وڵاتی چین حوکمی سێدارەی لانیکەم ١٢٠٠ کەس، لەئێران ٦٥٧ کەس و پاکستان ١٧٤ کەس، بەڕێوە چووە.

پێشتریش لەم پەیوەندییەدا رێکخراوی لێبوردنی نێودەوڵەتی لە راپۆرتێکدا رایگەیاندبوو کە رێژیمی ئیسلامیی ئێران لە سەرەتای بەفرانباری ١٣٩٤ی هەتاویدا، حوکمی ٦٩٤ کەسی بەڕێوەبردووە کە ٣٩ کەسیان هاووڵاتیی کورد بوون و ٤ زیندانی سیاسیی کوردیش لە نێوان لە سێدارە دراوەکاندا بوون.

ئاماری پێشلکاریی مافی مرۆڤ لە کوردستانی ئێران لە ماوەی ٣ مانگی سەرەتای ساڵی ١٣٩٤ی هەتاویدا نیسبەت بە ٣ مانگی بەهاری ساڵی رابردوو کە ٤١٠ حاڵەت بوو، ٢٦% بەرز بوونەوەی بە خۆوە بینیوە.

زیاد بوونی پێشێلکاری مافی مرۆڤ لە کوردستانی ئێران لە حاڵێکدایە کە دوو ساڵ پێشتر، حەسەن روحانی بە دروشمی باشتر بوونی مافی مرۆڤ لە کوردستان و ناوچەکانی دیکەی ئێران کورسی سەرکۆماری بە دەست هێنا.

پێشێلکاری مافی مرۆڤ لەلایەن رێژیمی ئیسلامیی ئێرانەوە لە ماوەی چەند ساڵی رابردوودا بە توندی رووی لە بەرز بوونەوە بووە و نیگەرانی و هوشداری ناوەندەکانی مافی مرۆڤی لێکەوتووەتەوە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٢ لەم ژمارەیەدا:

ــ شکستی کەرکووک کۆتایی ڕێگا نییە!
ــ ڕەوایی چەک و ڕەوایی خەڵکی
ــ ئیمپراتوریی نافەرمی ئێرانی
ــ دەسەڵات و کۆمەڵگا