• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٧ی ژانویەی ٢٠١٨ی زایینی - ٢٧ی بەفرانباری ١٣٩٦ی هەتاوی  

بۆچی ژنان دەبێ بایکۆتی ھەڵبژاردنەکانی ڕێژیمی ئێران بکەن؟

زایینی: ٢١-٠٢-٢٠١٦ - هەتاوی: ١٣٩٤/١٢/٠٢ - ١٧:١٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بۆچی ژنان دەبێ بایکۆتی ھەڵبژاردنەکانی ڕێژیمی ئێران بکەن؟
مریەم علیپوور

به‌ر له‌وه‌ی بچمه‌ سه‌ر باسه‌که، ده‌مهه‌وێت ئاماژه‌ به‌ پرسیارێک بکه‌م وه‌ک:
ئایا ئێمه‌ به‌ڕاستی له‌ چه‌مکی هه‌ڵبژاردن و پرەنسیپه‌کانی تێگه‌یشتووین؟ قسه‌م له‌سه‌ر ئه‌وه‌ نییه‌ که‌ هه‌ڵبژاردن کۆڵه‌که‌یه‌کی گرینگی سیستمێکی دێموکراتیکه‌ و یه‌کێک له‌ فاکته‌ره‌ هه‌ره‌ گرینگه‌کانی چه‌مکی دێموکراسییه‌. ئازادی هه‌ڵبژاردن و خۆپاڵاوتن وه‌ک کلیلێکه‌ بۆ کردنه‌وه‌ی ده‌رگایه‌ک به‌ڕووی کولتوورێکی ئاوه‌ڵا که‌ له‌وێ‏دا ئاڵوگۆڕی ئه‌رێنی له‌ به‌رژه‌وه‌ندیی هاووڵاتیان کارێکی ڕۆژانه‌یه‌‌.

چه‌مکی هه‌ڵبژاردن زۆر پێناسه‌ی هه‌یه‌ و من بۆ دانه‌یه‌ک له‌وانە ئاماژه‌ به‌ پێناسه‌که‌ی مارتین هایدگه‌ر(Martin Heidegger) فه‌یله‌سوفی بوونخوازی ئه‌ڵمانی ده‌که‌م که‌ ده‌ڵێت: "ئه‌وه‌ هه‌ڵبژاردنه‌ که‌ پێناسەی ئازادیی مرۆڤ ده‌کات".

بە چاو پێداخشاندنێک بە سیستمی ھەڵبژاردنی مۆرەدانراوەکانی ڕێژیمی دیکتاتۆری کۆماری ئیسلامیی ئێران، ئایا پێناسه‌ی مارتین هایدگه‌ر ھەڵبژاردنەکانی ئێرانیش لە خۆدەگرێ؟. وەڵامی من نـــــــــــــــــایـــــه‌. بۆ؟

له‌ نیزامی کۆماری ئیسلامیی ئێران(ویلایەتی فەقیهـ) له‌ بنه‌ڕه‌تدا لەسه‌ر بنەمای ئیدئۆلۆژیی ئیسلامی دوازدە ئیمامی دامەزراوە و پیاوان ‌ده‌سه‌ڵاتی بێ‏سنووریان به‌سه‌ر مافی ژنان لە بەڕێوەبەریی سیستمی وڵاتدا هه‌یه‌. له‌ یاسا ناته‌واو و هه‌ڵخه‌ڵه‌تێنه‌ره‌که‌ی‏دا ژن وه‌کو به‌رده‌ وایه‌ و بەتەواوی له‌ ژێر ده‌سه‌ڵاتی پیاودایە. ژنان ناتوانن ببن به‌ ڕێبه‌ر، بە به‌رپرسایه‌تی هه‌ر یەک لە سێ لقی کارگێڕی یاسادانان (قوه مقننه)، به‌ڕێوه‌به‌ریی (قوه مجریه) ، دادوه‌ری (قوه قضائیه)، سه‌رۆک کۆمار و هه‌موو ئه‌و پۆسته‌ گرینگانەی‌ که‌ ئه‌وان پێی ده‌ڵێن ''پۆستی کلیدی''، ژنان مافی وه‌ده‌ست ھێنانیان نیە.

پێویستە ئاماژە بەو نامافانەی ژنان بکەم کە ڕێژیم ھەم بە شێوەی یاسایی و ھەم لە شێوەی نورم‏دا، بە سەر کۆمەڵگەیدا سەپاندووە، وەکوو:
نەبوون به‌ قازی، چه‌ند ژن بۆ پیاوێک و مافی یه‌ک لایەنەی پیاو بۆ جیابوونەوە‌، به‌مێرددانی کچ له‌ ته‌مه‌نی منداڵی‏دا (له‌ژێر ١٦ ساڵ)، به‌ زۆری به‌ مێرددان له‌ لایه‌ن باوک یا برا یا هه‌ر پیاوێکی تری بنه‌ماڵه، ‌ کەمیی میرات، نەبوونی بەشاهێد وەک پیاو،...هتد. ته‌نانه‌ت ئازاد نه‌بوون له‌ ده‌به‌رکردنی جه‌لوبه‌رگ و زۆر شتی دیکه‌ له‌و بابه‌تانه‌.

ئه‌گه‌ر چاوێک له‌ ستروکتوری ئه‌و نیزامه‌ دیکتاتۆره‌ بکه‌ین، توندوتیژی، کولتووری فه‌ساد، دزی، گیرۆدەی مواد‌(معتاد)، باوه‌ڕ نه‌بوون به‌ یه‌کتر و ... هتد، وه‌ک ته‌ونی جاڵجاڵووکه‌ هه‌موو ئەو سیستمە ویلایەتییە دواکەوتوو و سەرکوتکەرەی ته‌نیوە. ئه‌گه‌ر به‌ و‌ردی چاو له‌ یاسا هه‌ڵبه‌ستراو و ناڕه‌واکه‌ی ئه‌و ڕێژیمه‌ بکه‌ین، ده‌بینین هه‌ر هه‌مووی دژی مافی ژنانه‌.

زۆربه‌ی ئه‌و زوڵم و زۆردارییه‌ی له‌ چوارچێوه‌ی ماڵ و کۆمه‌ڵگه‌دا له‌ ژنان ده‌کرێ، له‌ پاش نۆرمه‌کانی کولتووری، سوننه‌تی، ئایینی؛ ئەوە ده‌گه‌ڕێته‌وه‌ بۆ یاسا و ڕێسا‌کانی ڕێژیم. ئه‌و یاسا و ڕێسا ئیدئولۆژییه ئیسلامییە‌ له‌سه‌ر ئه‌ساسی ئولگوی بنه‌ماڵه‌ یان کۆمه‌ڵگه‌ی پیاوسالار و بیر و هزری پیاوانه‌ فۆڕمی گرتووه‌ و هه‌مووشی له‌ به‌رژه‌وه‌ندیی ئه‌وان دایه‌، بۆ نموونە:
مادەی١١٠٥ یاسای مه‌ده‌نی ده‌ڵێت: "له‌ پێوه‌ندی ژن و مێردایه‌تی‏دا گه‌وره‌ی بنه‌ماڵه‌ مێرده‌‌ که‌ پیاوەکەیە". ئه‌وه‌ش مافێکی ته‌واوی ئه‌و پیاوه‌یه‌ و مافیشی هه‌یه‌ ژن وه‌ک مڵکی خۆی پێناسه‌ بکات.

مادەی ١١١٧ یاسای مه‌ده‌نی ده‌ڵێت: "پیاو ده‌توانێ پێشگیری له‌ کار کردنی ژنه‌که‌ی له‌ ده‌ره‌وه‌ی ماڵدا بکات، ته‌نیا بڵێت که‌ ئه‌و کاره‌ له‌ به‌رژه‌وه‌ندیی بنه‌ماڵه‌که‌ی‏دا نیه"‌. به‌ڵام به‌ پێچه‌وانه‌که‌ی هه‌ر چه‌ند کاری پیاوه‌که‌ له‌ به‌رژه‌وه‌ندیی بنه‌ماڵه‌که‌دا نه‌بێت و ته‌نانه‌ت که‌سایه‌تیی ژن و منداڵه‌کانیش له‌که‌دار بکات، ژنه‌که‌ ناتوانێ پێشگیری له‌ پیاوه‌که‌ بکات.

زیاتر له‌ ٢١ یاسای بنه‌ماڵه‌، هه‌موویان ئه‌رکی ژن دیاری ده‌کات که‌ ئه‌ویش ماڵ و منداڵ به‌خێوکردنه‌. به‌ ئاشکرا ده‌ڵێن هه‌ر ئاڵو گۆڕێک له‌ سه‌ر ئه‌و ئه‌سڵانه‌ که‌ پێوه‌ندییان به‌ ژنانه‌وه‌ هه‌بێت، دژی شه‌ریعه‌تی ئیسلامه‌، له‌به‌ر ئه‌وه‌ی ئه‌وانه‌ له‌ لایه‌ن پیاوانی ئایینییه‌وه‌ دیاری کراون.

پرۆسەی دانانی یاسای بنەڕەتی، پرۆسەیەکی زۆر ئاڵۆزه و دەبێ بەچەند قۆناغدا تێپەرێ تا دەگاته قۆناغی پەسەند کردن، بەداخەوه له ئێراندا ئەوە وا نەبوو و هه‌ر بۆیه‌ ده‌ڵێم یاسای هه‌ڵبه‌ستراو و ناڕه‌وا.

ده‌توانین کۆماری ئیسلامیی ئێران، وه‌ک ڕێژیمێکی کۆنه‌په‌رست و دژە ژن ناو به‌رین، که‌ به‌ درێژایی ته‌مه‌نی هه‌وڵی داوه‌ ژنان له‌ کونجی ماڵدا زیندانی بکات. سیستمی سیاسیی ئه‌و ڕێژیمه‌ له‌ سه‌ر بنچینه‌ی تێکه‌ڵاو کردنی دین و ده‌وڵه‌ت له‌ گه‌ڵ یه‌کتر، تیرۆر، زیندان، ئه‌شکه‌نجه‌، سێداره‌، توندوتیژی و تۆقاندن، گیرۆدە بوون بە مەواد(ئیعتیاد)، کولتووری فه‌سادی ئه‌خلاقی، هه‌ڵخه‌ڵه‌تاندن، د‌زی، به‌ردباران، شه‌لاق لێدان، پێشێل کردنی مافی کەمە نەتەوەکان، کەمەئایینییەکان، منداڵان و بەگشتی مافی مرۆڤ و ...هتد، پێکهاتووه‌. به‌ڵگه‌ی سه‌ره‌کی بۆ سه‌لماندنی ئه‌وانه‌ چاوخشاندنێک به‌ سه‌ر ئه‌زموونی ئه‌و چه‌ند ساڵه‌ی ده‌سه‌ڵاتداریه‌تی ئه‌و ڕێژیمه‌یه‌ و بۆ هه‌موومان ڕوون و ئاشکرایه‌.

که‌واته‌ به‌شداریی کەمەنه‌ته‌ویی و ئایینییەکانی ئێران و به‌ تایبه‌ت ژنان له‌ شانۆگه‌ریی کۆماری ئیسلامیی ئێران و ده‌نگدانیان: ده‌نگدانه‌ بۆ نه‌مانی خۆیان و لاوه‌کانیان، ده‌نگدانه‌ به‌ زیاتر چه‌وسانه‌وه‌ و بە کۆیلە مانەوە و‌ درێژکردنه‌وه‌ی ته‌مه‌نی ئه‌و ڕێژیمه‌ دیکتاتۆرەیە‌.

ئه‌گه‌ر بگه‌رێمه‌وه‌ بۆ پێناسه‌که‌ی هایدگه‌ر، ئایا به‌ڕاستی گه‌لانی ئێران ئه‌و ئازادییه‌یان هه‌یه‌ بۆ ئەوەی‌ به‌شداری لە هه‌ڵبژاردنە مۆرە دانراوەکانی‏دا بکه‌ن کە چەند مانگ پێش دەست پێکردنی ئەو بەناو هەڵبژاردنە بۆ کاربەدەستانی باڵای ڕێژیم ڕوون و ئاشکران کە کێ و لە کوێش مۆرەکانیان سەر لە سندووق دەردێنن. هه‌ر بۆیه‌ وێڕای ئه‌وه‌ی زۆربه‌ی خه‌ڵک باوه‌ڕیان به‌وه‌ هه‌یه‌ که‌ ئه‌و هه‌ڵبژاردنانه‌ ته‌نیا شانۆگه‌رییه‌که‌ و به‌س، به‌ڵام له‌ هه‌مان کاتدا، توند و تیژی ئه‌وه‌نده‌ زۆره‌ ئه‌گه‌ر له‌ دوا ڕۆژدا مۆری به‌شداری کردن له‌ سه‌ر ناسنامه‌که‌یان نه‌بێت، لەوانەیە ڕووبەڕووی مەترسیش ببنەوە.

من دڵنیام ئه‌و ڕۆژە دادێ که‌ ئێراده‌یه‌کی پۆڵایین و یه‌کگرتوییه‌کی ڕاسته‌قینه‌ ڕوو له‌ گه‌لانی ئێران و به‌تایبه‌ت ژنان دەکات و هه‌موویان به‌ یه‌ک ده‌نگ، بە ھەڵبژاردنی بێ‏ده‌نگی، بایکۆتی ھەڵبژاردنی مۆرە دانراوەکانی ڕێژیم دەکه‌ن و شنه‌ بای شۆڕش ده‌ست پێ‏دەکا و شەقام و کۆڵانەکانی شار و دێیەکان پڕ دەبن لە دروشمی بڕوخێ دیکتاتۆر، بەسە کۆیلەتی و بژی ئازادی و دێموکراسی و خوازیاری مافی نەتەوایەتی دەبن. بە یەکگرتوویی شێره‌ ژنان، لاوان و ئازادیخوازانی کوردی نێوخۆ و دەرەوە، ھەموو پێکەوە به‌ چالاکیی و یەک ئاراستە بوونی داواکانمان، بڵێسه‌ی هه‌ستی یه‌کسانیی و نه‌ته‌وایه‌تیی و ئازادیخوازیمان،‌ تین ده‌داته‌ سه‌رجه‌م ئه‌ندامانی کۆمه‌ڵگه‌.

با ئێمەی ژنان دەنگ نەدەین بە نەمانی خۆمان، بە زیاتر بەکویلەبوونمان، بۆ ناڕوونی داهاتووی منداڵەکانمان و ........ .

به‌ هیوای ڕزگار بوون لە کۆیلەتی و وڵاتێکی ئازاد و دێموکرات


ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٦ لەم ژمارەیەدا:

ــ دەنگی راسانی گەلان نابیستن
ــ خەباتی ڕۆژهەڵات بەردەوامە
ــ خۆپێشاندانەکانی ئێران و پرسی کورد
ــ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
  • شەپۆلەکانی شار شەپۆلەکانی شار
    شەپۆلەکانی شار پڕە لە هەست و سۆزی نیشتمانپەروەری و نەخشێنەری ئەو جووڵە و راچەنینانەیە کە لە نێو کۆمەڵی کوردەواریدا بە نهێنی و دوور لە چاوی داگیرکەر، بەردەوام لە گەشە و هەڵچووندان.
  • تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە تەیموور مستەفایی: هێزە نیزامییەکانی ئێران نەتەنیا نابێت لە سەرکوتی خۆپێشاندەراندا بەشداری بکەن، بەڵکوو دەبێت هاوکاری بەئەنجام گەیاندنی ئەو حەرەکەتە بن کە بە قازانجی هەموو لایەکە
    دەقی وتووێژی کاک تەیموور مستەفایی، ئەندامی دەفتەری سیاسیی حیزبی دێموکراتی کوردستانی ئێران و بەرپرسی کۆمیسیۆنی تەشکیلاتی حیزب لەسەر خۆپێشاندانە سەرانسەرییەکانی ئێران و بڵاوکردنەوەی ڕاگەیەندراوی ئەم کۆمیسیۆنە لەم پێوەندییەدا، لەگەڵ تەلەفزیۆنی تیشک.
  • کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ کاوە ئاهەنگەری: ئیرادەی گشتی کوردەکان لە ئێران، بە هەبوونی ڕێبەرییەکی شیاو و لێوەشاو بۆ ئەم قۆناغە دەتوانێ بەشێک لە هاوکێشەکان بە قازانجی کوردستان بگۆڕێ
    خوێنەرانی بەڕێزی "کوردستان"، سەبارەت بە دوایین بارودۆخی ئێران و کوردستان و هەروەها نەخش و دەوری کورد و حیزبی دێموکرات لە هاوکێشەکاندا، ماڵپەڕی "کوردستان میدیا" وتووێژێکی لەگەڵ بەڕێز "کاوە ئاهەنگەری" چاودێری سیاسی و ئەندامی حیزبی دێموکرات ئەنجام داوە کە لێرەدا دەخرێتە بەر دیدی ئێوەی خۆشەویست.
  • ئێمە و وێژمانەکانی داگیرکراوی و هەڵاوێردراوی ئێمە و وێژمانەکانی داگیرکراوی و هەڵاوێردراوی
    ئەم گوتارە ئەگەرچی لای گرووپ، ڕێکخراو و حیزبی سیاسیشەوە هەڵگیراوە، بەڵام بەوپێیەی کە ئەم دامەزراوەگەلە لە عەرزی واقیعدا کار دەکەن و پێویستیان بە دانوستان و دانیشتن و وەرگرتنی پووانی جیاواز هەیە، ئەم ڕێکارەیان هەتا ئیستە تا رادەیەک پاساو هەڵگرە؛ وەکوو تر لە ئاستی یەکانگیریی نەتەوایەتی و دینامیزمی کۆمەڵایەتییەوە هەندێک خەساریشی هەبووە کە لێرە ناگونجێ بەسەریاندا بێینەوە.
  • کۆمەڵگەی ئازاد لە سێبەری دێموکراسیدا کۆمەڵگەی ئازاد لە سێبەری دێموکراسیدا
    "ژان ژاک ڕۆسۆ"یش لە وتارێکیدا بە ناوی "ڕێککەوتنی کۆمەڵایەتی" دەقەکەی بەم ڕستەوە دەست پێ دەکات: "مرۆڤ سەرەڕای ئەوەیکە بە سەربەستی لە دایک دەبێت، بەڵام لە هەموو شوێنێکی ئەم دنیادا بندەست و دیلە".
  • خۆپێشاندانەکانی ئێران و پرسی کورد خۆپێشاندانەکانی ئێران و پرسی کورد
    لەو قۆناغەدا کە هێزەکانی رێژیم باوەڕیان بە خۆیان نەماوە و ترسی رووخان هێزی سەرکووتکەری بێ هیوا کردووە، راسانی شارەکانی کوردستان دەتوانێ زۆرترین دەسکەوت و کاریگەریی هەبێ. ئەوە دەرفەتێکە کە گەلی کورد دەتوانێ بۆ پێشخستن و نزیک بوونەوە لە ئامانجەکانی، کەڵکی شیاوی لێ وەربگرێ؛ بە تایبەتی کە لە قۆناغی نوێی خەباتدا، هۆشیاری نەتەوەیی و بەرینایی خەبات لە جاران بەرزتر و بەربڵاوترە.
  • پیلانەکانی بەسیج لە نێو زانکۆکانی کوردستاندا پیلانەکانی بەسیج لە نێو زانکۆکانی کوردستاندا
    لەم نێوانەدا، بەسیج، وەکوو ئامرازی سیخوڕیی حکومەت بەکار براون. بەسیج لە هەموو فەرمانگەیەکی حکومەتی و ناحکومەتی و لە واتایەکی بەربڵاوتر: لە هەموو شوێنێکدا وەکوو ڤایرۆسێک بڵاوبووەتەوە. قوتابخانەکان و زانکۆکانیش لە فیلترینی ئەم شوێنانەن. بەسیجی کوردیش، یان خۆماڵیتر بڵێم: جاشە کوردەکان، وەک باقی بەسیجییەکانی ئێران، ئەرکی تایبەتیان پێ ڕادەسپێردرێت کە بەرچاوترینیان، فرۆشتنی نیشتمان و هاوزمانەکانیانە.
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    زلهێزەکان هاتن و بێ لەبەرچاوگرتنی مافی گەلان، نەخشەی ناوچەکەیان گۆڕی؛ لە ئاکامی ئەم داڕشتنە نوێیە یەکلایەنە و نادادپەروەرانەشدا، هەندێک لە نەتەوەکان لە مافی دامەزرانی دەوڵەتی خۆیان بێبەش کران کە بەرچاوترینیان نەتەوەی کورد بوو. کورد بوو بە یەکەم قوربانی ڕەوتی نوێی نادادپەروەرانەی مێژوو، تەنیا لەبەر ئەوەیکە دروست بوونی دەوڵەتێکی کوردی لەگەڵ بەرژەوەندی ئەم زلهێزانە یەکی نەدەگرتەوە.
  • دەنگی راسانی گەلان نابیستن دەنگی راسانی گەلان نابیستن
    لە رۆژی ٧ی بەفرانباری ١٣٩٦ی هەتاوی و لە دوایین رۆژەکانی ساڵی ٢٠١٧ی زانییندا، بزاڤی مافخوازیی نەتەوەکان و خەڵکانی ئێران دوای چەندین و چەند کۆبوونەوەی ناڕەزایی دەربڕین، وەکوو ڕووبارێکی بەلرفە، بەنداوی کۆت و بەندی هەمەڕەنگی ڕێژیمی رووخاند و لافاوێکی سەرتاسەریی لە ئێراندا وەڕی خست.
  • لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی لوقمان ئەحمەدی: هۆکاری سەرەکی ناسەقامگیری و شەڕ لە ڕۆژهەڵاتی ناویندا گرێدراوە بە بوونی فرە جەمسەری و نەبوونی هاوسەنگی هێز لە لایەک و ڕەقابەتی نێوان وڵاتانی ڕۆژهەڵاتی ناڤین و بەکارهێنانی ئەم شەڕ و ئاڵۆزیانە لە لایەن ئێلیتەکانی نێو وڵاتانی بەشدار بۆ پارستنی
    زلهێزەکانی جیهان، بە تایبەت ڕوسیە و ئامریکا دەیانهەوێ پارسەنگێکی هێز لە ڕۆژهەڵاتی ناوین پێکبهێنن کە سەقامگیر بێ و تێیدا بەرژەوەندی و نفوزی خۆیان پارێزراو بێ. رۆڵی ئامریکا و روسیە چارەنووسساز دەبێ بۆ بارودۆخی داهاتووی ناوچەکە، ئەگەر یەک یان هەردوو لەم وڵاتانە گەرەنتی سەقامگیری و پارسەنگی هێز بدەن بە هاوپەیمان و دۆستەکانی خۆیان لە ناوچەکە ئەو کات ئیمکانی هەیە شێوەیەک لە سەقامگیری دروست بێ.
  • ئاو، کۆڵەکەی ستراتیژی داهاتووی کوردستان ئاو، کۆڵەکەی ستراتیژی داهاتووی کوردستان
    بنەمای گەشەی ئێران لە ڕووی جوغرافییەوە، لەسەر دوو پاژی ناوەندی _فارس و قەراغی _نافارس داندراوە، چون دەوڵەتی مۆدێڕن پێی وابوو تەنیا رێگەی مانەوەی، خوڵقاندنی یەک نەتەوەیە و لە پێناو ئەو ئامانجەش جوغرافیای پاشکەوتوو و پێشکەوتووی خوڵقاند.
  • کرماشان له پەنای بێپەناییدا کرماشان له پەنای بێپەناییدا
    ئەم دۆخە نالەبارە لەپاش زیاتر لە یەک مانگ، هاوکاتە لەگەڵ دەسپێکی سەرما و سۆڵە و بارینی بەفر؛ لەمبارەوە "ئەکبەر سەنجابی" فەرمانداری سەرپێڵی زەهاو باسی لە دۆخی نەشیاوی ژیانی هاووڵاتییان لە نێو خێوەتەکاندا کردووە و وتوویەتی: بەرپرسان دەبێ درک بە بارودۆخی لێقەوماوان بکەن؛ خەڵک بە دژوارییەوە لە ژێر خێوەتی ١٠ میتریدا دەژین!
  • دوکتور قاسملوو، بزاڤی راسیۆنالیزمی سیاسەت لە کوردستاندا دوکتور قاسملوو، بزاڤی راسیۆنالیزمی سیاسەت لە کوردستاندا
    ئەو تایبەتمەندییەی هزری سیاسی کە لە بۆڵەبۆڵ و تەنانەت خواستی سیاسیش جیای دەکاتەوە ئەوەیە کە سیستمێکی واتادارمان پێ دەبەخشێت کە کێشەی کورد لە پێوەندی لەگەڵ کێشەکانی دنیای مودێڕن و لە چوارچێوەی چەمک و دەستەواژەکانی تایبەت بەو دنیایە دووبارە پێناسە دەکاتەوە.
  • داهاتوی ڕەشی ئێران لە دەلاقەی بوودجەی ساڵی داهاتوودا داهاتوی ڕەشی ئێران لە دەلاقەی بوودجەی ساڵی داهاتوودا
    ئەگەر ئەرکی سپای قودس بە دەرکەوتنەکانی قاسم سلێمانی لە ناوچەدا هەژمار بکەین ڕوون و ئاشکرایە کە لە هەر کوێ شەڕ و نائارامی هەبێت، ناوبراویش لەوێیە؛ واتە سامانی وڵاتێکی وەک ئێران و کوردستان بۆ شەڕئەنگێزی و تیرۆر کەڵکی لێوەردەگیرێت و ئەوەش بەئاشکرا و بەیاسا دەیکەن.