• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
١٩ی فێڤریەی ٢٠١٨ی زایینی - ٣٠ی رێبەندانی ١٣٩٦ی هەتاوی  

مستەفا هیجری: بەرهەمی شێوەی دەسەڵاتداریی ڕێژیمی ئێران هەژاری، بێ مافی، نەبوونی ئازادی، شەڕی فیرقەیی، تیرۆر، وێرانی و نفووزی ڕێژیم بە تایبەت لە ناوچەی خۆرهەڵاتی نێوەڕاست دایە

زایینی: ١٨-١٠-٢٠١٦ - هەتاوی: ١٣٩٥/٠٧/٢٧ - ١٢:٢٢ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
مستەفا هیجری: بەرهەمی شێوەی دەسەڵاتداریی ڕێژیمی ئێران هەژاری، بێ مافی، نەبوونی ئازادی، شەڕی فیرقەیی، تیرۆر، وێرانی و نفووزی ڕێژیم بە تایبەت لە ناوچەی خۆرهەڵاتی نێوەڕاست دایە
کوردستان میدیا: مستەفا هیجری سکرتێری گشتیی حیزبی دێموکراتی کوردستانی ئێران، لە سەر بارودۆخی کوردستانی ڕۆژهەڵات لە پاڕلمانی ئورووپا قسەی کرد.

دەقی وتەکە:

ئیدئۆلۆژی و تێروانیینەکانی بۆ جیهان، هەڵسووکەوتی لەگەڵ گەلانی نێوخۆی وڵات و لەگەڵ تاکی جیابیر، هژموونیخوازی لە دەرەوەی وڵات لە چوارچێوەی هەناردەکردنی شۆڕشە و لەو ڕاستایەدا هەوڵدانی چەندین ساڵەی بۆ دەستڕاگەیشتن بە چەکی ئەتۆمی، و زۆر بەرنامەی دیکەی ڕێژیمی کۆماری ئیسلامیی ئێران لە ماوەی ٣٧ ساڵ دەسەڵاتداریدا، سەلماندوویەتی ئەوان وا بیر دەکەنەوە کە هەموو مافەکان لە لای ئەوانن، چوونکە ئەوان نوێنەری حکوومەتی خودان لە سەر زەوی و باقی خەڵک ئەرکی سەرشانیانە گوێ ڕایەڵی ئەوان بن و بەپێی ڕێنوێنی و دەستووراتی ئەوان هەڵسووکەوت بکەن.

بەرهەمی ئەو شێوە دەسەڵاتداریە هەژاری، بێ مافی، نەبوونی ئازادی، پەرەگرتنی ڕۆژبەرۆژی نەخۆشییە کۆمەڵایەتییەکان بۆ خەڵک و، گەندەڵیی بێسنوور و شەڕی دەسەڵات بە مەبەستی تاڵان‌کردنی زیاتری داهاتی وڵات لە ئاستی سەرەوەی دەسەڵات لە نێوخۆی وڵات و پەرەگرتنی ڕۆژبەرۆژ زیاتری شەڕی فیرقەیی، تیرۆر، برسیەتی، وێرانی و نفووزی ڕێژیم بە تایبەت لە ناوچەی خۆرهەڵاتی نێوەڕاست دایە. بۆیە دەڵێین بە بوونی ڕێژیمی کۆماری ئیسلامی لە دەسەڵاتدا، خۆرهەڵاتی نێوەڕاست ڕووی ئاشتی و سەقامگیری بە خۆیەوە نابینێ.

دابینبوونی ماف بۆ خەڵکی ئێران لە لایەن ڕێژیمێک بەو تایبەتمەندییانەی کە باسمان لێوە کرد چاوەڕوانییەکی نەگونجاوە، بە تایبەت بۆ ئێمەی کورد کە لە سەرەتاوە کۆماری ئیسلامی، وەک نەیار، دژی شۆڕش، بەکرێگیراوی دوژمنانی ئێران و تەنانەت وەکوو کافر سەیری کردووین و حوکمی جیهادی بەسەردا سەپاندووین.

بۆیە بە تێڕوانینی ئێمە و ئەزموونی ٣٧ ساڵ خەباتمان لەگەڵ ئەو ڕێژیمە، بە دەستهێنانی ماف و داخوازییەکان لە دوو ڕێگاوە وەدی دێ:
یەکەم : ڕووخان و نەمانی ئەو رێژیمە و دامەزراندنی دەسەڵاتێکی دێموکراتیک بە بەشداری هەموو نەتەوەکانی ئێران.

دووهەم: هەموو ئازادیخوازانی ئێران بە تایبەت نەتەوە ماف پێشێلکراوەکان لە بەرهەڵستکارییەکی بەرفراواندا هێز و توانای خۆیان بخەنە سەریەک و دەسەڵاتداری ئەو ڕێژیمە لە مەترسییەکی جیددی بخەن، ئێمە دوو ئەزموونمان لە داماوی و بە چۆکداهاتنی ڕێژیم هەیە کاتێک بەرەورووی مەترسی ڕووخانی حکوومەتەکەی دەبێتەوە، ئەو دوو ئەزموونەش بریتین لە:
١ـ شەڕی ئێران وعێراق
دوای هەشت ساڵ شەڕی ئێران و عێراق بە دوای خەسارێکی گیانی و ماڵیی زۆر کاتێک مەترسی ڕووخانی ڕێژیمەکەی هاتە ئاراوە خومەینی بڕیارنامەی ٥٩٨ی ئەنجوومەنی ئاسایشی ڕێکخراوی نەتەوەیەکگرتووەکانی پەسند کرد و بە وتەی خۆی پیاڵەی ژەهری خواردەوە.
٢ـ لە پێوەندی لەگەڵ پیتاندنی یورانیۆم (بە مەبەستی دەست ڕاگەیشتن بە چەکی ئەتۆمی)

کاتێک گەمارۆکانی ڕێکخراوی نەتەوە یەکگرتووەکان و دنیا تا ئەو ئاستە کاریگەری خۆیان لە سەر ئێران نیشاندا کە وەلی فەقیهـ مەترسی ڕووخانی ڕێژیمی لێ نیشت، ئامادە بوو مل بۆ مەرجەکانی کۆمەڵگای نێودەوڵەتی ڕابکێشێ و رێکەوتننامەی ناسراو بە "برجام" ئیمزا بکا.

بێجگە لەو دوو ڕێگایە ڕێگای سێهەمێک بۆ گەیشتن بە مافەکان نییە، ئەوانەش کە دڵیان بەوە خۆشە کە لە ڕێگای خەباتی مەدەنی و شکایەت بردن بۆ ڕێکخراوی نەتەوە یەکگرتووکان سەبارەت بە ژێر پێ‌خستنی مافەکانی مرۆڤ لە لایەن ڕێژیمەوە، کۆماری ئیسلامی لە سیاسەتەکانی خۆی پاشەکشە دەکا، چاوەڕوانییەکی بێ ئاکام و بێ جێیە، بێ ئاکامە چوونکە ڕێژیم هیچ مەودایەکی بۆ ئەو شێوە خەباتە نەهێشتووەتەوە، بۆیە ڕۆژ بە دوای ڕۆژ ئاستی ئەو پێشێلکارییانە بەرزتر دەبێتەوە و فەزای ئەمنییەتی توند و تیژتر دەبێ، بێ جێیە لە بەر ئەوەی لە بنەڕەتدا ڕێژیم باوەڕی بە مافی مرۆڤ بەو پێناسەی لە دنیای پێشکەتوودا ناسراوە و ئەنجوومەنی ئاسایشی ڕێکخراوی نەتەوە یەکگرتووەکان دانی پێدا ناوە، نییە، تا تۆ داوای جێبەجێ کردنی لێ بکەی.

ئەو لێکدانەوەیە و داخوازی خەڵکی کورد لە کوردستانی خۆرهەڵات لە حیزبی دێموکرات بۆ دەست پێکردنەوەی خەباتێکی جیددیتر، ڕێبەرایەتی حیزبی هێنایە سەر ئەو باوەڕە کە پێویستە حزووری پێشمەرگە لە نێو خەڵکدا پڕ ڕەنگتر بێ، بۆ ئەوەی ئەوان لە دەڕبڕینی ناڕەزایەتییان دژی ڕێژیم و بەشدارییان لە خەبات شان بە شانی پێشمەرگە ئامادە بن و لەو ڕاستایەدا پێشمەرگە ورەبەخشی خەباتی شار بێ، بەم شێوەیە هەنگاو بە هەنگاو شار جڵەوی خەبات بە دەستەوە بگرێ و پێشمەرگە و حیزب وەک ڕێکخەر و پشتیوانی خەباتی شار دەور بگێڕن، و بەم شێوەیە خەباتی شاخ(پێشمەرگە) و شار لێک گرێ بدرێن.

لەلایەکی دیکەوە ئەو پەیامە بە دنیا بگەیەنین کە ڕێژیمی کۆماری ئیسلامی ئەو دووڕگە ئەمنە نییە کە بۆخۆی بانگەشەی بۆ دەکا بۆ ئەوەی کۆمپانیا زەبەلاحەکانی دنیا بێن لەوێدا سەرمایەکانی خۆیان بخەنە گەڕ، هەروەها ئەو بانگەشەیەی ڕێژیم پوچەڵ بکەینەوە کە ساڵانێکی زۆرە ڕادەگەیەنن کە حیزبە ئۆپوزیسیۆنەکانی کوردی ئێران نەماون و خەڵک هیچ ڕێگایەکی نییە بێجگە لەوەی مل بۆ زەبروزەنگی ڕێژیم ڕابکێشێ و پەیڕەوی لە یاسا دواکەوتووانە و دژی گەلییەکانی بکا و، بەم شێوە تۆوی بێ هیوایی لە دڵی خەلکدا بچێنێ.

درێژەی ئەم پڕۆسەیە هێز و هیوایەکی نوێ بە ئازادیخوازان و چالاکانی سیاسی بە تایبەت چالاکانی بواری مافی نەتەوەکان دەبەخشێ و هانیان دەدا بۆ بەشداری ڕاستەوخۆتر لە خەبات و بەم چەشنە ڕۆژ بە ڕۆژ بەرەی خەباتی دژی ڕێژیم بەهێزتر دەبێ.

خەباتی نوێ حیزبی دێموکرات بەم مەبەستە دەستی پێکردوتەوە و لەگەڵ پشتیوانیی بەرینی کۆمەڵانی خەڵکی کورد بەتایبەت لاوەکان بەرەوڕوو بووتەوە و نیگەرانی و ترسی زۆری بۆ ڕێژیم پێکهێناوە، بۆیە کاربەدەستانی ڕێژیم لە سپای پاسداران و سیاسییەکانیان لە سەر ئەو مەسەلەیە لێدوانیان داوە و لە مەجلیس، لە نوێژی هەینی باسیان لە سەر کردووە و ڕۆژنامە و ڕاگەیاندنەکانی دیکەیان بە بەربڵاوی لێکدانەوەیان بۆ کردووە و لە سەرجەمی ئەو دژ کردنەوەیاندا (وەک چاوەڕوان دەکرا)، دەست پێکردنەوەی ئەو خەباتەیان بەستراوە بە ئامریکا، ئیسرائیل، عەرەبستانی سعوودی و... لە قەڵەم داوە. هەرچەند بێ بنەمابوونی ئەو ئیتیهامانە لە ڕێژیمی کۆماری ئیسلامیدا بۆ زۆربەی خەڵک سەلمێنراوە، بەو حاڵەش هێندێک لە هاونیشتمانانی ئێرانی لەژێر شوێندانەریی ڕاگەیەنەگشتییەکانی ڕێژیم نیگەرانن لە ئاکامی ئەم خەباتە، بۆیە ئێمە لێرەدا بۆ جارێکی دیکە ڕادەگەیەنین کە دەست پێکردنەوەی ئەم خەباتە تەنیا لە سەر لێکدانەوەی ڕێبەرایەتی حیزبی دێموکرات و ویستی خەڵکی کوردستان ڕووی داوە و دەتوانێ پشتیوانێک بێ بۆ خەباتی هەموو ئازادیخوازانی ئێران دژی دیکتاتوری، بۆیە چاوەڕوانیمان ئەوەیە لە ڕەوتی بەربەرەکانێ هێزی دێموکراسی و ئازادیخوازی دژی ڕێژیمی سەرەڕۆی کۆماری ئیسلامی بەتەنیامان نەهێڵنەوە و یارمەتیدەرمان بن، تا هەموومان بە خەباتی یەکگرتوو بتوانین مافە پێشێلکراوەکانمان بەدەست بێنینەوە، یان شوورەیی ئەو ڕێژیمە لەسەر خەڵکی ئێران لابەرین و حکوومەتێکی دێموکرات کە نوێنەرایەتی ڕاستەقینەی خەڵک بکا، پێک بێنین.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧١٨ لەم ژمارەیەدا:

ــ خەباتی ڕۆژهەڵات بەردەوامە
ــ ڕاسان و پێشمەرگە
ــ ژن و سیاسـەت
ــ گوڵوەنی، هێمای خۆڕاگریی نەتەوەیەکه
  • زستان لە کولتووری کوردەواریدا زستان لە کولتووری کوردەواریدا
    ئەو ڕۆژهەڵاتناس و نووسەرە گەڕیدانەی کە لەبارەی مێژوو، جوگرافیا و فەرهەنگی کورد و کوردستان نووسیویانە، هەموویان لە سەفەرنامەکانی خۆیاندا جەختیان لەسەر زستانی سەخت و تەڕ و تووشیی ناوچە جیاجیاکانی کوردستان کردووە. هەرچەند ئێستا لەژێر کاریگەریی گۆڕانی کەشوهەوای جیهانیدا و بە گەرمدا هاتنی کۆی گۆی زەوی، کەشی کوردستانیش، گۆڕانی بەسەردا هاتووە.
  • عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌ عەبدوڵا حیجاب: هه‌نگاو و سیاسه‌ته‌كانی ڕووحانی هیچ جیاوازییه‌كی له‌گه‌ڵ كرده‌وه‌كانی باقی كاربه‌ده‌سته‌ هه‌ره‌ توندڕه‌وه‌كانی ڕێژیم نه‌بووه‌
    پشتیوانی لە ڕاپەرینی گەلانی ئێران لە دژی ڕێژیمی ئیسلامی ئەو وڵاتە و هەروەها مەسەلەی "بەرجام" دوو تەوەری سەرەکیی یەکەم وتاری ساڵانەی سەرکۆماری ئامریکا بوون, کە بەرچاوترین جیاوازی لە سیاسەتی دەرەکیی ئەو وڵاتە بە نیسبەت ئیدارەی پێشووتری ئامریکا بەهەژمار دێن؛ بۆ شرۆڤەی زیاتری ئەو وتار و سیاسەتە کە هاوکاتە لەگەڵ بەردەوامیی ناڕەزایەتییەکان لە نێوخۆی ئێراندا، سەرنجتان بۆ ئەم وتووێژەی کوردستان لەگەڵ بەڕێز عەبدوڵا حیجاب، چالاکی سیاسی ڕادەکێشین.
  • خۆپیشاندانەکان چیمان لێدەخوازن؟ خۆپیشاندانەکان چیمان لێدەخوازن؟
    ئەوەتا دیسان دروشمگەلی وەک مردن بۆ دیکتاتۆر، نەمان بۆ خامنەیی، رێفۆرمخوازان ـ بناژۆخوازان ئیتر بەسە لەگەڵتان سازان( اصلاح طلب، اصولگرا، دیگر تمام است ماجرا) سەری هەڵداوەتەوە. رەنگە سەرکوت و گرتن و لێدان و کوشتن رەوتەکە هەندێ جار کز بکا، بەڵام وەستانی بۆ نییە. ئەگەر شەپکە هێندە بۆ رێژیمی ئاخوندی توندە، ئێمەی کورد دەبێ چی بکەین؟
  • تارماییەکان لەنێو سۆشیال‌میدیادا تارماییەکان لەنێو سۆشیال‌میدیادا
    سۆشیال میدیا چ وەک دیاردە و چ وەک دەرفەت زۆر بەستێنی بۆ کۆمەڵگای رۆژهەڵاتی‌نێوەراست خوڵقاندووە.
  • گوڵوەنی، هێمای خۆڕاگری نەتەوەیەکه گوڵوەنی، هێمای خۆڕاگری نەتەوەیەکه
    فەرهەنگ هەموو بەها، رەوت و نموونە ڕەفتارییەکانی نێو کۆمەڵگەیەک لەخۆ دەگرێت و وڵات و نەتەوەکان لە یەک جیا دەکات، ئەگەرنا هەموو کۆمەڵگەکانی ئەم جیهانە دەبوو وەکوو یەک بن.
  • ئەدەب لە سیاسەتی بەرپرسانی ڕێژیمدا ئەدەب لە سیاسەتی بەرپرسانی ڕێژیمدا
    "ئەدەب"، وشەیەکە کە بیسەر یان خوێنەر بە بیستنی چ بە شێوەی "شهودی" و چ بە جۆری "منطقی" کۆمەڵێک نۆرمی پڕ بەهای دەکەوێتە مێشک کە هەر مرۆڤێک بە بوونی ئەو بەهایە، کەسایەتییەکی قورس و جێگەی متمانە پەیدا دەکات و لە لای خەڵکی دیکە وەک مرۆڤێکی باش سەیری دەکرێت و حورمەتی لێدەگیرێت؛ ئەدەب بەنرخترین سەرمایە و میراتی ژیانی مرۆڤایەتییە کە مرۆڤ لەگەڵ ژیانی خۆیدا بە کۆڵی دەکێشێت.
  • ژن و سیاسەت ژن و سیاسەت
    دەرکەی سیاسەت لە ڕێگەی بنەماڵە، قوتابخانە، ڕۆژنامەکان، تەلەفزیۆن و هەروەها ململانێیە سیاسییەکانەوە بە ڕووی تاکدا دەکرێتەوە و تاک لە سەر ڕۆڵی دەوڵەت و دەزگا و دامەزراوەکانی سەر بە دەسەڵات هەرچی زۆرتر ئاگایی پەیدا دەکات. هێنانەکایەی سیستمێکی دێمۆکراتیک لەو وڵاتانەدا کە حکوومەتێکی نادێمۆکرات و سەرکوتکەریان ئەزموون کردووە، ئەنجامەکەی تەنیا بە شکست خواردن و سەرکوت کردن گەیشتووە؛ لەم جۆرە وڵاتانەدا بنەماڵەکان بەردەوام ئەوە بە گوێی منداڵەکانیاندا دەچرپێنن کە کاریان بە سیاسەتەوە نەبێت و بەشداریی تێدا نەکەن، نموونەی بەرچاوی ئەم وڵاتانە و ئەم کۆمەڵگەیانە، کۆمەڵگەی کوردەوارییە.
  • تویتێک کە ترامپ هیچکات ناتوانێ بینێرێت تویتێک کە ترامپ هیچکات ناتوانێ بینێرێت
    لە ٨ی ژانویەدا، "تهران تایمز" راپۆرتی دا، کە بەپێی راپۆرتی بەرپرسی بەشی بەڕێوەبەریی ویشکەساڵی و قەیرانەکان لە دامەزراوەی کەشوهەواناسی ئێراندا، "نزیک بە ٩٦ لە سەدی سەرانسەری ناوچەکانی ئێران بەدەست ئاستی جیاوازی ویشکەساڵی درێژەکێشراوەوە دەناڵێنن".
  • خەباتی ڕۆژهەڵات بەردەوامە خەباتی ڕۆژهەڵات بەردەوامە
    خومەینی لە فتواکەیدا بڕیاری بە هەموو هێزە چەکدارەکانی دا، کە تا کۆتایی هاتنی کێشەی کورد لە کوردستان نەکشێنەوە؛ دوابەدوای ئەم بڕیارە ئایینییە بۆ ڕشتنی خوێنی کورد، کارەساتبارترین قۆناغی شۆڕش لە کوردستان دەستی پێکرد و خەڵک لە شار و گوندی کوردستان کەوتنە بەرپەلاماری هێزە دژی گەلییەکانی ڕێژیم. بە هاتنە ئارای ئەم دۆخەش، گەلی کورد بە ڕێبەرایەتی حیزبی دێموکراتی کوردستانی ئێران ناچار بوو بۆ پاراستنی کەرامەت و شەرافەتی نەتەوەکەی و پارێزگاری کردن لە نیشتمانی ئەهورایی کوردان، دەس بۆ چەک ببات و فازی خەباتی چەکداری دەستی پێکرد.
  • ڕاسان و پێشمەرگە ڕاسان و پێشمەرگە
    لە وەڵامی ئەو داوا و چاوەڕوانیەدایە کە پێگەی دروستی پێشمەرگە لە راساندا دەدۆزرێتەوە: ئامادەبوونی پێشمەرگە لە نێو دڵی خەڵک بۆ ورەدان بە خەبات و پاراستنی خەڵک لە ئاگری ڕێژیم؛ ئەمە ئەرکی نوێی پێشمەرگەی سەردەمی راسانە.
  • فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە! فەرەیدوون ئەرشەدی: شێعر و هونەری کوردی له ڕۆژهەڵات، بە هەر ڕێباز و شێوە و دەربڕینێکەوە کە بێتە بەرهەم، هونەر و شێعر و ئەدبیاتی مقاومەت و بەرگرییە!
    هەر تەوژم و تەکانێکی ئەدەبیی، هونەری و هزریی،کاردانەوەیەکی عەقڵانی، ئەخلاقی و جوانیناسانەیە بەرانبەر بە تەکان و تەوژمی کۆمەڵگە، یان لانیکەم ئەو تەوژمە نادیار و شاراوە کە لە ژێر پێستی هەست و نەستی کۆمەڵگە، یا بەشێکی زۆر حەساس و کارای دا، دەژیت و درز دەخاتە پێستی قەتماغەبەستووی ژیانی رۆژانە.
  • مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە مستەفا هیجری: خۆپیشاندانەکانی ئێران، ئاکامی بێزاری و ناڕەزایەتیی خەڵک لە ٤٠ ساڵ دەسەڵاتداریی ئەو ڕێژیمەیە
    دەقی وتووێژی رۆژنامەڤان (ئەکرەم ئاڵتوون) لەگەڵ مستەفا هیجری، سکرتێری گشتیی حیزبی دێموکرات بۆ ئاژانسی "سپوتنیک کوردستان"
  • شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە شەڕی هەمەلایەنەی رێژیم بە دژی ئێمە، پێویستی بە بەرپەرچدانەوەیەکی هەمەلایەنە هەیە
    لەو ساڵانەی دواییدا رێژیم هەم لەکوردستان و هەم لە دەرەوەی وڵات لە رێگەی چالاکییە سیخورییەکانییەوە خەریکی کۆکردنەوەی زانیاری بووە لە سەر ئوپۆزسیۆن بە گشتی و لە سەر حیزبی دێموکرات بە تایبەتی؛ یەکێک لە سەرەکیترین ئامانجەکانی رێژیم لەو چالاکییانە دەسنیشانکردنی کەسایەتییە چالاکەکانە بۆ ئەوەیکە بە پیلان هەوڵی تێکدانی باڵانسی ئەوان بدات لە بواری سایکۆلۆژییەوە تاکوو نەتوانن هاوسەنگی فیکریی خۆیان ڕابگرن و فوکووسی خۆیان بخەنە سەر بەربەرەکانی لەگەڵ رێژیم.
  • ئەرکەواز لە کوێیە و ئەرکەوازی کێن؟ ئەرکەواز لە کوێیە و ئەرکەوازی کێن؟
    ئەرکەواز لە باکوور و باکووری ڕۆژهەڵات و ڕۆژهەڵاتەوە پاڵی داوەتە داوێنی (پشتکێو)ەوە و لە باشوور و باشووری ڕۆژهەڵاتیشەوە دەبەسترێتەوە بە شاخی (بیورەواز) و لە باشوووری ڕۆژئاواشەوە پاڵی داوەتە شاخی (کەڵەک) کە بەرجەوەندی شار چەشنی دۆڵێکی بەرینی سەرسەوز بە بەرزی و نەوییەوە دەردەکەون و بینا و گەڕەک و کۆڵانەکانی لە نێوان دیمەنی سەرسەوز و داوێنی کێو و کەنار جۆگە و ئەو چەند کێوەدا بە جوانییەکی سەرنجڕاکێشەوە دەردەکەون.