• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢٥ی فێڤریەی ٢٠١٨ی زایینی - ٠٦ی رەشەمەی ١٣٩٦ی هەتاوی  

هەرا و زەنای بێ سەرئەنجام

زایینی: ٢٠-٠٢-٢٠١٦ - هەتاوی: ١٣٩٤/١٢/٠١ - ١٦:٥٩ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
هەرا و زەنای بێ سەرئەنجام
ناهید حسێنی

خامنەیی لە كورسیی ویلایەتی فەقیه‎دا و لە ڕێی "شوورای نیگەهبان"ەوە كۆمەڵێك بەربژێری جێی پەسندی خۆی بۆ خولی نوێی پارلەمانی ئێران دەستنیشان كردووە كە بڕیارە دوای ماوەیەكی دیكە دەنگیان بۆ لە خەڵك وەربگرێ و بەو شێوەیە خولی نوێی مەجلیسەكەی وەگەڕ بخات. هاوكات بەربژێرەكانی مەجلیسی خوبرەگانیش كە لە شارەزایانی فەلسەفەی ویلایەتی فەقیه و كۆنەپەرستانی سەر بە ڕێبازی خامنەیی پێك‎دێ، هەر دیاری‎كراون و قەرارە لە هەمان‎كاتدا، دەنگی ئەرێ بۆ ئەوانیش لە خەڵك بستێندرێ. تا ئێرەی ئەم بەزمە شتێكی نوێی تێدا نیە و هەمووی هەر هەڵڵاكەی جارانە، كە نە خەڵك بڕوای پێی هەیە و نەش ڕێژیم لە بەر بڕوا یا داخوازیی خەڵك بەڕێوەی دەبا.

لە كەس شاراوە نیە كە لە ئێراندا، پرسی هەڵبژاردن، دەنگی خەڵك، مەجلیس، بڕیاردان و بەڕێوەبەری، لە چوارچێوەیەكی بەرتەسكدا سنووردار كراون كە گەمەگێڕە سەرەكییە‌كانی، تاقمێكی دیار لە كەسانی نزیك بە دەسەڵات یا پشتڕاست كراوی دەسەڵاتن و تاقانە كارگێڕیشیان كەسی یەكەمی ڕێژیم، واتە وەلی فەقیهە. بۆیە هیچ هەڵبژاردنێك لە ژێر سایەی ئەو ڕێژیمەدا مەشروع و ڕەوا نیە و ناتوانێ هیچ دەڵاقەیەكی ڕووناكایی بۆ خەڵكی وڵات و لایەنگرانی ئازادی بكاتەوە. جێ‎گۆڕكێی ئەندامانی كۆڕ و ناوەندە جیاوازەكانی دەسەڵاتیش هیچ شتێك ناگۆڕێ و تەنانەت ناتوانێ ئاڵوگۆڕێك بە سەر ڕەوشی بژیوی ڕۆژانەی خەڵكیشدا بهێنێ. كە وابوو، ناكرێ پرسی بە ناو هەڵبژاردن بۆ مەجلیس لە ئێراندا، لە ڕوانگەی مافی خەڵك و دێموكراسیەوە لێك بدرێتەوە. تەنانەت مەسەلەی بەشداری‎كردن و بەشداری‎نەكردن یا ڕێژە و ڕادەی بەشداری‎كردن و بایكۆت كردنیش ناكەوێتە خانەی تێڕوانینی خەڵك یا ئۆپۆزیسیۆن بۆ دەسەڵات، یا بە پێچەوانەوە ڕێزگرتن یا ترسی دەسەڵات لە دەنگی خەڵكەوە.

بەو پێیە، هەڵڵا نانەوە و هەراوهوریای پێوەندیدار بە هەڵبژاردنەكانی مەجلیسی شوورا، مەجلیسی خوبرەگان، سەرۆك‎كۆماری و... هتد، تەنیا پەردەیەكی دیكە، بەڵام دووبارە كراو و بێ ڕەنگی شانۆیەكی بێ ناوەڕۆكە كە لەو ٣٧ ساڵەی تەمەنی كۆماری ئیسلامی‎دا هەموو جارێ هەر بە یەك شێوە، جار و بار بە ئەكتەری گریم كراوی دیكەوە و لە ڕووی هەمان ڕەشنووسەوە دێتەوە سەر گۆڕەپانی شانۆگەرییەكە. دوای كۆتایی هاتنی شانۆگەرییەكەش، هەمان ئەكتەرەكان لە ستەیجەكە دادەبەزن و بەردەبنە گیانی بینەرانیان و تا شەكەت دەبن ئازاریان دەدەن.

بەو حاڵەش ‌ئاڵۆزییەكانی ڕۆژهەڵاتی نێوەڕاست لە كۆتایی دەیەی ٩٠ ی سەدەی ڕابردوو و سەرەتای ساڵەكانی ٢٠٠٠ دا، ڕەوشی سیاسیی ئێرانیان بەرەو هەژانێكی سیاسی ڕاكێشا كە ڕێژیمی تووشی ڕاچڵەكانێكی جیددی كرد. بۆیە كۆماری ئیسلامی لە ڕێگای بەشێك لە كەسانی متمانە پێ‎كراو‌ییەوە كە لە سەرووی هەموویانەوە محەممەد خاتەمی بوو، ویستی وا بنوێنێ كە هەڵبژاردن و دەنگی خەڵكی بۆ گرینگ بووە و ڕێگا دەدا كە دەنگی جیاواز لە ناوەندەكانی یاسادانان و بڕیارداندا وەدەربكەون.

مەجلیسی شەشەم، یەكەم پەردەی ئەو شانۆگەرییە بوو كە تێیدا ڕێژیم ویستی وا بنوێنێ كە ئەو دەورەیە بە نیسبەت خولەكانی پێشووتر جیاوازییەكی تەواوی هەیە‌. مەجلیسی شەشەم لە ماوەی ساڵەكانی ٧٩ تا ٨٣ دا لە ڕوانگەی ڕێژیمەوە بە مەجلیسی گۆڕانخواز و گۆڕانكار ناسێندرا. هەر چەند لەو ماوەیەدا نە توانیی گۆڕانێك پێك بێنێ و نە ویستی ڕێگا بۆ شكڵ گرتنی ڕەوتێكی گۆڕانخواز لە نێوخۆی سیستمدا خۆش بكات.

ئەنجامێك كە لەو بڕگەیەی شانۆسازییەكانی كۆماری ئیسلامی‎دا دەركەوت، هەرا و زەنایەكی زیادە لە ڕادە لە ئاقاری هەمان ڕەوت بوو كە تا ئەو دەم بە جاران دووبارە كرابووەوە و هیچ سوودێكی بۆ گەلانی ئێران نەبوو. لەو كاتەوە، دەزگا تەبلیغاتییەكانی ڕێژیم لە سەروبەندی قۆناغەكانی دەستاودەست كردنی كورسیەكان لە لایەن مۆرە جێی متمانەكانی خامنەییەوە، هەڵایەكی زۆرتر وەڕێ دەخەن كە گوایا پێشبڕكێی سیاسی بۆ وەدەست هێنانی كورسییە نوێیەكان جار بۆ جار ڕوو لە زیادبوونە. ئەوە لە حاڵێكدایە كە كۆمەڵگا تا ڕادەیەكی یەكجار زۆر لە بەرانبەر ئەو بەزمەدا خەمسارد بووە و خۆی دوورە پەرێز ڕادەگرێ‌. پاڕانەوەی خامنەیی لە خەڵك، تەنانەت لە دژبەرانی ڕێژیمش بۆ بەشداری‎كردن لە هەڵبژاردنەكاندا، باشترین بەڵگە بۆ بەهێزبوونی ئەو بۆچوونەیە.

بەڵام ڕێژیمی كۆماری ئیسلامی، لە بەرانبەر گوێ نەدانی خەڵك بە پرۆپاگەندە تەبلیغاتییەكانی دەست لە سەر دەست دانانیشێ و بە پێڕەو كردنی سیاسەتی ماكیاوێلیستی، هەموو دەرفەت و دەرەتانێك دەقۆزێتەوە تا كۆمەڵگا بە پرسە لاوەكیەكانەوە بخافڵێنێ و گیروگرفتە سەرەكییەكانی وڵاتیان لە بیر بباتەوە. لە هەمان‎كاتیش‎دا، وا بنوێنێ كە جۆش و خڕۆشی خەڵك بۆ بەشداری‎كردن لە شانۆگەرییەكانی بە ناو هەڵبژاردندا، هەر دێ و گڕو تینێكی نوێ بە خۆیەوە دەگرێ. یەكێك لە ئامرازە مەترسیدارەكانی ڕێژیم بۆ ئەو كارە، هاندانی پێكهاتە جیاوازەكانی كۆمەڵگا، یا پێكهاتە ئێتنیكی، دینی و زمانییەكان لە دژی یەكترە.

ئەو كایە پڕ مەترسییە، لەو ساڵانەی دوایی‎دا پتر لە كوردستان و لە ناوچە سنوورییەكانی شوێنی دانیشتنی نەتەوە جیاوازەكانی ئێران پەرە پێ دەدرێ. لە كوردستاندا بە شێوەی دیار، سێ دیاردە زەق دەكرێنەوە: لە هێندێك ناوچە پرسی عەشایری و بنەماڵەیی و لە هێندێك شوێنیش ڕوانگە جیاوازە ئاینییەكان لە بەرامبەر یەكتردا، هان دەدرێن. كەڵكی خراپ وەرگرتن لەو فرە ڕەنگییە كۆمەڵایەتیانە لەو ناوچانەی كوردستان كە خاوەنی ئەو تایبەتمەندییەن، بە زەقی وەبەرچاو دەكەوێ. فرەڕەنگیی ناوچەكان و پاشماوەی پێكهاتەی عەشیرەیی لە بەشێكی كوردستان، دیارترین نموونەن بۆ ئەو كایەی ڕێژیم.

بەڵام لە هەمووی مەترسیدارتر ئەوەیە كە لەو ناوچانەی‌ دوو نەتەوەی كورد و ئازەربایجانی پێكەوە دەژین، تاقمە بناژۆخواز و توندڕەوەكان دنە دەدرێن كە بە ناوی توركچێتییەوە لە دژی گەلی كورد پڕوپاگەندەی ژاراوی بڵاو بكەنەوە و لەو ڕێگایەوە هەر دوو كۆمەڵگای كورد و ئازەری بترسێنن، تا بۆ كەمتر كردنەوەی مەترسی لە سەر خۆیان، زیاتر پاڵ بە ڕێژیمەوە بدەن. بە شێوەیەك كە جاری وایە مەترسیی ئەوە بە هێز دەبێ كە پێكهاتە جیاوازەكان پێك هەڵپڕژێن یا خود لایەنێك بە بیانووی خۆپاراستنەوە، زیاتر خۆی بخزێنێتە ژێر باڵی ڕێژیمەوە. ‌

سەرەتای ئەو كایە پڕ لە مەترسییە دەگەڕێتەوە‌ بۆ سەردەمی مەجلیسی شەشەم و كاتێك كە كۆمەڵێك لە ئەندامانی مەجلیس و بەسیجیی و ڕۆژنامەوانانی سەربە مەلا حەسەنیی كوردكوژی ورمێ، لە تەورێز، ورمێ، سەڵماس و خۆی نامەیەكیان بۆ خاتەمی نارد و لە دژی چالاكیی فەرهەنگیی كوردەكان لە ورمێ، هەڵوێستان دەربڕی و داوایان لێ كرد كە مەیدانی چالاكیی فەرهەنگی بە كوردەكان نەدا. لەو كاتەوە، لە هەموو هەڵبژاردنێكدا ئەو پرسە زەق دەكرێتەوە و دەبێتە هۆی جموجۆڵێكی بێ ئاكام لە نێو كۆمەڵگادا كە قازانجەكەی تەنیا بە دیكتاتۆریی و دەسەڵات دەگا.

لە ڕاستی‎دا دەرئەنجامی یەكەم بە ناو هەوڵی كرانەوەی سیاسی لە چوارچێوەی ڕێژیمدا، هارووژاندنی پێكهاتە جیاوازەكانی كۆمەڵگا لە دژی یەكتر و بە مەبەستی هەر چی زیاتر كۆنتڕۆڵ‎كردنیان بوو. شانۆگەرییەكانی هەڵبژاردنیش كران بە باشترین دەرفەت بۆ گەیشتن بەو ئامانجە مەترسیدارە. ئەوەی تا ئێستاش وەبەرچاو دەكەوێ ئەوەیە كە شوورای نیگەهبان وەك‌ گرینگترین ئۆرگانی بڕیاردەر لە سەر پرسی هەڵبژاردن، لەو ڕوانگەیەوە لیستی بەربژێرەكانی ئەو دەورەیەی هەر دوو مەجلیسی شوورا و خوبرەگانی دیاری كردووە. بە شێوەیەك كە لە هەموو ئەو ناوچانەی كە شوێنی ژیانی دوو نەتەوەی كورد و ئازەرییە، مۆرەکان وا بچنێ کە بە قازانجی کایەکانی رژیم تەواو ببێ.

بە كورتی ڕێژیم دەیەوێ بە زیاد كردنی پەردەیەكی ڕەشتر لە پەردەكانی پێشوو، بەشێكی خەڵك بۆ بەشداری‎كردن لە شانۆگەریی دەنگدان ڕابكێشێ، تەنانەت ئەگەر ئەو خەڵكە بە تەواوی دژی ڕێژیم و هەموو شكڵ و شێوەكانی سیاسەتەكانیشی بن.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٩ لەم ژمارەیەدا:

ــ خەباتی ڕۆژهەڵات بەردەوامە
ــ پرسی رێفراندۆم
ــ لە سەروەری نەتەوەییەوە هەتا کلۆنی بوون
ــ ژن پڕۆسەی ژێر دەستی سیاسەتە؟
  • پرسی رێفراندۆم پرسی رێفراندۆم
    تەنیا رێفراندۆمی دێموکراتیک و واقیعی دوای رووخانی کۆماری ئیسلامی و نووسینی یاسایەکی بنەڕەتی لەسەر ئەساسی پرەنسیپەکانی دێموکراسی و ژیانی ئازاد و یەکسانی هەموو نەتەوەکانی نێو ئێران دەکرێ، کە لەو گشتپرسییەدا ئەو یاسایە بخرێتە دەنگدانەوە و ببێ بە پەیمانی پێکەوە ژیان، نەک ئامرازی پیرۆزکردنی وەهمەکان و شمشێری کوشتاری خەڵک.
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.