• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی سێپتامبری ٢٠١٧ی زایینی - ٣٠ی خەرمانانی ١٣٩٦ی هەتاوی  

ئاگادارییەک لە کۆمیتەی ئامادەکاری کۆنگرەی شازدەهەمی حیزبی دێموکراتی کوردستانی ئێرانەوە

زایینی: ١٦-٠٩-٢٠١٦ - هەتاوی: ١٣٩٥/٠٦/٢٦ - ١٤:١٥ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
ئاگادارییەک لە کۆمیتەی ئامادەکاری کۆنگرەی شازدەهەمی حیزبی دێموکراتی کوردستانی ئێرانەوە
کوردستان میدیا: کۆمیتەی ئامادەکاری کۆنگرەی شازدەهەمی حیزبی دێموکراتی کوردستانی ئێران ئاگادارییەکی ڕوو لە هاونیشتمانیانی کوردستان و خەمخۆرانی خەباتی نەتەوەیی دێموکراتیکی کوردستان بڵاو کردەوە.

دەقی ئاگادارییەکە:

هاونیشتمانیانی ئازیز،
دڵسۆزانی خەباتی ڕەوای نەتەوەیی دێموکراتیکی کوردستان،


حیزبی دێموکراتی کوردستانی ئێران لەبەردایە کە لە چەند مانگی داهاتوودا، لە ڕەوتی پرەنسیپە دێموکراتیکە جێگرتووەکانی نێو شێوازی خەبات و تێکۆشانی‌دا، کۆنگرەی شازدەهەمی خۆی بەڕێوە ببا.

هەر وەک هەموو لایەک دەزانن، ناوچەی ڕۆژهەڵاتی نێوەڕاست لە بارودۆخێکی زۆر هەستیار و بارگاوی بە زۆر ڕووداو و ئاڵوگۆڕە و کوردستانی ڕۆژهەڵاتیش لە ئێستای ئاڵوگۆڕەکاندا پێویستە کە جێگە و پێگەی شیاوی خۆی دیاری و دەستنیشان بکات و هەر وەک ڕای گشتییش ئاگادارن، کە حیزبی دێموکراتی کوردستانی ئێران، لەم چەند ساڵەی دواییدا بڕیاری دیکەی بۆ درێژەدانی جیاواز بە خەبات و تێکۆشانی خۆی داوە و بڕیاری داوە کە ئامادەبوونی پێشمەرگە لە نێو کوردستانی ڕۆژهەڵاتدا درێژە بدا و بەردەوام بێ لە سەر ئەو شێوەیە بۆ گرێدانی خەباتی شار و شاخ.

لە وەها دۆخ و بەستێنێکی سیاسی‌دا، بەپێی ڕەوتی دێموکراتیک و بە لەبەرچاوگرتنی پێویستییەکانی خەبات و تێکۆشان، حیزبی دێموکرات کۆنگرەی شازدەهەمی خۆی دەبەستێ و کۆمیتەی ئامادەکاری کۆنگرەی شازدەهەمی حیزبی دێموکرات داوا لە هەموو دڵسۆزانی خەباتی ڕەوای کورد، و لە هەموو دۆستان و دڵسۆزانی حیزبی دێموکرات و هەموو کادر و پێشمەرگە و ئەندام و لایەنگرانی حیزبی دێموکراتی کوردستانی ئێران دەکات کە؛ لە پێوەندی لەگەڵ سیاسەت و بەرنامەکانی حیزبی دێموکرات و کارە پێوەندیدارەکان بە کۆنگرەی ئەم حیزبە، ڕا و بۆچوون و سەرنج و ڕەخنە وپێشنیارەکانی خۆیان بۆ کۆمیتەی ئامادەکاری کۆنگرە بنێرن.

لەو پێوەندیەدا پێویستە ئاماژە بە چەند پێویستی بدەین:

یەکەم: هەموو بابەت و ڕا و پێشنیارەکانتان بە کۆمیتەی ئامادەکار دەدرێ و کەڵکی پێویستی لێ وەردەگیرێ، و هەروەها گەر شتێکی نەشیاو، یان سووکایەتی بە کەس و لایەنێک، و یان زانیارییەکی ئەمنیەتیی تێدا نەبێ، وەکوو خۆیان بە بێ دەسکاری لە ماڵپەڕی کوردستان‌میدیادا بڵاو دەکرێنەوە.

دووهەم: داوامان ئەوەیە کە بابەتەکان کورت و ئەوپەڕەکەی لە ٨ لاپەڕەی A4 تێنەپەڕێ، تاکوو هەم لە توانا و حەوسەڵەی خوێنەرانی ماڵپەڕ دەرنەچێ، و هەم لە مانگەکانی داهاتوودا نوێنەرانی کۆنگرەی حیزبیش بتوانن کەڵکی لێ وەربگرن.

سێهەم: هەوڵ بدرێ کە نووسینەکان، وێڕای ئاماژەی بەڵگەمەند و لۆژیکی و مەنتقی بۆ سەرچاوەی بابەتەکان، پێشنیاری ڕوون و کۆنکرێتی بۆ چارەسەر و گرتنەبەری ڕێگا تێدابێ.

چوارەم: ماوەی ناردنی بابەتەکانتان هەتا کۆتایی مانگی خەزەڵوەری ١٣٩٥ی هەتاوی، دەبێت.

وێڕای داواکردنەوە لە هەموو ئێوەی ئازیز بۆ ئەوەی بە سەرنج و ڕا و بۆچوون و ڕەخنە و پێشنیارەکانتان، هەم یارمەتیدەری ئێمە بن بۆ بردنە پێشی باشتری کارەکان، و هەم بە بیر و هزری هەموومانەوە بتوانین کۆنگرەی شازدەهەمی حیزبی دێموکرات بکەین بە کۆنگرەیەکی مێژوویی بۆ تێپەڕاندنی قۆناخە دژوارەکان و نزیک کردنەوەی هیوای سەرکەوتنی گەلەکەمان.

بۆ ناردنی بابەتەکانتان دەتوانن بۆ ماڵپەڕی "کوردستان‌میدیا"ی بنێرن، یان بەم ئادرەس ئیمەیلە بۆ کۆمیەتی ئامادەکاری کۆنگرەی شانزدەیەمی حیزبی دێموکراتی کوردستانی ئێرانی بنێرن:

[email protected]

سەرکەوتن بۆ خەباتی رەوای نەتەوەیی دێموکراتیکی کوردستان

کۆمیتەی ئامادەکاری کۆنگرەی شازدەهەمی حیزبی دێموکراتی کوردستانی ئێران

٢٦ی خەرمانانی ١٣٩٥
١٦ی سێپتامبری ٢٠١٦


بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٠٨ لەم ژمارەیەدا:

ــ توتالیتاریزم و کۆمەڵگا
ــ شار جمەی دێ
ــ خاکی سووتاووەک تاکتیک یان ستراتێژی؟
ــ کرماشان، لانکەی کولتوور و ژیاری مرۆیی لە کوردستان
  • کاوە بەهرامی: ڕاسان هێمای خەباتی ڕۆژهەڵاتە و رێژیم بە گەورەترین مەترسی بۆ سەر مانەوەی خۆی دەزانێ کاوە بەهرامی: ڕاسان هێمای خەباتی ڕۆژهەڵاتە و رێژیم بە گەورەترین مەترسی بۆ سەر مانەوەی خۆی دەزانێ
    چالاکانی سیاسی لەو باوەڕەدان، ناوەندە ئەمنییەکان و سوپای پاسداران لە ماوەی چەندین ساڵی رابردوودا بە بەڕێوەبردنی مانۆڕ و میلیتاریزە کردنی ناوچە کوردنشینەکانی ئێران، ویستوویانە سیمایەکی نائەمن لە ناوچە کوردنشینەکان نیشان بدەن و بەو هۆیەشەوە هەتا ئێستا بە شێوەی پلان بۆداڕێژراو پیشیان بە گەشە سەندنی ئابووری ناوچە کوردنشینەکان گرتووە.
  • ڕەساڵەتی تەنز له شێعری \ ڕەساڵەتی تەنز له شێعری "مەلا مارف کۆکەیی"دا
    ته‌نز یه‌کێک له شێوازە کاریگه‌رەکانی ئاخاوتنی ئه‌دەبی و هونه‌رییه. ئه‌م شێوازه ئاخاوتنه یه‌کێک له لقەکانی ئه‌دەبیاتی ڕەخنه‌گرانه و کۆمەڵایه‌تییانه‌ به ئه‌ژمار دێت.
  • خاکی سووتاو وەک تاکتیک یان ستراتێژی؟ خاکی سووتاو وەک تاکتیک یان ستراتێژی؟
    تێکدانی سرووشتی کوردستان بەمەبەستی تێکدانی ژیانی خەڵک و دەربەدەرکردنیان دەکرێ؛ بۆیە دەبێ ئەو سیاسەتە چەپەڵ و گەماڕەی داگیرکەران هەرچی زیاتر لەقاو بدرێ و پێش بەو وێرانکارییە بگیردرێ. ئەو سیاسەت و پیلانانەی دوژمن لە پێش هەموو شتێکدا دژی زاگۆن و کونوانسیۆنەکانی نەتەوەیەکگرتووەکان و بەتایبەتی کونوانسیۆنی مافی مرۆڤە.
  • کرماشان، لانکەی کولتوور و ژیاری مرۆیی لە کوردستان کرماشان، لانکەی کولتوور و ژیاری مرۆیی لە کوردستان
    لە سەدەی سێیەمی کۆچیدا کرماشان لە چوارچێوەی دەسەڵاتی "سەفارییەکان"دا بووە، بەڵام گرووپێک لە شیعە کوردەکانی کرماشان بەناوی "حەسەنویە" (حکوومەتی ئالی حەسەنویە)یان دامەزراندووە کە نزیکەی نیو سەدە لەوێ دەسەڵاتیان هەبووە.
  • سیاسەتەكانی كۆماری ئیسلامی بۆ ڕەخساندنی دۆخی ئانۆمی لە كوردستان سیاسەتەكانی كۆماری ئیسلامی بۆ ڕەخساندنی دۆخی ئانۆمی لە كوردستان
    ئەگەر ڕێگای ئەوەشمان پێ بدرێت كە بتوانین وەك گریمانەیەك سیاسەت لە دەرەوەی پانتایی كۆمەڵایەتی دابنین بۆ ئەوەی بتوانین پەیوەندی نێوان ئەم دووانە لە ئاستی ئانۆمیدا شی بكەینەوە، پێویستە بڵێین دوای هەر گۆڕانێكی بناغەیی لە كۆمەڵگا نۆڕم و بەها كۆمەڵایەتییەكان بە شێوەیەكی بنچینەیی دەگۆڕێن و نۆڕم و بەهای كۆمەڵایەتی نوێ جێگایان دەگرنەوە.
  • سەرنجێک لە بایەخ و دیاردە مودێڕنەکان لە ئێراندا سەرنجێک لە بایەخ و دیاردە مودێڕنەکان لە ئێراندا
    ئەوە حاشاهەڵنەگرە کە کۆمەڵگەی مەدەنیش وەک زۆرینەی بەها ئەوڕۆییەکان چەمکێکە کە لەسەر دیاردەیەکی بەرهەست و عەینی لە نێودڵی کۆمەڵگەی رۆژئاوایی هاتووەتە دەر.
  • توتالیتاریزم وكۆمەڵگا توتالیتاریزم وكۆمەڵگا
    هەربۆیە ئیدی ڕێبەر دەبێتە ئەفسانە و بەقەولی "ئینیا تسیۆسیلۆنێ" كە لە كتێبی مەكتەبی دیكتاتۆرەكان‌دا دەڵێ: «ڕێبەر دەبێتە ئەفسانەی تاكی خۆبە زلزان .» جارێك دەبێتە "سێبەری خودا" و جارێك دەبێتە "نوێنەرو جێبەجێكاری فەرمانی خودا".
  • ئامانجە شاراوەکانی پشت رێککەوتنەکەی نێوان حیزبوڵڵای لوبنان، رێژیمی ئەسەد و داعش ئامانجە شاراوەکانی پشت رێککەوتنەکەی نێوان حیزبوڵڵای لوبنان، رێژیمی ئەسەد و داعش
    ٥- پاش ئەوەی کۆریدۆری تاران - بەیروت لەلایەن ئەمریکا و ئیسرائیلەوە تێک درا بۆ ئەوەی رێگایەکی وشکانی بەرەو هاوپەیمانەکانی و بەرەو دەریای سپی ناوەراست بۆ خۆی بکاتەوە_ هەرچەند ئەو کۆریدۆرە پێشتر لەلایەن سەرۆکی هەرێمی کوردستانەوە تێکدرا لەوەی کە ئیزنی بە ئێران نەدا لە رێگای کوردستانەوە رێرەوێک بەرەو سوریا بکاتەوە_ ئێستا دەیهەوێ بە بەهانەی هێزەکانی داعش لە رێگای حەشدی شەعبییەوە ئەو رێگایە بەرەو لوبنان بکاتەوە کە گومانم هەیە لەمەشیاندا بەئاسانی بتوانێ ئەو پلانەی جێبەجێ بکات چونکە لەمێژە ئەمریکا بەو خەونەی ئێرانی زانیوە.
  • گەورەترین لەمپەری سەر ڕێگای ئێران بۆ سازکردنی هیلالی شیعی و پەرەدان بە تووندرەویەکان بوونی هێزی سەربازی ئامریکایە گەورەترین لەمپەری سەر ڕێگای ئێران بۆ سازکردنی هیلالی شیعی و پەرەدان بە تووندرەویەکان بوونی هێزی سەربازی ئامریکایە
    ئەگەرچی هیلالی شیعی بۆتە هۆی کۆنترۆڵی وڵاتانی عەرەبی و کێبڕکێ چەک‌وچۆڵییەکان بە قازانجی کۆمپانیا ئامریکاییەکان شکاوەتەوە و ئەوەش رەوایی بە مانەوەی درێژماوەی ئامریکا دەبەخشێت بەڵام بە دوو هۆکار ئامریکا ئەوە بە قازانجی درێژماوەی خۆی نابینێت.
  • دەوڵەتی موازی؛ كاریگەرترین پیلانی ڕێژیم بۆ مانەوه له دەسەڵات به هەر نرخێک بێ دەوڵەتی موازی؛ كاریگەرترین پیلانی ڕێژیم بۆ مانەوه له دەسەڵات به هەر نرخێک بێ
    بەڵام له دوای شەڕ هەست به كەڵك و بەكارهاتوویی ئەو هێزه كرا، چۆن ئەو هێزە له قوڵایی خەڵكەوه و له ناوچه جیاجیاكانی وڵات وەكوو بەلووچستان، باکوور و باشوور و كوردستان پێکهاتبوو و هەروەها ئەو لاوازیەی کە ئەرتەش هەیبوو ئەو هێزە نەیبوو و سەرەڕای ئەوەش سپای پاسداران هێزێکی ئیدئۆلۆژیک بوو.
  • شار جمەی دێ شار جمەی دێ
    ئەمە یەکەم سووکایەتی و ستەم نەبوو و دوایینیشیان نییە، بەڵام ستەمکاریەکە ئەوەندە روون و ئاشکرا بوو کە خوێنی خەڵکی وەجۆش هێنا و لە کردەوەیەکی مەدەنی و ئاشتیخوازانەدا شاریان داخست و چوونە بەردەم فەرمانداری تاکوو داوای دادپەروەری بکەن.
  • حەسەن شەرەفی: ئەوانەی ڕێژیمی ئێران پێی دەڵێت شەیتانی گەورە و دوژمن، بە کردەوە دەبنە جیرانی کۆماری ئیسلامیی ئێران حەسەن شەرەفی: ئەوانەی ڕێژیمی ئێران پێی دەڵێت شەیتانی گەورە و دوژمن، بە کردەوە دەبنە جیرانی کۆماری ئیسلامیی ئێران
    سەردانی سوپاسالاری ئێران بۆ تورکیە، ئامانج و بەرنامەیان لەو کاتە هەستیارەدا مژاری دیمانەی ئەمجارەی کوردستانە لەگەڵ بەڕێز حەسەن شەرەفی، جێگری سکرتێری گشتی حیزبی دێموکراتی کوردستانی ئێران کە سەرنجتانی بۆ ڕادەکێشین.
  • سەربەخۆیی باشوور وەک دەرفەتێک بۆ دەوڵەتسازی و دێموکراسیی سەرکەوتوو سەربەخۆیی باشوور وەک دەرفەتێک بۆ دەوڵەتسازی و دێموکراسیی سەرکەوتوو
    هەوڵێکی وا دەتوانێ دوو سوودی هەبێ: لەلایەک، بە دەسنیشان‌کردنی لێکچوون و جیاوازییەکانی باشووری کوردستان لەگەڵ وڵاتانی دیکە، دەتوانین باشتر ڕاڤەی ئەو مەسەلەیە بکەین، لەلایەکی دیکەوە، دەشێ بەرچاوڕوونی لەمەڕ قۆناغەکانی پاش سەربەخۆیی باشووری کوردستان وەدەست بێنین.
  • هەڵسەنگاندنێک لەسەر \ هەڵسەنگاندنێک لەسەر "ڕاسان" و "دەروونی کوردستانی ڕۆژهەڵات"
    بۆ هەڵسەنگاندنی ئەوە کە هەتا ئێستا ڕاسان هەتا چ ڕادەیێک تێکەڵ بە دەروون یان ڕەوانی خەڵکی شەقامی کوردستانی ڕۆژهەڵات لە ناوخۆدا بووە ناچارم مێژویێکی کورتی ڕابردوو بهێنمەوە بەرباس کە لانیکەم لەم شارە کە من تێیدا دەژیم لە دەرونی مرۆڤەکان وخەڵکی تا ڕادەیێک جێگای خۆی کردبوویەوە.