• ڕۆژنامەی کوردستان
  • گۆڤاری ئاگری
  • گۆڤاری بیری خوێندکار
  • گۆڤاری لاوان
  • گۆڤاری ژنان
  • کەناڵی تەلەفزیۆنی تیشک
  • گۆڤاری نەرگز
٢١ی ئاوریلی ٢٠١٨ی زایینی - ٠١ی بانەمەڕی ١٣٩٧ی هەتاوی  

بەرجەستە کردنی روحیە و کەلتوری پێشمەرگە لە تاکی کورددا پێویستە

زایینی: ٢٣-١٢-٢٠١٦ - هەتاوی: ١٣٩٥/١٠/٠٣ - ١٠:٠٤ تاران قه‌باره‌ی فۆنت: قه‌باره‌ی نووسراوه‌ گه‌وره‌ بكه‌قه‌باره‌ی نووسراوه‌ بچووكتر بكه‌‌
بەرجەستە کردنی روحیە و کەلتوری پێشمەرگە لە تاکی کورددا پێویستە
ئەلبۆرز ڕووئین تەن

بۆچی ئێمە وەک نەتەوەیەکی بندەست کە بە دوای بەده‌ستهێنانی ماف و نرخە مرۆییه‌‌کانمانین، خەبات دەکەیەن.؟

خەباتگێڕانی ئێمە زیاتر لە هەموو تاکه‌كانی نەتەوەکەمان ئەرک دەکەوێتە سەر شانی و ئەویش لە ژێر باری قورسی ئەو بەرپرسیاریه‌تییه‌ قارەمانی دەنوێنێ و تەنانەت بگرە گرانبایترین مایه‌ی واتە ژیانی دەکاتە فیدای ئەو بەرپرسیاریه‌تییه‌. ئەو تاکە خەباتگێڕانه‌ لە سەردەمی کۆماری كوردستان و بە ئامادە بوونی پێشەوا ناوی پێشمەرگەیان لێنرا. پێشمەرگە بەو کەسە دەگوترێ کە بە هەڵگرتنی فەلسەفەی بەرده‌وامیی ژیان بە خزمەت کردن بۆ نەتەوە و نرخە مرۆییەکان گیانی دەکاتە قوربانی تا نەتەوەیەک ئازاد بژیت.

ئەو فەلسەفەیە وێڕای وێناکردنی وێنەی چەک و شاخ و سەختی، رۆحێکی پەپولەیی لە ناخی تاکی پێشمەرگە دروست دەکات، بە جورێک بۆتە بەشێک لە ژیانی نەتەوەکەمان وەک ئەوەی هەر کوردێک بیهەوێ پلەی شەرەف و بەرزی لە ژیاندا وەربگرێ، ئەبێ بە ڕێڕەوی ئەو فەلسەفەیەدا تێپەڕ ببێ.

زۆرن لەو ناودارانە و شارەزایانی کورد جا لە هەر بوارێک دا بێت بەو ڕێڕەوە دا تێپەڕ نەبوبێ و وێڕای شارەزایەکەی جا لە هەر بوارێک دا بێت، پلەی پێشمەرگایەتی و ژیان کردن وەک پێشمەرگە بۆ خۆی بۆ ئەوەی بگاتە ئەو پلەیە کە تاکی نمونەی گەل بێت بە پێویست بزانێت و جلی خاکی لەبەر بکات و جامانەی کوردی لەسەر و لە شاخێکی ئەم کوردستانەدا وەک پێشمەرگە بە بزەیەکی قارەمانانە بە پیل مەرگەوە بۆ بونیات نانی ژیان بڕوات. دەتوانین بە دەیان و سەدان شاعیرو نوسەرو ئاکادمیستی زانستی و وێژەیی ناو ببەین بۆ سەلماندنی ئەو وتەی سەرەوە.

کەواتە ناوی پێشمەرگە زیاتر لە ناوێک هەڵگری فەلسەفەیەکی قووڵی ژیانە. تێیدا تاکەکان مانای ژیان بە ڕەهەندە مەعنوی و عه‌قڵانییه‌كه‌ی فێر دەبن و ئەو نرخە بەرزەی مرۆڤایەتی واتە فیداکاری دەکەنە سەرمەشقی ژیانی ڕۆژانەی خۆیان.

هەر ئەو فیداكارییانه‌ بووه‌ته‌ هۆی دروستبوونی مێژوویەک کە تێیدا مرۆڤی باش و خراب مانا کراوە و هەوڵی پەرەپێدانی داوە تا ژیان جوان بێت. کاتێک نرخی فیداکاری وەکو نرخێکی بەرز وەردەگیرێ لە فەلسەفەی پێشمەرگە، دەبێ هەوڵ بدرێت بۆ پەرەپێدانی ئەو ڕوحیە و نرخە لەنێو هەموو تاکەکانی کۆمەڵگادا تاكوو کۆمەڵگایەکی فیداکارمان هەبێ و ژیانێکی ئازاد و بە کەرامەت بەرهەمبهێنرێت.

ئەوکات مانای پێشمەرگە بوون زیاتر لە جلی خاکی و هه‌ڵگرتنی چەک لەخۆ دەگرێت و بەڵکوو لە ژیانی هەمووماندا بە بەرجەستە کردنی ئەو ڕۆحیەتە ئەگەر بە فەرمیش پێشمەرگە نەبین بە کردوە پێشمەرگەین و دەبین بە هێزێکی دیكه‌ بۆ سەرخستنی شۆڕش و داخوازییه‌كانی گه‌ل.

پرسیار لێرەدایە چۆن ئەو ڕوحیەی پێشمه‌رگه‌ واتە فیداكاری لە هەموو تاکەکانی کۆمەڵگادا بەرجەستە بکەین بۆ ئەوەی هەر کەسەو چەند دەتوانێ خزمەتی ئامانجەکانی پێشمەرگە بکات تا زووتر و ئاسانتر سەرکەوین و بگەین بە ترۆپکی ئامانجەکان. بە پەرە پێدانی ڕوحیەی فیداکاری لە ناخی تاکدا بە پەروەردە كردن و کاری رێكخستن و ڕێکخراوەیی دەکرێ، چونکوو ئەگەر بتوانیین ئەو مانایە بۆ تاکەکان شی بکەینەوە ئەوکات ئەو تێگەیشتنە عەقلانییە له‌ هەر شوێنێک بین و هەر کارێک بکەین ئەوەی لە دەستان دێت جا مادی و مەعنەوەی یا هەر جۆرێکی دیكه‌ی ڕەوا بێ، دەكرێ خزمەتی پێشمەرگە و ئامانجەکانی بکەین. لێرەدا تاک ئەگەر پێشمەرگەیش نەبێ ئەوا ڕۆحیە و فەلسەفەی پێشمەرگایەتی لە خۆیدا بەرجەستە ده‌كاته‌وه‌. لە کۆمەڵگایەک کە تێیدا تاکەکان ڕوحیەی پێشمەرگایەتی تێیدا بەرجەستە کراوە بەدەستهێنانی ئازادی و هەر مافێكی دیكه‌ی ڕەوا هەبێ ئاسانترە، چونکوو تاکە فیداکارەکان کۆمەڵگایەکی فیداکاریان دروست کردوە.

هەر بۆیەش لە ڕۆژی پێشمەرگە و لە خزمەتی پێشمەرگەدا زیاتر لە پیرۆزبای و زانینی خەبات و قارەمانێتی پێشمەرگە دەبێ هەوڵ بدەین ئەو ڕوحیەتە لە خۆماندا بەرجەستە بکەین.

ناوەڕۆکی ئەم بابەتە را و تێبینیی نووسەرە و ماڵپەڕی کوردستان میدیا لێی بەرپرسیار نییە.
بالاترین چاپکردنی ئەم بابەتە

رۆژنامەی کوردستان
رۆژنامەی کوردستان ژ. ٧٢٣ لەم ژمارەیەدا:

ــ نان، ئازادی، کەرامەتی ئینسانی
ــ تارمایی لە چاویلکەی فاشیزمەوە
ــ کۆڵبەر یان کۆڵنەدەر
ــ د.سەربەست نەبی: دەریای سپی بە هەناسەی ڕووسیه دەژمێردرێت
  • ئەدەبیاتی کوردی و کۆماری جیهانیی ئەدەبیات ئەدەبیاتی کوردی و کۆماری جیهانیی ئەدەبیات
    مێژووی سەرهەڵدانی ئەدەبی جیهانی لەلایەن پاسکال کازانۆڤا لە کتێبی کۆماری جیهانیی ئەدەبیات(ز١٣٩٢) سێ رەوتی فۆرم، گەشەسەندن و رەوتی کێبڕکێی نێودەوڵەتی لەخۆ گرتووە و هەر رەوتێکی لەگەڵ گۆڕانکاریی بنەڕەتی لە سەرهەڵدان و پەرەسەندنی زمانە رەسەنەکانی ئەورووپا لێکداوەتەوە و مانای کردۆتەوە.
  • د.سەربەست نەبی: دەریای سپی بە هەناسەی ڕووسیه دەژمێردرێت د.سەربەست نەبی: دەریای سپی بە هەناسەی ڕووسیه دەژمێردرێت
    مەسەلەی عەفرین جودایە لەگەڵ ئەو مەسەلەیە؛ ئەجێندای سیاسیی گەورە لە پشت ئەو هێرشە هەبوو، بۆیە ئەورووپا ئامادە بوو هێرش بکات، بەڵام بۆ عەفرین نا.
  • کۆڵبەر یان کۆڵنەدەر کۆڵبەر یان کۆڵنەدەر
    ئەوەیکە لە گۆشە و کەناری وڵاتدا هێندێک خەمخۆری لەلایەن خەڵک یان خەڵکانێکدا دەبیندرێ یان هێندێک پێشکەوتن لە چەند بواری جیاجیادا دێتە ئاراوە، ئەوە هیممەت و بەرخۆدانی خەڵکە لە بەرامبەر کۆنەپەرەستی رێژیم و بە هیچ شێوەیەک پەیوەندی بە رێژیمەوە نییە .
  • \ "هوزمانەوەن" نمونەی بەرچاوی له نێوبردنی سروشتی کوردستان
    کاتێک ئێمه دەڵێین حکوومەته داگیرکەرەکانی کوردستان به بەرنامەیەکی داڕێژراو، سەرەکیترین سەرچاوەی ژیانی نەتەوەی کوردیان کردووەتە ئامانجی هێرشەکەیان، تەنیا له ڕووی هەستی خۆشەویستی خاک و کوردبوونەوە نییه، بەڵکوو لەم ڕاستایه‌دا بەڵگه ئەوەنده زۆره که تەنیا لێکوڵینەوەیەکی کورت دەتوانێ زۆر شت ڕوون بکاتەوە، بەڵام بەداخەوه لەم بوارەشدا ئێمەی کورد کەمکارییەکی ئێجگار زۆرمان کردووه.
  • دوژمنانی ئازادی چ ڕەوتە فیکرییەکیان بەدڵە دوژمنانی ئازادی چ ڕەوتە فیکرییەکیان بەدڵە
    ئەگەر ئاوڕێک لە مێژووی فەلسەفە و زۆربەی زانستە فیکرییەکان بدرێتەوە، هێندێ خاڵ بەرچاو دەکەوێت، کە وڵامی زۆربەی قەیرانە هزرییەکان دەدرێتەوە. ئەگەر لە بابەتێکدا دوو لایەن و هێڵی فیکری جیاواز دەکەونە ململانێیەوە، ئاکامەکەی یان دەبێتە هۆی بەزینی یەکیان، یان دەبێتە هۆی سەرهەڵدانی فکرێکی سێهەم کە ڕەنگە دڵخوازی هیچ لایەکیان نەبێت، بەڵام کۆتاییهێنەری ململانێیەکانە.
  • تارمایی لە چاویلکەی فاشیزمەوە تارمایی لە چاویلکەی فاشیزمەوە
    بنەماییترین تایبەتمەندییەکانی فاشیزم بریتییە لە پیرۆزمەندیی پەتی و سەرۆکێکی بێ هەڵە. لەلای فاشیستەکان ئەوەی هەمیشە وەک داردەست ئاپۆرەی پێ کۆنترۆڵ دەکرێ، تارماییەکی تۆقێنەرە کە بەپێی هەڵکەوتەیەکی تایبەت ئەم تارماییە لە شێوازی دوژمن، لایەن یان ئەگەرێک خۆی دەردەخات.
  • نان، ئازادی، کەرامەتی ئینسانی نان، ئازادی، کەرامەتی ئینسانی
    مرۆڤێك كه له هەژاریدا ڕاگیراوه، مرۆڤێك كه نكۆڵی له ناسنامه ئێتنیكی، ئایینی یان نەتەوەییەكەی دەكرێ یان دەكەوێته بەر تەوژمی سیاسەتی تواندنەوه و سووكایەتی پێكردن یان لەژێر ستەمی جنسیدا دەژی، مرۆڤێكه كه كەرامەتی لێ زەوت كراوه.
  • شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن شەریف هەژاری: کورد خۆی دەرفەتەکان وەک پێویست ناقۆزێتەوە. بەشێک لە ھێزەکوردییەکان بوونەتە داردەستی ئێران و بە بێ ھیچ شەرمێک، فەرمانەکانی جێبەجێ ئەکەن
    گۆڕانکارییەکانی ناو کابینەی ترامپ و کاریگەرییان لە سەر سیاسەت و رووداوەکانی ناوچە، تەوەری گفتوگۆی ئەم ژمارەیەی رۆژنامەی کوردستانە لەگەڵ شەریف هەژاری، مامۆستای مێژوو لە زانکۆی سلێمانی، کە سەرنجتانی بۆ ڕادەکێشین:
  • پاژنەی ئاشیلی ڕێژیمی ئێران پاژنەی ئاشیلی ڕێژیمی ئێران
    لە دوو بابەتی پێشوودا، "شەڕی ئێران و ئیسرائیل"و بەشی یەکەمی "پاژنەی ئاشیلی ڕێژیمی ئێران"، هێڵی بەهێزی ڕێژیمی تاران (دەرەوەی سنوورەکان و کەڵک وەرگرتن لە ملیشیا و لایەنگرە شێعەکانی لە وڵاتانی ناوچە) و خاڵی لاوازی ئەو ڕێژیمە (خەڵکی ناڕازی و وەزاڵەهاتووی نێو شارەکانی ئێران) خرایە بەر باس و لێک درایەوە.
  • بێستوون، شوێنی خودای خوداکان بێستوون، شوێنی خودای خوداکان
    شاری بێستوون، یەکێک له شارەکانی کرماشانه که له باکووری رۆژهەڵاتی ئەو گەورەشاره جێگای خۆش کردووه و له سەر رێگای کرماشان - هەمەدان که سەردەمانێک پێتەختی ئیمپراتوری کوردان بوو، هەڵکەوتووه.
  • مانیفێستی ڕزگاری مانیفێستی ڕزگاری
    هەتا لاپەڕەکانی مێژووی کورد زیاتر هەڵدەدەینەوە، تابلۆی تراژێدیای کورد زیاتر دەردەکەوێت. لە پەنای ئەم تابلۆیە سەربوردەی قارەمانیەتی، فیداکاری، کاریگەری بلیمەت و ڕێبەرەکانمان لەسەر زیندوو مانەوەی کورد وەکوو نەتەوە زۆر ڕوونە. لە لایەک پرسیاری بۆچی تا ئێستا سەرنەکەوتووین دەبێتە خۆرەی مێشک، لە لایەک جێ داخە بۆچی ئەم ڕێبەرە زانا و لێهاتووانە بە ڕادەی پێویست لە لایەن تاکی کورد بەرجەستە نەکراون.
  • پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان پەیامی کۆمیسیۆنی کۆمەڵایەتی حیزبی دێموکرات بەبۆنەی ٧١ەمین ساڵیادی لەسێدارەدرانی پێشەوا قازی محەممەد و ڕۆژی شەهیدانی کوردستان
    ئەوان کۆتاییان بە کۆمار هێنا، بەڵام نەیانزانی ئامانجەکانی کۆمار و گیانفیدایی ڕێبەرەکانی، چ بەهایەکی مەزنن و چۆن بۆ نەوەکانی داهاتوو دەگوازرێنەوە، دوای حەفتاو یەک ساڵ لەو ڕووداوە، داستانی مەرگی سەربەرزانەی پێشەوا، هێشتا خاوەنی بەهێزترین وانەی خۆنەویستی، خەڵکویستی، ئازادیخوازی و سەرفرازییە و ئەوینێکی بەهێزیشە بۆ بە چۆکداهێنانی هەموو مەترسی و ناخۆشییەکان.
  • سووکایەتی، ئامرازی تواندنەوە سووکایەتی، ئامرازی تواندنەوە
    لە وڵاتێکدا کە چەند کەلتوور و نەتەوە و ئایینی جیاواز دەژین، حکوومەتی دەسەڵاتدار لەگەڵ هەڕەشە و دەرفەتی جۆربەجۆر بەرەوڕوویە؛ لەو جۆرە وڵاتانەدا، بەهۆی چەندنەتەوەیی و چەندکولتووری و پێکهاتەی ئاڵۆزی کۆمەڵگاوە، ژیانی کۆمەڵایەتی - سیاسی و هەروەها ئیدارەکردنی حکوومەت و دابەشکردنی دەسەڵات و سامان و ئیمتیازەکان لە نێو خەڵکدا ئەرکێکی ئاڵۆز و پڕمەترسییە، کە هەرجۆرە هەنگاو و کردارێک کە نیشان لە هەڵاواردن و بێبەشکردنی کەس و کەسانێک و پێکهاتەیەک بدا، دەبێتە هۆکارێک بۆ رووخانی ئێعتمادی خەڵک بەرامبەر بە دەسەڵاتدار و حکوومەت.
  • پانۆڕامای ساڵ پانۆڕامای ساڵ
    خوێنەرانی خۆشەویست، ڕۆژنامەی کوردستان وەک نەریتی ساڵانە لە دوایین ژمارەی ساڵدا پوختەیەک لە ڕووداو و هەواڵە گرینگە حیزبییەکانی ساڵ دەخاتە بەر دیدی ئێوەی ئازیز؛ لێرەدا بەشێک لەم هەواڵ و ڕووداوانە دەخەینە بەر چاوی ئێوەی هێژا: