• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٨ی فێڤریەی ٢٠١٨ی زایینی - ٢٩ی رێبەندانی ١٣٩٦ی هەتاوی  

تكایە با شكستی دوژمن نەكەین بە سەركەوتن!!!

زایینی: ٢٣-٠٧-٢٠١٦ - هەتاوی: ١٣٩٥/٠٥/٠٢ - ١٨:١٠ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
تكایە با شكستی دوژمن نەكەین بە سەركەوتن!!!
هەژار ڕەحیمی

دوای راگەیاندنی دەستپێكی وەرزێكی نوێ‌ لە خەبات لە لایەن حیزبی دیمۆكراتی كوردستانی ئێران و پاش ئەوەی كە لە یەكەمین هەنگاوەكانی جێبەجێكردنی ئەو بەرنامەیەدا، چەندین تێكهەڵچوون لە نێوان پێشمەرگەكانی حیزبی دیمۆكراتی كوردستانی ئێران و سپای ترۆریستی پاسداراندا هاتنە ئاراوە، كۆماری ئیسلامی تووشی شكستێكی گەورە بوو و شۆكێكی مەزنی وێكەوت. ئەو شكست و شۆكە مەزنە جگە لە تێكشكانە سەربازییەكەی، بەشێكی مەزنتری دەرەنجامی ناكام مانی زیاتر لە بیست ساڵ بانگەشەو پڕوپاگەندەی پڕ لە درۆ و چەواشە بوو.

ئێمە لە ماوەی زیاتر لە بیست ساڵ، شاهیدی زۆرێك لەو چیرۆك چنینانە بووین، كە ئاماژەیان بۆ نەمانی شۆڕشِ و هزری شۆڕشگێڕانە، زاڵبوونی حەزی ژیاندۆستی و پشت كردنە شۆڕش و بەهاكانی شۆڕش، زیادبوونی كەلێنی نێوان نەوەكانی شۆڕش و نامۆبوونی قەڵەم بە چەك و چەك بە قەڵەم لە ناو ئەم شۆڕشەدا، دەكرد. بەڵێ‌، لە یەكەمین رووبەڕووبوونەوەی بەرگریكارانە و لە یەكەمین حەماسەی قارەمانانەی پێشمەرگە و لە یەكەمین ئاوێتەیی خوێنی نەوەكانی شۆڕش و لە یەكەمین بڵێسەی پراكتیكی شۆڕشگێڕی دوای راسان و لە یەكەمین چیرۆكە نوێكانی كەم ژیان و كەڵ ژیان و لە یەكەمین شەهید بوونی پڕ لە ئیمانی چەك و قەڵەم لە باوەشی یەكدا، كۆماری ئیسلامی تووشی شكست و شۆك بوو. شكست و شۆكێك كە بۆی چاوەڕواننەكراو بوون.

كۆماری ترسنۆك و ترۆریستی پەت و سێدارە، كە هەم لە رووی سەربازی و هەم لە رووی راست دەرنەچوونی بانگەشە و گوتار و چیرۆكە درووستكراوەكانی لانی كەم بیست ساڵی رابردوویەوە، كە بەشێكی كاریگەر لە پێكهاتەی گوتاری ئەو سیستەمەیان سەبارەت بە بزووتنەوەی كورد پێكدەهێنا، توشی شكست ببوو، زۆر لە جاران زیاتر و لە ئاستێكی بەرفراوانتردا، لە ترسی لەناوچوون و شێوانی دوورگە ئارامەكەی و هەرچی زیاتر زەلیل و رسوابوونی، هاوكات لە گەڵ ئامرازەكانی دیكەی سەركوت، پەنای بردووەتە بەر شەڕێكی دەروونی لە گەڵ تاكەكانی ناو بزووتنەوەی رزگاریخوازی كورد و بەو پەڕی تواانای خۆیەوە، هەوڵی بەلارێدابردنی ناسنامەی ئەم شۆڕشە و دڵساردكردنەوەی تاكەكانی دەدا.

بە درێژایی مێژوو، شەڕی دەروونی، بەشێكی كاریگەر بووە لە ئامرازی دەستی لایەنە دژبەرەكان بۆ رووبەڕووبوونەوەی یەكتری. بەڵام هیچكات ناتوانین ئەوەش لە بەرچاو نەگرین، كە شەڕی دەروونی لایەنە دژبەرەكان، زۆربەی جارەكان ئەو كاتە زیاتردەستپێدەكات، كە هەست بە بێ‌ هێزی خۆیان دەكەن. ئیتر لێرەوە سەرنجێكی زیاتر و هێزێكی زیاتری دەخەنە سەر و دەیكەنە بەشێكی زۆركاریگەر لە میكانیزمی رووبەڕووبوونەوەی یەكتری. كە ئەم حاڵەتە لە پێوەندی لە گەڵ هەل و مەرجی نوێی كۆماری ترۆریستی ئیسلامیدا زۆر زیاتر دەردەكەوێ‌. ئەوەی كۆماری ئیسلامی ئێران دەیكا، لە هێزەوە نییە، بەڵكو لە بێهێزیەوەیەتی.

ئێستا ئەوەی روونە ئەوەیە، كە ئەو سیستەمە دەستی داوەتە وەها شەڕێك و رۆژ نییە ئێمە شاهیدی چیرۆكی هەڵەبستراو و هەوالێ‌ پڕ لە درۆ و چەواشە نەبین. كەواتە ئەركمانە رووبەڕووی بینەوە. كۆماری ئیسلامی بە هەبوونی دەسەڵاتێكی زۆری میدیایی و بارێكی ئابووری بەهێز(بۆ ئەو مەبەستە شەڕەنگێزانەیە) بۆ فەندكردن و پشتیوانی كردنی ئەو شەڕە دەروونییە، دەتوانێ‌ مەودای دەسەڵاتی خۆی لە پانتاییەكی فراواندا، بە تایبەت لە ئێران بە شێوەیەكی گشتی و كوردستان بە شێوەیەكی تایبەت، پەرەپێبدات و تەونی زانیاری هەڵە و پڕ لە چەواشە بۆ تاكەكانی كۆمەڵگا بتەنێت. ئەگەرچی كەوتنە ناو داوی ئەم تەونە پڕ لە چەواشەیە، بۆ هەر تاكێك مەترسیدارە و رەنگە بەشێك لە وزە و هزری شۆڕشگێڕیی كەمڕەنگ بكاتەوە، بەڵام كەوتنە ناو داوی ئەوانەی كە بڕیاری ئەوەیان داوە ببنە داینەمۆی گۆڕانی مێژوو و بە كردەیی بەرجەستەكەریی هێزی بنیاتنەری مێژوون، زۆر مەترسیدارترە. كۆماری ئیسلامی بەشێكی زۆری ئامانجەكەی لەمەدا چڕ كردووەتەوە و بە هەر شێوەیەك بووە هەوڵدەدات، كە زانیارییەكانی ئەم شەڕە دەروونییە بكاتە بەشێك لە سیستەمی زانیاری ئەو توێژە، تا لەم رێگەیەوە باوەڕی شۆڕشگێڕی و شێلگیرییان لەرزۆك بكات.

كۆماری ئیسلامی بە مەبەستی خزاندنی زانیاری و هەواڵە پڕ لە چەواشە و درۆینەكانی بۆ ناو ئەو توێژە(خەڵكانی مێژووساز)، لە چەند شتێك كەڵك وەردەگرێ‌، كە من لە سێ‌ بابەستی سەرەكیدا، دەیانخەمە بەرچاو:
١ــ شەفافییەت

ئەگەرچی كۆماری ئیسلامی بەو دەسەڵاتە سەركوتكەرەی كە هەیەتی و بە ئامرازێكی زۆر كە لە بەردەستیدایە، دەتوانێ‌ بە زۆر شت رابگات، بەڵام بەوپەڕی دڵنیاییەوە دەتوانم بڵێم، بەشێكی مەزن لە كەرەستەی ئەم شەڕە دەرووونییەی، كە بەرامبەر بە بزووتنەوەی كورد دەیكات، شەفافیەتی ئێمەیە بۆ دەربڕین و نیشاندانی راستییەكانی تایبەت بە ژیان و شۆڕشی خۆمان. ئێمە بە هۆی ئەو سەردەمەی كە تێیداین و بە هۆی ئەو گۆڕانكارییەی، كە سەبارەت بە هەندێ‌ چەمك و بەهای وەك ئازادی و دیمۆكراسی و شۆڕشی زانیاری و ....هتد، هاتووەتە ئاراوە، بە بێ‌ ئەوەی كە سەیری دوژمن و بەرامبەرەكانمان و هێز و توانای داپلۆسین و رەهەندە بێ‌ ئەخلاقییەكەیان بكەین، ئەوەی كە پەیوەستە بە ژیان و خەباتمانەوە، دەیهێنینە سەر زار و زمانان. دواتریش چیرۆك داڕێژانی دەرباری ویلایەت، بەو توانایەی كە لە هۆنینەوەو چنینی داستان و چیرۆك هەیانە، هەمیشە هەوڵدەدەن لە سەر بنەمای ئەوەی ئێمە دەیڵێین، بابەتێك هەڵكڕێنن و ئینجا دەست دەكەن بە داڕشتنی چیرۆكی سەیر و سەمەرە، بە جۆرێك كە هەركەس بیانخوێنێتەوە، وەك راستی بكەونە بەرچاوی. كۆماری ئیسلامی بەو هەموو هێزە سەركوتكەر و ئامرازە جۆراوجۆرانەوە كە هەیەتی، لە ئێستاشدا یەكێكە لە داخراوترین كۆمەڵگاكان و بە تەواوی هەموو شتێك سانسۆر دەكات و بە نهێنی دەیانهێلێتەوە. كەواتە ئەوە بۆ ئێمە، كە لە گەڵ رێژیمێكی وەها ترۆریست و سەركوتكەر و نامۆ بە هەموو بەها مرۆییەكان بەرەوڕووین، رەوایە و دەبێ‌ لەمبارەوە بە جۆری تێڕوانینی خۆمان سەبارەت بە شەفاف بوون، بچینەوە. بەتایبەت پێویستە نەكەوینە ناو ئەو گفتوگۆ و دەمەقاڵێیانەوە، كە دەتوانن زۆر شت بۆ دوژمن، ئاشكرا بكەن.

٢ــ حەزی زوو بڵاوكردنەوە و یەكەم بوون

رێژیمی ترس و تۆقاندن، وەك هەر سیستەمێكی تری ترۆریست، ئامانجی سەرەكی لەم شەڕە، بەدیهێنانی ترس و گواستنەوەی دڵەڕاوكێ‌ و ساردكردنەوەی مرۆڤە ئازادیخوازەكانە، لە وەدواكەوتنی خەون و خولیاكانیان. بۆیە زۆربەی جارەكان هەواڵەكان بە جۆرێك دادەڕێژێت و وەها ئەفسوونی دەسخەڕۆكردنیان تێدا جێ‌ دەخات، كە بەداخەوە هەندێك كەس خۆیانی لە بەرامبەردا راناگرن و وەك ئەوەی هەنگوینیان لە كونەدا دۆزیبێتەوە، بۆی لە قاو دەدەن. باشترین رێگەچارەش بۆ رووبەڕووبوونەوەی ئەم رەهەندە ئەوەیە، كە بایكۆت بكرێن و هەوڵبدرێ‌ نەهێلرێ‌ مەودای بڵاوكردنەوەی هەواڵەكانیان لە چوارچێوەی دنیای پڕ لە درۆو چەواشەی خۆیان، زیاتر بچێت. ئەگەر چاوێك بە رابردووی پڕ درۆ و چەواشە و جەعل و بێ‌ ئەخلاقی ئەو سیستەمە ترۆریستە بخشێنینەوە، بەو باوەڕە دەگەین، كە چەندە بێ‌ مانایە پشت بەستن بە زانیاری و هەواڵی سیستەمێك، كە بناغەكەی لە سەر جەعل و تەزویر بنیات نراوە.

٣ــ ورووژاندنی هەست و سۆز و حەزی بەرامبەر

كۆماری ئیسلامی زۆر بە باشی دەزانێ‌، كە زانیارییەكانی ناتوانن بە ئاسانی ببنە بەشێك لە پێكهاتەی سیستەمی زانیاری دژبەرەكانی. زۆر بە باشی ئەوەش دەزانێ‌ كە هەمووان لە رادەی تەزویر و درۆ و هەڵبەستراوەكانی ئاگادارن. بۆ ئەوەی كە بە سەر ئەم حاڵەتەشدا زاڵ بێت و رێگایەك بۆ خۆی بكاتەوە و بچێتە ناو سیستەمی زانیاری دژبەرەكانی، هەوڵدەدات بە هەندێك دانپێدانان( زۆربەیان بەرهەمی شەفافیەت و هەڵوێست و رای ئاشكرای خۆمانن)، كە ئەگەرچی بە پێچەوانەی شێوەی كاری رابردووی سیستەمەكەشی هەن، كار لە سەر هەست و حەزی دژبەرەكانی بكات و بچێتە ناویانەوە. ئەوەی پێویستە بیزانین ئەوەیە، دانپێدانانی كۆماری ئیسلامی بە سەركەوتن و ئیرادە و هێزی ئێمە، ژەهرێكی بە هەنگوین رووپۆشكراوە. ئەو لەم رێگەیەوە دەیەوێ‌ بێتە ناومانەوە و دواتر رێگە بۆ راست وەرگرتنی زانیارییە پڕ چەواشەكانی دیكەشی بكاتەوە و لەرزۆكمان بكات و لە ئیرادەمان بدات.

لەم رێگەیەوە دەیەوێ‌ كەلێنێك لە دنیای ریوایەتەكانی ئێمەدا بكاتەوە و خۆی بخزێنێتە ناومانەوە. بەو رادەیەش كە هاتە ناومانەوە و ریوایەتەكانی بە هەند وەرگیران، ریوایەتی ئێمە لەرزۆك و كەم كاریگەر دەبێت. ئەم كارە ئەگەرچی زۆربەی كاتەكان بە بێ‌ ئاگایانە ئەنجام دەدرێت، بەڵام گەورەترین سەركەوتن بۆ كۆماری ئیسلامی دەستەبەر دەكات و رێگا خۆش دەكات بۆ باوەڕهێنان بە دنیا چەواشەكەی. بابەتێك كە بۆ كۆماری ئیسلامی گەورەترین سەركەوتنە.

وانەیەك و تراژیدییەك لە شەڕی دەروونی:

دەڵێن ئەسكەندەری مەقدونی دوای داگیركردنی هەر شوێنێك، هێزێكی لێ‌ بەجێ‌ دەهێشت بۆ پاراستنیی. تا وای لێهات بە هۆی زیادبوونی شوێنە داگیركراوەكان، هێزەكەی خەریك بوو بێ‌ هێز دەبوو و بەمشێوەیە ترسی لێ‌ نیشت، كە ئەگەر بێت و دژبەرەكانی وەدوای كەون، شكستی پێدێنن. تا بڕیاری دا پاشەكشە بكات و هێزەكانی خۆی كۆبكاتەوە. بەڵام بۆ ئەوەی كە دژبەرەكانی نەوێرن وەدوای بكەون، فەرمانی كرد بە وەستایانی چەك و چۆڵ، كە هەندێك قەڵغان و خودەی سەربازی زیاد لە ئاست گەورە درووست بكەن، بۆ ئەوەی كە ئەگەر وەدوایان كەوتن، وا هەست بكەن ئەمە هێزی دێو و درنجی زەبەلاحەو بەم شێوەیە نەوێرن بەدوایاندا بچن. كە دواجار سەركەوتووش بوو.

كۆماری ئیسلامیش بەو هەموو هێز و دەسەڵاتە سەركوتكەرەوە كە هەیەتی، بەردەوام خەریكی چنینی چیرۆكی سەیر و سەمەرە و دوور لە راستییە سەبارەت بە سیخوڕەكانی و قەتیش نەمان دیتوە، یەكێك لەو سیخوڕانە ئەركەكەی تەواو بووبێت و گەڕابێتەوە و ئاشكرا بووبێت!!! كەچی ئێمەش كاتێك تیمێكی پێشمەرگەمان دەچێتەوە، هەنگاو بەهەنگاو نیشانی دەدەین و كە دەشگەڕێنەوە، بە فیلمی ڤیدیۆیی نیشانیان دەدەین، تا بە كۆماری ئیسلامی و جاش و بەكرێگیراو و سەربازەكانی بڵێین، ئاسودە بخەون، مەترسیتان لە سەر نەما!!!!

بە كورتییەكەی ئەوەیە، كە كۆماری ئیسلامی زۆر بە باشی دەزانێ‌ تووشی چ شكستێكی گەورە و چ شۆكێكی مەزن بووە. دەزانێ‌ كە سەرەڕای هەموو بانگەشە چەواشەكانی، هێزێكی بە ئیرادەی مێژووساز لە بەرامبەریدا هەیە و دەتوانێ‌ بیكێشێتە ناو ململانێوە. دەزانێ‌ سەركەوتنی پێوەندی دینامیكی نێوان رێبەری ئەم بزووتنەوەیە و خەڵكەكەی چەندە و چەندە خوازیاری رزگاری و ئازادین و چەندە عەوداڵی درووشمی كەم ژیان و كەڵ ژیانن، بۆیەش پەنا دەباتە بەر وەها شەڕێكی دەروونی و هەوڵدەدات، لە ئیرادەی شۆڕشگێڕانەی تاكەكانی ئەم كۆمەڵگایە بدات. كەواتە با هەوڵبدەین لەم مەیدانەشدا، هەروەكو مەیدانی پڕ سەروەریی و نەبەردی پێشمەرگە قارەمانەكان، بێجگە لە ناكامی، هیچی تری بۆ نەهێلێنەوە.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.